1.   Chun críocha an Rialacháin seo, tá feidhm ag na sainmhínithe seo a leanas:

2.   Glacfaidh an Coimisiún gníomhartha cur chun feidhme maidir leis na rialacha mionsonraithe i ndáil le saintréithe teicniúla modhnóirí fuaime, arm tine leathchríochnaithe agus comhpháirteanna bunriachtanacha leathchríochnaithe, de réir bhrí mhír 1, pointí (3), (5) agus (6), den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(3).

1.   Maidir leis na hearraí liostaithe, ní dhéanfar an méid a leanas:

2.   Maidir le húdaruithe aonair le haghaidh nósanna imeachta simplithe atá fós bailí de bhun Airteagal 345(4) de Rialachán Cur Chun Feidhme (AE) 2015/2447 ón gCoimisiún (33), ní bheidh feidhm ag mír 1, pointí (a) ná (b), den Airteagal seo maidir le hearraí liostaithe.

1.   Déanfaidh na hallmhaireoirí an méid seo a leanas:

2.   Leis na hoibleagáidí faoi mhír 1 den Airteagal seo, ní dhéanfar difear d’aon oibleagáidí atá ar allmhaireoirí faoi Threoir (AE) 2021/555 nó faoi na gníomhartha dlí atá bunaithe ar an Treoir sin.

1.   Ní dhéanfar airm thine nach bhfuil marcáil orthu i gcomhréir le hAirteagal 8(1), pointe (a), de Phrótacal Arm Tine na Náisiún Aontaithe, a thagann isteach ar chríoch chustaim an Aontais, a allmhairiú ná a athonnmhairiú.

2.   Ní fhéadfar na hearraí liostaithe a dhearbhú lena scaoileadh i saorchúrsaíocht ach amháin má chomhlíonann siad ceanglais mharcála Airteagal 4 de Threoir (AE) 2021/555 agus Airteagal 8(1), pointe (b), de Phrótacal Arm Tine na Náisiún Aontaithe, cé is moite d’earraí den sórt sin arna n-allmhairiú ag déileálaithe, a bhfuil cead acu na ceanglais sin a chomhlíonadh gan mhoill tar éis a scaoilte i saorchúrsaíocht.

3.   Ní bheidh feidhm ag míreanna 1 agus 2 den Airteagal seo maidir le hearraí liostaithe a bhfuil tábhacht stairiúil faoi leith ag baint leo, i gcomhréir le hAirteagal 4(2), an dara fomhír, de Threoir (AE) 2021/555.

1.   Ní dhéanfar gléasanna a dhearbhaítear mar airm thine dhíghníomhachtaithe a dhearbhú lena scaoileadh i saorchúrsaíocht nó le haghaidh cead isteach sealadach i gcomhréir le hAirteagal 10 den Rialachán seo ach amháin má tá an deimhniú ábhartha díghníomhachtúcháin ag gabháil leo agus má tá siad marcáilte, i gcomhréir le hAirteagal 15 de Threoir (AE) 2021/555.

2.   Soláthróidh an t-allmhaireoir cóip den deimhniú díghníomhachtúcháin don údarás inniúil tríd an gcóras ceadúnúcháin leictreonach.

1.   Ní dheonóidh an t-údarás inniúil údarú allmhairiúcháin le haghaidh airm rabhaidh agus chomhartha ach amháin má chomhlíonann an gléas na sonraíochtaí teicniúla dá dtagraítear in Airteagal 14(2) de Threoir (AE) 2021/555 nó más cineál é a liostaítear mar arm aláraim agus comhartha neamh-intiontaithe sa ghníomh cur chun feidhme dá dtagraítear i mír 2 den Airteagal seo.

2.   Bunóidh an Coimisiún, trí bhíthin gníomh cur chun feidhme, liosta oscailte de chineálacha arm rabhaidh agus comhartha neamh-intiontaithe dá dtagraítear i mír 1 den Airteagal seo agus liosta oscailte de na gléasanna a dhearbhaítear mar airm rabhaidh agus chomhartha ach arb eol iad a bheith intiontaithe. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(3).

1.   D’ainneoin Airteagail 11 agus 12, beidh gá le húdarú allmhairiúcháin chun earraí nach earraí de chuid an Aontais iad a liostaítear in Iarscríbhinn I a theacht isteach ar chríoch chustaim an Aontais. Is é údarás inniúil an Bhallstáit cinn scríbe deiridh a dheonóidh an t-údarú allmhairiúcháin.

2.   Beidh an fhaisnéis a liostaítear in Iarscríbhinn II san údarú allmhairiúcháin, agus eiseofar tríd an gcóras ceadúnúcháin leictreonach é i gceann de na cineálacha seo a leanas:

3.   Aon duine nádúrtha nó dlítheanach dá gceadaítear, de bhun Threoir (AE) 2021/555, earraí liostaithe a mhonarú, a fháil, a shealbhú nó a thrádáil, cé is moite d’airm thine leathchríochnaithe agus comhpháirteanna bunriachtanacha leathchríochnaithe, beidh duine den sórt sin i dteideal iarratas a dhéanamh ar údarú allmhairiúcháin.

4.   Is déileálaithe agus bróicéirí amháin a bheidh i dteideal iarratas a dhéanamh ar údarú allmhairiúcháin le haghaidh airm thine leathchríochnaithe agus comhpháirteanna bunriachtanacha leathchríochnaithe.

5.   Mura bhfuil duine nádúrtha nó dlítheanach i dteideal iarratas a dhéanamh ar údarú allmhairiúcháin faoi mhíreanna 3 nó 4, ní ghlacfaidh an t-údarás inniúil le hiarratas ón duine sin.

1.   Déanfaidh an t-údarás inniúil iarratais ar údaruithe allmhairiúcháin a phróiseáil laistigh de thréimhse nach faide ná 90 lá oibre ón dáta a bhfuil an fhaisnéis riachtanach go léir soláthartha don údarás inniúil. Ar chúiseanna a bhfuil údar cuí leo, agus i gcás aon iarratas a bhaineann le hearraí liostaithe de Chatagóir A, féadfar an tréimhse sin a fhadú go 110 lá oibre.

2.   Diúltóidh an t-údarás inniúil údarú allmhairiúcháin a thabhairt más fíor an méid seo a leanas:

3.   Agus cinneadh á dhéanamh an dtabharfar nó nach dtabharfar údarú allmhairiúcháin, cuirfidh an t-údarás inniúil na breithnithe ábhartha ar fad san áireamh, lena n-áirítear na breithnithe sin maidir leis an mbeartas náisiúnta eachtrach agus slándála. Beidh feidhm mutatis mutandis ag Airteagal 24.

4.   Chun críocha mhír 2 den Airteagal seo, gheobhaidh na Ballstáit an fhaisnéis faoi chiontuithe coiriúla a rinne an t-iarratasóir roimhe sin i mBallstáit eile tríd an gcóras a bunaíodh le Cinneadh Réime 2009/315/CGB.

5.   Chun críocha mhír 2, pointe (c), seiceálfaidh na Ballstáit nach bhfuil an t-arm tine atá i gceist liostaithe i gCóras Faisnéise Schengen.

6.   Déanfaidh an t-údarás inniúil údarú allmhairiúcháin a neamhniú, a chur ar fionraí, a mhodhnú nó a chúlghairm mura gcomhlíontar na coinníollacha chun é a dheonú nó mura bhfuil siad á gcomhlíonadh a thuilleadh. I gcás ina ndéanann an t-údarás inniúil na cinntí sin, cuirfidh sé an fhaisnéis sin ar fáil gan mhoill do na húdaráis chustaim tríd an gcóras ceadúnúcháin leictreonach.

