(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú nó a mhodhnú.

(2)

Údaraíodh an tsubstaint 4-hiodrocsa–2,5-démheitiolfúrán-3(2H)-ón le Rialachán Cur Chun Feidhme (AE) 2022/1452 ón gCoimisiún (2) mar bhreiseán beathaithe le haghaidh cat agus madraí.

(3)

I gcomhréir le hAirteagal 13(1) de Rialachán (CE) Uimh. 1831/2003, d’iarr an Coimisiún ar an Údarás Eorpach um Shábháilteacht Bia (‘an tÚdarás’) tuairim a eisiúint i dtaobh an gcomhlíonfadh údarú 4-hiodrocsa–2,5-démheitiolfúrán-3(2H)-óin mar bhreiseán beathaithe le haghaidh cat agus madraí fós na coinníollacha a leagtar síos in Airteagal 5 de Rialachán (CE) Uimh. 1831/2003, dá n-athrófaí téarmaí an údaraithe sin. Baineann an modhnú leis an méadú ar an uaschion molta ó 5 mg/kg go 25 mg/kg d’ábhar beatha iomlán le haghaidh cat agus madraí. Bhí na sonraí tacaíochta ábhartha ag gabháil leis an iarraidh.

(4)

Tháinig an tÚdarás ar an gconclúid sa tuairim uaidh an 13 Márta 2024 (3) go bhfuil 4-hiodrocsa–2,5-démheitiolfúrán-3(2H)-ón sábháilte do mhadraí ar an uaschion molta 25 mg/kg d’ábhar beatha iomlán, agus ar an uaschion molta 18 mg/kg d’ábhar beatha iomlán do chait. Tháinig sé ar an gconclúid freisin gur greannaitheoir craicinn, súl agus conaire riospráide é an breiseán agus gur íogróir craicinn é. Tháinig an tÚdarás ar an gconclúid, ós rud é go n-úsáidtear 4-hiodrocsa–2,5-démheitiolfúrán-3(2H)-ón mar bhlastán agus go bhfuil an fheidhm chéanna aige i mbeatha, go bunúsach, is atá aige i mbia, nach bhfuil gá le haon léiriú éifeachtúlachta breise.

(5)

Measann an Coimisiún go gcomhlíonann údarú 4-hiodrocsa–2,5-démheitiolfúrán-3(2H)-óin fós na coinníollacha dá bhforáiltear in Airteagal 5 de Rialachán (CE) Uimh. 1831/2003, agus na téarmaí sin maidir le húdarú á modhnú a mhéid a bhaineann leis an uaschion molta a mhéadú go 25 mg/kg d’ábhar beatha iomlán le haghaidh madraí agus go 18 mg/kg d’ábhar beatha iomlán le haghaidh cat. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(6)

Dá bhrí sin, ba cheart Rialachán Cur Chun Feidhme (AE) 2022/1452 a leasú dá réir.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

‘3.

Ar lipéad an bhreiseáin, déanfar an méid seo a leanas a shonrú: ‘Uaschion a mholtar de shubstaint ghníomhach in aghaidh an kg d’ábhar beatha iomlán ina bhfuil cion taise 12 %: