1.   Ní bheidh feidhm ag Airteagail 38b go 38d den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le táirgí foirgníochta arna gcumhdach leis an Rialachán seo.

2.   Ní bheidh feidhm ag Airteagail 38b go 38d den Rialachán seo ach amháin maidir le táirgí foirgníochta arna n-ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 38b go 38d den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le táirgí foirgníochta a chuirtear ar an margadh i gcomhréir le hAirteagail 38b agus 38c. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2a).

1.   Tá feidhm ag an Airteagal seo maidir le táirgí foirgníochta atá liostaithe sa ghníomh cur chun feidhme dá dtagraítear in Airteagal 38a(1) atá faoi réir cúraimí tríú páirtí na gcomhlachtaí faoina dtugtar fógra a bhaineann le measúnú agus fíorú seasmhachta feidhmíochta i gcomhréir le hAirteagal 28(1).

2.   Déanfaidh na comhlachtaí faoina dtugtar fógra a ndícheall iarrataí a phróiseáil, mar thosaíocht, ar chúraimí tríú páirtí a bhaineann le seasmhacht feidhmíochta táirgí foirgníochta dá dtagraítear i mír 1 a mheasúnú agus a fhíorú, gan beann ar cé acu ar taisceadh na hiarrataí sin roimh nó i ndiaidh ghníomhachtú na nósanna imeachta éigeandála de bhun Airteagal 38a.

3.   Maidir le tosaíocht a thabhairt d’iarrataí ar chúraimí tríú páirtí a bhaineann le measúnú agus le fíorú seasmhachta feidhmíochta táirgí foirgníochta de bhun mhír 2, ní bheidh mar thoradh orthu costais dhíréireacha bhreise ar mhonaróirí a bhfuil na hiarrataí sin taiscthe acu.

4.   Déanfaidh na comhlachtaí faoina dtugtar fógra iarrachtaí réasúnta chun a n-acmhainneachtaí measúnúcháin agus fíorúcháin faoi seach a mhéadú maidir le táirgí foirgníochta dá dtagraítear i mír 1 ar tugadh fógra dóibh ina leith.

1.   I gcás inar ainmníodh táirgí foirgníochta mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh, lena liostaítear caighdeáin iomchuí nó lena mbunaítear sonraíochtaí coiteanna chun na modhanna agus na critéir a chumhdach chun measúnú a dhéanamh ar na táirgí sin i ndáil lena saintréithe bunriachtanacha sna cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun críocha measúnú agus dearbhú feidhmíochta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach ábhartha nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 64(2a) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Rialachán seo agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagail 4 agus 6, féadfar na modhanna agus na critéir arna soláthar sna caighdeáin nó sonraíochtaí coiteanna dá dtagraítear i mír 1 den Airteagal seo, nó codanna díobh, a úsáid chun feidhmíocht na dtáirgí foirgníochta a chumhdaítear leis na caighdeáin nó na sonraíochtaí coiteanna sin a mheasúnú agus a dhearbhú i ndáil lena saintréithe bunriachtanacha. Ón lá tar éis do mhodh éigeandála an mhargaidh inmheánaigh dul in éag nó a dhíghníomhachtú, ní fhéadfar dearbhuithe feidhmíochta bunaithe a tharraingt suas a thuilleadh bunaithe ar na caighdeáin nó ar na sonraíochtaí coiteanna dá dtagraítear sa ghníomh cur chun feidhme dá dtagraítear i mír 1 den Airteagal seo.

6.   De mhaolú ar Airteagal 38a(3), ach amháin má tá cúis leordhóthanach ann lena chreidiúint go mbaineann riosca do shláinte nó do shábháilteacht daoine le táirgí foirgníochta a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo nó mura n-éiríonn leo an fheidhmíocht dhearbhaithe a bhaint amach, leanfaidh dearbhuithe feidhmíochta na dtáirgí foirgníochta a cuireadh ar an margadh i gcomhréir leis na caighdeáin sin nó leis na sonraíochtaí coiteanna sin de bheith bailí tar éis do ghníomh cur chun feidhme arna ghlacadh de bhun mhír 3 den Airteagal seo dul in éag nó a aisghairm agus tar éis do mhodh éigeandála an mhargaidh inmheánaigh dul in éag nó a dhíghníomhachtú.

