RIALACHÁN CUR CHUN FEIDHME (AE) 2024/1892 ÓN gCOIMISIÚN

an 10 Iúil 2024

lena leasaítear Rialachán Cur Chun Feidhme (AE) Uimh. 540/2011 a mhéid a bhaineann le síneadh a chur le tréimhsí formheasa na substaintí gníomhacha aimíosulbróm, aigéad S-scoiteach, tíoncarbasón agus vailifeanaláit

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 1107/2009 ó Pharlaimint na hEorpa agus ón gComhairle an 21 Deireadh Fómhair 2009 maidir le táirgí cosanta plandaí a chur ar an margadh agus lena n-aisghairtear Treoracha 79/117/CEE agus 91/414/CEE ón gComhairle (1), agus go háirithe Airteagal 17, an chéad fhomhír, de,

De bharr an mhéid seo a leanas:

(1)

Le Rialachán Cur Chun Feidhme (AE) 193/2014 (2) ón gCoimisiún formheasadh an tsubstaint ghníomhach aimíosulbróm go dtí an 30 Meitheamh 2024. Le Rialachán Cur Chun Feidhme (AE) 151/2014 (3) ón gCoimisiún formheasadh an tsubstaint ghníomhach aigéad S-scoiteach go dtí an 30 Meitheamh 2024. Le Rialachán Cur Chun Feidhme (AE) 145/2014 (4) ón gCoimisiún formheasadh an tsubstaint ghníomhach tíoncarbasón go dtí an 30 Meitheamh 2024. Le Rialachán Cur Chun Feidhme (AE) 144/2014 ón gCoimisiún formheasadh an tsubstaint ghníomhach vailifeanaláit go dtí an 30 Meitheamh 2024 (5).

(2)	Liostaítear na substaintí gníomhacha aimíosulbróm, aigéad S-scoiteach, tíoncarbasón agus vailifeanaláit i gCuid B den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (6).

(3)	Le Rialachán Cur Chun Feidhme (AE) 2020/2007 ón gCoimisiún (7) cuirtear síneadh le tréimhse formheasa na substaintí gníomhacha aimíosulbróm, aigéad S-scoiteach, tíoncarbasón agus vailifeanaláit go dtí an 30 Meán Fómhair 2024.

(4)

Cuireadh isteach iarratais agus sainchomhaid fhorlíontacha chun formheas gach ceann de na substaintí gníomhacha sin a athnuachan i gcomhréir le Rialachán Cur Chun Feidhme (AE) 2020/1740 (8) ón gCoimisiún 3 bliana roimh dháta éaga na substaintí gníomhacha sin ar cuireadh síneadh leis. An 3 Bealtaine 2023, an 11 Aibreán 2022, an 28 Meitheamh 2022 agus an 4 Iúil 2022, chuir na Ballstáit is rapóirtéir lena mbaineann le haghaidh aimíosulbróim, aigéad S-scoiteach, tíoncarbasóin agus vailifeanaláite an Coimisiún ar an eolas gur sheiceáil siad inghlacthacht gach ceann de na hiarratais sin, go háirithe a n-iomláine agus a dtráthúlacht, agus tháinig sé ar an gconclúid go raibh siad inghlactha.

(5)	Maidir leis na substaintí gníomhacha tíoncarbasón agus vailifeanaláit, níl an measúnú riosca de bhun Airteagal 11 de Rialachán Cur Chun Feidhme (AE) 2020/1740 tugtha chun críche go fóill ag na Ballstáit is rapóirtéirí lena mbaineann.

(6)

Maidir leis na substaintí gníomhacha aimíosulbróm agus aigéad S-scoiteach, tá gá le breis ama ag an Údarás Eorpach um Shábháilteacht Bia (‘an tÚdarás’) chun teacht ar chonclúid a mbeidh, i gcás inarb iomchuí, comhairliúchán le saineolaithe riachtanach ina leith. Tá gá le breis ama ag an gCoimisiún chun an cinneadh maidir le bainistiú riosca a bheidh ina thoradh air sin a ghlacadh.

(7)

Dá bhrí sin, is dócha nach bhféadfar aon chinneadh a dhéanamh maidir le formheas na substaintí gníomhacha sin a athnuachan sula rachaidh a dtréimhsí formheasa lena mbaineann in éag an 30 Meán Fómhair 2024, agus os rud é nach bhfuil neart ag na hiarratasóirí lena mbaineann ar na cúiseanna atá leis na moilleanna ar na nósanna imeachta athnuachana, ba cheart síneadh a chur le tréimhsí formheasa na substaintí gníomhacha sin chun gur féidir na measúnuithe a cheanglaítear a chur i gcrích agus chun bailchríoch a chur ar na nósanna imeachta lena mbaineann maidir leis an bhformheas a athnuachan.

(8)

Maidir leis na substaintí gníomhacha tíoncarbasón agus vailifeanaláit, ós rud é nach bhfuil an measúnú riosca tugtha chun críche go fóill ag na Ballstáit is rapóirtéirí agus i bhfianaise an ama is gá chun na céimeanna atá fágtha i ngach nós imeachta athnuachana a dhéanamh, ba cheart tréimhse 29 mí de shíneadh ar na tréimhsí formheasa a shocrú i leith na substaintí sin.

(9)	Maidir leis na substaintí gníomhacha aimíosulbróm agus aigéad S-scoiteach, ós rud é go bhfuil gá le breis ama ag an Údarás chun teacht ar chonclúid maidir lena measúnú riosca, ba cheart tréimhse 23 mhí agus 2 sheachtain de shíneadh ar an tréimhse formheasa a shocrú i leith na substaintí sin.

