1.   Sa Rialachán seo sainítear nósanna imeachta mionsonraithe maidir le fíorú inseirbhíse na bhfeithiclí tromshaothair dá dtagraítear i Rialachán Tarmligthe (AE) 2024/1127.

2.   Leis an Rialachán seo, leagtar síos rialacha mionsonraithe freisin maidir le tuairisciú a dhéanamh ar neamhréireachtaí a aimsítear i luachanna astaíochtaí CO2 feithiclí tromshaothair inseirbhíse i gcomparáid leis na luachanna a léirítear sna deimhnithe comhréireachta nó sna comhaid faisnéise custaiméara, mar thoradh ar fhíorú inseirbhíse agus chun na neamhréireachtaí sin a chur sna áireamh i ríomh na meánastaíochtaí sonracha CO2 de chuid na monaróirí a bhfuarthas neamhréireacht i luachanna astaíochtaí CO2 ina leith mar thoradh ar an bhfíorú inseirbhíse.

3.   Níl feidhm ag an Rialachán seo maidir le feithiclí tromshaothair astaíochtaí nialasacha mar a shainmhínítear in Airteagal 3, pointe (11), de Rialachán (AE) 2019/1242.

1.   Agus feithiclí á roghnú i gcomhréir le hAirteagal 3 de Rialachán Tarmligthe (AE) 2024/1127, roghnóidh an t-údarás um dheonú ceaduithe feithiclí ó ghrúpaí NITF, ó ghrúpaí cúltarraingthe aeir FIS, ó ghrúpaí DRS agus ó ghrúpaí bonn fíorúcháin inseirbhíse, ar bhonn an riosca go dtarlódh neamhréireacht i luachanna astaíochtaí CO2 na bhfeithiclí ina bhfuil comhpháirteanna, aonaid theicniúla ar leithligh nó córais nó boinn áirithe de chuid na ngrúpaí sin, arna measúnú ag an gCoimisiún i gcomhréir le mír 2 den Airteagal seo agus arna dtuairisciú i gcomhréir le mír 3 den Airteagal seo.

Áiritheoidh an t-údarás um dheonú ceaduithe freisin nach mbeidh feithiclí ó ghrúpa NITF nó boinn ó ghrúpa bonn FIS á dtástáil ag údarás cineálcheadaithe fíorúcháin eile sa tréimhse thuairiscithe fíorúcháin inseirbhíse chéanna.

2.   Agus measúnú á dhéanamh ag an gCoimisiún go dtarlódh neamhréireacht sna luachanna astaíochtaí CO2 dá dtagraítear i mír 1, an chéad fhomhír, cuirfidh sé na heilimintí seo a leanas ar a laghad san áireamh, nuair a bheidh siad ar fáil:

3.   Gach bliain, faoin 30 Meitheamh, foilseoidh an Coimisiún tuarascáil ina mbeidh liosta de na grúpaí NITF, grúpaí cúltarraingthe aeir FIS, grúpaí DRS agus grúpaí bonn FIS is mó a bhfuil riosca ann ina leith go mbeidh neamhréireacht sna luachanna astaíochtaí CO2. Tabharfar tuairisc sa tuarascáil freisin ar an modheolaíocht a úsáideadh don mheasúnú dá dtagraítear i mír 1, an chéad fhomhír, a rinneadh sa tréimhse thuairiscithe lena mbaineann an tuarascáil, agus ar phríomhthorthaí an mheasúnaithe sin.

1.   Gach tréimhse thuairiscithe, déanfaidh an t-údarás um dheonú ceaduithe, le haghaidh gach monaróra dár dheonaigh sé ceadúnas chun an uirlis ionsamhlúcháin a oibriú, ar a laghad le haghaidh líon na ngrúpaí NITF, na ngrúpaí cúltarraingthe aeir FIS agus na ngrúpaí bonn FIS a roghnaítear i gcomhréir le hAirteagal 3 agus a leagtar amach i dTábla 1 d’Iarscríbhinn I, na tástálacha fíoraithe inseirbhíse comhfhreagracha ar na feithiclí aonair agus ar na boinn aonair a roghnaítear i gcomhréir le hAirteagal 5.