7.   Nuair a mheasann Ballstát go bhfuil caighdeán nó sonraíocht choiteann dá dtagraítear i mír 1 mícheart i dtéarmaí modhanna agus critéar chun measúnú a dhéanamh ar fheidhmíocht i ndáil le saintréithe bunriachtanacha, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus, más iomchuí, déanfaidh sé an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh le haghaidh táirgí foirgníochta a liostaítear sa ghníomh cur chun feidhme dá dtagraítear in Airteagal 38a(1) den Rialachán seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020 ó Pharlaimint na hEorpa agus ón gComhairle (*3).

2.   Áiritheoidh údaráis um fhaireachas margaidh na mBallstát go ndéanfar gach iarracht réasúnta ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála do tháirgí foirgníochta a liostaítear sa ghníomh cur chun feidhme dá dtagraítear in Airteagal 38a(1).

1.   Ní bheidh feidhm ag Airteagail 43b go 43e den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le fochórais agus comhpháirteanna sábháilteachta arna gcumhdach leis an Rialachán seo.

2.   Ní bheidh feidhm ag Airteagail 43b go 43e den Rialachán seo ach amháin maidir le fochórais agus comhpháirteanna sábháilteachta arna n-ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 43b go 43e den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 43c(7) den Rialachán seo le linn mhodh éigeandála an mhargaidh inmheánaigh agus tar éis a éaga nó a dhíghníomhachtaithe.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le fochórais agus comhpháirteanna sábháilteachta a chuirtear ar an margadh nó a chuirtear isteach i suiteáil chábla-bhealaigh i gcomhréir le hAirteagail 43c agus 43d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

1.   Tá feidhm ag an Airteagal seo maidir le fochórais agus comhpháirteanna sábháilteachta a liostaítear sa ghníomh cur chun feidhme dá dtagraítear in Airteagal 43a(1) atá faoi réir na nósanna imeachta um measúnú comhréireachta dá dtagraítear in Airteagal 18 lena gceanglaítear rannpháirtíocht éigeantach comhlachta faoina dtugtar fógra.

2.   Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar fhochórais agus comhpháirteanna sábháilteachta dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 43a.

3.   Ní bheidh costas breise díréireach ar na monaróirí a thaisc iarratais ar mheasúnú comhréireachta ar fhochórais agus ar chomhpháirteanna sábháilteachta de bhun mhír 2 mar thoradh ar thosaíocht a thabhairt do na hiarratais sin.

4.   Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás fochórais agus comhpháirteanna sábháilteachta le haghaidh ardaitheoirí dá dtagraítear i mír 1 ar tugadh fógra dóibh ina leith.

1.   De mhaolú ar Airteagal 18, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú chun fochóras sonrach nó comhpháirt sábháilteachta shonrach a liostaítear sa ghníomh cur chun feidhme dá dtagraítear in Airteagal 43a(1) a chur ar an margadh nó a ionchorprú i suiteáil chábla-bhealaigh laistigh de chríoch an Bhallstáit sin agus nach bhfuil na nósanna imeachta um measúnú comhréireachta dá dtagraítear in Airteagal 18 lena gceanglaítear rannpháirtíocht éigeantach comhlachta faoina dtugtar fógra curtha i gcrích ach ar léiríodh ina leith go gcomhlíontar na ceanglais riachtanacha uile is infheidhme a leagtar síos in Iarscríbhinn II i gcomhréir leis na nósanna imeachta dá dtagraítear san údarú sin.

