(1)

Is é atá sa teachtaireacht an 11 Nollaig 2019 dar teideal ‘an Comhaontú Glas don Eoraip’ straitéis na hEorpa chun a áirithiú go mbeidh geilleagar aici atá aeráidneodrach, glan agus ciorclach faoi 2050, trí úsáid, athúsáid agus bainistiú acmhainní a bharrfheabhsú, an truailliú a íoslaghdú, agus an tráth céanna, aitheantas a thabhairt don ghá atá le beartais an-chlaochlaitheach, chomh maith leis an ngá atá le sláinte agus folláine na saoránach a chosaint ar rioscaí agus iarmhairtí a bhaineann leis an gcomhshaol. Is é is aidhm di freisin a áirithiú go mbeidh aistriú den sórt sin cóir agus cuimsitheach, agus nach bhfágfar aon duine ar lár. Tá an tAontas tiomanta freisin do Chomhaontú Pháras (4), do Chlár Oibre 2030 don Fhorbairt Inbhuanaithe agus dá Spriocanna Forbartha Inbhuanaithe chomh maith lena rannpháirtíocht san Eagraíocht Dhomhanda Sláinte. Le Straitéis Ceimiceán an Aontais um an Inbhuanaitheacht i mí Dheireadh Fómhair 2020 agus leis an bPlean Gníomhaíochta maidir le Truailliú Nialasach a glacadh i mí na Bealtaine 2021, tugtar aghaidh go sonrach ar ghnéithe truaillithe den Chomhaontú Glas don Eoraip. An tráth céanna, leagtar béim bhreise sa Straitéis Nua Tionsclaíochta don Eoraip ar an ról a d’fhéadfadh a bheith ag teicneolaíochtaí claochlaitheacha. I measc na mbeartas eile a bhaineann leis an athbhreithniú ar Threoir 2010/75/AE ó Pharlaimint na hEorpa agus ón gComhairle (5) atá ábhartha maidir leis an tionscnamh seo tá an Dlí Aeráide Eorpach (6), an pacáiste ‘Oiriúnach do 55’, an Straitéis um Meatán agus Gealltanas Ghlaschú um Meatán, an Straitéis maidir le hOiriúnú don Athrú Aeráide, an Straitéis Bhithéagsúlacht, an Straitéis Ón bhFeirm go dtí an Forc, an Straitéis Ithreach agus an Tionscnamh um Tháirgí Inbhuanaithe. Ina theannta sin, mar chuid de fhreagairt an Aontais ar chogadh foghach na Rúise i gcoinne na hÚcráine, moltar le REPowerEU comhghníomhaíocht Eorpach chun tacú le soláthairtí fuinnimh a éagsúlú, chun dlús a chur leis an aistriú chuig fuinneamh in-athnuaite agus chun feabhas a chur ar éifeachtúlacht fuinnimh.

(2)

D’fhógair an Coimisiún sa Chomhaontú Glas don Eoraip, athbhreithniú ar bhearta an Aontais chun aghaidh a thabhairt ar thruailliú ó mhórshuiteálacha tionsclaíocha, lena n-áirítear athbhreithniú a dhéanamh ar raon feidhme earnála na reachtaíochta agus conas í a chur i gcomhréir iomlán le beartais aeráide, beartais fuinnimh agus beartais an gheilleagair chiorclaigh. Ina theannta sin, iarrtar freisin sa Phlean Gníomhaíochta maidir le Truailliú Nialasach, sa Phlean Gníomhaíochta um an nGeilleagar Ciorclach agus sa Straitéis ón bhFeirm go dtí an Forc go bhfeabhsófar éifeachtúlacht agus athúsáid acmhainní agus astaíochtaí truailleán á laghdú ag an bhfoinse, lena n-áirítear foinsí nach dtagann faoi raon feidhme Threoir 2010/75/AE faoi láthair. Is gá, mar sin, truailliú ó ghníomhaíochtaí agraithionsclaíocha áirithe a áireamh faoi raon feidhme na Treorach sin chun aghaidh a thabhairt orthu, agus cleachtais talmhaíochta inbhuanaithe a bhfuil iliomad comhshocar acu le haghaidh chuspóirí comhshaoil agus aeráide an Chomhaontaithe Ghlais don Eoraip á gcur chun cinn.

(3)