Ríomhfaidh an t-údarás um dheonú ceaduithe, i gcás gach monaróra, an líon iomlán feithiclí faoi Airteagal 9 de Rialachán (AE) 2017/2400 dá dtagraítear i dTábla 1 d’Iarscríbhinn I a ghabhann leis an Rialachán seo, mar mheán, le linn na dtrí thréimhse tuairiscithe roimh an bhfíorú inseirbhíse, líon iomlán feithiclí an mhonaróra ar cinneadh na hastaíochtaí CO2 agus an t-ídiú breosla ina leith faoi Airteagal 9 de Rialachán (AE) 2017/2400.

Ina theannta sin, i gcás gach monaróra dá bhfuil líon iomlán na bhfeithiclí faoi Airteagal 9 de Rialachán (AE) 2017/2400 cothrom le 5 000 nó níos mó ná sin, déanfaidh an t-údarás um dheonú ceaduithe tástáil mhaise amháin in aghaidh an mhonaróra agus tástáil straitéisí saorga amháin in aghaidh an mhonaróra i ngach tréimhse thuairiscithe.

2.   Má shainaithnítear sa mheasúnú riosca dá dtagraítear in Airteagal 3(1) den Rialachán seo grúpaí i gcás monaróir amháin nó níos mó dá bhfuil ‘líon iomlán na bhfeithiclí faoi Airteagal 9 de Rialachán (AE) 2017/2400’ níos ísle ná 5 000, déanfaidh an t-údarás um dheonú ceaduithe na tástálacha comhfhreagracha ar cheann amháin de na monaróirí sin ar a laghad.

3.   Ina theannta sin, má shainaithnítear grúpa DRS sa mheasúnú riosca dá dtagraítear in Airteagal 3(1), déanfaidh an t-údarás um dheonú ceaduithe an tástáil cúltarraingthe aeir mhodh DRS le haghaidh an ghrúpa DRS sin.

4.   Maidir le monaróirí leantóirí, déanfaidh an t-údarás um dheonú ceaduithe na tástálacha CFR bonn ar na boinn arna roghnú i gcomhréir le hAirteagal 5 le haghaidh gach tréimhse tuairiscithe, ar a laghad le haghaidh líon na ngrúpaí bonn a leagtar amach i dTábla 2 d’Iarscríbhinn I a ghabhann leis an Rialachán seo.

Ríomhfaidh an t-údarás um dheonú ceaduithe, i gcás gach monaróra leantóirí, an ‘líon iomlán leantóirí faoi Airteagal 8 de Rialachán Cur Chun Feidhme (AE) 2022/1362’ dá dtagraítear i dTábla 2 d’Iarscríbhinn I a ghabhann leis an Rialachán seo, mar mheán, le linn na dtrí thréimhse tuairiscithe roimh an bhfíorú inseirbhíse, líon iomlán leantóirí an mhonaróra leantóirí ar cinneadh na hastaíochtaí CO2 agus an t-ídiú breosla ina leith faoi Airteagal 8 de Rialachán Cur Chun Feidhme (AE) 2022/1362.

Ina theannta sin, i gcás gach monaróra leantóirí dá bhfuil ‘líon iomlán na leantóirí faoi Airteagal 8 de Rialachán Cur Chun Feidhme (AE) 2022/1362’ cothrom le 5 000 nó níos mó ná sin, déanfaidh an t-údarás um dheonú ceaduithe tástáil mhaise amháin in aghaidh an mhonaróra leantóirí i ngach tréimhse thuairiscithe.

Má shainaithnítear sa mheasúnú riosca dá dtagraítear in Airteagal 3(1) monaróirí leantóirí dá bhfuil ‘líon iomlán na leantóirí faoi Airteagal 8 de Rialachán Cur Chun Feidhme (AE) 2022/1362’ níos ísle ná 5 000, déanfaidh an t-údarás um dheonú ceaduithe na tástálacha comhfhreagracha ar cheann amháin de na monaróirí sin ar a laghad.