7.   I gcás inar dhiúltaigh an t-údarás inniúil údarú allmhairiúcháin a dheonú, déanfar a chinneadh críochnaitheach agus an réasúnú a bhí leis a chlárú sa chóras ceadúnúcháin leictreonach.

8.   Déanfaidh an t-údarás inniúil faireachán ar cé acu a chomhlíontar nó nach gcomhlíontar na coinníollacha maidir le húdaruithe allmhairiúcháin ar bhonn bainistiú riosca. Déanfar faireachán tar éis 2 bhliain ar choinníollacha na n-údaruithe allmhairiúcháin a dheonaítear ar feadh tréimhse is faide ná 2 bhliain.

1.   Earraí nach earraí de chuid an Aontais iad a liostaítear in Iarscríbhinn I, féadfaidh siad teacht isteach go sealadach i gcríoch chustaim an Aontais nuair a ghabhann údarú allmhairiúcháin aonair leo arna iarraidh ag allmhaireoir nach bhfuil bunaithe i gcríoch chustaim an Aontais.

2.   Ní fhéadfar údarú allmhairiúcháin aonair a dheonú d’allmhaireoirí nach bhfuil bunaithe i gcríoch chustaim an Aontais i leith na n-earraí liostaithe ach amháin sna cásanna seo a leanas:

Is é údarás inniúil an Bhallstáit ina ndéantar an mheastóireacht, an taispeántas, an deisiú nó an lámhach spóirt, an fiach nó an aithriseoireacht staire a dheonóidh na húdaruithe dá dtagraítear i bpointí (a) agus (b) den chéad fhomhír. I gcásanna ina ndéantar an mheastóireacht, an taispeántas, an deisiú nó an lámhach spóirt, an fiach nó an aithriseoireacht staire i níos mó ná Ballstát amháin, is é údarás inniúil an Bhallstáit ina ndéantar an chéad mheastóireacht, an chéad taispeántas, an chéad deisiú nó an chéad lámhach spóirt, an chéad fhiach nó an chéad aithriseoireacht staire a dheonóidh an t-údarú.

Is é údarás inniúil an Bhallstáit ina dtagann na hearraí isteach i gcríoch chustaim an Aontais a dheonóidh an t-údarú dá dtagraítear i bpointe (c) den chéad fhomhír.

3.   Áireofar an méid seo a leanas san iarratas ar an údarú allmhairiúcháin dá dtagraítear i mír 2:

4.   Beidh feidhm ag Airteagal 10(1), (2), (3), (5), (6) agus (7) maidir leis an údarú allmhairiúcháin dá dtagraítear i mír 2 den Airteagal seo a eisiúint.

5.   D’ainneoin mhír 2, féadfaidh na Ballstáit údarú náisiúnta ginearálta allmhairiúcháin a dheonú lena n-údaraítear go díreach na hearraí liostaithe de Chatagóir C a liostaítear in Iarscríbhinn I a allmhairiú go sealadach isteach i gcríoch a mBallstáit chun na gcríoch dá dtagraítear i mír 2, pointe (b), i gcásanna sonracha inar tugadh cuireadh do na fiagaithe, do na haithriseoirí staire nó do na lámhachóirí spóirt chuig gníomhaíocht in áitreabh an eagraí. Comhlíonfaidh na hallmhaireoirí na hoibleagáidí a leagtar amach sa Rialachán seo, cé is moite díobh sin a bhaineann le húdarú allmhairiúcháin aonair a iarraidh, agus comhlíonfaidh siad na téarmaí agus na coinníollacha a shainítear san údarú náisiúnta ginearálta allmhairiúcháin.

6.   Sonróidh an Coimisiún, trí bhíthin gníomh cur chun feidhme, na híoscheanglais le haghaidh na dtéarmaí agus na gcoinníollacha atá le háireamh sna húdaruithe náisiúnta ginearálta allmhairiúcháin. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(3).

1.   Aon duine ag a bhfuil pas arm tine Eorpach nó dá gceadaítear ar shlí eile, de bhun Threoir (AE) 2021/555, earraí liostaithe a mhonarú, a fháil, a shealbhú nó a thrádáil, féadfaidh daoine den sórt sin earraí liostaithe a allmhairiú chuig críoch chustaim an Aontais gan údarú allmhairiúcháin i gcomhréir le hAirteagal 9 den Rialachán seo sna cásanna seo a leanas:

2.   Is ionann duine a allmhairíonn earraí i gcomhréir leis an Airteagal seo agus an duine a d’onnmhairigh na hearraí, agus luafaidh an duine sin sa dearbhú custaim uimhir thagartha an dearbhaithe custaim a úsáideadh chun na hearraí a thógáil amach as críoch chustaim an Aontais go sealadach agus uimhir thagartha nó uimhir an údaraithe onnmhairiúcháin shimplithe arna sholáthar ag an údarás inniúil i gcomhréir le hAirteagal 22(2) nó Airteagal 23(1).

3.   Diúltóidh an t-údarás inniúil cinn scríbe an t-allmhairiú agus cláróidh sé an diúltú sin sa chóras ceadúnúcháin leictreonach gan mhoill más rud é gur fíor an méid seo a leanas ina leith:

1.   I gcás gluaiseachtaí earraí nach earraí de chuid an Aontais iad agus a liostaítear in Iarscríbhinn I i gcríoch chustaim an Aontais, beidh faisnéis san iarratas ar an údarú allmhairiúcháin dá dtagraítear in Airteagail 9 nó 11 faoi na gluaiseachtaí beartaithe, lena n-áirítear, i gcás inarb iomchuí, na Ballstáit éagsúla ina ndéanfar meastóireacht, taispeántas, deisiú nó lámhach spóirt, fiach nó aithriseoireacht staire.

2.   Iarrfaidh an t-údarás inniúil a dheonaíonn an t-údarú allmhairiúcháin dá dtagraítear in Airteagail 9 nó 11 formheas ó údarás inniúil na mBallstát eile a luaitear san iarratas ar an údarú allmhairiúcháin maidir leis an ngluaiseacht bheartaithe. Féadfaidh údarás inniúil an Bhallstáit lena dtéitear i gcomhairle agóidí a dhéanamh i gcásanna a bhfuil údar cuí leo a bhaineann le hábhair imní slándála faoi ghluaiseacht trína chríoch laistigh de 10 lá oibre ón dáta a soláthraíodh an fhaisnéis faoin ngluaiseacht bheartaithe. Mura ndéanfar aon agóid, measfar gurb ionann é sin agus formheas. I gcás ina ndéanann údarás inniúil Ballstáit eile agóid i gcoinne dheonú údaraithe den sórt sin, diúltóidh an Ballstát inar cuireadh an t-iarratas isteach an t-iarratas. Úsáidfear an córas ceadúnúcháin leictreonach le haghaidh cumarsáid idir na húdaráis inniúla.

