(1)

An 20 Feabhra 2023, d’fhormheas an Chomhairle conclúidí maidir le straitéis athnuaite an Aontais um na Mór-Lochanna, ina raibh iarraidh ón gComhairle chuig Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) togra a thíolacadh chun seasamh Ionadaí Speisialta an Aontais (ISAE) le haghaidh réigiún na Mór-Lochanna a athbhunú.

(2)

Ba cheart ISAE le haghaidh réigiún na Mór-Lochanna a cheapadh go ceann tréimhse 12 mhí ar dtús.

(3)

Ba cheart don Chomhairle agus don Choimisiún, le cúnamh ón Ardionadaí, comhsheasmhacht a áirithiú idir réimsí éagsúla ghníomhaíocht sheachtrach an Aontais i réigiún na Mór-Lochanna agus a bheith ag oibriú i ndlúthchomhar chuige sin. Ba cheart don ISAE tacú agus oibriú i gcomhar leis na hinstitiúidí chuige sin.

(4)

Cuirfidh ISAE an sainordú chun feidhme i gcomhthéacs staid a d’fhéadfadh dul in olcas, agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh ar an Aontas Eorpach iad,

(a)

rannchuidiú leis an tsíocháin, leis an gcobhsaíocht agus leis an tslándáil i réigiún na Mór-Lochanna trí mhaolú an teannais agus cosc coinbhleachtaí a chur chun cinn agus trí thacú le hidirphlé agus réitigh réigiúnacha fhadtéarmacha ar ghéarchéimeanna agus ar choinbhleachtaí, go háirithe d’oirthear Phoblacht Dhaonlathach an Chongó (PDC);

(b)

rannchuidiú le claochlú phríomhchúiseanna agus bhunchúiseanna na neamhshláine agus na héagobhsaíochta ionas go ndéanfar deiseanna comhroinnte díobh agus leas iomlán a bhaint as acmhainneacht i réigiún na Mór Lochanna;

(c)

comhpháirtíocht níos láidre, níos cuimsithí agus níos straitéisí a thógáil leis na tíortha i réigiún na Mór-Lochanna chun an rathúnas agus an tslándáil a fheabhsú, ar bhonn comhluachanna agus comhleasanna.

(a)

tacú leis an Ardionadaí i gcur chun feidhme na gconclúidí ón gComhairle an 20 Feabhra 2023 maidir le straitéis athnuaite um na Mór-Lochanna;

(b)

dlúth-theagmháil agus dlúthchomhar a bhunú agus a choinneáil le tíortha réigiún na Mór-Lochanna, go háirithe: PDC, an Bhurúin, Ruanda agus Uganda; tíortha sa réigiún máguaird a bhfuil leasanna sonracha polaitiúla, taidhleoireachta, slándála nó eacnamaíocha acu i réigiún na Mór-Lochanna, lena n-áirítear sínitheoirí an Chreata Síochána, Slándála agus Comhair don PDC agus don réigiún; agus na príomheagraíochtaí agus na príomhfhóraim réigiúnacha, eadhon an tAontas Afracach, Comhphobal na hAfraice Thoir (EAC), Comhphobal Forbraíochta Dheisceart na hAfraice (SADC) agus Comhphobal Eacnamaíoch Stáit Lár na hAfraice (ECCAS), an Chomhdháil Idirnáisiúnta maidir le réigiún Mór-Lochanna na hAfraice (ICGLR), Comhphobal Eacnamaíoch Thíortha na Mór-Lochanna agus an Cómhargadh don Afraic Thoir agus don Afraic Theas (COMESA); na Náisiúin Aontaithe, go háirithe Toscaire Speisialta Ard-Rúnaí na Náisiún Aontaithe do réigiún na Mór-Lochanna agus le Misean Cobhsúcháin Eagraíocht na Náisiún Aontaithe in PDC (MONUSCO); na hinstitiúidí idirnáisiúnta airgeadais; comhpháirtithe idirnáisiúnta atá ar aon intinn agus príomhghníomhaithe réigiúnacha agus idirnáisiúnta eile; agus gníomhaithe ábhartha nach gníomhaithe stáit iad, ar nós údaráis áitiúla agus pobail áitiúla, an tsochaí shibhialta, institiúidí taighde, na meáin agus an earnáil phríobháideach;

(c)

tacú le hiarrachtaí réigiúnacha idirghabhála agus éascaithe, mar shampla próisis Luanda agus Nairobi agus, más gá agus arna iarraidh sin ag páirtithe agus geallsealbhóirí ábhartha, páirt dhíreach a ghlacadh san idirghabháil, i ngníomhaíochtaí tacaíochta idirghabhála agus san idirphlé, chun an tsíocháin a chaomhnú agus a athbhunú ag céim ar bith agus ar gach leibhéal, lena n-áirítear trí thacaíocht a thabhairt do chaibidlíocht a dhéanamh ar chomhaontuithe maidir le sos comhraic agus ar chomhaontuithe síochána, agus cuimsiú na sochaí sibhialta agus na mban a chur chun cinn ag gach céim de chothú na síochána;