5.   I gcás gach grúpa arna roghnú i gcomhréir le hAirteagal 3, déanfar na tástálacha seo a leanas ar an líon feithiclí agus bonn seo a leanas arna roghnú i gcomhréir le hAirteagal 5:

Déanfar meastóireacht ar thorthaí na dtástálacha dá dtagraítear sa chéad fhomhír, pointí (a), (b) agus (d), i gcomhréir leis an modh a dtugtar tuairisc air in Iarscríbhinn II a ghabhann leis an Rialachán seo, agus déanfar meastóireacht ar thorthaí na dtástálacha dá dtagraítear sa chéad fhomhír, pointe (c), i gcomhréir leis an modh a dtugtar tuairisc air i bhFoscríbhinn 10 d’Iarscríbhinn VIII a ghabhann le Rialachán (AE) 2017/2400.

6.   Sa bhreis ar na tástálacha dá dtagraítear i mír 5, déanfar na tástálacha seo a leanas de bhun mhír 1, an tríú fomhír, le haghaidh gach monaróra don líon feithiclí seo a leanas a roghnaítear i gcomhréir le hAirteagal 5:

Déanfar meastóireacht ar thorthaí na dtástálacha dá dtagraítear sa chéad fhomhír, pointe (a), i gcomhréir leis an modh a dtugtar tuairisc air in Iarscríbhinn II.

7.   Féadfaidh an t-údarás um dheonú ceaduithe cinneadh a dhéanamh torthaí ó thástáil fíorúcháin inseirbhíse arna ndéanamh ag an gCoimisiún, údarás cineálcheadaithe eile, údarás faireachais margaidh nó tríú páirtí a chomhlíonann ceanglais Rialachán Cur Chun Feidhme (AE) 2022/163 ón gCoimisiún a chur san áireamh sa mhodh staidrimh ar a dtugtar tuairisc in Iarscríbhinn I má chomhlíontar an dá choinníoll seo a leanas:

1.   Roghnóidh an t-údarás um dheonú ceaduithe mótarfheithiclí tástála, ar fearr gan iad a bheith níos sine ná 3 bliana tráth an roghnúcháin, a chomhlíonann na critéir uile seo a leanas:

Roghnóidh an t-údarás um dheonú ceaduithe leantóirí lena dtástáil nach sine iad, tráth an roghnúcháin, ná 5 bliana, arna gcomhaireamh ó dháta a gcéad chlárúcháin.

2.   Déanfaidh an t-údarás um dheonú ceaduithe a fhíorú agus a áirithiú go bhfuil na feithiclí tástála i mbail atá ionadaíoch ar fheithicil arna cothabháil agus arna húsáid i gceart, agus go bhfuil na saintréithe acu comhchosúil leis na saintréithe a taifeadadh sna comhaid faisnéise custaiméara, sna deimhnithe comhréireachta nó sna deimhnithe um cheadú aonair, trí úsáid a bhaint as an seicliosta a leagtar amach in Iarscríbhinn III.

Má rinneadh tástáil le haghaidh comhréireacht táirgeachta ar fheithicil, déanfar an fheithicil a eisiamh ó aon tástáil fíorúcháin inseirbhíse.

3.   Sa bhreis ar na ceanglais a leagtar amach i míreanna 1 agus 2, comhlíonfaidh feithicil a roghnaítear le haghaidh tástáil NITF na ceanglais uile seo a leanas:

4.   Sa bhreis ar na ceanglais a leagtar amach i míreanna 1 agus 2, comhlíonfaidh feithicil a roghnaítear le haghaidh tástáil cúltarraingthe aeir na ceanglais uile seo a leanas:

5.   I gcás leoraithe dochta a roghnaítear le haghaidh tástáil mhaise, ní roghnófar ach feithiclí gan forstruchtúr.

6.   Is boinn nua, a dhíoltar sa mhargadh agus a bhfuil deimhniú acu i gcomhréir le Rialachán (AE) 2017/2400, a bheidh sna boinn a roghnófar le haghaidh tástáil comhéifeachta friotaíochta rollta bonn.

7.   I gcás nach féidir leis an údarás um dheonú ceaduithe an líon feithiclí is gá a aimsiú i gcomhréir le hAirteagal 4, mír 5, pointí (a) agus (b), de bharr na bhforálacha i míreanna 3 agus 4 den Airteagal seo, cuirfidh an t-údarás um dheonú ceaduithe an nós imeachta um tástáil fíorúcháin FIS i gcrích laistigh den chéad tréimhse tuairiscithe FIS eile. Mura féidir leis an líon feithiclí is gá a aimsiú fós laistigh den chéad tréimhse tuairiscithe FIS eile, dúnfar an nós imeachta um staidreamh mar stádas ‘gan a bheith críochnaithe’ agus roghnóidh sé grúpa eile i gcomhréir le hAirteagal 3.