Tá tionscal eastóscach an Aontais ríthábhachtach chun cuspóirí an Chomhaontaithe Ghlais don Eoraip agus straitéis thionsclaíoch an Aontais a bhaint amach, lena n-áirítear aon an straitéis sin a thabhairt cothrom le dáta. Tá tábhacht straitéiseach ag baint le miotail maidir leis an aistriú digiteach agus an t-aistriú glas, maidir leis an gclaochlú fuinnimh, an claochlú ábhar agus claochlú an gheilleagair chiorclaigh chomh maith le hathléimneacht eacnamaíoch agus neamhspleáchas eacnamaíoch an Aontais a neartú. Chun na cuspóirí sin a bhaint amach, is gá tuilleadh forbartha a dhéanamh ar acmhainneacht agus soláthar intíre inbhuanaithe, go háirithe i bhfianaise an éilimh dhomhanda atá ag dul i méid, leochaileacht na slabhraí soláthair agus na teannais gheopholaitiúla. Chuige sin, teastaíonn bearta éifeachtacha, saincheaptha agus comhchuibhithe chun a áirithiú go leagtar síos agus go n-úsáidtear na teicnící is fearr atá ar fáil, agus ar an mbealach sin, próisis a chur i bhfeidhm arb iad na cinn is éifeachtúla iad agus a bhfuil an tionchar is ísle is féidir acu ar shláinte an duine agus ar an gcomhshaol. Sásraí rialachais Threoir 2010/75/AE lena nasctar saineolaithe tionscail le forbairt ceanglas comhshaoil atá comhthoiliúil agus saincheaptha, is sásraí iad a bheidh ag tacú le fás inbhuanaithe na ngníomhaíochtaí sin san Aontas. Trí chaighdeáin a chomhaontaítear go comhpháirteach a fhorbairt agus a bheith ar fáil, beidh cothrom na hiomaíochta san Aontais agus áiritheofar ardleibhéal cosanta do shláinte an duine agus don chomhshaol an tráth céanna. Is iomchuí, dá bhrí sin, na gníomhaíochtaí sin a áireamh faoi raon feidhme Threoir 2010/75/AE, gan dochar do Rialachán (AE) 2024/1252 ó Pharlaimint na hEorpa agus ón gComhairle (7). Leis an Treoir maidir le hAstaíochtaí Tionsclaíocha tacófar le tionscal an Aontais tionscadail a fhorbairt agus fás inbhuanaithe agus comhthoiliúil na ngníomhaíochtaí mianadóireachta a éascú san Aontas i gcomhréir le tagarmharcanna 2030 an Ghnímh um Amhábhair Chriticiúla. Beidh an Treoir maidir le hAstaíochtaí Tionsclaíocha ina cabhair chun na spriocanna i ndáil le próiseas cuíchóirithe deonaithe ceadanna an Ghnímh um Amhábhair Chriticiúla a chomhlíonadh trí thacaíocht a thabhairt do na Ballstáit maidir le coinníollacha ceada oibriúcháin a shocrú agus ceadanna a sholáthar go tapa.

(4)

Ba cheart go ndéanfaí soiléiriú sa ghníomh leasaitheach sin gur cheart truailliú boltanach a chur i gcuntas nuair a dhéantar na teicnící is fearr atá ar fáil (‘BAT’) a shainiú agus ceadanna a athbhreithniú nó a dheonú.

(5)

Ba cheart an tionchar a d’fhéadfadh a bheith ag sceitheadh tionsclaíoch ar staid na ndobharlach de bharr éagsúlachtaí i ndinimic an tsreafa uisce a chur i gcuntas go sainráite mar chuid de dheonú agus d’athbhreithniú ceadanna.

(6)

Tá tógáil beostoic ina cúis mhór le hastaíochtaí truailleán a scaoileadh isteach san aer agus san uisce. Chun na hastaíochtaí sin a laghdú, lena n-áirítear amóinia, meatán, níotráití agus gáis ceaptha teasa agus, ar an mbealach sin, cáilíocht an aeir, an uisce agus na hithreach a fheabhsú, is gá an tairseach ar os a cionn a áirítear suiteálacha muc agus éanlaithe clóis faoi raon feidhme Threoir 2010/75/AE a ísliú. Dá bhrí sin, ba cheart don Choimisiún measúnú agus tuairisciú a dhéanamh do Pharlaimint na hEorpa agus don Chomhairle ar an ngá atá le gníomhaíocht ón Aontas chun aghaidh a thabhairt go cuimsitheach ar na hastaíochtaí ó thógáil beostoic, go háirithe eallach, agus raon na n-ionstraimí atá ar fáil agus sainiúlachtaí na hearnála á gcur san áireamh. An tráth céanna, ba cheart don Choimisiún measúnú agus tuairisciú a dhéanamh do Pharlaimint na hEorpa agus don Chomhairle, bunaithe ar fhianaise, maidir leis an ngá atá le gníomhaíocht AE chun an cuspóir maidir le cosaint an chomhshaoil dhomhanda a bhaint amach i ndáil le táirgí a chuirtear ar mhargadh an Aontais Eorpaigh trí astaíochtaí ó fheirmeoireacht beostoic a chosc agus a rialú, ar bhealach atá comhsheasmhach le hoibleagáidí idirnáisiúnta

(7)

Le ceanglais BAT atá ábhartha do chineál na suiteálacha, cuirtear san áireamh cineál, méid, dlús agus castacht na suiteálacha sin, lena n-áirítear sainiúlachtaí na gcóras tógála agus raon na dtionchar ar an gcomhshaol a d’fhéadfadh a bheith acu. Tá gá leis an aistriú i dtreo cleachtais talmhaíochta a éireoidh níos neamhdhíobhálaí don chomhshaol de réir a chéile, agus is é is aidhm do na ceanglais chomhréireachta in BATanna feirmeoirí a spreagadh an t-aistriú sin a chur chun feidhme.