3.   Tabharfaidh an duine ag a bhfuil an t-údarú fógra maidir le haon athruithe ar an ngluaiseacht bheartaithe gan mhoill tríd an gcóras ceadúnúcháin leictreonach don údarás inniúil a dheonaíonn an t-údarú. Cinnfidh an t-údarás inniúil sin, i gcásanna a bhfuil údar cuí leo a bhaineann le hábhair imní slándála, an nglacfaidh sé leis na hathruithe ar tugadh fógra fúthu, nó an ndiúltóidh sé iad, i gcomhréir leis na rialacha maidir leis an údarú a dheonú, agus tar éis an nós imeachta comhairliúcháin dá dtagraítear i mír 2.

4.   I gcás simplithe riaracháin mar a leagtar síos in Airteagal 12(1), pointe (a), nuair nach bhfuil an pointe ag a bhfuil sé beartaithe na hearraí a theacht isteach suite laistigh de chríoch údarás inniúil an Bhallstáit cinn scríbe, cuirfidh an t-údarás inniúil sin údarás inniúil an Bhallstáit ina bhfuil an pointe athiontrála beartaithe ar an eolas láithreach maidir leis an ngluaiseacht sin, tríd an gcóras ceadúnúcháin leictreonach. I gcásanna a bhfuil údar cuí leo a bhaineann le hábhair imní slándála faoin ngluaiseacht sin trína chríoch, féadfaidh údarás inniúil Bhallstát an phointe ag a bhfuil sé beartaithe na hearraí a theacht isteach agóidí a dhéanamh laistigh de 5 lá oibre ón dáta a soláthraíodh an fhaisnéis faoin bpointe ag a bhfuil sé beartaithe iad a theacht isteach. Mura ndéanfar aon agóid, measfar gurb ionann sin agus formheas. Aon agóid a dhéanann údarás inniúil Bhallstát an phointe ag a bhfuil sé beartaithe iad a theacht isteach i gcoinne dheonú an tsimplithe riaracháin sin, beidh sí ina ceangal ar an mBallstát cinn scríbe.

1.   I gcás ina bhfuil sé ar intinn ag Ballstát bearta dá dtagraítear in Airteagal 14 a ghlacadh, tabharfaidh sé fógra don Choimisiún faoi.

2.   Áireofar san fhógra dá dtagraítear i mír 1 doiciméadacht ábhartha agus léiriú ar na bearta atá le glacadh, lena n-áirítear a gcuspóirí agus aon fhaisnéis ábhartha eile.

3.   Déanfar an fógra dá dtagraítear i mír 1 a tharchur 6 mhí sula nglacfar an beart náisiúnta ar a laghad. I gcás nach leor an fhaisnéis a tharchuir an Ballstát, féadfaidh an Coimisiún faisnéis bhreise a iarraidh.

4.   Déanfaidh an Coimisiún an fógra dá dtagraítear i mír 1 den Airteagal seo agus, arna iarraidh sin, an doiciméadacht tionlacain a chur ar fáil do na Ballstáit eile, faoi réir na gceanglas rúndachta a leagtar síos in Airteagal 18.

5.   I gcás nach leor an fhaisnéis a tharchuir an Ballstát chun glacadh na mbeart náisiúnta a údarú, féadfaidh an Coimisiún faisnéis bhreise a iarraidh.

1.   Tabharfaidh an Coimisiún údarú do na Ballstáit srianta ar allmhairiú a ghlacadh, ach amháin má chinneann sé go mbeadh bearta den sórt sin:

2.   Deonóidh an Coimisiún an t-údarú dá dtagraítear i mír 1 den Airteagal seo trí bhíthin gníomh cur chun feidhme. Déanfar an gníomh cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 43(2). Déanfaidh an Coimisiún a chinneadh laistigh de 120 lá oibre tar éis an fógra dá dtagraítear in Airteagal 16 a fháil. I gcás inar gá faisnéis bhreise le cinneadh a dhéanamh, tosóidh an tréimhse 120 lá oibre ón dáta a bhfaightear an fhaisnéis bhreise.

3.   Cuirfidh an Coimisiún Parlaimint na hEorpa agus an Chomhairle ar an eolas faoi na cinntí arna ndéanamh de bhun mhír 2.

4.   I gcás nach dtugann an Coimisiún údarú de bhun mhír 1, cuirfidh sé an méid sin in iúl don Bhallstát lena mbaineann agus tabharfaidh sé na cúiseanna a bhí leis an méid sin.

1.   Agus fógra á thabhairt ag Ballstát don Choimisiún faoina intinn bearta dá dtagraítear in Airteagal 14 a ghlacadh, féadfaidh an Ballstát sin a léiriú an bhfuil aon chuid den fhaisnéis a sholáthraítear le meas mar fhaisnéis rúnda agus an bhféadfar í a chomhroinnt le Ballstáit eile.

2.   I gcásanna dá dtagraítear i mír 1, áiritheoidh na Ballstáit agus an Coimisiún go gcosnófar faisnéis rúnda i gcomhréir le dlí an Aontais is infheidhme.

3.   Áiritheoidh na Ballstáit agus an Coimisiún nach ndéanfar aon fhaisnéis rúnaicmithe a sholáthraítear de bhun Airteagal 16 a íosghrádú nó a scaoileadh ó rúnaicmiú gan toiliú i scríbhinn a fháil roimh ré ón tionscnóir.

1.   Beidh gá le húdarú onnmhairiúcháin chun earraí liostaithe a thógáil amach as críoch chustaim an Aontais.

2.   Aon onnmhaireoir dá gceadaítear, de bhun Threoir (AE) 2021/555, na hearraí liostaithe a mhonarú, a fháil, a shealbhú nó a thrádáil, beidh duine den sórt sin i dteideal údarú onnmhairiúcháin a iarraidh. Is é údarás inniúil an Bhallstáit ina bhfuil an duine sin, an t-onnmhaireoir, bunaithe a dheonóidh an t-údarú onnmhairiúcháin.

3.   Beidh an fhaisnéis dá dtagraítear in Iarscríbhinn III san údarú onnmhairiúcháin, agus eiseofar tríd an gcóras ceadúnúcháin leictreonach é i gceann de na cineálacha seo a leanas:

4.   Más rud é go bhfuil na hearraí liostaithe lonnaithe i mBallstát amháin nó níos mó seachas an Ballstát inar cuireadh isteach an t-iarratas ar údarú onnmhairiúcháin, léireofar an méid sin ar an iarratas sin. Rachaidh údarás inniúil an Bhallstáit chuig ar cuireadh isteach an t-iarratas ar údarú onnmhairiúcháin i gcomhairle le húdarás inniúil nó le húdaráis inniúla na mBallstát eile lena mbaineann, agus faisnéis ábhartha faoin iarratas ar údarú onnmhairiúcháin á soláthar aige. Déanfaidh na Ballstáit lena dtéitear i gcomhairle aon agóidí i gcoinne deonú údaraithe den sórt sin a thuairisciú tríd an gcóras ceadúnúcháin leictreonach laistigh de 10 lá oibre ón lá a ndearnadh teagmháil leo, agóidí a bheidh ina gceangal ar an mBallstát inar cuireadh isteach an t-iarratas.

5.   I gcás nach bhfuil duine i dteideal údarú onnmhairiúcháin a iarraidh faoi mhír 2, ní ghlacfaidh an t-údarás inniúil leis an iarratas.

6.   Féadfaidh na Ballstáit údaruithe náisiúnta ginearálta onnmhairiúcháin a ghlacadh lena mbunaítear ceanglais náisiúnta maidir le hearraí liostaithe a onnmhairiú. Tabharfaidh na Ballstáit fógra gan mhoill don Choimisiún agus do na Ballstáit eile faoi aon údarú náisiúnta ginearálta onnmhairiúcháin arna ghlacadh de bhun mhír 3, pointe (c), agus na cúiseanna a bhí leis á lua acu. Cuirfidh siad an Coimisiún agus na Ballstáit eile ar an eolas faoin tuairisc ar na hearraí rialaithe, ar na tíortha cinn scríbe, agus ar na coinníollacha agus na ceanglais maidir le húsáid. Tabharfaidh na Ballstáit fógra gan mhoill freisin don Choimisiún agus do na Ballstáit eile faoi aon leasú ar na húdaruithe náisiúnta ginearálta arna nglacadh. Foilseoidh an Coimisiún fógraí den sórt sin in Iris Oifigiúil an Aontais Eorpaigh.

1.   Déanfaidh an t-údarás inniúil iarratais ar údaruithe onnmhairiúcháin a phróiseáil laistigh de thréimhse nach faide ná 90 lá oibre ón dáta a mbeidh an fhaisnéis riachtanach go léir soláthartha don údarás inniúil. Ar chúiseanna a bhfuil údar cuí leo, féadfaidh an t-údarás inniúil an tréimhse sin a fhadú go 110 lá oibre.

2.   Cuirfidh an t-iarratasóir na doiciméid riachtanacha ar fáil d’údarás inniúil an Bhallstáit atá freagrach as an údarú onnmhairiúcháin a eisiúint, lena gcruthaítear an méid seo a leanas:

Níl feidhm ag pointe (b) den chéad fhomhír maidir leis an méid a leanas:

3.   Sula n-eiseofar údarú onnmhairiúcháin dá dtagraítear in Airteagal 19, fíoróidh an t-údarás inniúil na doiciméid a tíolacadh i gcomhréir le mír 2 den Airteagal seo.

4.   Mura bhfaightear aon agóid i gcoinne an idirthurais i gcomhréir le mír 2, an chéad fhomhír, pointe (b), laistigh de 20 lá oibre ó dháta an iarratais i scríbhinn, glacfar leis nach bhfuil aon agóid ag an tríú tír idirthurais nó na tríú tíortha idirthurais lena dtéitear i gcomhairle i gcoinne an idirthurais.

5.   Maidir le hairm thine dhíghníomhachtaithe, soláthróidh an t-iarratasóir an deimhniú díghníomhachtúcháin dá dtagraítear in Airteagal 15 de Threoir (AE) 2021/555 d’údarás inniúil an Bhallstáit atá freagrach as an údarú onnmhairiúcháin a eisiúint.

6.   Ní fhéadfaidh an t-údarás inniúil údaruithe onnmhairiúcháin a dheonú le haghaidh airm thine a liostaítear in Iarscríbhinn I ach amháin má tá ráiteas úsáideora arna eisiúint ag allmhaireoir na tíre cinn scríbe deiridh ag gabháil leis an iarratas ar an údarú sin i gcomhréir le hIarscríbhinn IV. I gcás onnmhairiú a dhéantar chuig cuideachta phríobháideach a dhéanann na hearraí liostaithe a athdhíol ar mhargadh áitiúil, measfar gurb í an chuideachta sin an t-úsáideoir chun críocha an Rialacháin seo. Ní choiscfidh an méid sin ar an údarás inniúil meastóireacht a dhéanamh ar iarratais ar údarú onnmhairiúcháin a bhaineann le honnmhairí chuig athdhíoltóirí ar bhealach difriúil le hiarratais ar údarú onnmhairiúcháin a bhaineann le honnmhairí chuig úsáideoirí.

7.   Ní bheidh tréimhse bhailíochta údaraithe onnmhairiúcháin aonair níos faide ná an tréimhse bhailíochta le haghaidh an údaraithe allmhairiúcháin arna eisiúint ag an tríú tír. Ní rachaidh tréimhse bhailíochta údaraithe iolraigh onnmhairiúcháin thar 3 bliana. I gcás nach sonraítear tréimhse bhailíochta san údarú allmhairiúcháin arna eisiúint ag an tríú tír, ní rachaidh tréimhse bhailíochta údaraithe onnmhairiúcháin thar 1 bhliain amháin, ach amháin faoi chúinsí eisceachtúla agus ar chúiseanna a bhfuil údar cuí leo.

1.   Beidh an fhaisnéis seo a leanas san údarú onnmhairiúcháin, san údarú allmhairiúcháin arna eisiúint ag an tríú tír lena mbaineann agus sa doiciméadacht tionlacain:

2.   Soláthróidh an t-onnmhaireoir an fhaisnéis dá dtagraítear i mír 1, má tá sé san údarú allmhairiúcháin arna eisiúint ag an tríú tír lena mbaineann, roimh ré don tríú tír, na tíortha nó na críocha trína n-iompraítear na hearraí, ar a dhéanaí sula seolfar an lastas.

3.   Ní fhéadfar na hearraí liostaithe a onnmhairiú ach amháin má tá siad marcáilte, i gcomhréir le hAirteagal 4 de Threoir (AE) 2021/555.

1.   De mhaolú ar Airteagal 19(1), ní bheidh gá le húdarú onnmhairiúcháin le haghaidh onnmhairiú sealadach nó athonnmhairiú earraí liostaithe sna cásanna seo a leanas:

D’ainneoin phointe (a)(ii) den chéad fhomhír, i gcás aerthaistil, soláthróidh na fiagaithe, na haithriseoirí staire nó na lámhachóirí spóirt an pas arm tine Eorpach don údarás inniúil i gcás ina dtugtar na hearraí liostaithe ábhartha ar láimh don aerlíne lena n-iompar amach as críoch chustaim an Aontais.

2.   Soláthróidh an t-údarás inniúil uimhir thagartha tríd an gcóras ceadúnúcháin leictreonach don duine a chuireann faisnéis isteach i gcomhréir le mír 1, an chéad fhomhír, pointe (a).

3.   Cuirfidh údarás inniúil Ballstáit an próiseas onnmhairiúcháin ar fionraí le haghaidh tréimhse nach faide ná 10 lá oibre nó, i gcás inar gá sin a dhéanamh, cuirfidh sé cosc ar bhealach eile ar earraí liostaithe a chur amach as críoch chustaim an Aontais tríd an mBallstát sin, i gcás ina bhfuil forais amhrais aige nach bhfuil na cúiseanna, dá dtagraítear i mír 1, an chéad fhomhír, pointe (a), den Airteagal seo, a thug fiagaithe, aithriseoirí staire nó lámhachóirí spóirt, i gcomhréir leis na breithnithe ábhartha agus leis na hoibleagáidí a leagtar síos in Airteagal 24. Ar chúiseanna a bhfuil údar cuí leo, féadfaidh an t-údarás inniúil an tréimhse fionraíochta sin a fhadú go 30 lá oibre. Cuirfidh an t-údarás inniúil a chinneadh maidir le scaoileadh na n-earraí liostaithe a cheadú nó maidir le gníomhaíochtaí breise a dhéanamh in iúl don údarás custaim tríd an gcóras ceadúnúcháin leictreonach.