1.   Cinnfear an cóimheas idir astaíochtaí CO2 a thomhaistear agus a ionsamhlaítear sa NITF (‘cóimheas CNITF’) i gcomhréir leis an NITF a leagtar amach i Roinn 6 d’Iarscríbhinn Xa a ghabhann le Rialachán (AE) 2017/2400 sa leagan atá i bhfeidhm tráth dheimhniúchán na bhfeithiclí arna dtástáil.

2.   Áiritheoidh an t-údarás um dheonú ceaduithe go gcomhlíonfaidh an trealamh tomhais ceanglais Roinn 5 d’Iarscríbhinn Xa a ghabhann le Rialachán (AE) 2017/2400.

1.   Maidir le gach feithicil tástála aonair a bhfuil tástáil NITF á déanamh uirthi, cinnfidh an t-údarás um dheonú ceaduithe an cóimheas CNITF ina leith i gcomhréir le Roinn 7 d’Iarscríbhinn Xa a ghabhann le Rialachán (AE) 2017/2400.

2.   Le haghaidh gach feithicle tástála aonair, déanfaidh an t-údarás um dheonú ceaduithe, roimh an NITF agus ina dhiaidh, na luachanna a bhaineann leis an méadar ídithe breosla ar bord agus leis an odaiméadar dá bhforáiltear in Iarscríbhinn Xa a ghabhann le Rialachán (AE) 2017/2400 a léamh amach ón bhfeithicil agus cuirfidh sé san áireamh sa tuarascáil tástála iad.

1.   Déanfaidh an t-údarás um dheonú ceaduithe meastóireacht ar thorthaí na tástála NITF ó fheithiclí tástála aonair a fhaightear i gcomhréir le hAirteagal 7 lena fháil amach cé acu atá nó nach bhfuil neamhréireacht sna luachanna astaíochtaí CO2 den ghrúpa NITF a bhfuil tástálacha NITF á ndéanamh orthu, trí úsáid a bhaint as an modh a leagtar amach in Iarscríbhinn II a ghabhann leis an Rialachán seo.

2.   Má theipeann ar an ngrúpa NITF sa mheastóireacht staidrimh mar a leagtar amach in Iarscríbhinn II a ghabhann leis an Rialachán seo, déanfaidh an t-údarás um dheonú ceaduithe an méid seo a leanas:

1.   Cinnfear na saintréithe cúltarraingthe aeir i gcomhréir leis an nós imeachta tástála luais sheasmhaigh a leagtar síos in Iarscríbhinn VIII a ghabhann le Rialachán (AE) 2017/2400 sa leagan is déanaí atá i bhfeidhm.

2.   Áiritheoidh an t-údarás um dheonú ceaduithe go mbeidh na ceanglais maidir leis an raon tástála, na ceanglais maidir le dálaí comhthimpeallacha, suiteáil na feithicle agus an trealamh tomhais i gcomhréir leis na ceanglais a leagtar amach i bpointí 3.1 go 3.4 de Roinn 3 d’Iarscríbhinn VIII a ghabhann le Rialachán (AE) 2017/2400 sa leagan is déanaí atá i bhfeidhm. Féadfaidh monaróirí boinn a sholáthar don údarás chineálcheadaithe deonaithe le haghaidh tástálacha cúltarraingthe aeir.

1.   I gcás gach feithicle tástála aonair a bhfuil tástáil cúltarraingthe aeir á déanamh uirthi, cinnfidh an t-údarás um dheonú ceaduithe toradh na comhéifeachta cúltarraingthe de réir limistéar trasghearrthach le haghaidh dálaí nialais trasghaoithe (‘luach cúltarraingthe aeir (CdA)’) ó na tomhais le linn na tástála luais sheasmhaigh i gcomhréir le hAirteagal 9 den Rialachán seo, agus úsáid á baint as leagan na huirlise cúltarraingthe aeir réamhphróiseála den mháthair-chúltarraingt aeir i gcomhréir le Ceangaltán 1 d’Fhoscríbhinn 2 a ghabhann le hIarscríbhinn VIII a ghabhann le Rialachán (AE) 2017/2400.