(8)

Ba cheart tógáil muc i suiteálacha a oibríonn faoi chórais orgánacha nó táirgeachta a bhfuil dlús stocála íseal acu a dhíolmhú ó raon feidhme Threoir 2010/75/AE ós rud é go rannchuidíonn siad go dearfach le tírdhreacha a chaomhnú, le dóiteáin foraoise a chosc agus le héagsúlacht bhitheolaíoch agus gnáthóga a chosaint. Ba cheart go gcumhdófaí leis an díolúine suiteálacha le tógáil bunaithe ar fhéarach muc a bhfuil dlús íseal stocála acu agus ina dtógtar na hainmhithe lasmuigh ar feadh tréimhse shuntasach ama in aghaidh na bliana, go háirithe i rith an lae, agus ina n-áirithíonn dálaí aimsire agus sábháilteachta leas na n-ainmhithe, nó ina dtógtar lasmuigh go séasúrach iad. Ba cheart an limistéar a úsáidtear le haghaidh ríomh an dlúis a úsáid le haghaidh innilt ag na hainmhithe sa tsuiteáil nó le haghaidh fás farae nó foráiste a úsáidtear chun na hainmhithe a bheathú sa tsuiteáil.

(9)

Tá freagracht ar an Aontas leanúint air ina a ról ceannasach maidir le gníomhú domhanda ar son an haeráide, lena n-áirítear tríd an gcuspóir maidir le hAontas aeráidneodrach a bhaint amach faoi 2050 ar a dhéanaí i gcomhréir le Comhaontú Pháras. Trí aghaidh a thabhairt ar astaíochtaí meatáin ó bheostoc go domhanda, rannchuideofaí le laghdú na n-astaíochtaí gás ceaptha teasa, ar laghdú é a bhfuil géarghá leis má tá an domhan chun an méadú ar an meánteocht dhomhanda a choimeád go mór faoi bhun 2 oC os cionn na leibhéal réamhthionsclaíoch agus iarrachtaí a dhéanamh an méadú teochta a theorannú go 1,5 oC os cionn na leibhéal réamhthionsclaíoch.

(10)

Leis an Straitéis ón bhFeirm go dtí an Forc (F2F), leagadh amach an gealltanas an t-aistriú domhanda chuig córais bhia inbhuanaithe a chur chun cinn i gcomhlachtaí socraithe caighdeán agus stiúir a ghlacadh ar an obair ar chaighdeáin inbhuanaitheachta idirnáisiúnta. Leanfaidh an tAontas de bheith ag iarraidh caighdeáin idirnáisiúnta a chur chun cinn sna comhlachtaí idirnáisiúnta ábhartha agus spreagfaidh sé táirgeadh táirgí agraibhia a chomhlíonann ardchaighdeáin sábháilteachta agus inbhuanaitheachta. Ina theannta sin, mar a luaitear sa tuarascáil ón gCoimisiún dar teideal ‘Cur i bhfeidhm chaighdeáin sláinte agus chomhshaoil an Aontais maidir le táirgí talmhaíochta agus agraibhia allmhairithe’, cuireann caighdeáin agus cuspóirí uaillmhianacha sláinte, comhshaoil agus inbhuanaitheachta eile le cuspóirí dlisteanacha a bhaint amach maidir le hábhair imní dhomhanda, i gcomhréir le cur chuige na hAon Sláinte Amháin freisin. Leanfaidh an tAontas dá chuid iarrachtaí ar an leibhéal iltaobhach chun comhthoil dhomhanda a bhaint amach maidir leis an ngá atá le gníomhaíocht agus le caighdeáin a chomhaontaítear go hidirnáisiúnta.

(11)

Ba cheart don Aontas a bheith ar thús cadhnaíochta sa chomhar idirnáisiúnta freisin chun córas iltaobhach atá oscailte agus cothrom a chruthú ina ngníomhóidh an trádáil inbhuanaithe mar phríomhchumasóir don aistriú glas. I gcomhréir leis an athbhreithniú ar bheartas Trádála agus Forbartha Inbhuanaithe an Aontais agus leis an Teachtaireacht ón gCoimisiún dar teideal ‘Cumhacht na gcomhpháirtíochtaí trádála: le chéile ar mhaithe le fás eacnamaíoch atá glan agus cóir’, tá sé ríthábhachtach dul i dteagmháil le comhpháirtithe i bpróiseas comhoibritheach chun rialachas idirnáisiúnta comhshaoil agus comhlíonadh caighdeán idirnáisiúnta comhshaoil a chothú.

(12)

Chun cosc a chur le feirmeacha a roinnt ar bhealach saorga, rud a d’fhéadfadh acmhainneacht aonaid beostoic feirme a laghdú go leibhéal faoi bhun na tairsí arna bunú in Iarscríbhinn Ia chun an Treoir seo a chur i bhfeidhm, ba cheart do na Ballstáit bearta a ghlacadh chun a áirithiú, má tá dhá shuiteáil nó níos mó suite i ngar dá chéile agus más ionann a n-oibreoir nó má tá na suiteálacha faoi rialú oibreoirí atá i mbun caidreamh eacnamaíoch nó dlíthiúil, gur féidir leis an údarás inniúil na suiteálacha sin a mheas mar aonad aonair chun an acmhainneacht beostoic a ríomh. Níor cheart an tairseach le haghaidh feirmeoireacht mheasctha a úsáid chun dul timpeall ar an tairseach a bhaineann le gach beostoc ar leith.

