CINNEADH (AE) 2024/2906 ÓN gCOMHAIRLE

an 14 Samhain 2024

maidir leis na ranníocaíochtaí airgeadais a bheidh le híoc ag na páirtithe sa Chiste Eorpach Forbraíochta chun an ciste sin a mhaoiniú, lena sonraítear an uasteorainn le haghaidh 2026, an méid bliantúil le haghaidh 2025, méid na chéad tráthchoda le haghaidh 2025 agus réamhaisnéis tháscach neamhcheangailteach i dtaca leis na méideanna bliantúla a mheastar a bheidh sna ranníocaíochtaí le haghaidh na mblianta 2027 agus 2028

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint don Chomhaontú Inmheánach idir Ionadaithe Rialtais Bhallstáit an Aontais Eorpaigh, agus iad le chéile i dtionól na Comhairle, maidir le maoiniú na cabhrach ón Aontas Eorpach faoin gcreat airgeadais ilbhliantúil le haghaidh na tréimhse 2014 go 2020, i gcomhréir leis an gComhaontú Comhpháirtíochta ACC-AE, agus maidir le leithdháileadh an chúnaimh airgeadais ar Thíortha agus ar Chríocha Thar Lear a bhfuil feidhm ag Cuid a Ceathair den Chonradh ar Fheidhmiú an Aontais Eorpaigh maidir leis (1), agus go háirithe Airteagal 7(2), i gcomhar le hAirteagal 14(3), de,

Ag féachaint do Rialachán (AE) 2018/1877 ón gComhairle an 26 Samhain 2018 maidir leis an rialachán airgeadais is infheidhme i dtaca leis an 11ú Ciste Eorpach Forbraíochta, agus lena n-aisghairtear Rialachán (AE) 2015/323 (2), agus go háirithe Airteagal 19(2) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)	I gcomhréir le hAirteagal 46 de Rialachán (AE) 2018/1877, tá an Banc Eorpach Infheistíochta (‘BEI’) le meastacháin nuashonraithe ar ghealltanais agus ar íocaíochtaí faoi na hionstraimí a bhainistíonn sé a sheoladh chuig an gCoimisiún.

(2)

I gcomhréir leis an nós imeachta a leagtar síos in Airteagail 19(2) de Rialachán (AE) 2018/1877, tá an Coimisiún le togra a thíolacadh faoin 15 Deireadh Fómhair 2024 lena sonrófar uasteorainn na ranníocaíochta le haghaidh 2026, méid bliantúil na ranníocaíochta le haghaidh 2025, méid na chéad tráthchoda den ranníocaíocht le haghaidh 2025 agus réamhaisnéis tháscach neamhcheangailteach i dtaca leis na méideanna bliantúla a mheastar a bheidh sna ranníocaíochtaí le haghaidh na mblianta 2027 agus 2028.

(3)

De bhun Airteagal 20(1) de Rialachán (AE) 2018/1877, le glaonna ar ranníocaíochtaí ídeofar ar dtús na méideanna dá bhforáiltear sna Cistí Eorpacha Forbraíochta (‘CEF’) a bhí ann roimh an gCiste is deireanaí. Ba cheart, dá bhrí sin, glao ar chistí a dhéanamh de bhun Rialachán (AE) 2018/1877 le haghaidh an Choimisiúin agus le haghaidh BEI.

(4)

De bhun Airteagal 152 den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (3) (an ‘Comhaontú um Tharraingt Siar’), tá Ríocht Aontaithe na Breataine Móire agus Thuaisceart Éireann (‘an Ríocht Aontaithe’) chun leanúint de bheith ina páirtí in CEF go dtí go ndúnfar an 11ú CEF agus gach CEF eile roimhe sin atá fós gan dúnadh. Mar sin féin, de bhun Airteagal 153 den Chomhaontú um Tharraingt Siar, ní athúsáidfear sciar na Ríochta Aontaithe de chistí saortha ó thionscadail faoin 11ú CEF, i gcás ina ndearnadh na cistí sin a shaoradh tar éis an 31 Nollaig 2020, nó faoi CEFanna roimhe sin.