2.   Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar síos in Iarscríbhinn II, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a fhadú chuig críoch an Aontais ina iomláine agus leagfaidh sé amach na coinníollacha faoinar féidir an fochóras sonrach nó an chomhpháirt sábháilteachta shonrach a chur ar an margadh nó a ionchorprú i suiteáil chábla-bhealaigh. Agus an dréachtghníomh cur chun feidhme á ullmhú, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

Ar an bhfochóras nó ar an gcomhpháirt sábháilteachta atá faoi réir an fhadaithe bailíochta dá dtagraítear sa chéad fhomhír, beidh an fhaisnéis go gcuirtear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3.   Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme atá infheidhme a ghlacadh láithreach i gcomhréir leis an nós imeachta dá dtagraítear in Airteagal 44(4).

4.   Fad nach nglacfar gníomh cur chun feidhme amhail dá dtagraítear i mír 2 nó 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5.   Déanfaidh monaróirí fochóras nó comhpháirteanna sábháilteachta atá faoi réir an nós imeachta údaraithe dá dtagraítear i mír 1 a dhearbhú, ar a bhfreagracht féin amháin, go gcomhlíonann an fochóras nó an chomhpháirt sábháilteachta lena mbaineann na ceanglais riachtanacha uile is infheidhme a leagtar amach in Iarscríbhinn II agus beidh siad freagrach as na nósanna imeachta um measúnú comhréireachta uile arna sonrú ag an údarás náisiúnta inniúil a chomhlíonadh.

6.   Aon údarú a eiseofar de bhun mhír 1, leagfar amach leis na coinníollacha agus na ceanglais faoina bhféadfar an fochóras nó an chomhpháirt sábháilteachta a chur ar an margadh nó a chorprú i suiteáil chábla-bhealaigh. Leagfar amach an méid seo a leanas ar a laghad leis na ceanglais sin:

7.   De mhaolú ar Airteagail 7, 20 agus 21, ní bheidh an mharcáil CE ar fhochórais nó comhpháirteanna sábháilteachta ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 7 maidir leis.

8.   Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis na fochórais agus na comhpháirteanna sábháilteachta sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*6) agus faoin Rialachán seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9.   Le húsáid an nós imeachta údaraithe a leagtar amach i míreanna 1 go 4 den Airteagal seo, ní dhéanfar difear do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 18 ar chríoch an Bhallstáit lena mbaineann.

1.   I gcás inar ainmníodh fochórais agus comhpháirteanna sábháilteachta mar earraí atá ábhartha i gcás géarchéime, tabharfar de chumhacht don Choimisiún gníomhartha cur chun feidhme a ghlacadh, lena liostaítear caighdeáin iomchuí nó lena mbunaítear sonraíochtaí coiteanna le haghaidh na bhfochóras agus na gcomhpháirteanna sábháilteachta sin chun na ceanglais riachtanacha is infheidhme a leagtar amach in Iarscríbhinn II a ghabhann leis an Rialachán seo a chumhdach sna cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 44(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Rialachán seo agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagal 17, toimhdeofar go bhfuil fochórais agus comhpháirteanna sábháilteachta atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha is infheidhme a leagtar amach in Iarscríbhinn II a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6.   De mhaolú ar Airteagal 43a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na fochórais agus na comhpháirteanna sábháilteachta a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na fochórais agus na comhpháirteanna sábháilteachta atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha is infheidhme a leagtar amach in Iarscríbhinn II tar éis dul in éag nó a aisghairm gnímh cur chun feidhme arna ghlacadh de bhun mhír 2 den Airteagal seo agus tar éis dhul in éag nó dhíghníomhachtú mhodh éigeandála an mhargaidh inmheánaigh.

7.   Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha is infheidhme a leagtar amach in Iarscríbhinn II ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh le haghaidh fochórais agus comhpháirteanna sábhailteachta a liostaítear sa ghníomh cur chun feidhme dá dtagraítear in Airteagal 43a(1) den Rialachán seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2.   Áiritheoidh údaráis um fhaireachas margaidh na mBallstát go ndéanfar gach iarracht réasúnta ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála do na fochórais agus na comhpháirteanna sábháilteachta a liostaítear sa ghníomh cur chun feidhme dá dtagraítear in Airteagal 43a(1).

1.   Ní bheidh feidhm ag Airteagail 41b go 41e den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le TCP arna chumhdach leis an Rialachán seo.