(13)

Is dócha go dtiocfaidh méadú suntasach ar líon na suiteálacha mórscála laistigh den Aontas ina dtairgfear ceallraí le haghaidh feithiclí leictreacha faoi 2030 agus ina dhiaidh sin, rud a chuirfidh le sciar an Aontais de tháirgeadh domhanda na gceallraí. Rialaítear roinnt de ghníomhaíochtaí i luachshlabhra na gceallraí cheana féin le Treoir 2010/75/AE agus rialaítear ceallraí mar tháirgí le Rialachán (AE) 2023/1542 ó Pharlaimint na hEorpa agus ón gComhairle (8). Mar sin féin, is gá fós suiteálacha móra ina monaraítear ceallraí a áireamh faoi raon feidhme Threoir 2010/75/AE, chun a áirithiú go gcumhdaítear freisin iad leis na ceanglais a leagtar amach i dTreoir 2010/75/AE. Trí shuiteálacha móra ina monaraítear ceallraí a áireamh faoi raon feidhme Threoir 2010/75/AE, seachas suiteálacha nach ndéanann ach ceallraí a chóimeáil, cuirfear feabhas ar inbhuanaitheacht na gceallraí ar bhealach iomlánaíoch agus déanfar an tionchar a bheidh acu ar an gcomhshaol ar feadh a saolré a íoslaghdú. Rannchuideoidh sé sin le fás i monarú ceallraí atá níos inbhuanaithe.

(14)

D’fhonn rochtain phoiblí ar fhaisnéis faoin gcomhshaol a neartú a thuilleadh, is gá a shoiléiriú go bhfuil na ceadanna le haghaidh suiteálacha arna ndeonú de bhun Threoir 2010/75/AE le cur ar fáil don phobal ar an idirlíon, saor in aisce agus gan an rochtain a shrianadh d’úsáideoirí cláraithe amháin, agus a áirithiú an tráth céanna go ndéantar faisnéis rúnda ghnó a choimirciú.

(15)

Ba cheart do Bhallstáit córais um cheadú leictreonach a fhorbairt a laghdóidh an t-ualach riaracháin d’oibreoirí agus d’údaráis inniúla, a fheabhsóidh rochtain phoiblí ar fhaisnéis agus a éascóidh rannpháirtíocht an phobail in nósanna imeachta um cheadú. Ba cheart don Choimisiún tacú le Ballstáit ceadú leictreonach a fhorbairt tríd an malartú faisnéise idir na Ballstáit a eagrú agus trí threoir maidir le dea-chleachtais a sholáthar.

(16)

Is féidir le tionchar truaillithe, lena n-áirítear nuair is teagmhais nó timpistí is cúis leis, leathnú taobh amuigh de chríoch Ballstáit. I gcásanna den sórt sin, gan dochar do Threoir 2012/18/AE ó Pharlaimint na hEorpa agus ón gComhairle (9), chun iarmhairtí teagmhas nó timpistí ar shláinte an duine agus ar an gcomhshaol a theorannú agus chun teagmhais nó timpistí eile a d’fhéadfadh a bheith ann a chosc, tá gá le malartú faisnéise pras agus le dlúth-chomhordú idir údaráis inniúla na mBallstát a ndéanann na heachtraí sin difear dóibh nó a bhféadfadh na heachtraí sin difear a dhéanamh dóibh. Dá bhrí sin, i gcás aon teagmhais nó timpiste a mbeidh tionchar suntasach aige ar an gcomhshaol nó ar shláinte an duine i mBallstát eile, ba cheart malartú faisnéise agus comhar trasteorann ildisciplíneach idir na Ballstáit a ndéantar difear dóibh a chothú chun na hiarmhairtí ar an gcomhshaol agus ar shláinte an duine a theorannú agus chun teagmhais nó timpistí eile a d’fhéadfadh a bheith ann a chosc.

(17)

Ba cheart do na Ballstáit bearta dearbhaithe comhlíontachta a ghlacadh freisin chun comhlíonadh na n-oibleagáidí a chuirtear ar dhaoine nádúrtha nó dlítheanacha faoi Threoir 2010/75/AE a chur chun cinn, a fhorfheidhmiú agus chun faireachán a dhéanamh air. Mar chuid de na bearta dearbhaithe comhlíontachta, ba cheart do na Ballstáit a áirithiú go mbeadh líon leordhóthanach ball foirne cáilithe agus acmhainní leordhóthanacha airgeadais, teicniúla agus teicneolaíocha ag na húdaráis náisiúnta atá i gceannas ar an Treoir seo a chur chun feidhme agus a fhorfheidhmiú chun a bhfeidhmeanna a bhaineann le cur chun feidhme na Treorach seo a fheidhmiú go héifeachtach.

(18)

Chomh maith leis sin, mar chuid de bhearta dearbhaithe comhlíontachta, ba cheart d’údaráis inniúla a bheith in ann oibriú suiteála a chur ar fionraí i gcás ina mbeidh contúirt ann do shláinte an duine nó ina mbeidh riosca ann go mbeadh éifeacht dhíobhálach shuntasach ar an gcomhshaol de dheasca sárú leanúnach ar choinníollacha an cheada agus de dheasca nár cuireadh torthaí na tuarascála cigireachta i bhfeidhm, chun an chontúirt sin a bhaint.

