(1)

An Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (‘an Comhaontú um Tharraingt Siar’), thug an tAontas i gcrích é le Cinneadh (AE) 2020/135 ón gComhairle (1) agus tháinig sé i bhfeidhm an 1 Feabhra 2020.

(2)

De bhun Airteagal 13(4) de Chreat Windsor (2), ar dlúthchuid den Chomhaontú um Tharraingt Siar é, tugtar de chumhacht don Chomhchoiste a bunaíodh faoi Airteagal 164(1) de (‘an Comhchoiste’) cinntí a ghlacadh chun na hIarscríbhinní ábhartha a ghabhann le Creat Windsor a leasú trí ghníomhartha nuaghlactha de chuid an Aontais a thagann faoi raon feidhme Chreat Windsor a chur leis, gníomhartha nach ndéanann gníomhartha de chuid an Aontais a liostaítear sna hIarscríbhinní a ghabhann le Creat Windsor a leasú ná a ionadú.

(3)

Rialachán (AE) 2023/2419 ó Pharlaimint na hEorpa agus ón gComhairle (3), is gníomh nuaghlactha de chuid an Aontais (‘gníomh nuaghlactha an Aontais’) é a bhaineann leis an margadh inmheánach le haghaidh earraí agus, dá bhrí sin, tagann sé faoi raon feidhme Chreat Windsor.

(4)

Ba cheart don Chomhchoiste, ag an gcéad chruinniú eile a bheidh aige, cinneadh a ghlacadh de bhun Airteagal 13(4) de Chreat Windsor lena gcuirtear gníomh nuaghlactha an Aontais le hIarscríbhinn 2 a ghabhann le Creat Windsor.

(5)

Is iomchuí an seasamh atá le glacadh thar ceann an Aontais Eorpaigh sa Chomhchoiste a bhunú, a mhéid a bhaineann le cinneadh a ghlacadh chun gníomh nuaghlactha an Aontais a chur le hIarscríbhinn 2 a ghabhann le Creat Windsor,