2.   Ní bheidh feidhm ag Airteagail 41b go 41e den Rialachán seo ach amháin maidir le TCP arna ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 41b go 41e den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 41d(7) den Rialachán seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le TCP a chuirtear ar an margadh i gcomhréir le hAirteagail 41c agus 41d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

1.   Tá feidhm ag an Airteagal seo maidir le TCP a liostaítear sa ghníomh cur chun feidhme dá dtagraítear in Airteagal 41a(1) atá faoi réir na nósanna imeachta um measúnú comhréireachta dá dtagraítear in Airteagal 19 lena gceanglaítear rannpháirtíocht éigeantach comhlachta faoina dtugtar fógra.

2.   Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar TCP dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 41a.

3.   Ní bheidh aon chostais dhíréireacha bhreise ar na monaróirí a thaisc na hiarratais sin mar thoradh ar thosaíocht a thabhairt d’iarratais ar mheasúnú comhréireachta ar TCP de bhun mhír 2.

4.   Déanfaidh na comhlachtaí faoina dtugtar fógra iarrachtaí réasúnta a n-acmhainneachtaí tástála a mhéadú le haghaidh TCP dá dtagraítear i mír 1 ar tugadh fógra dóibh ina leith.

1.   De mhaolú ar Airteagal 19, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh laistigh de chríoch an Bhallstáit sin TCP sonrach a liostaítear sa ghníomh cur chun feidhme dá dtagraítear in Airteagal 41a(1) agus nach bhfuil na nósanna imeachta um measúnú comhréireachta dá dtagraítear in Airteagal 19 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha sláinte agus sábháilteachta uile is infheidhme a leagtar síos in Iarscríbhinn II i gcomhréir leis na nósanna imeachta dá dtagraítear san údarú sin.

2.   Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar síos in Iarscríbhinn II, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a fhadú chuig críoch an Aontais ina iomláine agus leagfaidh sé amach na coinníollacha faoinar féidir an TCP sonrach a chur ar an margadh. Agus an dréachtghníomh cur chun feidhme á ullmhú, féadfaidh an Coimisiún a iarraidh ar údaráis um fhaireachas margaidh náisiúnta faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

Beidh ar TCP atá faoi réir an fhadaithe bailíochta dá dtagraítear sa chéad fhomhír an fhaisnéis go gcuirfear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3.   Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme atá infheidhme a ghlacadh láithreach i gcomhréir leis an nós imeachta dá dtagraítear in Airteagal 44(4).

4.   Fad nach nglacfar gníomh cur chun feidhme amhail dá dtagraítear i mír 2 nó 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5.   Dearbhóidh monaróirí TCP atá faoi réir an nós imeachta um údarú dá dtagraítear i mír 1, dá bhfreagracht féin, go gcomhlíonann TCP lena mbaineann na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn II agus beidh sé freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6.   Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar TCP a chur ar an margadh. Leagfar amach an méid seo a leanas ar a laghad sna húdaruithe den sórt sin:

7.   De mhaolú ar Airteagail 7, 16 agus 17, ní bheidh an mharcáil CE ar TCP ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 7 maidir leis.

8.   Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir le TCP sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*8) agus faoin Rialachán seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9.   Ní dhéanann úsáid an nós imeachta um údarú a leagtar amach i míreanna 1 go 4 den Airteagal seo difear do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 19 ar chríoch an Bhallstáit lena mbaineann.

1.   I gcás inar ainmníodh TCP mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an TCP sin chun na ceanglais riachtanacha sláinte agus sábháilteachta is infheidhme a leagtar amach in Iarscríbhinn II a ghabhann leis an Rialachán seo a chumhdach, sna cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 44(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Rialachán seo agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagal 14, toimhdeofar go bhfuil TCP atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn II a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6.   De mhaolú ar Airteagal 41a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine le TCP a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar TCP atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha ábhartha sláinte agus sábháilteachta is infheidhme a leagtar amach in Iarscríbhinn II tar éis do ghníomh cur chun feidhme arna ghlacadh de bhun mhír 3 den Airteagal seo dul in éag nó a aisghairm agus tar éis do mhodh éigeandála an mhargaidh inmheánaigh dul in éag nó a dhíghníomhachtú.

7.   Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sláinte agus sábháilteachta is infheidhme a leagtar amach in Iarscríbhinn II ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh i gcás TCP a liostaítear sa ghníomh cur chun feidhme dá dtagraítear in Airteagal 41a(1) den Rialachán seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2.   Áiritheoidh údaráis um fhaireachas margaidh na mBallstát go ndéanfar gach iarracht réasúnta ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála do TCP a liostaítear sa ghníomh cur chun feidhme dá dtagraítear in Airteagal 41a(1).

1.   Ní bheidh feidhm ag Airteagail 40b go 40e den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le fearais agus feistis arna gcumhdach leis an Rialachán seo.

2.   Ní bheidh feidhm ag Airteagail 40b go 40e den Rialachán seo ach amháin maidir le fearais agus feistis arna n-ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 40b go 40e den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 40c(7) den Rialachán seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le fearais agus feistis a chuirtear ar an margadh nó a úsáidtear chun críocha an mhonaróra féin i gcomhréir le hAirteagail 40c agus 40d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 42(3).

1.   Tá feidhm ag an Airteagal seo i leith na bhfearas agus na feisteas uile a liostaítear sa ghníomh cur chun feidhme dá dtagraítear in Airteagal 40a(1), atá faoi réir na nósanna imeachta um measúnú comhréireachta dá dtagraítear in Airteagal 14, lena gceanglaítear rannpháirtíocht éigeantach comhlachta faoina dtugtar fógra.

2.   Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar fhearais agus feistí dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 40a.

3.   Ní bheidh costais bhreise dhíréireacha ar na monaróirí a thaisc iarratais ar mheasúnú comhréireachta ar fhearais agus feistis de bhun mhír 2 mar thoradh ar thosaíocht a thabhairt do na hiarratais sin.

4.   Déanfaidh na comhlachtaí faoina dtugtar fógra iarrachtaí réasúnta a n-acmhainneachtaí tástála a mhéadú le haghaidh fearais agus feistis dá dtagraítear i mír 1 ar tugadh fógra dóibh ina leith.

1.   De mhaolú ar Airteagal 14, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh nó go n-úsáidfear chun críocha an mhonaróra féin laistigh de chríoch an Bhallstáit sin, fearas nó feisteas sonrach a liostaítear sa ghníomh cur chun feidhme dá dtagraítear in Airteagal 40a(1) agus nach bhfuil na nósanna imeachta um measúnú comhréireachta dá dtagraítear in Airteagal 14 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha uile is infheidhme a leagtar síos in Iarscríbhinn I i gcomhréir leis na nósanna imeachta dá dtagraítear san údarú sin.

2.   Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áiritheofar leis na ceanglais a leagtar amach san údarú go gcomhlíontar na ceanglais riachtanacha is infheidhme a leagtar síos in Iarscríbhinn I, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a fhadú chuig críoch an Aontais ina iomláine agus leagfaidh sé amach na coinníollacha faoinar féidir an fearas nó feisteas sonrach a chur ar an margadh nó a úsáid chun críocha an mhonaróra féin. Agus an dréachtghníomh cur chun feidhme á ullmhú, féadfaidh an Coimisiún a iarraidh ar údaráis um fhaireachas margaidh náisiúnta faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 42(3).

Beidh ar an bhfearas nó feisteas atá faoi réir an fhadaithe bailíochta dá dtagraítear sa chéad fhomhír an fhaisnéis go gcuirfear ar an margadh é nó a úsáidtear chun críocha an mhonaróra féin mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3.   Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 42(4).

4.   Fad nach nglacfar gníomh cur chun feidhme amhail dá dtagraítear i mír 2 nó i mír 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5.   Dearbhóidh monaróirí fearas nó feisteas atá faoi réir an nós imeachta um údarú dá dtagraítear i mír 1 dá bhfreagracht féin go gcomhlíonann fearas nó an feisteas lena mbaineann na ceanglais riachtanacha uile is infheidhme a leagtar amach in Iarscríbhinn I agus beidh siad freagrach as na nósanna imeachta um measúnú comhréireachta uile arna sonrú ag an údarás náisiúnta inniúil a chomhlíonadh.