1.   Féadfar údarú onnmhairiúcháin simplithe a iarraidh sna cásanna seo a leanas:

2.   Déanfar iarratas ar údarú onnmhairiúcháin simplithe a chur isteach tríd an gcóras ceadúnúcháin leictreonach agus beidh an méid seo a leanas san áireamh ann:

3.   Déanfaidh an t-údarás inniúil iarratais ar údaruithe onnmhairiúcháin simplithe a phróiseáil laistigh de thréimhse nach faide ná 20 lá oibre ón dáta a soláthraíodh an fhaisnéis riachtanach go léir don údarás inniúil. Ar chúiseanna a bhfuil údar cuí leo, féadfar an tréimhse sin a fhadú go 40 lá oibre. Eiseofar an t-údarú onnmhairiúcháin simplithe tríd an gcóras ceadúnúcháin leictreonach.

4.   Chun go bhfaighidh an t-iarratasóir an t-údarú onnmhairiúcháin simplithe, beidh feidhm ag na coinníollacha seo a leanas:

5.   Maidir le húdarú onnmhairiúcháin simplithe arna eisiúint i gcomhréir le mír 1, pointe (c), ní bheidh a thréimhse bhailíochta níos faide ná tréimhse bhailíochta an údaraithe allmhairiúcháin arna eisiúint ag an tríú tír, nó ná 1 bhliain amháin i gcás nach sonraíonn an tríú tír sin tréimhse bhailíochta, nó i gcás ina bhfuil díolúine ón gceanglas maidir le húdarú allmhairiúcháin infheidhme.

1.   Agus cinneadh á dhéanamh an dtabharfar údarú onnmhairiúcháin nó údarú onnmhairiúcháin simplithe faoin Rialachán seo, cuirfidh an t-údarás inniúil na breithnithe ábhartha ar fad san áireamh, lena n-áirítear an méid seo a leanas:

2.   I dteannta na mbreithnithe ábhartha a leagtar amach i mír 1, agus measúnú á dhéanamh ar iarratas ar údarú onnmhairiúcháin nó ar údarú onnmhairiúcháin simplithe, cuirfidh an t-údarás inniúil san áireamh an bhfuil acmhainní agus nósanna imeachta comhréireacha agus leormhaithe ag an iarratasóir chun comhlíonadh fhorálacha agus chuspóirí an Rialacháin seo agus comhlíonadh théarmaí agus choinníollacha an údaraithe a áirithiú.

3.   Agus cinneadh á dhéanamh an dtabharfar nó nach dtabharfar údarú onnmhairiúcháin nó údarú onnmhairiúcháin simplithe faoin Rialachán seo, cloífidh an t-údarás inniúil le haon oibleagáidí maidir leis na bearta sriantacha a fhorchuirtear trí chinntí a ghlacann an Chomhairle nó trí chinneadh de chuid na hEagraíochta um Shlándáil agus Comhar san Eoraip (ESCE) nó trí rún ceangailteach de chuid Chomhairle Slándála na Náisiún Aontaithe, go háirithe maidir le trádbhaic arm, chomh maith leis an dlí náisiúnta lena gcuirtear na hoibleagáidí sin chun feidhme.

4.   Sula ndeonóidh údarás inniúil údarú onnmhairiúcháin nó údarú onnmhairiúcháin simplithe, cuirfidh sé san áireamh gach diúltú arna eisiúint ag údaráis inniúla Ballstát eile faoin Rialachán seo. Féadfaidh an chéad údarás inniúil sin dul i gcomhairle ar dtús leis an údarás inniúil eile lena mbaineann nó leis na húdaráis inniúla eile lena mbaineann. Má chinneann an chéad údarás inniúil sin údarú a thabhairt tar éis comhairliúchán den sórt sin, tabharfaidh sé fógra don údarás inniúil eile lena mbaineann nó do na húdaráis inniúla eile lena mbaineann, agus soláthróidh sé an fhaisnéis ábhartha ar fad chun a chinneadh a mhíniú. Déanfar an malartú faisnéise sin gan mhoill agus tríd an gcóras ceadúnúcháin leictreonach.

5.   Déanfaidh na húdaráis inniúla faireachán ar cé acu a chomhlíontar nó nach gcomhlíontar coinníollacha na n-údaruithe onnmhairiúcháin agus na n-údaruithe onnmhairiúcháin simplithe a eisíonn siad ar bhonn bainistiú riosca. Déanfar faireachán tar éis 2 bhliain ar choinníollacha na n-údaruithe a dheonaítear ar feadh tréimhse is faide ná 2 bhliain.

1.   Diúltóidh na húdaráis inniúla údaruithe onnmhairiúcháin nó údaruithe onnmhairiúcháin simplithe a dheonú má tá feidhm ag aon cheann de na coinníollacha seo a leanas:

2.   Chun críocha mhír 1 den Airteagal seo, gheobhaidh na Ballstáit an fhaisnéis faoi chiontuithe coiriúla a rinne an t-iarratasóir roimhe sin i mBallstáit eile tríd an gcóras a bunaíodh le Cinneadh Réime 2009/315/CGB.

3.   Chun críocha mhír 1, pointe (c), seiceálfaidh na Ballstáit nach bhfuil an t-arm tine liostaithe i gCóras Faisnéise Schengen.

4.   Déanfaidh údarás inniúil údarú onnmhairiúcháin nó údarú onnmhairiúcháin simplithe a neamhniú, a chur ar fionraí, a mhodhnú nó a chúlghairm mura gcomhlíontar na coinníollacha chun é a dheonú nó mura bhfuil siad á gcomhlíonadh a thuilleadh. I gcás ina ndéanann údarás inniúil cinneadh den sórt sin, cuirfidh sé an fhaisnéis sin ar fáil gan mhoill don údarás custaim tríd an gcóras ceadúnúcháin leictreonach.

5.   I gcás ina bhfuil údarú onnmhairiúcháin nó údarú onnmhairiúcháin simplithe curtha ar fionraí ag an údarás inniúil, cuirfidh sé a chinneadh críochnaitheach ar fáil do na húdaráis inniúla eile ag deireadh na tréimhse fionraí tríd an gcóras ceadúnúcháin leictreonach gan mhoill.

6.   I gcás inar dhiúltaigh an t-údarás inniúil údarú onnmhairiúcháin nó údarú onnmhairiúcháin simplithe a dheonú, déanfaidh sé a chinneadh críochnaitheach a chlárú sa chóras ceadúnúcháin leictreonach gan mhoill.

7.   An fhaisnéis ar fad a chomhroinntear i gcomhréir leis an Airteagal seo, comhroinnfear í i gcomhréir le hAirteagal 28 maidir lena rúndacht.

1.   Laistigh de 45 lá ón imeacht ó chríoch chustaim an Aontais, tabharfaidh an t-onnmhaireoir cruthúnas don údarás inniúil a d’eisigh an t-údarú onnmhairiúcháin go bhfuarthas an lastas seolta de na hearraí liostaithe sa tríú tír is allmhaireoir, trí na doiciméid allmhairiúcháin chustaim ábhartha a sholáthar. Is tríd an gcóras ceadúnúcháin leictreonach a sholáthrófar na doiciméid sin.

2.   In éagmais an chruthúnais go bhfuarthas an lastas seolta dá dtagraítear i mír 1, an t-údarás inniúil sin a d’eisigh an t-údarú onnmhairiúcháin, iarrfaidh sé gan mhoill ar an údarás custaim onnmhairiúcháin a dhearbhú gur comhlíonadh na foirmiúlachtaí custaim a bhaineann le himeacht na n-earraí liostaithe agus gur imíodh na hearraí liostaithe críoch chustaim an Aontais.