(10)	Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(11)

I gcás ina nglacann an Coimisiún Rialachán lena bhforáiltear nach ndéantar formheas na substainte gníomhaí dá dtagraítear san Iarscríbhinn a ghabhann leis an Rialachán seo a athnuachan, is é an dáta a shocróidh an Coimisiún mar dháta éaga dáta theacht i bhfeidhm an Rialacháin seo nó an dáta céanna a bhí ann roimh ghlacadh an Rialacháin seo, cibé dáta acu sin is déanaí. I gcás ina nglacann an Coimisiún Rialachán lena bhforáiltear maidir le hathnuachan formheasa substainte gníomhaí dá dtagraítear san Iarscríbhinn a ghabhann leis an Rialachán seo, déanfaidh an Coimisiún an dáta cur i bhfeidhm is luaithe is féidir a shocrú, de réir mar is iomchuí sna himthosca.

(12)	Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH:

Airteagal 1

Leasaítear an Iarscríbhinn a ghabhann le Rialachán Cur Chun Feidhme (AE) 540/2011 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 10 Iúil 2024.

Thar ceann an Choimisiúin

An tUachtarán

Ursula VON DER LEYEN

(1) IO L 309, 24.11.2009, lch. 1, ELI: http://data.europa.eu/eli/reg/2009/1107/oj.

(2) Rialachán Cur Chun Feidhme (AE) 193/2014 ón gCoimisiún an 27 Feabhra 2014 lena bhformheastar an tsubstaint ghníomhach aimíosulbróm, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 59, 28.2.2014, lch. 25, ELI: http://data.europa.eu/eli/reg_impl/2014/193/oj).

(3) Rialachán Cur Chun Feidhme (AE) 151/2014 ón gCoimisiún an 18 Feabhra 2014 lena bhformheastar an tsubstaint ghníomhach aigéad S-scoiteach, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 48, 19.2.2014, lch. 1, ELI: http://data.europa.eu/eli/reg_impl/2014/151/oj).

(4) Rialachán Cur Chun Feidhme (AE) 145/2014 ón gCoimisiún an 14 Feabhra 2014 lena bhformheastar an tsubstaint ghníomhach tíoncarbasón, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 45, 15.2.2014, lch. 12, ELI: http://data.europa.eu/eli/reg_impl/2014/145/oj).

(5) Rialachán Cur Chun Feidhme (AE) 144/2014 ón gCoimisiún an 14 Feabhra 2014 lena bhformheastar an tsubstaint ghníomhach vailifeanaláit, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 45, 15.2.2014, lch. 7, ELI: http://data.europa.eu/eli/reg_impl/2014/144/oj).

(6) Rialachán Cur Chun Feidhme (AE) Uimh. 540/2011 ón gCoimisiún an 25 Bealtaine 2011 lena gcuirtear chun feidhme Rialachán (CE) Uimh. 1107/2009 ó Pharlaimint na hEorpa agus ón gComhairle a mhéid a bhaineann le liosta na substaintí gníomhacha formheasta (IO L 153, 11.6.2011, lch. 1, ELI: http://data.europa.eu/eli/reg_impl/2011/540/oj).

(7) Rialachán Cur Chun Feidhme (AE) 2020/2007 ón gCoimisiún an 8 Nollaig 2020 lena leasaítear Rialachán Cur Chun Feidhme (AE) Uimh. 540/2011 a mhéid a bhaineann le síneadh a chur le tréimhsí formheasa na substaintí gníomhacha 1-deacanól, 1,4-démheitiolnaftailéin, 6-beinsioladainín, aicéacuinicil, Adoxophyes orana granulovirus, sulfáit alúmanaim, aimíosulbróm, Aureobasidium pullulans (tréithchineálacha DSM 14940 agus DSM 14941), asadaraictin, Bacillus pumilus QST 2808, beanalacsail-M, bicsifein, búipireamáit, Candida oleophila tréithchineál O, clórantrainileapról, fosfónáit déshóidiam, déthianón, dóidín, eimimeictin, fluibeindé-aimíd, fluaimeatúrón, flocsaipiorocsad, flutríafól, heicsitiasocs, iomasamocs, iopconasól, iosocsaibein, aigéad L-ascorbach, sulfar aoil, ola oráiste, Paecilomyces fumosoroseus tréithchineál FE 9901, peindémheatailin, peanfluifein, peintiaipiorad, fosfónáití potaisiam, prósulfúrón, Pseudomonas sp. tréithchineál DSMZ 13134, pireadailil, pirióifeanón, piorocsulam, cuinmeireac, aigéad S-scoiteach, seadacsán, sintifein, tiasulfáit airgid sóidiam, spíonatóram, spiriteitreamat, Streptomyces lydicus tréithchineál WYEC 108, tó-fluvailionáit, teabúifeanóisíd, teambaitrí-ón, tíoncarbasón, vailifeanaláit, foisfíd since (IO L 414, 9.12.2020, lch. 10, ELI: http://data.europa.eu/eli/reg_impl/2020/2007/oj).

(8) Rialachán Cur Chun Feidhme (AE) 2020/1740 ón gCoimisiún an 20 Samhain 2020 lena leagtar amach na forálacha is gá chun an nós imeachta athnuachana le haghaidh substaintí gníomhacha a chur chun feidhme, dá bhforáiltear i Rialachán (CE) Uimh. 1107/2009 ó Pharlaimint na hEorpa agus ón gComhairle, agus lena n-aisghairtear Rialachán Cur Chun Feidhme (AE) Uimh. 844/2012 ón gCoimisiún (IO L 392, 23.11.2020, lch. 20, ELI: http://data.europa.eu/eli/reg_impl/2020/1740/oj).