(1)

An 17 Deireadh Fómhair 2022, ghlac an Chomhairle Cinneadh (CBES) 2022/1968 maidir le Misean Cúnaimh Mhíleata de chuid an Aontais Eorpaigh mar thaca leis an Úcráin (EUMAM Ukraine).

(2)

Foráiltear le hAirteagal 2(3) de Chinneadh (CBES) 2022/1968 go bhfuil Ballstát le Ceannasaíocht Oiliúna Speisialta ilnáisiúnta a chur ar fáil, a bheidh i gceannas ar ghníomhaíochtaí oiliúna sa tír sin.

(3)

De bhun Airteagal 5(1) de Chinneadh (CBES) 2022/1968, thug an Chomhairle údarú don Choiste Polaitiúil agus Slándála (PSC) na cinntí ábhartha a dhéanamh, i gcomhréir le hAirteagal 38 de Chonradh an Aontais Eorpaigh, maidir le Ceannasaithe an Aontais Eorpaigh in EUMAM Ukraine a cheapadh, lena n-áirítear an Ceannasaí Speisialta Oiliúna.

(4)

An 27 Deireadh Fómhair 2022, ghlac an Coiste Polaitiúil agus Slándála Cinneadh (CBES) 2022/2097 (2) lena gceaptar an Leifteanant-Ghinearál Andreas MARLOW ina Cheannasaí Speisialta Oiliúna ar EUMAM Ukraine ón dáta céanna.

(5)

An 12 Samhain 2024, mhol údaráis na Gearmáine an Maor-Ghinearál Olaf ROHDE a cheapadh ina Cheannasaí Speisialta Oiliúna.

(6)

An 14 Samhain 2024, thacaigh Ceannasaí Misin an Aontais leis an gceapachán molta sin.

(7)

An 15 Samhain 2024, chomhaontaigh Coiste Míleata an Aontais Eorpaigh a mholadh go gceapfaí an Maor-Ghinearál Olaf ROHDE ina Cheannasaí Speisialta Oiliúna.

(8)

Ba cheart cinneadh a dhéanamh maidir leis an Maor-Ghinearál Olaf ROHDE a cheapadh ina Cheannasaí Speisialta Oiliúna ar EUMAM Ukraine.

(9)

Ba cheart Cinneadh (CBES) 2022/2097 a aisghairm,