6.   Aon údarú a eisítear de bhun mhír 1, leagfar amach leis na coinníollacha agus na ceanglais faoina bhféadfar an fearas nó feisteas a chur ar an margadh nó a úsáid chun críocha an mhonaróra féin. Leagfar amach an méid seo a leanas ar a laghad sna húdaruithe sin:

7.   De mhaolú ar Airteagail 6, 16 agus 17, ní bheidh an mharcáil CE ar fhearais ná feistis ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 6 maidir leis.

8.   Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir le fearais ná feistis den sórt sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*10) agus faoin Rialachán seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9.   Ní dhéanfaidh úsáid an nós imeachta údaraithe a leagtar amach i míreanna 1 go 4 den Airteagal seo difear do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 14 ar chríoch an Bhallstáit lena mbaineann.

1.   I gcás inar ainmníodh fearais nó feistis mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh, lena liostaítear caighdeáin iomchuí nó lena mbunaítear sonraíochtaí coiteanna le haghaidh na bhfearas agus na bhfeisteas sin chun na ceanglais riachtanacha is infheidhme a leagtar amach in Iarscríbhinn I a ghabhann leis an Rialachán seo a chumhdach i gceachtar de na cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 42(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Rialachán seo agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagal 13, toimhdeofar go bhfuil fearais nó feistis atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha is infheidhme a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6.   De mhaolú ar Airteagal 40a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na fearais agus feistis a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na fearais agus feistis atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha is infheidhme a leagtar amach in Iarscríbhinn I tar éis do ghníomh cur chun feidhme arna ghlacadh de bhun mhír 3 den Airteagal seo dul in éag nó a aisghairm agus tar éis do mhodh éigeandála an mhargaidh inmheánaigh dul in éag nó a dhíghníomhachtú.

7.   Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha is infheidhme a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh i gcás fearais agus feistis a liostaítear sa ghníomh cur chun feidhme dá dtagraítear in Airteagal 40a(1) den Rialachán seo. Éascóidh an Coimisiún comhordú na n-iarrachtaí tosaíochta sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2.   Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás fearais agus feistis a liostaítear sa ghníomh cur chun feidhme dá dtagraítear in Airteagal 40a(1).

1.   Ní bheidh feidhm ag Airteagail 8b agus 8c den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le táirgí arna gcumhdach leis an Rialachán seo.

2.   Ní bheidh feidhm ag Airteagail 8b agus 8c den Rialachán seo ach amháin maidir le táirgí arna gcumhdach leis an Rialachán seo ar ainmníodh iad mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 8b agus 8c den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

1.   De bhreis ar an toimhde chomhréireachta a leagtar síos in Airteagal 7 den Rialachán seo, i gcás ina gcuireann mórshuaitheadh ar fheidhmiú an mhargaidh inmheánaigh, a cuireadh san áireamh nuair a gníomhachtaíodh modh éigeandála an mhargaidh inmheánaigh i gcomhréir le hAirteagal 18 de Rialachán (AE) 2024/2747, srian suntasach ar na féidearthachtaí atá ag monaróirí úsáid a bhaint as caighdeáin Eorpacha ábhartha ar foilsíodh a dtagairtí cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012, féadfar an toimhde chomhréireachta leis an gceanglas sábháilteachta ginearálta a leagtar síos in Airteagal 5 a bhunú freisin chun táirgí a chur ar an margadh má tá an táirge i gcomhréir leis na ceanglais náisiúnta maidir leis na rioscaí agus na catagóirí riosca a chumhdaítear le ceanglais sláinte agus sábháilteachta a leagtar síos i ndlí náisiúnta an Bhallstáit ina gcuirtear an táirge ar fáil ar an margadh, ar choinníoll go bhfuil an dlí sin i gcomhréir le dlí an Aontais.