2.   Maidir le gach feithicil aonair a bhfuil tástáil cúltarraingthe aeir á déanamh uirthi, cinnfidh an t-údarás um dheonú ceaduithe toradh na tástála cúltarraingthe aeir (‘CdAcóimheas’) mar chóimheas an luacha cúltarraingthe aeir arna chinneadh i gcomhréir le mír 1 den Airteagal seo (‘CdAfíorú inseirbhíse’), leis an luach fógartha cúltarraingthe aeir maidir leis an bhfeithicil sin (‘CdAfógartha’) arna thaifeadadh in iontráil 1.8.4.de chomhad thaifid an mhonaróra, i gcomhréir le Roinn 3, Cuid I, d’Iarscríbhinn IV a ghabhann le Rialachán (AE) 2017/2400.

1.   Déanfaidh an t-údarás um dheonú ceaduithe meastóireacht ar thorthaí na tástála cúltarraingthe aeir ó fheithiclí tástála aonair a fhaightear i gcomhréir le hAirteagal 10 lena fháil amach cé acu atá nó nach bhfuil neamhréireacht sna luachanna astaíochtaí CO2 den ghrúpa cúltarraingthe aeir FIS a bhfuil tástálacha cúltarraingthe aeir á ndéanamh orthu, trí úsáid a bhaint as an modh a leagtar amach in Iarscríbhinn II.

2.   I gcás ina dteipeann ar ghrúpa cúltarraingthe aeir FIS sa mheastóireacht staidrimh a leagtar amach in Iarscríbhinn II, cinnfidh an t-údarás um dheonú ceaduithe méid na neamhréireachta cúltarraingthe aeir mar an meánluach le haghaidh CdAcóimheas (meánchóimheas) mar a shainítear in Iarscríbhinn II le haghaidh na dtorthaí tástála cúltarraingthe aeir.

1.   Cinnfear CFR bonn i gcomhréir leis an nós imeachta um thomhais CFR bonn a leagtar síos i bpointe 3.2 d’Iarscríbhinn X a ghabhann le Rialachán (AE) 2017/2400, sa leagan atá i bhfeidhm tráth a deimhníodh na boinn tástála.

2.   Áiritheoidh an t-údarás um dheonú ceaduithe go ndéanfar na boinn a thástáil i saotharlann tagartha nó i saotharlann iarrthach mar a shainmhínítear i Roinn 1, pointí (1) agus (2), d’Iarscríbhinn V a ghabhann le Rialachán (AE) 2020/740.

1.   Déanfaidh an t-údarás um dheonú ceaduithe meastóireacht ar thorthaí na tástála CFR bonn ó bhoinn tástála aonair a fhaightear i gcomhréir le hAirteagal 13 lena fháil amach cé acu atá nó nach bhfuil neamhréireacht sna luachanna astaíochtaí CO2 den ghrúpa bonn FIS a bhfuil tástálacha CFR bonn á ndéanamh orthu, trí úsáid a bhaint as an modh a leagtar amach in Iarscríbhinn II.

2.   I gcás ina dteipeann ar ghrúpa bonn FIS sa mheastóireacht staidrimh mar a leagtar amach in Iarscríbhinn II, cinnfidh an t-údarás um dheonú ceaduithe méid na neamhréireachta CFR bonn mar an meánluach le haghaidh CFR bonncóimheas (meánchóimheas) mar a shainítear in Iarscríbhinn II le haghaidh toradh na tástála CFR bonn.

1.   I gcás mótarfheithicle, is éard a bheidh sa tástáil mhaise ‘mais iarbhír cheartaithe na feithicle’ a chinneadh trí fheithicil tástála a mheá agus na ceartúcháin dá bhforáiltear i Roinn 2, pointe (4), d’Iarscríbhinn III a ghabhann le Rialachán (AE) 2017/2400 a chur i bhfeidhm, nó, i gcás leantóra, a ‘mhais cheartaithe i riocht feidhmithe an leantóra’ a chinneadh trí fheithicil tástála a mheá agus na ceartúcháin dá bhforáiltear i Roinn 3, Tábla 1, d’Iarscríbhinn III a ghabhann le Rialachán Cur Chun Feidhme (AE) 2022/1362 a chur i bhfeidhm.

