1.   Is éard a bheidh sna comhaltaí daoine aonair a cheapfar chun ionadaíocht a dhéanamh ar leas coiteann, eagraíochtaí, údaráis na mBallstát, nó eintitis phoiblí eile.

2.   Suas le 250 comhalta a bheidh sa ghrúpa.

3.   Comhaltaí a cheapfar chun ionadaíocht a dhéanamh ar leas coiteann, ní dhéanfaidh siad ionadaíocht ar pháirtí leasmhar aonair, ach déanfaidh siad ionadaíocht ar threoshuíomh beartais is coiteann d’eagraíochtaí páirtithe leasmhara éagsúla.

4.   Ainmneoidh údaráis na mBallstát, eagraíochtaí agus eintitis phoiblí eile a n-ionadaithe agus beidh siad freagrach as a áirithiú go soláthróidh a n-ionadaithe ardleibhéal saineolais.

5.   Comhaltaí nach bhfuil ar a gcumas a thuilleadh rannchuidiú go héifeachtach le pléití an ghrúpa, ar comhaltaí iad nach gcomhlíonann, de réir tuairim ó Ranna freagracha an Choimisiúin, na coinníollacha a leagtar amach in Airteagal 339 den Chonradh ar Fheidhmiú an Aontais Eorpaigh nó a d’éirigh as oifig, ní iarrfar orthu a thuilleadh a bheith rannpháirteach in aon chruinniú den ghrúpa agus féadfar iad a ionadú ar feadh a bhfuil fágtha dá dtéarma oifige. Féadfaidh ranna freagracha an Choimisiúin lena mbaineann comhaltas na gcomhaltaí sin a fhoirceannadh freisin.

1.   Maidir le roghnú daoine aonair a cheapfar chun ionadaíocht a dhéanamh ar leas coiteann agus roghnú eagraíochtaí mar chomhaltaí den ghrúpa, déanfar é le glao poiblí ar iarratais a bheidh oscailte go leanúnach agus a fhoilseofar sa Chlár de Ghrúpaí Saineolaithe an Choimisiúin agus d’eintitis eile den saghas céanna (‘an Clár de Ghrúpaí Saineolaithe’). Thairis sin, féadfar an glao ar iarratais a fhoilsiú ar mhodhanna eile, lena n-áirítear ar shuíomhanna gréasáin tiomanta. Sa ghlao ar iarratais, leagfar amach go soiléir na critéir roghnúcháin, lena n-áirítear an saineolas is gá agus na leasanna a ndéanfar ionadaíocht orthu i ndáil leis an obair atá le déanamh.

2.   Is gá do dhaoine aonair a dhéanann ionadaíocht ar leas coiteann agus d’eagraíochtaí clárú sa Chlár Trédhearcachta chun go gceapfar iad.

3.   Is iad ranna freagracha an Choimisiúin a cheapfaidh comhaltaí an ghrúpa, ó iarratasóirí a bhfuil inniúlacht acu sna réimsí dá dtagraítear in Airteagail 2 agus 3.

4.   Ceapfar comhaltaí ar feadh tréimhse 5 bliana, a dhéanfar a athnuachan go huathoibríoch, mura gcinnfidh ranna freagracha an Choimisiúin a mhalairt. Fanfaidh na comhaltaí i seilbh oifige go dtí go gceapfar comhaltaí ina n-ionad.

1.   Gníomhóidh an grúpa, arna iarraidh sin do ranna freagracha an Choimisiúin, i gcomhréir leis na rialacha cothrománacha maidir le grúpaí saineolaithe (6) (‘na rialacha cothrománacha’).

2.   I bprionsabal, is in áitreabh de chuid an Choimisiúin nó go fíorúil, de réir na n-imthosca, a thionólfar cruinnithe an ghrúpa.

3.   Soláthróidh ranna freagracha an Choimisiúin seirbhísí rúnaíochta. Féadfaidh oifigigh an Choimisiúin ó ranna eile a bhfuil leas acu sna himeachtaí freastal ar chruinnithe an ghrúpa agus a fhoghrúpaí.

4.   I gcomhaontú leis an gCathaoirleach, féadfaidh an grúpa a chinneadh, trí thromlach simplí dá chomhaltaí, go ndéanfar a chuid plé go poiblí.

