(1)

Le Cinneadh Cur Chun Feidhme 2013/648/AE ón gCoimisiún (2) údaraíodh bia agus beatha a chur ar an margadh, ar bia agus beatha iad ina bhfuil, arb é atá iontu nó a tháirgtear as arbhar Indiach géinmhodhnaithe MON 89034 × 1507 × NK603. Cumhdaíodh le raon feidhme an údaraithe sin freisin táirgí seachas bia agus beatha a chur ar an margadh ach ina bhfuil nó arb é atá iontu arbhar Indiach géinmhodhnaithe MON 89034 × 1507 × NK603, le haghaidh na n-úsáidí céanna atá ag arbhar Indiach d’aon chineál eile, cé is moite de shaothrú.

(2)

An 21 Deireadh Fómhair 2022 chuir Corteva Agriscience Belgium B.V., atá lonnaithe sa Bheilg, iarratas faoi bhráid an Choimisiúin thar ceann Corteva Agriscience LLC, atá lonnaithe sna Stáit Aontaithe, agus Bayer Agriculture B.V., atá lonnaithe sa Bheilg, thar ceann Bayer CropScience LP lonnaithe sna Stáit Aontaithe chun an t-údarú sin a athnuachan.

(3)

An 26 Aibreán 2024 d’eisigh an tÚdarás Eorpach um Shábháilteacht Bia (‘an tÚdarás’) tuairim eolaíoch fhabhrach maidir leis an arbhar Indiach géinmhodhnaithe MON 89034 × 1507 × NK603 (3). Thángthas ar an gconclúid sa tuairim nach raibh fianaise san iarratas ar athnuachan maidir le haon ghuais nua, nochtadh modhnaithe nó éiginnteacht eolaíoch nua a d’athródh conclúidí an mheasúnaithe riosca bunaidh ar arbhar Indiach géinmhodhnaithe MON 89034 × 1507 × NK603, measúnú a ghlac an tÚdarás in 2010 (4).

(4)

Sa tuairim eolaíoch uaidh, rinne an tÚdarás breithniú ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta, dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003.

(5)

An plean faireacháin maidir le héifeachtaí comhshaoil a chuir na hiarratasóirí isteach, arb é atá ann plean faireachais ginearálta, tháinig an tÚdarás ar an gconclúid freisin go bhfuil an plean sin i gcomhréir le húsáidí beartaithe na dtáirgí.

(6)

Agus na conclúidí sin á gcur san áireamh, ba cheart athnuachan a dhéanamh ar an údarú maidir le bia agus beatha a chur ar an margadh, ar bia agus beatha iad ina bhfuil, arb é atá iontu nó a tháirgtear as arbhar Indiach géinmhodhnaithe MON 89034 × 1507 × NK603, agus ar an údarú maidir le táirgí ina bhfuil nó arb é atá iontu MON 89034 × 1507 × NK603 a chur ar an margadh, le haghaidh úsáidí seachas bia agus beatha, cé is moite de shaothrú.

(7)

I gcomhthéacs an údaraithe tosaigh le Cinneadh Cur Chun Feidhme 2013/648/AE, tá aitheantóir uathúil sannta d’arbhar Indiach géinmhodhnaithe MON 89034 × 1507 × NK603, i gcomhréir le Rialachán (CE) Uimh. 65/2004 ón gCoimisiún (5). Ba cheart leanúint den aitheantóir uathúil sin a úsáid.

(8)

I gcás na dtáirgí a chumhdaítear leis an gCinneadh seo, is cosúil nach gá aon cheanglas sonrach lipéadaithe, seachas na ceanglais dá bhforáiltear in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (6). Mar sin féin, chun a áirithiú maidir le táirgí ina bhfuil, nó arb é atá iontu arbhar Indiach géinmhodhnaithe MON 89034 × 1507 × NK603 go bhfanfaidh úsáid na dtáirgí sin laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhia agus comhábhair bhia, nach bhfuil siad ceaptha lena saothrú.

(9)

Ba cheart do shealbhóirí an údaraithe tuarascálacha bliantúla a chur isteach maidir le cur chun feidhme agus torthaí na ngníomhaíochtaí a leagtar amach sa phlean faireacháin maidir le héifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (7).

(10)

Ní thugann an tuairim ón Údarás údar le coinníollacha sonracha nó srianta sonracha a fhorchur maidir le cur ar an margadh, le húsáid agus láimhseáil, lena n-áirítear ceanglais faireacháin iarmhargaidh i ndáil le bia agus le beatha a chaitheamh ina bhfuil, arb é atá iontu nó a tháirgtear as arbhar Indiach géinmhodhnaithe MON 89034 × 1507 × NK603, ná maidir le héiceachórais/comhshaoil agus/nó limistéir gheografacha ar leith a chosaint, dá bhforáiltear in Airteagal 6(5), pointe (e) agus Airteagal 18(5), pointe (e) de Rialachán (CE) Uimh. 1829/2003.

(11)

Ba cheart gach faisnéis ábhartha maidir le húdarú na dtáirgí a chumhdaítear leis an gCinneadh seo, a chur isteach i gclár an Chomhphobail de bhia géinmhodhnaithe agus de bheatha ghéinmhodhnaithe dá dtagraítear in Airteagal 28(1) de Rialachán (CE) Uimh. 1829/2003.

(12)

Tá fógra le tabhairt faoin gCinneadh seo trí Theach Imréitigh na Bithshábháilteachta do na Páirtithe i bPrótacal Cartagena ar an mBithshábháilteacht don Choinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2)(c) de Rialachán (CE) Uimh. 1946/2003 ó Pharlaimint na hEorpa agus ón gComhairle (8).

(13)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh an gníomh cur chun feidhme seo a bheith riachtanach agus chuir an Cathaoirleach faoi bhráid an Choiste Achomhairc é le go ndéanfar tuilleadh plé ina leith. Níor thug an coiste achomhairc tuairim uaidh,

(a)

bianna agus comhábhair bhia ina bhfuil, arb é atá iontu nó a thairgtear as arbhar Indiach géinmhodhnaithe MON-89Ø34-3 × DAS-Ø15Ø7-1 × MON-ØØ6Ø3-6;

(b)

beatha ina bhfuil, arb é atá inti nó a thairgtear as arbhar Indiach géinmhodhnaithe MON-89Ø34-3 × DAS-Ø15Ø7-1 × MON-ØØ6Ø3-6;

(c)

táirgí ina bhfuil nó arb é atá iontu arbhar Indiach géinmhodhnaithe MON-89Ø34-3 × DAS-Ø15Ø7-1 × MON-ØØ6Ø3-6, le haghaidh úsáidí seachas na húsáidí dá bhforáiltear i bpointí (a) agus (b), cé is moite de shaothrú.

(a)

Corteva Agriscience LLC, na Stáit Aontaithe, arna ionadú san Aontas ag Corteva Agriscience B.V., an Bheilg;

(b)

Bayer CropScience LP, na Stáit Aontaithe, arna ionadú san Aontas ag Bayer Agriculture B.V., an Bheilg.

(a)

Corteva Agriscience LLC, 9330 Zionsville Road, Indianapolis, IN 46268-1054, na Stáit Aontaithe, arna ionadú san Aontas ag Corteva Agriscience Belgium B.V., Rue Montoyer 25, 1000 an Bhruiséil, an Bheilg;

agus

(b)

Bayer CropScience LP, 800 N. Lindbergh Boulevard, St. Louis, MO 63167, na Stáit Aontaithe, arna ionadú san Aontas ag Bayer Agriculture B.V., Scheldelaan 460, 2040 Antuairp, an Bheilg.