(1)

An 20 Meán Fómhair 2016, ghlac an Chomhairle Cinneadh (CBES) 2016/1693 (1).

(2)

An 10 Meitheamh 2024, ghlac Comhairle Slándála na Náisiún Aontaithe (CSNA) Rún 2734 (2024). D’athdhearbhaigh CSNA go n-áirítear an méid seo a leanas ar ghníomhartha nó gníomhaíochtaí lena léirítear go bhfuil duine aonair, grúpa, gnóthas nó eintiteas bainteach le ISIL (Da’esh) nó Al-Qaeda, ar ghníomhartha nó gníomhaíochtaí iad arna ndéanamh ag, i gcomhar le, faoi ainm, thar ceann, nó chun tacú le Al-Qaeda, ISIL nó aon chill, cleamhnaí, foghrúpa nó díorthach díobh: a bheith rannpháirteach i maoiniú, pleanáil, éascú, ullmhú nó cur i gcrích gníomhartha nó gníomhaíochtaí; airm agus ábhar gaolmhar a sholáthar, a dhíol nó a aistriú; earcú le haghaidh gníomhartha nó gníomhaíochtaí Al-Qaeda, ISIL, nó aon chill, cleamhnaí, foghrúpa nó díorthaigh díobh, nó tacaíocht a thabhairt do na gníomhartha nó na gníomhaíochtaí sin ar bhealach eile. Aithníodh leis freisin go bhféadfadh pleanáil, stiúradh nó déanamh gníomhartha a bhaineann le foréigean gnéasach agus inscnebhunaithe, lena n-áirítear éigniú, sclábhaíocht daoine, agus cásanna fuadaigh agus gáinneála ar dhaoine a bheith incháilithe lena n-ainmniú ar liosta smachtbhannaí na Náisiún Aontaithe in aghaidh ISIL (Da’esh) agus Al-Qaeda ar bhonn na gcritéar maidir le liostú sin, nuair a úsáideann ISIL, Al-Qaeda agus daoine aonair, grúpaí agus eintitis ghaolmhara na gníomhaíochtaí sin mar oirbheart sceimhlitheoireachta.

(3)

I bhfianaise na bagartha leanúnaí ó ISIL (Da’esh) agus Al-Qaeda, agus ó dhaoine, grúpaí, gnóthais agus eintitis a bhfuil baint acu leo, measann an Chomhairle gur gá a shoiléiriú go gcuimsítear freisin leis na critéir maidir le bearta sriantacha a bheith á bhforchur ag CSNA, de bhun Rúin 1267 (1999), 1333 (2000) agus 2253 (2015), nó ag an gCoiste arna bhunú de bhun Rún 1267 (1999), pleanáil, stiúradh, nó déanamh gníomhartha a bhaineann le foréigean gnéasach agus inscnebhunaithe lena n-áirítear éigniú, sclábhaíocht daoine, agus cásanna fuadaigh agus gáinneála ar dhaoine, nuair a úsáideann ISIL (Da’esh), Al-Qaeda agus daoine aonair, grúpaí agus eintitis ghaolmhara na gníomhartha sin mar oirbheart sceimhlitheoireachta.

(4)

Ba cheart, dá bhrí sin, Cinneadh (CBES) 2016/1693 a leasú dá réir,

(1)

in Airteagal 2, cuirtear an méid seo a leanas in ionad mhír 1:

(2)

in Airteagal 3, cuirtear an méid seo a leanas in ionad mhír 1:

‘Na cistí, na sócmhainní airgeadais agus na hacmhainní eacnamaíocha eile go léir atá faoi úinéireacht nó faoi rialú, go díreach nó go hindíreach, ag daoine, grúpaí, gnóthais agus eintitis arna n-ainmniú agus atá faoi réir reo sócmhainní ag CSNA de bhun Rúin 1267 (1999), 1333 (2000) agus 2253 (2015) ó CSNA, nó ag an gCoiste, a shainaithnítear go bhfuil ceann de na nithe a leanas á dhéanamh acu:

déanfar iad a reo.’