2.   Áiritheoidh an t-údarás um dheonú ceaduithe go gcomhlíonfaidh an uirlis mheáite na ceanglais a leagtar amach i dTreoir 2014/31/AE ó Pharlaimint na hEorpa agus ón gComhairle (10).

3.   Déanfar aon chuid bhreise nach gcuirfear san áireamh i gcomhair na gceartúchán dá dtagraítear i mír 1 den Airteagal seo a bhaint nó déanfar a mais a laghdú ón mais a chinnfear i gcomhréir le mír 1.

4.   Mura bhfuil an trealamh caighdeánach uile suiteáilte, cuirfear mais chomhfhreagrach na n-eilimintí tógála atá ar iarraidh dá dtagraítear i bpointe 4.2 d’Iarscríbhinn III a ghabhann le Rialachán (AE) 2017/2400 leis mar a thugtar tuairisc air i bpointe 4.3 den Iarscríbhinn sin.

1.   Maidir le gach feithicil tástála aonair a bhfuil tástáil mhaise á déanamh uirthi, cinnfidh an t-údarás um dheonú ceaduithe toradh na tástála maise (maiscóimheas) mar chóimheas ‘mais iarbhír cheartaithe na feithicle’, arna chinneadh i gcomhréir le hAirteagal 15 den Rialachán seo (maisfíorú inseirbhíse), leis an ‘mais iarbhír cheartaithe’ de chuid na feithicle sin (maisfhógartha) arna thaifeadadh in iontráil 1.1.8.den chomhad faisnéise custaiméara i gcomhréir le Roinn 3, cuid II, d’Iarscríbhinn IV a ghabhann le Rialachán (AE) 2017/2400.

2.   I gcás leantóra, maidir le gach feithicil tástála aonair a bhfuil tástáil mhaise á déanamh uirthi, cinnfidh an t-údarás um dheonú ceaduithe toradh na tástála maise (maischóimheas) mar chóimheas idir ‘mais cheartaithe i riocht feidhmithe an leantóra’, arna chinneadh i gcomhréir le hAirteagal 15 den Rialachán seo (maisfíorú inseirbhíse), agus ‘mais cheartaithe i riocht feidhmithe’ an leantóra sin (mais dearbhaithe) arna thaifeadadh in iontráil 1.1.10 den chomhad faisnéise custaiméara i gcomhréir le cuid II d’Iarscríbhinn IV a ghabhann le Rialachán (AE) Cur Chun Feidhme 2022/1362.

1.   Déanfaidh an t-údarás um dheonú ceaduithe meastóireacht ar thorthaí na tástála maise ó fheithiclí tástála aonair a fhaightear i gcomhréir le hAirteagal 16 lena fháil amach cé acu atá nó nach bhfuil neamhréireacht sna luachanna astaíochtaí CO2 d’fheithiclí uile an mhonaróra sin, trí úsáid a bhaint as an modh a leagtar amach in Iarscríbhinn II.

2.   I gcás ina dteipeann ar mhonaróir feithicle sa mheastóireacht staidrimh a leagtar amach in Iarscríbhinn II, cinnfidh an t-údarás um dheonú ceaduithe méid na neamhréireachta maise mar an meánluach le haghaidh cóimheas maise (meánchóimheas) mar a shainítear in Iarscríbhinn II le haghaidh thoradh na tástála maise.

1.   Déanfaidh an t-údarás um dheonú ceaduithe meastóireacht ar thorthaí na dtástálacha a rinneadh i gcomhréir le hAirteagal 18 den Rialachán seo chun measúnú a dhéanamh ar an riosca go mbeadh straitéisí saorga san fheithicil tástála, trí chomparáid a dhéanamh idir an Ccóimheas NITF, a chinntear i gcomhréir le pointe 7.2.2. d’Iarscríbhinn Xa a ghabhann le Rialachán (AE) 2017/2400, agus a fuarthas sa tástáil dá dtagraítear in Airteagal 18, pointe (b), den Rialachán seo, agus an cóimheas NITF a fuarthas sa tástáil dá dtagraítear in Airteagal 18, pointe (a), den Rialachán seo. Thairis sin, déanfaidh an t-údarás um dheonú ceaduithe meastóireacht ar aon tástáil ábhartha eile a dhéantar ar an bhfeithicil lena mbaineann.