(19)

I gcás truailliú a dhéanann difear d’acmhainní uisce óil, lena n-áirítear acmhainní trasteorann, nó a dhéanann difear do bhonneagar fuíolluisce, ba cheart go gcuirfeadh an t-údarás inniúil na hoibreoirí uisce óil agus fuíolluisce a ndéantar difear dóibh ar an eolas faoi na bearta arna ndéanamh chun damáiste de dheasca an truaillithe sin do shláinte an duine nó don chomhshaol a chosc nó a leigheas.

(20)

Baineadh de thátal as an meastóireacht a rinneadh ar Threoir 2010/75/AE gur gá na naisc idir an Treoir sin agus Rialachán (CE) Uimh. 1907/2006 ó Pharlaimint na hEorpa agus ón gComhairle (10) a neartú, chun aghaidh níos fearr a thabhairt ar na rioscaí a bhaineann le húsáid ceimiceán i suiteálacha a thagann faoi raon feidhme Threoir 2010/75/AE. Chun sineirgí a fhorbairt idir an obair a dhéanann an Ghníomhaireacht Eorpach Ceimiceán (ECHA) ar cheimiceáin agus ullmhú doiciméad tagartha BAT faoi Threoir 2010/75/AE, ba cheart ról foirmiúil a thabhairt do ECHA san ullmhúchán sin de dhoiciméid tagartha BAT.

(21)

Ba cheart don Choimisiún rannpháirtíocht a spreagadh san fhóram le haghaidh malartú faisnéise ag geallsealbhóirí agus ionadaithe na sochaí sibhialta, lena n-áirítear ENRanna a bhfuil baint acu le cosaint shláinte an duine nó cosaint an chomhshaoil a chur chun cinn. Ba cheart don Choimisiún rannpháirtíocht na Gníomhaireachta Eorpaí Comhshaoil sa mhalartú faisnéise a áirithiú, i gcás ina rachadh saineolas na Gníomhaireachta chun tairbhe don mhalartú faisnéise. I bhfianaise leathnú raon feidhme agus ualach oibre méadaitheach an fhóraim malartaithe agus na meithle teicniúla, ba cheart don Choimisiún acmhainní leormhaithe a ghealladh agus na hathruithe is gá a ghlacadh, lena n-áirítear trí Chinneadh Cur Chun Feidhme 2012/119/AE ón gCoimisiún (11) a leasú, chun feidhmiú an fhóraim agus na meithle teicniúla a áirithiú.

(22)

Chun an malartú faisnéise lena dtacaítear le cinneadh na leibhéal astaíochtaí agus na leibhéal feidhmíochta comhshaoil a bhaineann leis na teicnící is fearr atá ar fáil a éascú, agus sláine faisnéise rúnda gnó a choinneáil ar bun an tráth céanna, ba cheart na nósanna imeachta a shonrú maidir le faisnéis a láimhseáil, ar faisnéis rúnda ghnó í nó ar faisnéis í atá íogair ó thaobh na tráchtála de, lena n-áirítear coinníollacha maidir le catagóirí áirithe geallsealbhóirí a anaithnidiú, agus faisnéis a bhailítear ón tionscal i gcomhthéacs an mhalartaithe faisnéise arna eagrú ag an gCoimisiún chun doiciméid tagartha BAT a dhréachtú, a athbhreithniú nó a thabhairt cothrom le dáta. Ba cheart a áirithiú nach ndéanfaidh daoine aonair atá rannpháirteach sa mhalartú faisnéise faisnéis ar faisnéis rúnda ghnó í nó ar faisnéis í atá íogair ó thaobh na tráchtála de a chomhroinnt le haon ionadaí gnóthas nó comhlachtaí trádála a bhfuil leas eacnamaíoch acu sna gníomhaíochtaí tionsclaíocha lena mbaineann agus sna margaí gaolmhara. Tá malartú faisnéise den sórt sin gan dochar do dhlí iomaíochta an Aontais, go háirithe Airteagal 101 den Chonradh ar Fheidhmiú an Aontais Eorpaigh (CFAE).

(23)

Ní chruthaítear leis an Treoir seo aon oibleagáidí faisnéis rúnda ghnó a nochtadh don phobal ar oibleagáidí iad a bheadh ina n-oibleagáidí breise ar na cinn sin atá leagtha síos cheana i dTreoir 2003/4/CE ó Pharlaimint na hEorpa agus ón gComhairle (12) agus Treoir (AE) 2016/943 ó Pharlaimint na hEorpa agus ón gComhairle (13).

(24)

Chun cosaint shláinte an duine agus cosaint an chomhshaoil ina iomláine a áirithiú, tá gá le sineirgí agus comhordú le reachtaíocht ábhartha eile an Aontais maidir leis an gcomhshaol, ag gach céim de chur chun feidhme Threoir 2010/75/AE. Dá bhrí sin, ba cheart dul i gcomhairle go cuí leis na húdaráis inniúla ábhartha uile ar a bhfuil freagracht maidir le comhlíonadh reachtaíocht ábhartha eile an Aontais maidir leis an gcomhshaol sula ndeonófar cead faoin Treoir sin.

