Ainm

Faisnéis aitheantais

Cúiseanna

Dáta an liostaithe

‘7.

Salah Abdallah Mohamed SALAH

ar a dtugtar freisin

SALAH GOSH

Dáta breithe: 1957

Áit bhreithe: Nuri, an tSúdáin

Náisiúntacht: Súdánach

Pas: YSJCYKRYG1U5

Inscne: fireann

Feidhm: iarchomhairleoir slándála náisiúnta Phoblacht na Súdáine; iar-Stiúrthóir Sheirbhís Náisiúnta Faisnéise agus Slándála na Súdáine

Daoine aonair comhlachaithe: iar-Uachtarán Phoblacht na Súdáine, Omar Al-Bashir; An Ginearál Abdel Fattah Al-Burhan

Eintitis a bhfuil baint acu leis: An tSeirbhís Náisiúnta Faisnéise agus Slándála

Is iarchomhairleoir slándála náisiúnta Phoblacht na Súdáine agus iar-Stiúrthóir Sheirbhís Náisiúnta Faisnéise agus Slándála na Súdáine é Salah Abdallah Mohamed Salah.

Tá Salah Abdallah Mohamed Salah freagrach as roinnt coups d’état sa tSúdáin – go háirithe iad siúd in 2012 agus in 2019 – agus chuidigh sé le coup d’état a fhorghníomhú in 2021. Meastar go forleathan gur máistir spiaire na Súdáine é. Mar gheall ar an saineolas atá aige mar iaroifigeach slándála, bhí ról aige i gcuidiú a thabhairt do dhaoine den iar-réimis filleadh ar an gcumhacht agus bhain sé an bonn de na hiarrachtaí rialtas sibhialtach a bhunú sa tSúdáin.

Tar éis thitim réimeas Al-Bashir, tá Salah Abdallah Mohamed Salah páirteach i gcónaí i ngníomhaíochtaí a dhíchobhsaíonn an tsíocháin agus an chobhsaíocht sa tír. Cé gur annamh a fheictear go poiblí é, tá sé fós gníomhach agus meastar gur “príomhúdar” roinnt mhaith gníomhaíochtaí é, ar ghníomhaíochtaí iad a rinne Fórsaí Armtha na Súdáine agus an roinn oibríochtaí faisnéise mar chuid den ghéarchéim leanúnach.

Dá bhrí sin, meastar gur ceannaire i measc na ndaoine is dochtairí iad in iar-réimeas Al-Bashir é Salah Abdallah Mohamed Salah, ceannaire atá freagrach as iarrachtaí a bhaineann le cúrsaí slándála agus míleata agus atá leabaithe i struchtúir Fhórsaí Armtha na Súdáine. Tá a naisc idé-eolaíocha le hiar-réimeas Al-Bashir, agus go háirithe le Páirtí na Comhdhála Náisiúnta, ina spreagadh láidir don insint a spreagann an cogadh i gcoinne an fhreasúra, eadhon na Fórsaí Mear-Thacaíochta.

Dá bhrí sin, bhí baint ag Salah Abdallah Mohamed Salah le gníomhaíochtaí a chuireann síocháin, cobhsaíocht nó slándáil na Súdáine i mbaol agus i ngníomhaíochtaí a bhaineann an bonn de na hiarrachtaí chun an t-aistriú polaitiúil sa tSúdáin a atosú.

16.12.2024

8.

Tijani KARSHOM

ar a dtugtar freisin

KHARSHOM;

KARSHOUM;

KHARSHOUM;

AL-TIJANI AL-TAHIR KARSHOUM

Náisiúntacht: Súdánach

Inscne: fireann

Feidhm: iar-Leas-Ghobharnóir (nó “Wali” sa teanga dúchais) Iarthar Darfur; Gobharnóir de facto ar Iarthar Darfur

Daoine aonair comhlachaithe: Abdulrahman JUMA BARAKALLAH; Masar Abdurahman ASEEL

Eintitis chomhlachaithe: Tionól Fhórsaí Saoirse na Súdáine

Is príomhchomhalta de threibh Mahamid é Tijani Karshom agus bhí sé ina Leas-Ghobharnóir ar Iarthar Darfur tráth a rinneadh sléacht ar threibh Massalit in El Geneina, príomhchathair Iarthar Darfur, i mí an Mheithimh 2023. Tá sé ina chomhalta freisin de Thionól Fhórsaí Saoirse na Súdáine, a d’éascaigh earcú mílíste chun troid leis na Fórsaí Mear-Thacaíochta.