2.   Tabharfaidh an t-údarás um dheonú ceaduithe tuairisc sa tuarascáil tástála ar na critéir a úsáideadh don mheastóireacht a rinneadh i gcomhréir le mír 1. Chun na críche sin, tuigfear gurb é atá i straitéisí saorga aon bhogearra, loighic rialaithe, crua-earraí nó comhpháirt atá ar bord nó a bhaineann leis an bhfeithicil, lena laghdaítear luachanna astaíochtaí CO2 nó ídithe breosla na feithicle sna tástálacha a dhéantar chun astaíochtaí CO2 a dheimhniú, ach nach n-oibríonn go comhsheasmhach nuair atá an fheithicil i seirbhís, agus an difríocht idir na dálaí tástála sin agus na dálaí inseirbhíse á cur san áireamh, mura rud é go n-eascraíonn an oibríocht neamhréireach sin as ceanglais a leagtar síos i ndlí an Aontais nó go bhfuil údar leis mar gheall ar an ngá atá ann an fheithicil a chosaint ar dhamáiste láithreach nó oibriú sábháilte na feithicle a áirithiú.

3.   Más rud é, ar bhonn na meastóireachta arna déanamh de réir mhír 1, go measann an t-údarás um dheonú ceaduithe gurb ard é an riosca go bhfuil straitéisí saorga i láthair san fheithicil tástála, sonróidh agus déanfaidh sé clár tástála sonrach i dteannta na dtástálacha arna ndéanamh de réir Airteagal 18, chun láithreacht nó easnamh straitéise saorga a shainaithint. Arna iarraidh sin don údarás chineálcheadaithe deonaithe, soláthróidh an monaróir gach cód bogearraí gaolmhar ábhartha chun a shainaithint an ann nó nach ann do straitéis shaorga.

4.   Más léir don údarás um dheonú ceaduithe go bhfuil straitéisí saorga i láthair, cinnfidh sé na feithiclí lena mbaineann agus méid na neamhréireachta sna luachanna astaíochtaí CO2 trí chomparáid a dhéanamh idir an luach astaíochtaí CO2 in éineacht le straitéisí saorga agus dá n-uireasa. Murar féidir méid na neamhréireachta sin a chinneadh bunaithe ar na tástálacha arna ndéanamh i gcomhréir le hAirteagal 18 agus, más infheidhme, mír 3 den Airteagal seo, is éard a bheidh i méid na neamhréireachta sna luachanna astaíochtaí CO2 10 % de luach astaíochtaí CO2 na n-astaíochtaí tagartha CO2 de chuid an fhoghrúpa feithicle.

1.   Áireoidh an t-údarás um dheonú ceaduithe sna tuarascálacha tástála dá dtagraítear in Airteagal 5(1) de Rialachán Tarmligthe (AE) 2024/1127 an fhaisnéis seo a leanas ar a laghad le haghaidh gach grúpa arna thástáil:

2.   Laistigh de 20 lá oibre ó chríochnú na dtástálacha, cuirfidh an t-údarás um dheonú ceaduithe an tuarascáil tástála ar fáil do mhonaróir na bhfeithiclí nó na mbonn lena mbaineann agus uaslódálfaidh sé í i bhformáid chriptithe chuig freastalaí tiomnaithe de chuid an Choimisiúin, mar aon leis na sonraí seo a leanas i ndáil le gach ceann de na feithiclí tástála aonair nó de na boinn tástála aonair:

Ní fhoilseofar na sonraí agus na paraiméadair a shonraítear i bpointí (a) go (e).

I gcás inar uaslódáladh na sonraí uile i gceart le haghaidh gach feithicle nó boinn de ghrúpa a ndearnadh tástáil uirthi, seolfar admháil ó fhreastalaí an Choimisiúin chuig an eintiteas uaslódála.