(25)

D’fhonn feidhmíocht chomhshaoil agus sábháilteacht na suiteálacha a fheabhsú go leanúnach, lena n-áirítear trí ghiniúint dramhaíola a chosc, úsáid acmhainní agus athúsáid uisce a bharrfheabhsú, agus rioscaí a bhaineann le húsáid substaintí guaiseacha a chosc nó a laghdú, ba cheart d’oibreoirí suiteálacha córas bainistithe comhshaoil (EMS) a bhunú agus a chur chun feidhme i gcomhréir leis an Treoir seo agus le conclúidí ábhartha BAT, agus ba cheart dóibh codanna ábhartha a chur ar fáil don phobal. Sula gcuirtear na codanna ábhartha dá EMS ar fáil don phobal, ba cheart an fhéidearthacht a bheith ag an oibreoir faisnéis rúnda ghnó a fholú nó a eisiamh. Ba cheart feidhm a bheith ag féidearthacht den sórt sin ar bhealach sriantach, agus an cás áirithe de leas an phobail á chur san áireamh a ndéantar fónamh dó tríd an bhfaisnéis a nochtadh. Ba cheart go gcumhdófaí le EMS freisin bainistiú na rioscaí a bhaineann le substaintí guaiseacha a úsáid agus anailís ar an bhféidearthacht roghanna malartacha níos sábháilte a chur in ionad na substaintí guaiseacha.

(26)

Chun a áirithiú go bhfuil EMS i gcomhréir le ceanglais Threoir 2010/75/AE, ba cheart don oibreoir athbhreithniú a dhéanamh ar EMS agus d’iniúchóir seachtrach atá ar conradh ag an oibreoir iniúchadh a dhéanamh air. Ba cheart don iniúchóir a bheith ina chomhlacht um measúnú comhréireachta arna chreidiúnú i gcomhréir le hAirteagal 2(20) de Rialachán (CE) Uimh. 765/2008 ó Pharlaimint na hEorpa agus ón gComhairle (14), mar a cheanglaítear faoi ISO 17021, nó ina dhuine nádúrtha nó dlítheanach a bhfuil cead mar fhíoraitheoir comhshaoil faighte aige i gcomhréir le Rialachán (CE) Uimh. 1221/2009 ó Pharlaimint na hEorpa agus ón gComhairle l (15).

(27)

Chun tacú le dícharbónú, éifeachtúlacht acmhainní agus geilleagar ciorclach, ba cheart a áireamh sna conclúidí BAT leibhéil cheangailteacha feidhmíochta comhshaoil a bhaineann le BAT agus leibhéil táscacha feidhmíochta comhshaoil a bhaineann le teicnící atá ag teacht chun cinn, le haghaidh próisis aonair a bhfuil saintréithe comhchosúla acu amhail iompróirí fuinnimh, amhábhair, aonaid táirgthe agus táirgí deiridh agus leibhéal ard aonchineálachta ar fud an Aontais, i gcásanna nach bhfuil na sonraí a chuirtear ar fáil sa mhalartú faisnéise lena dtacaítear le cinneadh BAT láidir go leor. Ba cheart tagarmharcanna táscacha a áireamh sna conclúidí BAT freisin le haghaidh cásanna eile atá le cur san áireamh ag oibreoirí ina EMSanna, i gcás ina bhfuil an fheidhmíocht chomhshaoil ag brath go mór ar imthosca sonracha na bpróiseas. D’fhéadfaí a áireamh ar na leibhéil feidhmíochta comhshaoil a bhaineann le BAT agus leis na tagarmharcanna, leibhéil tomhaltais, leibhéil éifeachtúlachta acmhainní agus leibhéil athúsáide acmhainní lena gcumhdaítear ábhair, uisce agus acmhainní fuinnimh, leibhéil dramhaíola agus leibhéil eile a fhaightear faoi choinníollacha tagartha sonraithe. Ba cheart leibhéil feidhmíochta comhshaoil agus tagarmharcanna a bhunú agus na hacmhainní is gá le haghaidh claochlú suiteálacha arb é is aidhm dóibh astaíochtaí gás ceaptha teasa a laghdú á gcur san áireamh, chomh maith le héagsúlachtaí éileamhbhunaithe ar riachtanais acmhainní le haghaidh táirgí sonracha, amhail éagsúlachtaí tomhaltas uisce. Ba cheart don údarás inniúil raonta ceangailteacha le haghaidh feidhmíocht chomhshaoil mar a leagtar síos i gconclúidí BAT a shocrú sa chead, chomh maith le teorainnluachanna feidhmíochta comhshaoil ceangailteacha a bhaineann le huisce agus leibhéil tháscacha feidhmíochta comhshaoil a bhaineann le dramhaíl agus le hacmhainní seachas uisce, nach lú déine ó thaobh an chomhshaoil de ná na raonta ceangailteacha, ar choinníoll go n-áiritheofar an ceann íochtarach feidhmíochta den raon sainordaitheach. Ba cheart don oibreoir na tagarmharcanna a áireamh sa chóras bainistithe comhshaoil.

