TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2018/848 ó Pharlaimint na hEorpa agus ón gComhairle an 30 Bealtaine 2018 maidir le táirgeadh orgánach agus lipéadú táirgí orgánacha agus lena n-aisghairtear Rialachán (CE) Uimh. 834/2007 ón gComhairle (1), agus go háirithe Airteagal 33(6) de,

De bharr an mhéid seo a leanas:

(1)

Leagtar amach in Iarscríbhinn V a ghabhann le Rialachán (AE) 2018/848 na samhlacha de lógó an Aontais Eorpaigh maidir le táirgeadh orgánach a fhéadfar a úsáid, lena n-áirítear samhail dhubh agus bán. Mar sin féin, ní údaraítear go sainráite samhail bhán agus dubh (claonchló) atá go hiomlán inbhéartaithe, cibé acu imlíne teormharcála a bheith nó gan bheith timpeall an lógó. Ba cheart foráil a dhéanamh go sainráite in Iarscríbhinn V a ghabhann le Rialachán (AE) 2018/848 go n-údaraítear samhail den sórt sin freisin ós rud é go bhfreagraíonn sé do riachtanas teicniúil ar an láthair.

(2)

In Iarscríbhinn V a ghabhann le Rialachán (AE) 2018/848 tugtar an dath le haghaidh lógó glas an Aontais Eorpaigh maidir le táirgeadh orgánach leis an dath tagartha sa chairt dathanna Pantone agus sa tsamhail dathanna CMYK, ina n-úsáidtear ceithre phláta dúigh – cian, maigeanta, buí agus eochair (dubh). An tagairt choibhéiseach sa tsamhail dathanna RGB ina n-úsáidtear trí bhundath bhreiseánacha, dearg, glas agus gorm, ba cheart í a sholáthar chun críoch digiteach freisin.

(3)

Foráiltear le hIarscríbhinn V a ghabhann le Rialachán (AE) 2018/848 gur féidir imlíne teormharcála a úsáid timpeall an lógó nuair a bhíonn an lógó ar chúlra agus gur deacair é a fheiceáil dá bharr sin. Chun a áirithiú go n-urramaítear toisí an chóimheasa airde/leithid, ba cheart imlíne teormharcála a úsáid i gcónaí nuair a bhíonn an lógó ar chúlra agus gur deacair é a fheiceáil dá bharr sin.

(4)	Dá bhrí sin, ba cheart Rialachán (AE) 2018/848 a leasú dá réir,

TAR ÉIS AN RIALACHÁN SEO A GHLACADH: