CINNEADH Ó CHOMHCHOISTE LEE Uimh. 109/2024

an 26 Aibreán 2024

lena leasaítear Iarscríbhinn XX (An Comhshaol) a ghabhann le Comhaontú LEE [2024/1934]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Cinneadh Cur Chun Feidhme (AE) 2022/1979 ón gCoimisiún an 31 Lúnasa 2022 lena mbunaítear an fhoirm agus na bunachair sonraí chun an fhaisnéis a chur in iúl dá dtagraítear in Airteagal 18(1) agus in Airteagal 21(3) de Threoir 2012/18/AE ó Pharlaimint na hEorpa agus ón gComhairle maidir le rialú guaiseacha mórthionóiscí a bhaineann le substaintí contúirteacha agus lena n-aisghairtear Cinneadh Cur Chun Feidhme 2014/895/AE ón gCoimisiún (1), tá sé le hionchorprú i gComhaontú LEE.

(2)	Le Cinneadh Cur Chun Feidhme (AE) 2022/1979 aisghairtear, le héifeacht ón 31 Nollaig 2025, Cinneadh Cur Chun Feidhme 2014/895/AE ón gCoimisiún (2), atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE le héifeacht ón 31 Nollaig 2025.

(3)	Dá bhrí sin, ba cheart Iarscríbhinn XX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Iarscríbhinn XX a ghabhann le Comhaontú LEE, leasófar í mar a leanas:

Cuirtear an pointe seo a leanas isteach i ndiaidh phointe 23d, (Cinneadh Cur Chun Feidhme 2014/895/AE ón gCoimisiún):

‘23e.

32022 D 1979: Cinneadh Cur Chun Feidhme (AE) 2022/1979 ón gCoimisiún an 31 Lúnasa 2022 lena mbunaítear an fhoirm agus na bunachair sonraí chun an fhaisnéis a chur in iúl dá dtagraítear in Airteagal 18(1) agus in Airteagal 21(3) de Threoir 2012/18/AE ó Pharlaimint na hEorpa agus ón gComhairle maidir le rialú guaiseacha mórthionóiscí a bhaineann le substaintí contúirteacha agus lena n-aisghairtear Cinneadh Cur Chun Feidhme 2014/895/AE ón gCoimisiún (IO L 272, 20.10.2022, lch. 14).’

2.	Scriosfar téacs phointe 23d (Cinneadh Cur Chun Feidhme 2014/895/AE ón gCoimisiún) le héifeacht ón 31 Nollaig 2025.

Airteagal 2

Is téacs barántúil a bheidh i dtéacs Chinneadh Cur Chun Feidhme (AE) 2022/1979 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 27 Aibreán 2024, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 26 Aibreán 2024.

Thar ceann Chomhchoiste an LEE

An tUachtarán

Nicolas VON LINGEN

(1) IO L 272, 20.10.2022, lch. 14.

(2) IO L 355, 12.12.2014, lch. 51.

(*1) Ní shonraítear aon cheanglas bunreachtúil.