(d)

comhairle a chur ar fáil agus tuairisciú a dhéanamh ar na féidearthachtaí atá ann don Aontas tacú le coinbhleachtaí a chosc, le próisis síochána, le cobhsaíocht agus le tionscnaimh um chomhdhlúthú na síochána; sa chomhthéacs sin, féadfaidh ISAE, i gcomhar le geallsealbhóirí ábhartha, ról a bheith aige maidir le tacú le cur chun feidhme comhaontuithe maidir le sos comhraic agus comhaontuithe síochána agus comhaontuithe gaolmhara eile, lena n-áirítear trí thacaíocht a thabhairt d’fhaireachán a dhéanamh ar chomhlíonadh agus dul i dteagmháil le páirtithe ar bhonn taidhleoireachta i gcásanna neamhchomhlíonta;

(e)

comhairle atá íogair ó thaobh coinbhleachta agus atá íogair ó thaobh inscne de a chur ar fáil a bhaineann le cobhsú réigiúnach, dí-armáil, díshlógadh agus athimeascadh grúpaí armtha, agus athchóiriú na hearnála slándála in PDC, lena n-áirítear i gcomhthéacs tharraingt siar MCENAC;

(f)

rannchuidiú leis na hiarrachtaí réigiúnacha atá dírithe ar choinbhleachtaí a chosc agus ar chlaochlú bhunchúiseanna na neamhshláine agus na héagobhsaíochta ionas go ndéanfar deiseanna comhroinnte díobh, tríd an gcomhar agus comhtháthú réigiúnach, lena n-áirítear ó thaobh dea-rialachais agus an smachta reachta de; go háirithe, díriú ar shaincheist an dúshaothraithe neamhdhleathaigh agus na gáinneála ar acmhainní nádúrtha agus tacú le tionscnaimh chun múnla bainistithe acmhainní faoi stiúir na hAfraice a fhorbairt atá inbhuanaithe, cothrom, atá neamhdhíobhálach don chomhshaol agus bunaithe ar chearta an duine, lena n-áirítear trí rannpháirtíocht leis an earnáil phríobháideach agus leis an tsochaí shibhialta;

(g)

prionsabail agus rochtain dhaonnúil, urramú an dlí dhaonnúil idirnáisiúnta agus an dlí idirnáisiúnta um chearta an duine, rochtain ar cheartas, an comhar breithiúnach agus sásraí an cheartais idirthréimhsigh a chur chun cinn agus aird ar leith á tabhairt ar chomhrac an fhoréigin gnéis agus inscnebhunaithe agus ar sháruithe ar chearta na mban an linbh, lena n-áirítear trí earcaíocht éigeantach;

(h)

cur le tuiscint níos fearr ar ról an Aontais i measc ceannairí tuairimíochta i réigiún na Mór-Lochanna agus tacú le cumarsáid straitéiseach agus réamhghníomhach maidir le spriocanna an Aontais sa réigiún.

(a)

plean slándála sonrach a bhunú a bheidh bunaithe ar threoir ó SEGS, lena n-áirítear bearta slándála sonracha fisiciúla, eagraíochtúla agus nós imeachta, lena rialaítear bainistiú ar ghluaiseacht shlán pearsanra chuig an réimse freagrachta agus laistigh de, chomh maith le bainistiú teagmhas slándála, agus lena n-áirítear plean teagmhais agus aslonnaithe;

(b)

a áirithiú go gcumhdófar an pearsanra uile a imscartar lasmuigh den Aontas le hárachas ardriosca mar a cheanglaítear leis na coinníollacha i réimse na freagrachta;

(c)

a áirithiú go mbeidh oiliúint slándála iomchuí faighte ag foireann ISAE a bheidh le himscaradh lasmuigh den Aontas, lena n-áirítear pearsanra a bheidh ar conradh go háitiúil, roimh theacht i réimse na freagrachta nó ar theacht isteach sa réimse sin dóibh, bunaithe ar na rátálacha riosca arna sannadh ag SEGS don réimse sin;

(d)

a áirithiú go ndéanfar na moltaí comhaontaithe uile, a dhéantar tar éis measúnuithe rialta slándála, a chur chun feidhme agus tuarascálacha i scríbhinn a chur ar fáil don Chomhairle, don Ardionadaí, agus don Choimisiún maidir lena gcur chun feidhme agus maidir le saincheisteanna slándála eile faoi chuimsiú na dtuarascálacha rialta ar an dul chun cinn agus na tuarascála cuimsithí críochnaithí ar chur chun feidhme an tsainordaithe.