2.   De bhreis ar na cásanna ina bhfuil feidhm ag an toimhde chomhréireachta leis an gceanglas sábháilteachta ginearálta a leagtar síos in Airteagal 5 den Rialachán seo faoi mhír 1 den Airteagal seo agus faoi Airteagal 7(1) den Rialachán seo, déanfaidh na Ballstáit gach beart iomchuí chun a áirithiú, ar mhaithe le táirgí a chur nó a chur ar fáil ar an margadh, go measfaidh a n-údaráis inniúla go bhfuil táirgí a chomhlíonann caighdeáin Eorpacha ábhartha seachas na caighdeáin ar foilsíodh a dtagairtí in Iris Oifigiúil an Aontais Eorpaigh i gcomhréir le hAirteagal 10(7) de Rialachán (AE) Uimh. 1025/2012, le caighdeáin idirnáisiúnta ábhartha arna bhforbairt ag comhlacht aitheanta idirnáisiúnta um chaighdeánú mar a shainmhínítear in Airteagal 2(9) de Rialachán (AE) Uimh. 1025/2012, nó le caighdeáin náisiúnta ábhartha arna bhforbairt ag comhlacht náisiúnta um chaighdeánú mar a shainmhínítear in Airteagal 2(10) de Rialachán (AE) Uimh. 1025/2012, toimhdithe a bheith i gcomhréir leis an gceanglas sábháilteachta ginearálta a leagtar síos sa Rialachán seo a mhéid a bhaineann leis na rioscaí agus na catagóirí riosca a chumhdaítear leis na caighdeáin sin, mura rud é nach bhfuil na caighdeáin sin leordhóthanach i bhfianaise eilimintí eile d’Airteagail 6 agus 8 den Rialachán seo.

3.   Tá feidhm ag Airteagal 7(3) maidir leis an toimhde chomhréireachta a bhunaítear i gcomhréir leis an Airteagal seo.

1.   Tabharfaidh na Ballstáit tosaíocht do ghníomhaíochtaí faireachais margaidh i gcás táirgí arna gcumhdach leis an Rialachán seo a liostaítear sa ghníomh cur chun feidhme dá dtagraítear in Airteagal 8a(1).

2.   Áiritheoidh údaráis um fhaireachas margaidh na mBallstát go ndéanfar gach iarracht cúnamh a thabhairt d’údaráis eile um fhaireachas margadh le linn mhodh éigeandála an mhargaidh inmheánaigh.’.

1.   Ní bheidh feidhm ag Airteagail 25b go 25e den Rialachán seo ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le hinnealra agus táirgí gaolmhara arna gcumhdach leis an Rialachán seo.

2.   Ní bheidh feidhm ag Airteagail 25b go 25e den Rialachán seo ach amháin maidir le hinnealra agus táirgí gaolmhara arna n-ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag Airteagail 25b go 25e den Rialachán seo ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 25c(7) den Rialachán seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le hinnealra agus táirgí gaolmhara a chuirtear ar an margadh nó a chuirtear i seirbhís i gcomhréir le hAirteagal 25c agus Airteagal 25d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 48(3).

1.   Tá feidhm ag an Airteagal seo maidir le gach cineál innealra agus táirgí gaolmhara a liostaítear sa ghníomh cur chun feidhme dá dtagraítear in Airteagal 25a(1) atá faoi réir na nósanna imeachta um measúnú comhréireachta dá dtagraítear in Airteagal 25 lena gceanglaítear rannpháirtíocht éigeantach comhlachta faoina dtugtar fógra.

2.   Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar innealra agus táirgí gaolmhara dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 25a.

3.   Ní bheidh costais bhreise dhíréireacha ar na monaróirí a thaisc iarratais ar mheasúnú comhréireachta ar innealra agus táirgí gaolmhara de bhun mhír 2 mar thoradh ar thosaíocht a thabhairt do na hiarratais sin.

4.   Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás innealra agus táirgí gaolmhara dá dtagraítear i mír 1 ar tugadh fógra dóibh ina leith.