Tá Tijani Karshom freagrach as an ionsaí marfach ar Ghobharnóir Iarthar Darfur in El Geneina i mí an Mheithimh 2023, as treoir a thabhairt do na Fórsaí Mear-Thacaíochta cosc a chur ar shibhialtaigh atá sáinnithe in El Geneina an chathair a fhágáil, agus as dhá ionsaí a stiúradh ar champaí do dhaoine easáitithe ina dtír féin. Tar éis an tsléachta in El Geneina, bhunaigh sé coiste chun coirp a bhailiú agus a chur in olluaigheanna. Bhí baint aige freisin le hiarrachtaí chun coirp a cheilt tar éis an dara sléacht, in Ardamatta, Iarthar Darfur, i mí na Samhna 2023.

Tá Tijani Karshom freagrach freisin as ionsaí a stiúradh in El Geneina in éineacht leis na Fórsaí Mear-Thacaíochta agus as dóiteáin airtléire a chur i dtreo oifig Ghobharnóir Iarthar Darfur i mí na Bealtaine 2023, mí roimh fheallmharú an Ghobharnóra.

Dá bhrí sin, bhí baint ag Tijani Karshom le gníomhaíochtaí a chuireann síocháin, cobhsaíocht agus slándáil na Súdáine i mbaol agus bhí baint aige le gníomhartha a phleanáil, a stiúradh nó a dhéanamh in Iarthar Darfur ar mí-úsáidí agus sáruithe tromchúiseacha ar chearta an duine iad agus ar sáruithe ar an dlí daonnúil idirnáisiúnta iad, lena n-áirítear maruithe, éigniú agus cineálacha tromchúiseacha eile foréigin ghnéasaigh agus inscnebhunaithe, agus fuadach.

16.12.2024

9.

Mohamed Ali Ahmed SUBIR

Náisiúntacht: Súdánach

Inscne: fireann

Feidhm: Leifteanant-Ghinearál; Stiúrthóir Stiúrthóireacht Faisnéise Míleata Fhórsaí Armtha na Súdáine

Eintitis chomhlachaithe: Fórsaí Armtha na Súdáine; Stiúrthóireacht na Faisnéise Míleata

Is Leifteanant-Ghinearál i bhFórsaí Armtha na Súdáine agus Stiúrthóir Stiúrthóireacht Faisnéise Míleata Fhórsaí Armtha na Súdáine é Mohamed Ali Ahmed Subir. Sa cháil sin, tá sé i gceannas ar na hoibríochtaí a rinne an Stiúrthóireacht Faisnéise Míleata ó thosaigh an choinbhleacht idir Fórsaí Armtha na Súdáine, na Fórsaí Mear-Thacaíochta agus a ngrúpaí armtha comhlachaithe, an 15 Aibreán 2023. Leagtar béim ar an méid sin trína rannpháirtíocht i gcruinnithe ardleibhéil de cheannasaithe sinsearacha Fhórsaí Armtha na Súdáine a nochtadh go poiblí, faoi cheannas an Ardcheannasaí Abdelfattah Al-Burhan de Cheannas Ginearálta Fhórsaí Armtha na Súdáine in Khartoum i mí na Bealtaine agus i mí Iúil 2023.

Dá bhrí sin, tá freagracht ceannais ar Mohamed Ali Ahmed Subir as ciapadh, gabháil threallach agus coinneáil chosantóirí chearta an duine; gníomhaithe pobail áitiúla, lena n-áirítear gníomhaithe frithchogaidh, dlíodóirí, gairmithe leighis, saorálaithe a thacaíonn le seirbhísí éigeandála; comhaltaí de chuid páirtithe polaitiúla agus coistí frithbheartaíochta; agus daoine a mheastar a bheith ina lucht tacaíochta do na Fórsaí Mear-Thacaíochta.