3.   Má dhearbhaíonn na húdaráis chustaim gur cuireadh na foirmiúlachtaí custaim i gcrích agus go ndearnadh an t-imeacht, iarrfaidh an t-údarás inniúil a d’eisigh an t-údarú onnmhairiúcháin ar údarás ábhartha an tríú tír is allmhaireoir teacht isteach na n-earraí ina críoch chustaim a dhearbhú.

4.   I gcás nach bhfuil an t-údarás inniúil in ann dearbhú maidir le teacht isteach a fháil ón tríú tír is allmhaireoir mar a leagtar amach i mír 3, déanfaidh sé an fhaisnéis sin a thaifeadadh sa chóras ceadúnúcháin leictreonach.

1.   Féadfaidh údarás inniúil a dheonaíonn údarú onnmhairiúcháin le haghaidh earraí liostaithe seiceálacha iar-lastais a dhéanamh chun a áirithiú go bhfuil onnmhairiú na n-earraí sin i gcomhréir leis na gealltanais a rinneadh sa ráiteas úsáideora mar a leagtar amach in Iarscríbhinn IV, agus go bhfuil na hearraí tagtha chuig an gceann scríbe deiridh beartaithe.

2.   Oibreoidh na húdaráis inniúla agus na húdaráis chustaim i gcomhar le chéile agus, más gá, le húdaráis tríú tíortha chun comhlíonadh na ngealltanas a rinneadh sa ráiteas úsáideora, mar a leagtar amach in Iarscríbhinn IV é, agus teacht na n-earraí liostaithe chuig an gceann scríbe deiridh beartaithe a fhíorú. Féadfar seiceálacha iar-lastais a dhéanamh, i gcás inarb iomchuí, i dtríú tíortha, ar choinníoll go gcomhaontóidh tríú tíortha den sórt sin leis an méid sin, trí chomhar le húdaráis riaracháin na dtríú tíortha sin. Féadfaidh na Ballstáit tacaíocht a iarraidh ar an gCoimisiún agus seiceálacha den sórt sin á ndéanamh acu.

1.   Oibreoidh an Coimisiún, na húdaráis inniúla agus na húdaráis chustaim i dlúthchomhar le chéile agus malartóidh siad faisnéis chun cur chun feidhme ceart an Rialacháin seo a áirithiú.

2.   An fhaisnéis riosca, lena n-áirítear anailís riosca agus torthaí rialuithe, atá ábhartha maidir le forfheidhmiú an Rialacháin seo agus, go háirithe, i dtaca le hamhras faoi gháinneáil aindleathach ar earraí liostaithe, déanfar í a mhalartú agus a phróiseáil mar a leanas:

3.   Déanfar an malartú faisnéise agus an phróiseáil faisnéise a leagtar amach i mír 2, pointí (a) agus (b), den Airteagal seo trí bhíthin an chórais a bunaíodh chun na gcríoch sin le hAirteagal 16(1) de Rialachán (AE) Uimh. 952/2013. Nuair a mhalartaíonn údaráis chustaim faisnéis rúnda, cuirfidh siad an fhaisnéis sin in iúl freisin don Choimisiún agus do na húdaráis inniúla i gcomhréir le hAirteagal 12 de Rialachán (AE) Uimh. 952/2013.

4.   Déanfar an malartú faisnéise idir údaráis chustaim agus údaráis inniúla trí mhodhanna náisiúnta seanbhunaithe nó tríd an gcóras ceadúnúcháin leictreonach.

5.   Beidh feidhm mutatis mutandis ag Rialachán (CE) Uimh. 515/97 ón gComhairle (34) maidir le bearta faoin Airteagal seo.

1.   Agus foirmiúlachtaí custaim le haghaidh earraí liostaithe á gcur i gcrích, soláthróidh an dearbhóir, sa dearbhú custaim nó sa dearbhú athonnmhairiúcháin, tagairt don údarú a dheonaigh an t-údarás inniúil faoi Airteagal 9, 11, 19 nó 23, nó don uimhir thagartha arna soláthar ag an údarás inniúil i gcomhréir le hAirteagal 22. Nuair a úsáidtear Carnet ATA chun foirmiúlachtaí custaim a chomhlíonadh, soláthrófar an fhaisnéis sin i gceann dá chodanna.

2.   An fhaisnéis agus an doiciméadacht uile is gá chun comhréireacht na n-earraí liostaithe leis an Rialachán seo a léiriú, soláthróidh an t-allmhaireoir nó an t-onnmhaireoir iad, i gcomhréir leis an iarraidh ón údarás inniúil, i dteanga oifigiúil de chuid an Bhallstáit ina bhfuil an t-údarás inniúil sin lonnaithe, nó i mBéarla.

3.   Nuair a bheidh an t-idirnascadh dá dtagraítear in Airteagal 34(7) ag feidhmiú, fíoróidh an t-údarás custaim, ar ghlacadh dó le dearbhú custaim nó le dearbhú athonnmhairiúcháin i leith earraí liostaithe, bailíocht an údaraithe trí Thimpeallacht Ionaid Ilfhreastail an Aontais Eorpaigh maidir le Custam. Déanfar an fíorú go leictreonach agus go huathoibríoch.

4.   Nuair a scaoilfidh an t-údarás custaim le hearraí liostaithe lena gcur faoi nós imeachta custaim nó lena n-athonnmhairiú, cuirfear an scaoileadh in iúl go leictreonach agus go huathoibríoch don chóras ceadúnúcháin leictreonach trí Thimpeallacht Ionaid Ilfhreastail an Aontais Eorpaigh maidir le Custam, a luaithe a bheidh an t-idirnascadh dá dtagraítear in Airteagal 34(7) ag feidhmiú. Nuair a chuirfear earraí liostaithe faoi nós imeachta um chead isteach sealadach, nuair a dhéanfar iad a onnmhairiú go sealadach, nó iad a athonnmhairiú trí úsáid a bhaint as Carnet ATA, cláróidh an t-údarás custaim an fhaisnéis maidir le scaoileadh na n-earraí sa chóras ceadúnúcháin leictreonach.

5.   Gan dochar d’aon chumhachtaí a thugtar dó faoi Rialachán (AE) Uimh. 952/2013, ní scaoilfidh údarás custaim na hearraí liostaithe lena gcur faoi nósanna imeachta custaim nó lena n-athonnmhairiú, agus cuirfidh sé an t-údarás inniúil a dhéanfaidh cinneadh maidir le láimhseáil na n-earraí sin ar an eolas, laistigh de 24 uair an chloig, trí na bealaí náisiúnta seanbhunaithe nó tríd an gcóras ceadúnúcháin leictreonach, más rud é go bhfuil amhras ar an údarás custaim i dtaobh an dtagann na hearraí faoi raon feidhme an Rialacháin seo, nó más rud é go bhfuil forais aige a bheith in amhras faoin méid seo a leanas:

Tabharfaidh an t-údarás inniúil freagra don údarás custaim trí mhodhanna náisiúnta seanbhunaithe nó tríd an gcóras ceadúnúcháin leictreonach laistigh de 10 lá oibre tar éis dó an fhaisnéis dá dtagraítear sa chéad fhomhír den mhír seo a fháil. Ar chúiseanna a bhfuil bunús cuí leo, féadfar an tréimhse sin a fhadú go 30 lá oibre. I gcás nach dtugann an t-údarás inniúil freagra laistigh den tréimhse ama ábhartha, scaoilfidh an t-údarás custaim na hearraí liostaithe i gcomhréir le hAirteagal 194 de Rialachán (AE) Uimh. 952/2013.