(5)	Le Cinneadh (AE) 2023/2586 ón gComhairle (4), socraítear uasteorainn mhéid bliantúil na ranníocaíochta a bheidh le híoc ag na páirtithe in CEF le haghaidh 2025 ag EUR 800 000 000 don Choimisiún agus ag EUR 9 000 000 do BEI.

(6)	Chun go bhféadfar na bearta dá bhforáiltear a chur i bhfeidhm go pras, ba cheart an Cinneadh seo a theacht i bhfeidhm dátaa fhoilsithe in Iris Oifigiúil an Aontais Eorpaigh,

TAR ÉIS AN CINNEADH SEO A GHLACADH:

Airteagal 1

Socraítear leis seo ag EUR 700 000 000 don Choimisiún méid bliantúil na ranníocaíochtaí a bheidh le híoc ag na páirtithe sa Chiste Eorpach Forbraíochta (CEF) le haghaidh 2026.

Airteagal 2

Socraítear leis seo méid bliantúil na ranníocaíochtaí a bheidh le híoc ag na páirtithe in CEF le haghaidh 2025 ag EUR 809 000 000. Íocfar é mar a leanas:

(a)	le haghaidh an Choimisiúin, EUR 800 000 000; agus

(b)	le haghaidh an Bhainc Eorpaigh Infheistíochta (BEI), EUR 9 000 000.

Airteagal 3

Socraítear leis seo ag EUR 359 000 000 méid bliantúil na ranníocaíochtaí atá le híoc ag na páirtithe in CEF mar an chéad tráthchuid le haghaidh 2025. Íocfar é mar a leanas:

(a)	le haghaidh an Choimisiúin, EUR 350 000 000; agus

(b)	le haghaidh BEI, EUR 9 000 000.

Airteagal 4

Déanfar méid EUR 6 300 000 de chistí nár gealladh nó de chistí saortha ó thionscadail faoin 9ú CEF a aisíoc trí laghdú a dhéanamh ar mhéid na híocaíochta i leith na chéad tráthchoda le haghaidh 2025, faoi mar a leagtar amach in Airteagal 3.

Airteagal 5

Maidir leis an réamhaisnéis tháscach neamhcheangailteach i dtaca le méid bliantúil na ranníocaíochtaí a mheastar a dhéanfar le haghaidh 2027, socraítear leis seo í ag EUR 500 000 000 don Choimisiún agus ag EUR 0 do BEI. Maidir leis an réamhaisnéis tháscach neamhcheangailteach i dtaca le méid bliantúil na ranníocaíochtaí a mheastar a dhéanfar le haghaidh 2028, socraítear leis seo í ag EUR 400 000 000 don Choimisiún agus ag EUR 0 do BEI.

Airteagal 6

Tiocfaidh an Cinneadh seo i bhfeidhm dáta a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 14 Samhain 2024.

Thar ceann na Comhairle

An tUachtarán

BÓKA J.

(1) IO L 210, 6.8.2013, lch. 1.

(2) Rialachán (AE) 2018/1877 ón gComhairle an 26 Samhain 2018 maidir leis an Rialachán Airgeadais is infheidhme i dtaca leis an 11ú Ciste Eorpach Forbraíochta, agus lena n-aisghairtear Rialachán (AE) 2015/323 (IO L 307, 3.12.2018, lch. 1).

(3) IO L 29, 31.1.2020, lch. 7.

(4) Cinneadh (AE) 2023/2586 ón gComhairle an 13 Samhain 2023 maidir leis na ranníocaíochtaí airgeadais a bheidh le híoc ag na páirtithe sa Chiste Eorpach Forbraíochta chun an ciste sin a mhaoiniú, lena sonraítear an uasteorainn le haghaidh 2025, an méid bliantúil le haghaidh 2024, méid na chéad tráthchoda le haghaidh 2024 agus réamhaisnéis tháscach, neamhcheangailteach i dtaca leis na méideanna bliantúla a mheastar a bheidh sna ranníocaíochtaí le haghaidh na mblianta 2026 agus 2027 (IO L, 2023/2586, 15.11.2023, ELI: http://data.europa.eu/eli/dec/2023/2586/oj).

