‘3.   I gcásanna inar staon Ballstát le linn vóta agus ina ndearna sé dearbhú foirmiúil i gcomhréir leis an dara fomhír d’Airteagal 31(1) CAE a mhéid a bhaineann le beart cúnaimh a cheadaíonn soláthar trealaimh mhíleata nó ardán míleata a ceapadh chun fórsa marfach a thabhairt, ní rannchuideoidh an Ballstát sin le costais an bhirt chúnaimh sin. Ina ionad sin, déanfaidh an Ballstát sin rannchuidiú breise le bearta cúnaimh eile nach mbaineann leis an trealamh ná na hardáin sin a sholáthar. Sa chás sin, ní thiocfaidh aon athrú ar mhéid tagartha an bhirt cúnaimh as ar staon an Ballstát le linn vóta mar thoradh ar an staonadh sin.’

‘1.   Chun oibríocht nó beart cúnaimh a mhaoiniú faoin tSaoráid, ní mór bunghníomh dlí a ghlacadh roimh ré i bhfoirm cinnidh ón gComhairle lena mbunaítear an oibríocht faoi Airteagail 42(4) agus 43(2) CAE nó an beart cúnaimh faoi Airteagal 28 CAE. Mar eisceacht, ní bheidh bunghníomh dlí riachtanach chun costais choiteanna a mhaoiniú le linn chéim ullmhúcháin oibríochta, chun an caiteachas is gá chun oibríocht a fhoirceannadh nó chun costais choiteanna gníomhaíochtaí, dá dtagraítear in Airteagal 44(1), Airteagal 44(3) agus Airteagal 45, faoi seach, den Chinneadh seo. Chomh maith leis sin, ní bheidh gníomh bunúsach dlí riachtanach i gcás ina mbeidh cistiú údaraithe ag an gComhairle do bhearta ullmhúcháin le haghaidh beart cúnaimh nó i gcás ina mbeidh gníomhaíochtaí práinneacha formheasta ag an gCoiste Polaitiúil agus Slándála go dtí go ndéanfar cinneadh maidir le beart cúnaimh, i gcomhréir le hAirteagail 57(2) agus le hAirteagal 58, faoi seach, den Chinneadh seo.’

‘2.   Faoi chuimsiú na dtosaíochtaí straitéiseacha dá dtagraítear i mír 1 den Airteagal seo, tabharfaidh an Coiste Polaitiúil agus Slándála treoshuíomh straitéiseach le haghaidh oibríochtaí agus bearta cúnaimh a bheidh le cistiú faoin tSaoráid d’fhonn an tsíocháin a chaomhnú, coinbhleachtaí a chosc agus an tslándáil idirnáisiúnta a neartú, ar bhonn plé a rinneadh roimhe seo i gcomhlachtaí ullmhúcháin ábhartha eile de chuid na Comhairle, lena n-áirítear plé i bhformáidí le saineolaithe ábhartha, mura gcinnfidh an Coiste Polaitiúil agus Slándála a mhalairt. Chuige sin, tionólfaidh an Coiste Polaitiúil agus Slándála díospóireacht 2 uair sa bhliain, ar bhonn treoshuíomh straitéiseach táscach, arna mholadh ag an Ardionadaí, agus cuirfear an treoshuíomh straitéiseach don bhliain n+ 1 ar fáil faoin 31 Bealtaine de bhliain n. Áireofar leis an treoshuíomh straitéiseach táscach, bunaithe ar thuairimí a chuirfidh na Ballstáit in iúl, réasúnú gairid leis an méid tagartha dá bhforáiltear do gach beart cúnaimh i bhfianaise na gcuspóirí atá beartaithe leis, agus amlíne tháscach den phlé a mheastar a bheidh ar siúl sa Chomhairle. Cuirfear faoi bhráid an Choiste Pholaitiúil agus Slándála é 30 lá roimh an gcruinniú ina n-iarrfar ar an gCoiste Polaitiúil agus Slándála an treoshuíomh straitéiseach a chur ar fáil. Maidir le bearta cúnaimh, déanfaidh an Coiste Polaitiúil agus Slándála iad a ailíniú leis na cuspóirí agus na prionsabail a leagtar amach in Airteagal 56 agus tabharfaidh sé aird chuí ar na tuarascálacha arna gcur ar fáil ag an Ardionadaí i gcomhréir le hAirteagal 63.