1.   Má bhraitheann údarás custaim lastas d’earraí liostaithe nach gcomhlíonann na hoibleagáidí a leagtar amach sa Rialachán seo, déanfaidh sé bearta iomchuí chun a áirithiú go bhfanfaidh na hearraí sin faoi mhaoirseacht custaim, agus cuirfidh sé an t-údarás inniúil ar an eolas faoin méid sin laistigh de 24 uair an chloig.

2.   Déanfaidh an t-údarás inniúil cinneadh laistigh de thréimhse nach faide ná 10 lá oibre maidir le láimhseáil na n-earraí liostaithe sin agus cuirfidh sé an t-údarás custaim ar an eolas faoina chinneadh scaoileadh na n-earraí sin a cheadú nó gníomhaíocht bhreise a dhéanamh. Ar chúiseanna a bhfuil bunús cuí leo, féadfar an tréimhse sin a fhadú go 30 lá oibre.

3.   Áiritheoidh an t-údarás custaim go bhforghníomhófar cinneadh an údaráis inniúil maidir le hearraí liostaithe atá faoi mhaoirseacht custaim i gcomhréir leis an reachtaíocht chustaim.

4.   I gcás inar seoladh an lastas d’earraí liostaithe neamhchomhlíontacha go dtí Ballstát eile nó ó Bhallstát eile, cuirfidh údarás inniúil an Bhallstáit inar braitheadh an lastas de na hearraí sin údarás inniúil Bhallstát an tseolta nó an Bhallstáit cinn scríbe ar an eolas gan mhoill, tríd an gcóras ceadúnúcháin leictreonach, faoi na bearta a glacadh maidir leis na hearraí sin agus na cúiseanna a bhí leo sin.

5.   I gcás amhras réasúnach faoi gháinneáil aindleathach ar earraí liostaithe, déanfar na hearraí a urghabháil nó a choinneáil, agus déanfaidh an t-údarás custaim faisnéis a bhaineann leis na hearraí a urghabhadh nó a coinníodh le linn rialuithe custaim a chomhroinnt gan mhoill:

6.   Áireofar ar na sonraí urghabhála nó coinneála, a luaithe a bheidh sí ar fáil, an fhaisnéis seo a leanas:

7.   Le hAirteagal 6(1) den Rialachán seo, ní chuirfear cosc ar an údarás custaim Airteagal 198(2) de Rialachán (AE) Uimh. 952/2013 a chur i bhfeidhm. I gcás ina ndéanann an t-údarás custaim na hearraí liostaithe a scriosadh de réir mar a chinnfidh an t-údarás inniúil, is i gcomhréir le hAirteagal 198(3) de Rialachán (AE) Uimh. 952/2013 a íocfar costais an scriosta.

8.   Cinnfidh an Coimisiún, trí bhíthin gníomh cur chun feidhme, an córas atá le húsáid chun faisnéis bhliantúil staidrimh a bhailiú maidir le hearraí liostaithe a urghabháil agus a choinneáil. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(3).

1.   Coimeádfaidh na Ballstáit, ar feadh tréimhse nach lú ná 20 bliain, an fhaisnéis go léir a bhaineann le hallmhairiú, onnmhairiú agus athonnmhairiú earraí liostaithe, ar faisnéis í atá riachtanach chun na hearraí sin a rianú agus a shainaithint, agus chun gáinneáil aindleathach orthu a chosc agus a bhrath.

2.   Áireofar san fhaisnéis dá dtagraítear i mír 1 den Airteagal seo, mutatis mutandis, faisnéis i gcomhréir le hAirteagal 21(1).

3.   Ní bheidh feidhm ag mír 1 den Airteagal seo maidir le hallmhairí ná onnmhairí dá dtagraítear in Airteagal 12(1), pointe (a), nó in Airteagal 22(1), pointí (a) agus (b).

1.   Déanfaidh an Coimisiún, tar éis dó dul i gcomhairle leis an nGrúpa Comhordúcháin um Allmhairiú agus Onnmhairiú Arm Tine dá dtagraítear in Airteagal 39(1), tuarascáil bhliantúil maidir le cur chun feidhme an Rialacháin seo a chur faoi bhráid Pharlaimint na hEorpa agus na Comhairle gach bliain faoin 31 Deireadh Fómhair, agus cuirfidh sé an tuarascáil sin ar fáil don phobal. Beidh an fhaisnéis seo a leanas sa tuarascáil:

2.   Beidh rochtain ag an gCoimisiún ar na sonraí staidrimh a bhailítear sa chóras ceadúnúcháin leictreonach agus sa chóras atá le cinneadh i gcomhréir le hAirteagal 30(8).

3.   Cuirfidh na Ballstáit an fhaisnéis dá dtagraítear i mír 1, pointí (f) agus (g), faoi bhráid an Choimisiúin gach bliain faoin 31 Iúil.

4.   Ní áireofar sa staidreamh ná sa tuarascáil bhliantúil dá dtagraítear i mír 1 aon sonraí pearsanta, aon fhaisnéis atá íogair ó thaobh na tráchtála de ná aon fhaisnéis faoi chosaint maidir le cúrsaí cosanta, beartais eachtraigh nó slándála náisiúnta.

1.   Déanfaidh an Coimisiún córas ceadúnúcháin leictreonach atá slán agus criptithe a bhunú agus a choinneáil ar bun le haghaidh údaruithe allmhairiúcháin, onnmhairiúcháin agus onnmhairiúcháin simplithe, agus le haghaidh cláruithe, faisnéise agus cinntí a bhaineann leo de bhun Airteagail 9, 11, 12, 13, 19, 22, 23, 25, 26, 28, 29 agus 30.

Leis an gcóras ceadúnúcháin leictreonach dá dtagraítear sa chéad fhomhír, soláthrófar na feidhmiúlachtaí seo a leanas ar a laghad:

2.   Déanfaidh an Coimisiún, trí bhíthin gníomhartha cur chun feidhme, rialacha a bhunú maidir le feidhmiú an chórais ceadúnúcháin leictreonaigh, lena n-áirítear rialacha a bhaineann le sonraí pearsanta a phróiseáil agus sonraí a mhalartú le córais TF eile. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 43(3).

3.   Tabharfaidh an Coimisiún rochtain ar an gcóras ceadúnúcháin leictreonach dóibh seo a leanas:

Ní bheidh rochtain ag na daoine dá dtagraítear i bpointe (b) den chéad fhomhír ach ar fhaisnéis a bhaineann leo féin.

4.   Déanfaidh an Coimisiún foráil maidir le hidirnascadh an chórais ceadúnúcháin leictreonaigh leis na córais cheadúnúcháin leictreonacha náisiúnta, i gcás inar bunaíodh iad.

5.   Déanfar sonraí pearsanta a phróiseáil sa chóras ceadúnúcháin leictreonach i gcomhréir le Rialachán (AE) 2016/679 nó Rialachán (AE) 2018/1725, de réir mar is infheidhme.