Bhí baint ag Mohamed Ali Ahmed Subir freisin le roinnt cásanna den fhoréigean gnéasach, lena n-áirítear éigniú agus bagairtí éignithe, a chuirtear i leith na Stiúrthóireachta Faisnéise Míleata, agus leis an Stiúrthóireacht Faisnéise Míleata a bheith ag déanamh gníomhartha arb ionann iad agus céasadh agus cineálacha eile drochíde.

Tá Mohamed Ali Ahmed Subir freagrach freisin as an Stiúrthóireacht Faisnéise Míleata a bheith ag forchur srianta suntasacha ar an rochtain ar chúnamh agus seachadadh cabhrach.

Dá bhrí sin, bhí baint dhíreach ag Mohamed Ali Ahmed Subir leis an Stiúrthóireacht Faisnéise Míleata a bheith ag déanamh gníomhartha ar sáruithe tromchúiseacha ar chearta an duine agus ar an dlí daonnúil idirnáisiúnta iad, agus dá bhrí sin tá sé freagrach as gníomhaíochtaí a bhaineann an bonn go díreach de na hiarrachtaí chun an t-aistriú polaitiúil a atosú sa tSúdáin.

16.12.2024

10.

Osman Mohamed HAMID

ar a dtugtar freisin

Osman AMALIYAT

Náisiúntacht: Súdánach

Inscne: fireann

Feidhm: Maorghinearál na bhFórsaí Mear-Thacaíochta; Ceann Oibríochtaí na bhFórsaí Mear-Thacaíochta

Eintitis chomhlachaithe: na Fórsaí Mear-Thacaíochta

Is Maorghinearál sna Fórsaí Mear-Thacaíochta agus Ceann Oibríochtaí na bhFórsaí Mear-Thacaíochta é Osman Mohamed Hamid. Dá bhrí sin, tá sé i gceannas ar na hoibríochtaí atá á ndéanamh ag na Fórsaí Mear-Thacaíochta ó thosaigh an choinbhleacht idir Fórsaí Armtha na Súdáine, na Fórsaí Mear-Thacaíochta agus a ngrúpaí armtha comhlachaithe, an 15 Aibreán 2023, mar a cuireadh i bhfios go háirithe lena láithreacht i láthair an chatha in Jebel Aulia i mí na Samhna 2023.

Dá bhrí sin, tá freagracht ceannais ar Osman Mohamed Hamid as na Fórsaí Mear-Thacaíochta a bheith ag leanúint den troid agus as na sáruithe ar an dlí idirnáisiúnta um chearta an duine agus ar an dlí daonnúil idirnáisiúnta a rinne na Fórsaí Mear-Thacaíochta. Tá sé freagrach as ionsaithe mórscála bunaithe ar fhorais thrasnacha d’eitneacht agus inscne, maruithe, céasadh, foréigean forleathan gnéis agus inscnebhunaithe, éigniú, sclábhaíocht ghnéasach, fuadach, earcú agus úsáid leanaí i gcogaíocht, agus bac a chur ar rochtain ar chabhair dhaonnúil do shibhialtaigh atá i ngátar.

Dá bhrí sin, bhí baint dhíreach ag Osman Mohamed Hamid leis na Fórsaí Mear-Thacaíochta a bheith ag déanamh gníomhaíochtaí a chuireann síocháin, cobhsaíocht agus slándáil na Súdáine i mbaol. Tá sé freagrach freisin as gníomhaíochtaí arb ionann iad agus sáruithe tromchúiseacha ar chearta an duine agus sáruithe ar an dlí daonnúil idirnáisiúnta, agus as gníomhaíochtaí a bhaineann an bonn go díreach de na hiarrachtaí chun an t-aistriú polaitiúil sa tSúdáin a atosú.

16.12.2024’