(1)

Le hAirteagal 3(1) de Threoir 2001/95/CE, ceanglaítear ar thairgeoirí gan ach táirgí sábháilte a chur ar an margadh.

(2)

Faoin dara fomhír d’Airteagal 3(2) de Threoir 2001/95/CE, a mhéid a bhaineann leis na rioscaí agus na catagóirí riosca a chumhdaítear leis na caighdeáin náisiúnta ábhartha, meastar go bhfuil táirge sábháilte nuair a chomhlíonann sé caighdeáin náisiúnta dheonacha lena dtrasuitear caighdeáin an Aontais. D’fhoilsigh an Coimisiún na tagairtí do na caighdeáin sin in Iris Oifigiúil an Aontais Eorpaigh i gcomhréir le hAirteagal 4 den Treoir sin.

(3)

I gcomhréir le Cinneadh Cur Chun Feidhme (AE) 2019/1698 ón gCoimisiún (2), in Iris Oifigiúil an Aontais Eorpaigh, d’fhoilsigh an Coimisiún na tagairtí do chaighdeáin EN 581-1:2006 ‘Troscán lasmuigh - ‘Suíochánra agus táblaí le húsáid le haghaidh campála, sa bhaile agus le haghaidh conarthaí - Cuid 1: Ceanglais ghinearálta sábháilteachta’, EN 12491:2001 ‘Trealamh parafaoileoireachta - Paraisiúit éigeandála - Ceanglais sábháilteachta agus modhanna tástála’, EN 1651:1999 ‘Trealamh parafaoileoireachta - Úmacha - Ceanglais sábháilteachta agus tástálacha láidreachta’ agus EN 1273:2005 ‘Earraí úsáide agus cúraim maidir le leanaí - Frámaí siúil do leanaí - Ceanglais sábháilteachta agus modhanna tástála’.

(4)

Rinne an Coiste Eorpach um Chaighdeánú caighdeáin EN 12491:2001, EN 1651:1999 agus EN 1273:2005 a tharraingt siar óna bhunachar sonraí. Ní léiríonn Caighdeán EN 581-1:2006 an úrscothacht a thuilleadh. Dá bhrí sin, measann an Coimisiún nach féidir a áirithiú a thuilleadh leis na caighdeáin sin go gcomhlíonfar an ceanglas ginearálta sábháilteachta agus gur cheart, mar thoradh air sin, na tagairtí dóibh a tharraingt siar ó liosta na dtagairtí do chaighdeáin a foilsíodh in Iris Oifigiúil an Aontais Eorpaigh, liosta atá i gCinneadh Cur Chun Feidhme (AE) 2019/1698.

(5)

Dá bhrí sin, níor cheart toimhde sábháilteachta a dheonú a thuilleadh do na táirgí a chomhlíonann na caighdeáin dheonacha náisiúnta lena dtrasuitear na caighdeáin sin de chuid an Aontais, agus a chuirfear ar an margadh tar éis theacht i bhfeidhm an Chinnidh seo.

(6)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Shábháilteacht Ghinearálta Táirgí a bunaíodh le hAirteagal 15 de Threoir 2001/95/CE,

(7)

Tar éis dul i gcomhairle leis an gCoiste um Chaighdeáin a bunaíodh le hAirteagal 22 de Rialachán (AE) Uimh. 1025/2012 ó Pharlaimint na hEorpa agus ón gComhairle (3) maidir le caighdeánú Eorpach,

—

EN 581-1:2006 Troscán lasmuigh – Suíochánra agus táblaí le húsáid le haghaidh campála, sa bhaile nó le haghaidh conarthaí – Cuid 1: Ceanglais ghinearálta sábháilteachta [scriostar Ró 1 d’Iarscríbhinn I];

—

EN 12491:2001 Trealamh parafaoileoireachta – Paraisiúit éigeandála – Ceanglais sábháilteachta agus modhanna tástála [scriostar Ró 35 d’Iarscríbhinn I];

—

EN 1651:1999 Trealamh parafaoileoireachta – Úmacha – Ceanglais sábháilteachta agus tástálacha láidreachta [scriostar Ró 15 d’Iarscríbhinn I];

—

EN 1273:2005 Earraí úsáide agus cúraim maidir le leanaí – Frámaí siúil do leanaí – Ceanglais sábháilteachta agus modhanna tástála [scriostar Ró 13 d’Iarscríbhinn I].