1.   De mhaolú ar Airteagal 25, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh nó go gcuirfear i seirbhís laistigh de chríoch an Bhallstáit sin innealra sonrach nó táirgí gaolmhara a liostaítear sa ghníomh cur chun feidhme dá dtagraítear in Airteagal 25a(1) agus nach bhfuil na nósanna imeachta um measúnú comhréireachta dá dtagraítear in Airteagal 25 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn III i gcomhréir leis na nósanna imeachta dá dtagraítear san údarú sin.

2.   Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áiritheofar leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar síos in Iarscríbhinn III, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a fhadú ar feadh tréimhse theoranta chuig críoch an Aontais ina iomláine agus leagfaidh sé amach na coinníollacha faoinar féidir an t-innealra sonrach nó na táirgí gaolmhara a chur ar an margadh nó a chur i seirbhís. Agus an dréachtghníomh cur chun feidhme á ullmhú, féadfaidh an Coimisiún a iarraidh ar údaráis um fhaireachas margaidh náisiúnta faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 48(3).

Beidh ar an innealra nó táirgí gaolmhara atá faoi réir an fhadaithe bailíochta dá dtagraítear sa chéad fhomhír an fhaisnéis go gcuirfear ar an margadh iad nó go gcuirfear i seirbhís iad mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3.   Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 48(4).

4.   Fad nach nglacfar gníomh cur chun feidhme amhail dá dtagraítear i mír 2 nó i mír 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5.   Dearbhóidh monaróirí innealra nó táirgí gaolmhara atá faoi réir an nós imeachta um údarú dá dtagraítear i mír 1 dá bhfreagracht féin go gcomhlíonann an t-innealra nó na táirgí gaolmhara na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn III agus beidh siad freagrach as na nósanna imeachta um measúnú comhréireachta uile arna sonrú ag an údarás náisiúnta inniúil a chomhlíonadh.

6.   Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar an t-innealra nó na táirgí gaolmhara a chur ar an margadh nó a chur i seirbhís. Leagfar amach an méid seo a leanas ar a laghad sna húdaruithe sin:

7.   De mhaolú ar Airteagail 4, 23 agus 24, ní bheidh an mharcáil CE ar innealra ná ar tháirgí gaolmhara ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 4.

8.   Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an innealra sin agus táirgí gaolmhara, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 agus faoin Rialachán seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9.   Ní dhéanann an úsáid a bhaintear as an nós imeachta um údarú a leagtar amach i míreanna 1 go 4 den Airteagal seo difear ar chríoch an Bhallstáit lena mbaineann do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 25.

1.   I gcás inar ainmníodh innealra ná na táirgí gaolmhara mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an innealra sin nó na táirgí gaolmhara chun na ceanglais riachtanacha sláinte agus sábháilteachta is infheidhme a leagtar amach in Iarscríbhinn III den Rialachán seo a chumhdach sna cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 48(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Rialachán seo agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagal 20, toimhdeofar go bhfuil innealra agus táirgí gaolmhara atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn III a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6.   De mhaolú ar Airteagal 25a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis an innealra agus na táirgí gaolmhara a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar an t-innealra agus na táirgí gaolmhara atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh nó curtha i seirbhís a bheith i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn III tar éis dul in éag nó aisghairm gnímh cur chun feidhme arna ghlacadh de bhun mhír 3 den Airteagal seo agus tar éis dhul in éag nó dhíghníomhachtú mhodh éigeandála an mhargaidh inmheánaigh.

7.   Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sláinte agus sábháilteachta is infheidhme a leagtar amach in Iarscríbhinn III ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh le haghaidh innealra agus táirgí gaolmhara sábhailteachta a liostaítear sa ghníomh cur chun feidhme dá dtagraítear in Airteagal 25a(1) den Rialachán seo. Éascóidh an Coimisiún comhordú na n-iarrachtaí tosaíochta sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2.   Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margadh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás innealra agus na táirgí gaolmhara a liostaítear sa ghníomh cur chun feidhme dá dtagraítear in Airteagal 25a(1)’