IARSCRÍBHINN

An chéad tráthchuid 2025 (EUR) atá le híoc leis an gCoimisiún agus le BEI

NA BALLSTÁIT & AN RÍOCHT AONTAITHE	9ú scála CEF (%)	11ú scála CEF (%)	An Coimisiún			BEI	An Coimisiún + BEI
NA BALLSTÁIT & AN RÍOCHT AONTAITHE	9ú scála CEF (%)	11ú scála CEF (%)	An 11ú CEF	Aisíocaíocht ón 9ú CEF	11ú CEF lúide Aisíocaíocht ón 9ú CEF	An 11ú CEF	Méid iomlán na chéad tráthchoda in 2025
AN BHEILG	3,92	3,24927	11 372 445	246 960	11 125 485	292 434	11 417 919
AN BHULGÁIR		0,21853	764 855	0	764 855	19 668	784 523
AN tSEICIA		0,79745	2 791 075	0	2 791 075	71 771	2 862 846
AN DANMHAIRG	2,14	1,98045	6 931 575	134 820	6 796 755	178 241	6 974 996
AN GHEARMÁIN	23,36	20,57980	72 029 300	1 471 680	70 557 620	1 852 182	72 409 802
AN EASTÓIN		0,08635	302 225	0	302 225	7 772	309 997
ÉIRE	0,62	0,94006	3 290 210	39 060	3 251 150	84 605	3 335 755
AN GHRÉIG	1,25	1,50735	5 275 725	78 750	5 196 975	135 662	5 332 637
AN SPÁINN	5,84	7,93248	27 763 680	367 920	27 395 760	713 923	28 109 683
AN FHRAINC	24,30	17,81269	62 344 415	1 530 900	60 813 515	1 603 142	62 416 657
AN CHRÓIT		0,22518	788 130	0	788 130	20 266	808 396
AN IODÁIL	12,54	12,53009	43 855 315	790 020	43 065 295	1 127 708	44 193 003
AN CHIPIR		0,11162	390 670	0	390 670	10 046	400 716
AN LAITVIA		0,11612	406 420	0	406 420	10 451	416 871
AN LIOTUÁIN		0,18077	632 695	0	632 695	16 269	648 964
LUCSAMBURG	0,29	0,25509	892 815	18 270	874 545	22 958	897 503
AN UNGÁIR		0,61456	2 150 960	0	2 150 960	55 310	2 206 270
MÁLTA		0,03801	133 035	0	133 035	3 421	136 456
AN ÍSILTÍR	5,22	4,77678	16 718 730	328 860	16 389 870	429 910	16 819 780
AN OSTAIR	2,65	2,39757	8 391 495	166 950	8 224 545	215 781	8 440 326
AN PHOLAINN		2,00734	7 025 690	0	7 025 690	180 661	7 206 351
AN PHORTAINGÉIL	0,97	1,19679	4 188 765	61 110	4 127 655	107 711	4 235 366
AN RÓMÁIN		0,71815	2 513 525	0	2 513 525	64 634	2 578 159
AN tSLÓIVÉIN		0,22452	785 820	0	785 820	20 207	806 027
AN tSLÓVAIC		0,37616	1 316 560	0	1 316 560	33 854	1 350 414
AN FHIONLAINN	1,48	1,50909	5 281 815	93 240	5 188 575	135 818	5 324 393
AN tSUALAINN	2,73	2,93911	10 286 885	171 990	10 114 895	264 520	10 379 415
AN RÍOCHT AONTAITHE (*1)	12,69	14,67862	51 375 170	799 470	50 575 700	1 321 076	51 896 776
IOMLÁN – AE-27 & AN RÍOCHT AONTAITHE	100,00	100,00	350 000 000	6 300 000	343 700 000	9 000 000	352 700 000

(*1) De bhun Airteagal 153 den Chomhaontú um Tharraingt Siar, d’iarr an Ríocht Aontaithe go foirmiúil i mí an Mhárta 2023 go ndéanfadh an Coimisiún a sciar atá fágtha aici de chúlchistí an 10ú agus an 11ú CEF a aisíoc trí ghlanáireamh a dhéanamh ar an ranníocaíocht atá fágtha aici sa CEF. Cuirfear an socrú glanáirimh sin san áireamh sna treoracha íocaíochta faoi seach.