(1)

Le Treoir (AE) 2019/997 leagtar síos rialacha maidir leis na coinníollacha agus an nós imeachta i dtaca le saoránaigh nach bhfuil ionadaíocht acu i dtríú tíortha chun go bhféadfaidís Doiciméad Taistil Éigeandála AE (‘DTÉ AE’) a fháil agus bunaítear formáid aonfhoirmeach le haghaidh an doiciméid sin.

(2)

I gcomhréir le hAirteagal 8 de Threoir (AE) 2019/997, beidh foirm aonfhoirmeach DTÉ AE agus greamán aonfhoirmeach DTÉ AE le bheith in DTÉnna AE. Beidh an fhoirm agus an greamán i gcomhréir leis na sonraíochtaí a leagtar amach in Iarscríbhinn I agus in Iarscríbhinn II a ghabhann leis an Treoir sin agus leis na sonraíochtaí teicniúla breise a bhunaítear i gcomhréir le hAirteagal 9 den Treoir sin. Nuair a bheidh greamán aonfhoirmeach DTÉ AE líonta isteach, ní mór na ranna a leagtar amach in Iarscríbhinn II a ghabhann le Treoir (AE) 2019/997 agus sa chrios meaisín-inléite a líonadh isteach, i gcomhréir leis na caighdeáin a bunaíodh le cuid 3 de Dhoiciméad 9303 ón Eagraíocht Eitlíochta Sibhialta Idirnáisiúnta (ICAO).

(3)

Foráiltear le pointe 10 d’Iarscríbhinn II a ghabhann le Treoir (AE) 2019/997 go mbeidh an fhaisnéis mheaisín-inléite ábhartha i gcomhréir le Doiciméad 9303 ICAO ar ghreamán aonfhoirmeach DTÉ AE chun rialuithe ag teorainneacha seachtracha a éascú. Tá na ceannlitreacha ‘AE’ le húsáid mar an chéad dá charachtar sa chrios meaisín-inléite chun an doiciméad a ainmniú mar Dhoiciméad Taistil Éigeandála AE.

(4)

Nuair a glacadh Treoir (AE) 2019/997, ní raibh rialacha sonracha i gcaighdeáin ICAO maidir leis an gcéad dá charachtar a bhí le húsáid sa chrios meaisín-inléite de dhoiciméid taistil éigeandála.

(5)

I gcomhthéacs an chruinnithe a bhí aige an 26 Feabhra go dtí an 1 Márta 2024, d’fhormhuinigh Painéal Éascaithe ICAO úsáid na bpríomhlitreacha ‘PU’ i ndoiciméid taistil éigeandála aonbhileoige.

(6)

Chun a áirithiú go leanfaidh DTÉ AE de bheith ailínithe leis an dul chun cinn teicniúil i gcaighdeáin idirnáisiúnta le haghaidh na ndoiciméad sin, is gá an tagairt do na ceannlitreacha ‘AE’ mar an chéad dá charachtar den chrios meaisín-inléite in Iarscríbhinn II a ghabhann le Treoir (AE) 2019/997 a ionadú le ‘PU’.

(7)

Ba cheart, dá bhrí sin, Treoir (AE) 2019/997 a leasú dá réir sin.

(8)

Chun a áirithiú go mbeidh Treoir (AE) 2019/997 go hiomlán i gcomhréir leis an dul chun cinn teicniúil ó dháta tosaigh a cur i bhfeidhm arna chinneadh trí thagairt a dhéanamh do ghlacadh Chinneadh Cur Chun Feidhme (AE) 2022/2452 ón gCoimisiún (2), ba cheart an caighdeán teicniúil a leagtar síos sa Treoir seo a bheith infheidhme ón dáta a thiocfaidh Treoir (AE) 2019/997 i bhfeidhm,

‘10.

Is éard a bheidh sa ghreamán aonfhoirmeach DTÉ AE an fhaisnéis mheaisín-inléite ábhartha i gcomhréir le Doiciméad 9303 ICAO chun rialuithe ag teorainneacha seachtracha a éascú. Úsáidfear na ceannlitreacha ‘PU’ mar an chéad dá charachtar sa chrios meaisín-inléite chun an doiciméad a ainmniú mar Dhoiciméad Taistil Éigeandála AE. Sa chrios meaisín-inléite beidh téacs priontáilte sa phriontáil chúlra infheicthe, i dteannta na bhfocal ‘an tAontas Eorpach’ i ngach ceann de theangacha oifigiúla an Aontais. Ní bheidh éifeacht ag an téacs sin ar ghnéithe teicniúla an chreasa mheaisín-inléite ná ar inléiteacht an chreasa sin.’.