(1)

Le Treoir 2008/70/CE ón gCoimisiún (2) áirítear Tríteasulfúrón mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

De réir Airteagal 78(3) de Rialachán (CE) Uimh. 1107/2009, substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí tríteasulfúrón, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 15 Iúil 2025.

(4)

Cuireadh isteach iarratas ar an bhformheas ar thríteasulfúrón a athnuachan i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) laistigh den tréimhse dá bhforáiltear san Airteagal sin.

(5)

An 14 Iúil 2023, chuir an tÚdarás Eorpach um Shábháilteacht Bia a Chonclúidí maidir leis an measúnú riosca le haghaidh tríteasulfúróin in iúl. Níor shainaithin an tÚdarás aon riosca sonrach ach tháinig sé ar an gconclúid nárbh fhéidir roinnt codanna den mheasúnú riosca a thabhairt chun críche.

(6)

An 8 Bealtaine 2024, chuir an t-iarratasóir an Coimisiún ar an eolas faoina chinneadh an t-iarratas ar fhormheas tríteasulfúróin a athnuachan a tharraingt siar.

(7)

Dá bhrí sin, is iomchuí gan formheas na substainte gníomhaí tríteasulfúrón a athnuachan i gcomhréir le hAirteagal 20(1)(b) de Rialachán (CE) No 1107/2009.

(8)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir sin.

(9)

Ba cheart am leordhóthanach a thabhairt do na Ballstáit údaruithe a tharraingt siar.

(10)

Maidir le táirgí cosanta plandaí ina bhfuil tríteasulfúrón, i gcás ina ndeonóidh na Ballstáit aon tréimhse cairde i gcomhréir le hAirteagal 46 de Rialachán (CE) Uimh. 1107/2009, ba cheart an tréimhse sin a bheith chomh gearr agus is féidir agus gan bheith níos faide ná 12 mhí ó dháta theacht i bhfeidhm an Rialacháin seo.

(11)

Le Rialachán Cur Chun Feidhme (AE) 2023/1757 ón gCoimisiún (6) cuireadh síneadh le dáta éaga tríteasulfúrón go dtí an 15 Iúil 2025 chun go bhféadfar an próiseas athnuachana a chur i gcrích sula rachaidh formheas na substainte gníomhaí sin in éag. Ós rud é go ndearnadh cinneadh maidir leis an athnuachan roimh dhul in éag na tréimhse formheasa sin ar cuireadh síneadh léi, ba cheart feidhm a bheith ag an Rialachán seo a luaithe is féidir.

(12)

Leis an Rialachán seo, ní chuirtear cosc ar iarratas nua a chur isteach maidir leis an tsubstaint ghníomhach tríteasulfúrón de bhun Airteagal 7 de Rialachán (CE) Uimh. 1107/2009.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,