3.   Bunóidh an Chomhairle modheolaíocht riosca agus coimircí maidir le bearta cúnaimh a bheidh le cistiú faoin tSaoráid agus déanfaidh an Coiste Polaitiúil agus Slándála athbhreithniú rialta uirthi. Déanfaidh an tSeirbhís Eorpach Gníomhaíochta Seachtraí (“SEGS”) faireachán agus meastóireacht ar chur chun feidhme na socruithe arna ndéanamh ag an Ardionadaí leis an tairbhí, i gcomhréir le hAirteagal 62.’

‘Airteagal 10

An tSaoráid a bhainistiú

‘3.   Údarófar gach ceannasaí oibríochta aon bhearta a ghlacadh, lena gcomhlíontar an Cinneadh seo agus na rialacha arna mbunú ag an gCoiste de bhun Airteagal 11(6), a mheasann an ceannasaí a bheith riachtanach chun an caiteachas arna mhaoiniú faoin tSaoráid a chur chun feidhme, i ndáil leis an oibríocht ar a bhfuil sé nó sí i gceannas agus i ndáil le haon bheart cúnaimh nó cuid de a fhéadfaidh an oibríocht a chur chun feidhme. Cuirfidh sé nó sí an riarthóir um oibríochtaí agus an Coiste ar an eolas faoi sin. Féadfaidh Stiúrthóir an Chumais Mhíleata Pleanála agus Seolta, ina cháil nó ina cáil mar Cheannasaí Misin, cúraimí áirithe bainistíochta airgeadais de chuid na n-oibríochtaí fo-ordaithe a lárú ar leibhéal an Chumais Mhíleata Pleanála agus Seolta, ag gníomhú dó nó di mar Cheanncheathrú Misin.’

‘2.   Mar sin féin, agus faoi réir Airteagal 51(5), beidh formheas ón gCoiste ag teastáil roimh ré i gcás inar mó an t-aistriú beartaithe idir caibidlí ná 20 % i dteidil a bhfuil baint acu le hoibríochtaí, agus bearta cúnaimh, de na leithreasuithe a iontráladh sa chaibidil óna dtarraingítear na leithreasuithe, de réir mar atá le feiceáil sa bhuiséad a glacadh don bhliain airgeadais ar an dáta a dhéantar an moladh maidir leis an aistriú sin. Ní bheidh feidhm ag an gceanglas seo maidir le haistrithe laistigh de theideal le haghaidh beart cúnaimh i bhfoirm clár ginearálta.’

‘2.   Féadfaidh an Coiste cinneadh a dhéanamh faoin 31 Márta gach bliain maidir le moltaí ó gach riarthóir faoi seach leithreasuithe faoi chomhair gealltanas, nach bhfuil gealltanas tugtha ina leith faoi dheireadh na bliana airgeadais roimhe sin, a thabhairt anonn, agus más gá leithreasuithe íocaíochta comhfhreagracha, agus sa chás sin féadfar iad a ghealladh agus a íoc suas go dtí an 31 Nollaig. Mura ngeallfar nó mura n-íocfar faoin dáta sin iad, féadfaidh an Coiste a chinneadh na leithreasuithe sin a thabhairt anonn go dtí deireadh na bliana ina dhiaidh sin i gcásanna a bhfuil údar cuí leo agus ar bhonn eisceachtúil.’

‘Airteagal 21a

Athúsáid leithreasuithe

Faoi réir fhormheas an Choiste, féadfar leithreasuithe faoi chomhair gealltanas a chomhfhreagraíonn do mhéid na ngealltanas saortha a rinneadh toisc nár cuireadh oibríocht nó beart cúnaimh chun feidhme go hiomlán ná go páirteach, féadfar iad a chur ar fáil arís chun tairbhe theidil an bhuiséid le haghaidh oibríochtaí nó bearta cúnaimh faoi seach.’