6.   Beidh an córas ceadúnúcháin leictreonach i bhfeidhm faoin 12 Feabhra 2027.

7.   Chun críocha an fhíoraithe agus na cumarsáide dá dtagraítear in Airteagal 29(3) agus (4) den Rialachán seo, faoi seach, le Córas leictreonach Malartaithe Deimhnithe Ionad Ilfhreastail an Aontais Eorpaigh maidir le Custam dá dtagraítear in Airteagal 4 de Rialachán (AE) 2022/2399, nasctar an córas ceadúnúcháin leictreonach le Timpeallacht Ionaid Ilfhreastail an Aontais Eorpaigh maidir le Custam. Bunófar an t-idirnascadh sin faoin 12 Feabhra 2031

1.   Faoin 1 Iúil gach bliain, déanfaidh na Ballstáit cineálacha na n-arm rabhaidh agus comhartha a seiceáladh i gcomhréir le hAirteagal 8 a thuairisciú don Choimisiún. Pléifear na tuarascálacha sin sa Ghrúpa Comhordúcháin um Allmhairiú agus Onnmhairiú Arm Tine dá dtagraítear in Airteagal 39.

2.   Gach 2 bhliain, déanfaidh na Ballstáit torthaí an fhaireacháin ar na húdaruithe dá dtagraítear in Airteagail 10(8) agus 24(5) a thuairisciú don Ghrúpa Comhordúcháin um Allmhairiú agus Onnmhairiú Arm Tine dá dtagraítear in Airteagal 39. Pléifear na tuarascálacha sin sa Ghrúpa Comhordúcháin um Allmhairiú agus Onnmhairiú Arm Tine.

1.   Déanfaidh na Ballstáit na bearta is gá chun a áirithiú go bhfuil a nósanna imeachta um údarú slán agus gur féidir barántúlacht na ndoiciméad údarúcháin a fhíorú nó a bhailíochtú.

2.   Féadfaidh na Ballstáit, i gcás inarb iomchuí, fíorú agus bailíochtú a áirithiú freisin trí chainéil taidhleoireachta.

1.   Chun a áirithiú go gcuirfear an Rialachán seo i bhfeidhm i gceart, déanfaidh na Ballstáit na bearta comhréireacha is gá chun go mbeidh sé ar chumas a n-údarás inniúil an méid seo a leanas a dhéanamh:

2.   Arna iarraidh sin do thríú tír onnmhairiúcháin ar Stát is Páirtí i bPrótacal Arm Tine na Náisiún Aontaithe í tráth an onnmhairithe, déanfaidh údarás inniúil an Bhallstáit a eisíonn an t-údarú allmhairiúcháin a úsáideadh don onnmhairiú ón tríú tír sin allmhairiú nó stóráil shealadach na n-earraí liostaithe lena mbaineann an t-údarú allmhairiúcháin a dhearbhú.

1.   Déanfaidh na Ballstáit na rialacha a bhaineann leis na pionóis is infheidhme maidir le sáruithe ar an Rialachán seo a leagan síos agus glacfaidh siad gach beart is gá lena áirithiú go gcuirfear chun feidhme iad. Beidh na pionóis dá bhforáiltear éifeachtach, comhréireach agus athchomhairleach. Tabharfaidh na Ballstáit fógra don Choimisiún faoi na rialacha sin agus na bearta sin agus tabharfaidh siad fógra dó faoi aon leasú ina dhiaidh sin a dhéanfaidh difear dóibh.

2.   Beidh feidhm ag an gcóras cosanta sceithirí a bunaíodh le Treoir (AE) 2019/1937 maidir le daoine a thuairiscíonn sáruithe ar an Rialachán seo.

1.   Cuirfear ar bun Grúpa Comhordúcháin um Allmhairiú agus Onnmhairiú Arm Tine (‘an Grúpa Comhordúcháin’) agus beidh ionadaí ón gCoimisiún mar chathaoirleach air. Beidh sé comhdhéanta d’ionadaithe ó na húdaráis inniúla dá dtagraítear in Airteagal 40(2).

2.   Scrúdóidh an Grúpa Comhordúcháin aon cheist maidir le cur i bhfeidhm an Rialacháin seo a bhféadfaidh an Cathaoirleach nó ionadaí ó na húdaráis inniúla dá dtagraítear in Airteagal 40(2) a ardú. Nuair a bheidh faisnéis á próiseáil agus á húsáid i gcomhréir leis an mír seo, comhlíonfar Rialachán (CE) Uimh. 515/97 a mhéid a bhaineann lena rúndacht.

3.   Aon uair a bhfuil gá leis, rachaidh Cathaoirleach an Ghrúpa Comhordúcháin nó an Grúpa Comhordúcháin féin i gcomhairle le haon gheallsealbhóirí ábhartha a mbaineann an Rialachán seo leo.

1.   Cuirfidh gach Ballstát an Coimisiún ar an eolas faoi na forálacha reachtaíochta, rialúcháin agus riaracháin arna nglacadh agus an Rialachán seo á chur chun feidhme.

2.   Faoin 12 Lúnasa 2025, ainmneoidh gach Ballstát an t-údarás náisiúnta nó na húdaráis náisiúnta atá inniúil ar an Rialachán seo a chur chun feidhme agus cuirfidh siad na Ballstáit eile agus an Coimisiún ar an eolas faoin méid sin.

3.   Bunaithe ar an bhfaisnéis arna fáil de bhun mhír 2, déanfaidh an Coimisiún liosta de na húdaráis dá dtagraítear sa mhír sin a fhoilsiú agus a thabhairt cothrom le dáta ar a shuíomh gréasáin de réir mar a tharlóidh athruithe agus nuair a tharlóidh athruithe.

4.   Arna iarraidh sin don Ghrúpa Comhordúcháin, agus in aon chás gach 10 mbliana, déanfaidh an Coimisiún athbhreithniú ar chur chun feidhme an Rialacháin seo agus tíolacfaidh sé tuarascáil do Pharlaimint na hEorpa agus don Chomhairle maidir le cur i bhfeidhm an Rialacháin, a bhféadfaidh moltaí a bheith inti i leith an Rialachán a leasú. Soláthróidh na Ballstáit an fhaisnéis iomchuí uile don Choimisiún chun an tuarascáil a ullmhú. Foilseoidh an Coimisiún an chéad tuarascáil eatramhach maidir leis an gcur i bhfeidhm faoin 12 Feabhra 2030.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 41 a thabhairt don Choimisiún go ceann tréimhse neamhchinntithe ama.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 41 a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 41 i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Go dtí an 12 Feabhra 2029, chun Airteagal 32(1) a chur chun feidhme, cuirfidh gach Ballstát an fhaisnéis seo a leanas faoi bhráid an Choimisiúin faoin 31 Iúil gach bliain:

2.   Údaruithe chun earraí liostaithe a allmhairiú nó a onnmhairiú, faoi réir Airteagail 9, 11, 19 agus 23, a deonaíodh roimh an 12 Feabhra 2029, leanfaidh siad de bheith bailí ar feadh uastréimhse 12 mhí ón dáta sin.

3.   Údaruithe chun earraí liostaithe a allmhairiú nó a onnmhairiú, arna n-iarraidh roimh an 12 Feabhra 2029 agus atá ar feitheamh ar an dáta sin, deonófar iad i gcomhréir leis na forálacha is infheidhme roimh an dáta sin. Beidh na húdaruithe sin bailí ar feadh uastréimhse 12 mhí ón dáta sin.

4.   Tabharfar fógra don Choimisiún, i gcomhréir leis an nós imeachta a leagtar amach in Airteagail 15, 16 agus 17, maidir le srianta cainníochtúla ar allmhairí na n-earraí liostaithe dá dtagraítear in Airteagal 14, ar srianta iad atá i bhfeidhm sna Ballstáit an 11 Feabhra 2025. Tabharfaidh na Ballstáit an fógra sin faoin 12 Lúnasa 2028..