5.   Na miontuairiscí ar an bplé a dhéanfar ar gach pointe ar an gclár agus ar na tuairimí ón ngrúpa, beidh siad fóinteach agus iomlán. Dréachtóidh an rúnaíocht na miontuairiscí faoi fhreagracht an Chathaoirligh.

6.   A mhéid is féidir, is de chomhthoil a ghlacfaidh an grúpa a thuairimí, a mholtaí nó a thuarascálacha. I gcás vóta, is trí thromlach simplí de na comhaltaí a chinnfear toradh na vótála. Beidh sé de cheart ag na comhaltaí a chaith vóta freasúra nó a staon ó vótáil go gcuirfí doiciméad i gceangal leis na tuairimí, na moltaí nó na tuarascálacha ina ndéanfar achoimre ar na cúiseanna lena seasamh.

1.   Bunófar foghrúpa ina mbeidh saineolaithe arna n-ainmniú ag na Ballstáit (‘Grúpa Saineolaithe na mBallstát’).

2.   Féadfaidh ranna freagracha an Choimisiúin foghrúpaí breise a bhunú chun scrúdú a dhéanamh ar shaincheisteanna ar bhonn téarmaí tagartha arna sainiú ag na ranna sin. Feidhmeoidh na foghrúpaí breise sin i gcomhréir leis na rialacha cothrománacha agus tuairisceoidh siad don ghrúpa. Déanfar iad a lánscor a luaithe a chomhlíonfar a sainordú.

3.   Comhaltaí de na foghrúpaí nach comhaltaí den ghrúpa iad, roghnófar iad trí ghlao poiblí ar iarratais, i gcomhréir le hAirteagal 5 agus leis na rialacha cothrománacha.

1.   Féadfar stádas breathnóra a dheonú ar dhaoine aonair, eagraíochtaí, agus eintitis phoiblí nach údaráis na mBallstát iad, trí chuireadh díreach a thabhairt dóibh nó mar thoradh ar ghlao ar iarratais, i gcomhréir leis na rialacha cothrománacha.

2.   Ainmneoidh eagraíochtaí agus eintitis phoiblí a cheaptar mar bhreathnóirí a n-ionadaithe.

3.   Féadfaidh an Cathaoirleach cead a thabhairt do bhreathnóirí agus dá n-ionadaithe a bheith rannpháirteach i bpléití an ghrúpa agus a fhoghrúpaí agus saineolas a sholáthar. Ní bheidh cearta vótála acu, áfach, ná ní bheidh siad rannpháirteach i bhfoirmiú moltaí ná comhairle an ghrúpa agus a fhoghrúpaí.

1.   Clárófar an grúpa agus na foghrúpaí ar an gClár de Ghrúpaí Saineolaithe an Choimisiúin agus d’eintitis eile den saghas céanna (‘an Clár de Ghrúpaí Saineolaithe’).

2.   A mhéid a bhaineann le comhdhéanamh an ghrúpa agus na bhfo-ghrúpaí, foilseofar na sonraí seo a leanas sa Chlár de Ghrúpaí Saineolaithe:

3.   Cuirfear gach doiciméad ábhartha, lena n-áirítear na cláir oibre, na miontuairiscí agus aighneachtaí na rannpháirtithe ar fáil ar an gClár de Ghrúpaí Saineolaithe. Go sonrach, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh. Ní fhéadfar eisceachtaí ó fhoilsiú a dhéanamh ach i gcás ina meastar go ndéanfadh nochtadh doiciméid dochar do chosaint leasa phoiblí nó phríobháidigh mar a shainítear in Airteagal 4 de Rialachán (CE) Uimh. 1049/2001 ó Pharlaimint na hEorpa agus ón gComhairle (9).

1.   Ní íocfar rannpháirtithe i ngníomhaíochtaí an Fhóraim Éicidhearthóireachta agus na bhfoghrúpaí as na seirbhísí a chuireann siad ar fáil.

2.   Aisíocfaidh an Coimisiún speansais taistil agus chothaithe a thabhaítear i ngníomhaíochtaí an Fhóraim Éicidhearthóireachta agus na bhfoghrúpaí le haghaidh ionadaí amháin in aghaidh an Bhallstáit agus le haghaidh saineolaithe ar tugadh cuireadh dóibh i gcomhréir le hAirteagal 9. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorainneacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.