‘Airteagal 24a

Cineálacha rannchuidithe

Sa bhreis ar na rannchuidithe is iníoctha ag na Ballstáit a rannchuidíonn le hoibríocht nó le beart cúnaimh i gcomhréir le hAirteagal 26(5), féadfaidh an tSaoráid an méid seo a leanas a fháil:

‘Airteagal 25

Luath-réamhaisnéis

‘7.   I gcás, de bhun Airteagal 5(3), ina staonfaidh Ballstát ó bheart cúnaimh a ghlacadh agus nach rannchuidíonn sé leis an mbeart sin, rannchuideoidh sé méid breise le bearta cúnaimh seachas na bearta sin a bhaineann le soláthar trealaimh mhíleata nó ardán míleata a cheaptar chun fórsa marfach a thabhairt. Áiritheofar leis an méid breise sin go mbeidh rannchuidiú foriomlán an Bhallstáit sin le bearta cúnaimh i gcomhréir lena sciar den ollioncam náisiúnta (OIN). Féadfar beart cúnaimh a mhaoiniú le rannchuidithe breise suas le 50 % dá mhéid tagartha, mura gcinnfidh an Chomhairle a mhalairt. Ní dhéanfar beart cúnaimh a mhaoiniú go heisiach le ranníocaíochtaí breise. Déanfar na rannchuidithe atá dlite ó na Ballstáit as na bearta a fhaigheann na rannchuidithe breise sin a laghdú de réir mhéid na rannchuidithe sin.

8.   Ní rachaidh rannchuidithe ó na Ballstáit in aon bhliain ar leith thar a sciar faoi seach den uasteorainn íocaíochta a shonraítear in Airteagal 25(2). Ní bheidh feidhm ag an teorainn sin maidir le réamh-rannchuidithe dá dtagraítear in Airteagal 29(15).’

‘Airteagal 28

Cistiú luath

‘2.   Féadfar beart cúnaimh a chur chun feidhme trí bhainistíocht dhíreach nó indíreach. Nuair a chuirtear beart cúnaimh chun feidhme trí bhainistíocht dhíreach, beidh feidhm ag Airteagail 35, 36 agus 37, de réir mar is iomchuí. Sa chás ina gcuirtear beart cúnaimh chun feidhme trí bhainistíocht indíreach, féadfaidh an Chomhairle na gníomhaithe cur chun feidhme a ainmniú as ceann amháin de na catagóirí seo a leanas:

‘Airteagal 38

Tuarascálacha airgeadais rialta don Choiste

‘3.   Beidh rochtain iomlán ag na daoine atá freagrach as ioncam agus caiteachas na Saoráide a iniúchadh ar gach áitreabh, faisnéis agus sonraí ábhartha, gan mhoill agus gan fógra a thabhairt roimh ré. Áirítear leis sin rochtain ar dhoiciméid agus ar ábhar na dtacaíochtaí sonraí uile a bhaineann leis an ioncam agus leis an gcaiteachas sin agus ar an áitreabh ina gcoimeádtar na doiciméid agus na tacaíochtaí sin. Féadfaidh siad cóipeanna díobh a dhéanamh. Na daoine a bhfuil baint acu le cur chun feidhme ioncam agus chaiteachas na Saoráide, tabharfaidh siad an cúnamh is gá do na riarthóirí agus do na daoine atá freagrach as iniúchadh an ioncaim agus an chaiteachais sin chun a gcúram a chomhlíonadh.’

‘Airteagal 41

Iniúchóireacht inmheánach ar an tSaoráid

‘Airteagal 42

Iniúchóireacht sheachtrach ar an tSaoráid

‘4.   Soláthróidh Coláiste na nIniúchóirí a thuarascáil iniúchóireachta, lena n-áirítear an tuairim iniúchóireachta, faoin 30 Meán Fómhair, tar éis dheireadh na bliana airgeadais. Scrúdóidh an Coiste an tuarascáil iniúchóireachta, an tuairim iniúchóireachta agus na cuntais bhliantúla d’fhonn urscaoileadh a dheonú do gach riarthóir agus do gach ceannasaí oibríochta. Faoi réir fhormheas an Choiste maidir le nochtadh, déanfar an tuarascáil iniúchóireachta, an tuairim iniúchóireachta agus na cuntais bhliantúla a nochtadh go hiomlán nó go páirteach, i gcomhréir le cinneadh an Choiste. Tuairisceoidh gach riarthóir agus gach ceannasaí oibríochta go bliantúil don Choiste maidir le cur chun feidhme na moltaí arna n-eisiúint ag Coláiste na nIniúchóirí i ndáil le hábhair a thagann faoina bhfreagrachtaí faoi seach.’

‘4.   Le linn na tréimhse roimh ghlacadh buiséid le haghaidh oibríochta, féadfaidh an Coiste, ar bhonn moladh ón riarthóir um oibríochtaí, ón gceannasaí oibríochta nó ó Bhallstát, treoracha a eisiúint maidir le cur chun feidhme an chaiteachais le linn na tréimhse sin.’

‘4.   Formheasfaidh an Coiste ceann scríbe deiridh an trealaimh agus an bhonneagair arna gcómhaoiniú, agus riachtanais oibríochtúla agus critéir airgeadais á gcur san áireamh. Féadfaidh an ceann scríbe deiridh, go háirithe, a bheith mar seo a leanas:

‘2.   Beidh na prionsabail seo a leanas mar bhonn taca leis na bearta cúnaimh:

‘Airteagal 58

Próiseas a bhrostú chun tús a chur le beart cúnaimh

‘2.   Sna socruithe a dhéanfar i gcomhréir le mír 1, áireofar forálacha, i gcomhréir le téarmaí an bhirt cúnaimh nó le haon chinneadh ábhartha ón gComhairle nó ón gCoiste, lena n-áirítear maidir le coimircí, chun an méid seo a leanas a áirithiú:

‘Airteagal 63

Tuairisciú agus obair leantach

Soláthróidh an tArdionadaí tuarascáil ar chur chun feidhme beart cúnaimh don Choiste Polaitiúil agus Slándála dhá uair sa bhliain nó nuair a iarrfaidh an Coiste Polaitiúil agus Slándála amhlaidh. Cumhdófar sna tuarascálacha sin na gnéithe polaitiúla, oibríochtúla agus airgeadais den bheart cúnaimh. Áireofar iontu an príomhthrealamh a seachadadh, meastóireacht ar a thionchar agus ar bhainistiú agus úsáid sócmhainní, mar aon le nuashonruithe ar an anailís ar íogaireacht agus ar chomhthéacs na coinbhleachta agus ar an measúnú riosca agus tionchair. Féadfaidh SEGS agus na riarthóirí faisnéis níos mionsonraithe a chur i láthair go tréimhsiúil sa Choiste agus i gcomhlachtaí ábhartha na Comhairle faoi chur chun feidhme na mbeart cúnaimh, lena n-áirítear maidir leis na gníomhaíochtaí arna ndéanamh i ndáil le socruithe le haghaidh faireacháin agus meastóireachta, rialuithe agus coimircí. Beidh sé d’aidhm leis an méid a chuirfear i láthair na forbairtí i ndáil le cur chun feidhme na mbeart cúnaimh a chumhdach ar bhonn bliantúil.’

‘8.   Agus é ag gníomhú mar ghníomhaithe cur chun feidhme, ní dhéanfaidh an riarthóir measúnú ar na heintitis seo a leanas dá dtagraítear in Airteagal 33(2):

‘11.   Déanfaidh an Chomhairle cinneadh maidir le leanúint leis an tSaoráid sa chéad timthriall buiséadach eile, i gcomhréir le hAirteagal 75(1) agus i gcomhthéacs caibidlíocht bhuiséadach níos leithne maidir leis an tréimhse tar éis 2027.

12.   In éagmais cinneadh faoi mhír 11 den Airteagal seo faoin 15 Deireadh Fómhair 2027, agus faoi réir fhormheas an Choiste i gcomhréir le hAirteagal 18(8), féadfar leithreasuithe a iontráil sna buiséid bhliantúla agus sna buiséid leasaitheacha tar éis 2027 chun an méid seo a leanas a chumhdach:

Ní sháróidh na leithreasuithe faoi chomhair gealltanas arna n-iontráil sa bhuiséad bliantúil tar éis 2027 dá dtagraítear sa mhír seo, ní sháróidh siad na leithreasuithe faoi chomhair gealltanas arna bhformheas ag an gCoiste do bhuiséad bliantúil 2027 faoi na teidil chomhfhreagracha.

Gan dochar don chéad fhomhír, pointe (b), agus cé is moite den chuid ghinearálta den bhuiséad bliantúil dá dtagraítear in Airteagal 18(3), pointe (c) agus de leithreasuithe a thugtar anonn i gcomhréir le hAirteagal 21, ní fhéadfaidh an t-oifigeach údarúcháin um bearta cúnaimh gealltanais bhuiséadacha a thabhairt ach go dtí an 31 Nollaig 2027.’