1.   Má léirítear le torthaí an fhíorúcháin inseirbhíse nach bhfuil aon neamhréireacht sna luachanna astaíochtaí CO2, tiocfaidh an t-údarás um dheonú ceaduithe ar an gconclúid nach bhfuil easpa comhfhreagartha ann idir luachanna astaíochtaí CO2 an fhíorúcháin inseirbhíse agus na luachanna arna dtaifeadadh sa chomhad faisnéise custaiméara agus cuirfidh sé an chonclúid sin sa tuarascálacha tástála.

2.   Má léirítear le torthaí an fhíorúcháin inseirbhíse go bhfuil neamhréireacht sna luachanna astaíochtaí CO2, féadfaidh an monaróir cur in aghaidh na dtorthaí laistigh de 20 lá oibre tar éis dó tuarascáil na tástála a fháil, trí fhianaise a chur ar fáil ina léirítear an chomhfhreagairt idir luachanna astaíochtaí CO2 an fhíorúcháin inseirbhíse agus na luachanna arna dtaifeadadh sa chomhad faisnéise custaiméara. Féadfaidh an monaróir síneadh 20 lá oibre a iarraidh chun an fhianaise sin a sholáthar.

In éagmais freagartha, measfar gur ghlac an monaróir le torthaí an fhíorúcháin inseirbhíse.

3.   Agus an fhianaise a chuireann an monaróir ar fáil de bhun mhír 2 á cur san áireamh, déanfaidh an t-údarás um dheonú ceaduithe conclúid ar cé acu a sainaithníodh nó nár sainaithníodh easpa comhfhreagartha san fhíorú inseirbhíse idir luachanna astaíochtaí CO2 an fhíorúcháin inseirbhíse agus na luachanna arna dtaifeadadh sa chomhad faisnéise custaiméara, nó ar cé acu atá nó nach bhfuil straitéisí saorga ann.

Tarchuirfidh an t-údarás um dheonú ceaduithe a chonclúid chuig an monaróir lena mbaineann agus chuig an gCoimisiún 40 lá oibre ar a dhéanaí, nó i gcás síneadh i gcomhréir le mír 2, 80 lá oibre ar a dhéanaí, tar éis dó an tuarascáil tástála a sheoladh chuig an monaróir faoi mhír 2.

4.   Beidh an méid seo a leanas, ar a laghad, san áireamh i gconclúid an údaráis chineálcheadaithe deonaithe dá dtagraítear i mír 3:

5.   Roimh an 30 Meán Fómhair gach bliain féilire, foilseoidh an t-údarás um dheonú ceaduithe forbhreathnú ar na fíorúcháin inseirbhíse a rinneadh sa tréimhse thuairiscithe roimhe sin agus ar a chonclúidí arna n-eisiúint sa tréimhse thuairiscithe sin, dá dtagraítear i míreanna 1 agus 3, agus an fhormáid a leagtar amach in Iarscríbhinn V á húsáid. Le haghaidh tástálacha fíorúcháin inseirbhíse nach ndéantar aon chonclúid a shuí ina leith roimh fhoilsiú an fhorbhreathnaithe, áireofar an chonclúid sa chéad fhorbhreathnú bliantúil eile.

1.   I gcás inar eisigh an t-údarás um dheonú ceaduithe conclúid dá dtagraítear in Airteagal 21(4), pointe (b), den Rialachán seo, déanfaidh an Coimisiún, le haghaidh thréimhse thuairiscithe na bliana inar eisíodh an chonclúid agus le haghaidh na dtréimhsí tuairiscithe ina dhiaidh sin, méid na neamhréireachta i luachanna astaíochtaí CO2 a chur i bhfeidhm ar na feithiclí lena mbaineann, mar a chinntear i gcomhréir le hAirteagal 22, chun meánastaíochtaí sonracha CO2 monaróra a ríomh i gcomhréir le hAirteagal 4 de Rialachán (AE) 2019/1242.

2.   Cuirfidh an Coimisiún méid na neamhréireachta sna luachanna astaíochtaí CO2 i bhfeidhm freisin maidir leis na feithiclí lena mbaineann mar a chinntear i gcomhréir le Airteagal 22 chun meánastaíochtaí sonracha CO2 an mhonaróra a cheartú le haghaidh na 10 dtréimhse thuairiscithe roimh an tréimhse thuairiscithe don bhliain inar eisíodh an chonclúid, ach tráth nach luaithe ná tréimhse thuairiscithe 2025.