(1)

An 27 Nollaig 2001, ghlac an Chomhairle Comhsheasamh 2001/931/CBES (1).

(2)

An 16 Eanáir 2024, ghlac an Chomhairle Cinneadh (CBES) 2024/332 (2), lena nuashonraítear liosta na ndaoine, na ngrúpaí agus na n-eintiteas atá faoi réir Chomhsheasamh 2001/931/CBES (‘an liosta’).

(3)

I gcomhréir le hAirteagal 1(6) de Chomhsheasamh 2001/931/CBES, tá gá le hathbhreithniú a dhéanamh go tráthrialta ar ainmneacha na ndaoine, na ngrúpaí agus na n-eintiteas atá ar an liosta chun a áirithiú go bhfuil forais ann lena gcoimeád ar an liosta.

(4)

Leis an gCinneadh seo, leagtar amach toradh an athbhreithnithe a rinne an Chomhairle i dtaca leis na daoine, na grúpaí agus na heintitis a chumhdaítear leis na bearta in Airteagail 2, agus 3 de Chomhsheasamh 2001/931/CBES.

(5)

Chinn an Chomhairle gur cheart iontráil a bhaineann le duine amháin a scriosadh ón liosta. Ag an am céanna, tá sé fíoraithe ag an gComhairle go bhfuil údaráis inniúla, dá dtagraítear in Airteagal 1(4) de Chomhsheasamh 2001/931/CBES, tar éis cinntí a dhéanamh i dtaca le gach duine eile, gach grúpa eile agus gach eintiteas eile atá ar an liosta lena léirítear go raibh baint acu le gníomhartha sceimhlitheoireachta de réir bhrí Airteagal 1(3) de Chomhsheasamh 2001/931/CBES. Ina theannta sin, chinn an Chomhairle gur cheart leanúint de na bearta in Airteagail 2 agus 3 den Chomhsheasamh sin a chur i bhfeidhm maidir leis na daoine, na grúpaí agus na heintitis sin.

(6)

Chinn an Chomhairle freisin gur ghlac údaráis inniúla de réir bhrí Airteagal 1(4) de Chomhsheasamh 2001/931/CBES cinneadh i ndáil le grúpa breise a raibh baint acu le gníomhartha sceimhlitheoireachta de réir bhrí Airteagal 1(3) den Chomhsheasamh sin. Chinn an Chomhairle gur cheart na bearta dá dtagraítear in Airteagail 2 agus 3 den Chomhsheasamh sin a chur i bhfeidhm maidir leis an ngrúpa sin.

(7)

Ba cheart an liosta a nuashonrú dá réir sin, agus Cinneadh (CBES) 2024/332 a aisghairm,