(28)

Is gá sonrú breise a dhéanamh ar na coinníollacha faoinar féidir leis an údarás inniúil na próisis chóireála iartheachtacha i ngléasra cóireála fuíolluisce a chur san áireamh agus na teorainnluachanna astaíochtaí is infheidhme maidir le scaoiltí truailleán san uisce á socrú aige i gcead arna dheonú faoi Threoir 2010/75/AE. Ba cheart na teorainnluachanna astaíochtaí a shonrú ar bhealach lena n-áiritheofaí nach bhfágfadh scaoiltí den sórt sin go mbeadh ualach méadaithe truailleán in uiscí glactha nó nach gcuirfí bac ar an acmhainneacht nó an acmhainneacht fhéideartha acmhainní ón sruth cóireála fuíolluisce a aisghabháil i gcomparáid le staid ina gcuirfeadh an tsuiteáil BAT i bhfeidhm agus ina gcomhlíonfadh sí leibhéil astaíochtaí a bhaineann leis na teicnící is fearr atá ar fáil i gcás scaoiltí díreacha.

(29)

Chun ardleibhéal cosanta do shláinte an duine agus don chomhshaol ina iomláine a sholáthar, is gá, inter alia, teorainnluachanna astaíochtaí a leagan síos i gceadanna ar leibhéal lena n-áiritheofar comhlíonadh na leibhéal astaíochtaí is infheidhme a bhaineann leis na teicnící is fearr atá ar fáil a leagtar amach i gconclúidí BAT. De ghnáth, sloinntear leibhéil astaíochtaí a bhaineann leis na teicnící is fearr atá ar fáil (BAT-AELanna) mar raonta, seachas mar luachanna aonair, chun na difríochtaí a léiriú laistigh de chineál áirithe suiteála as a n-eascraíonn éagsúlachtaí sna feidhmíochtaí comhshaoil a bhaintear amach agus BAT á chur i bhfeidhm. Ní thabharfaidh BAT áirithe an fheidhmíocht chéanna i gcás suiteálacha éagsúla, d’fhéadfadh sé nach bhfuil roinnt BATanna oiriúnach lena n-úsáid i suiteálacha áirithe, nó d’fhéadfadh sé go bhfuil meascán de BATanna níos éifeachtaí i gcás truailleáin áirithe nó meáin áirithe chomhshaoil ná cinn eile, mar shampla. Cuireadh baint amach ardleibhéil cosanta do shláinte an duine agus don chomhshaol ina iomláine i gcontúirt mar gheall ar an gcleachtas mar atá teorainnluachanna astaíochtaí a shocrú ag an gceann is scaoilte de raon na leibhéal astaíochtaí a bhaineann leis na teicnící is fearr atá ar fáil, gan a mheas go bhféadfadh suiteáil áirithe leibhéil astaíochtaí níos ísle a bhaint amach trí na teicnící is fearr atá ar fáil a chur i bhfeidhm. Le cleachtas den sórt sin, cuirtear drochmhisneach ar shuiteálacha atá chun tosaigh i dtaobh teicnící atá níos éifeachtaí a chur chun feidhme, agus cuirtear bac ar chothrom na hiomaíochta a bhaint amach, rud lena n-áiritheofaí ardleibhéal cosanta do shláinte an duine agus don chomhshaol. Chun na hastaíochtaí a laghdú, ba cheart don údarás inniúil teorainnluachanna astaíochtaí a shocrú ag an leibhéal is déine is féidir a bhaint amach don tsuiteáil shonrach, agus raon iomlán BAT-AELanna á chur san áireamh chomh maith le héifeachtaí trasmheán. Ba cheart na teorainnluachanna astaíochtaí a bheith bunaithe ar mheasúnú arna dhéanamh ag an oibreoir lena ndéanfaí anailís ar an bhféidearthacht an ceann is déine de raon BAT-AEL a bhaint amach agus lena ndíreofar ar an bhfeidhmíocht chomhshaoil is fearr is féidir do na suiteálacha sonracha; is é sin mura léiríonn an t-oibreoir go n-éireoidh leis an tsuiteáil lena mbaineann teorainnluachanna astaíochtaí is lú déine a chomhlíonadh má chuireann sí na teicnící is fearr atá ar fáil i bhfeidhm, ar teicnící iad a ndéantar tuairisc orthu i gconclúidí BAT. Chun tacú le teorainnluachanna astaíochtaí a shocrú i gceadanna agus le rialacha ceangailteacha ginearálta a ghlacadh, ba cheart faisnéis a bheith i gconclúidí BAT maidir leis na himthosca lenar féidir leibhéil astaíochtaí níos ísle a bhaint amach laistigh den raon BAT-AELanna a leagtar síos le haghaidh catagóirí suiteálacha a bhfuil saintréithe comhchosúla acu. Nuair atá teorainnluachanna astaíochtaí á socrú laistigh den raon BAT-AELanna, níor cheart don nós imeachta um maolú a bheith infheidhme.

(30)

Le conclúidí BAT, ba cheart teicnící atá ag teacht chun cinn agus na teicnící is fearr atá ar fáil a shainaithint, ar teicnící iad is féidir le hoibreoirí tionsclaíocha a chur chun feidhme chun suiteálacha a chlaochlú chun go mbeidh siad comhsheasmhach le cuspóir an Aontais maidir le geilleagar inbhuanaithe, glan, ciorclach agus aeráidneodrach. Ba cheart é a bheith ceadaithe d’údaráis inniúla a ndóthain ama a dheonú d’oibreoirí tionsclaíocha chun claochlú tionsclaíoch ó bhonn a chur chun feidhme, a mbeadh infheistíocht shubstainteach riachtanach ina leith trí BATanna nó teicnící atá ag teacht chun cinn lena mbaineann mórathrú ar an dearadh nó ar an teicneolaíocht, nó athsholáthar suiteála atá ann cheana, mar a thuairiscítear i gconclúidí BAT agus a leagtar síos i bplean claochlaithe.

(31)

Le blianta beaga anuas, rinne géarchéimeanna eisceachtúla difear don Aontas Eorpach agus do na Ballstáit, amhail paindéim COVID-19 agus cogadh foghach na Rúise i gcoinne na hÚcráine. Chuaigh na géarchéimeanna sin i bhfeidhm go tobann agus go díreach ar sholáthar fuinnimh agus ar sholáthar acmhainní, ábhar nó trealaimh atá criticiúil don tsochaí, rud a d’fhág go raibh ganntanais agus suaitheadh mór ann, agus is gá freagairt a thabhairt orthu sin go pras. I gcás ina n-éilítear freagairt den sórt sin le géarchéimeanna, d’fhéadfadh sé gur ghá teorainnluachanna astaíochtaí agus teorainnluachanna feidhmíochta comhshaoil is lú déine ná na leibhéil atá i gconclúidí BAT a shocrú, chun táirgeadh fuinnimh nó táirgeadh trealaimh eile a bhfuil ríthábhacht ag baint leis a choinneáil nó chun leanúnachas oibríochtaí suiteálacha criticiúla a cheadú. Tá an gá atá le teorainnluachanna astaíochtaí nó teorainnluachanna feidhmíochta comhshaoil is lú déine a shocrú le cothromú leis an ngá atá ann an comhshaol agus sláinte an duine a chosaint chomh maith le cothrom na hiomaíochta agus sláine an mhargaidh inmheánaigh a áirithiú. Dá bhrí sin, ní féidir teorainneacha is lú déine a shocrú ach amháin mar rogha dheireanach, nuair a bheidh na bearta eile a bhfuil níos lú truaillithe ann mar thoradh orthu ídithe. Ba cheart don údarás inniúil a áirithiú nach bhfuil aon truailliú suntasach mar thoradh ar astaíochtaí ón tsuiteáil. Chun maoirseacht a dhéanamh ar an tionchar ar an gcomhshaol agus ar an tsláinte phoiblí, ba cheart faireachán a dhéanamh ar na hastaíochtaí. Chun cothrom na hiomaíochta a áirithiú agus an margadh inmheánach a chosaint, ba cheart don Choimisiún a bheith in ann treoir dhocht a sholáthar maidir leis na géarchéimeanna eisceachtúla agus a n-imthosca a d’fhéadfaí a chur san áireamh. Ba cheart don Choimisiún a fhíorú go bhfuil bonn cirt leis na maoluithe sin arna ndeonú ag na Ballstáit agus agóidí a dhéanamh i gcás ina gcinneann sé nach bhfuil bonn cirt le maolú, agus sa chás sin ba cheart don Bhallstát athbhreithniú a dhéanamh ar an maolú gan mhoill.

(32)

Ba cheart do na Ballstáit a bheith in ann rogha a dhéanamh aonaid dócháin áirithe nó aonaid eile a astaíonn dé-ocsaíd charbóin agus a liostaítear in Iarscríbhinn I a ghabhann le Treoir 2003/87/CE ó Pharlaimint na hEorpa (16) a dhíolmhú ó cheanglais maidir le héifeachtúlacht fuinnimh i gcoinníollacha an cheada.

(33)

D’fhonn astú truailleán ó shuiteálacha a thagann faoi raon feidhme Threoir 2010/75/AE a chosc nó a íoslaghdú agus d’fhonn cothrom na hiomaíochta a chur ar fáil ar fud an Aontais, ba cheart na coinníollacha faoina bhféadfar maoluithe ar theorainnluachanna astaíochtaí a dheonú a leagan amach ar bhealach níos fearr trí úsáid a bhaint as prionsabail ghinearálta, lena n-áirítear ceanglas maidir lena n-athmheasúnú rialta, chun a áirithiú go mbeidh cur chun feidhme na maoluithe sin níos comhchuibhithe ar fud an Aontais. Thairis sin, níor cheart maoluithe ar theorainnluachanna astaíochtaí a dheonú i gcás ina bhféadfaidís comhlíonadh na gcaighdeán cáilíochta comhshaoil a chur i mbaol.

(34)

Baineadh de thátal as an meastóireacht a rinneadh ar Threoir 2010/75/AE go raibh éagothromaíocht sna cineálacha cur chuige measúnaithe comhlíontachta le haghaidh suiteálacha a chumhdaítear le Caibidil II den Treoir sin. Chun ardleibhéal cosanta don chomhshaol ina iomláine a bhaint amach, cur chun feidhme comhsheasmhach dhlí an Aontais agus cothrom na hiomaíochta ar fud an Aontais a áirithiú, agus an tráth céanna, an t-ualach riaracháin ar ghnólachtaí agus ar údaráis phoiblí á íoslaghdú, ba cheart don Choimisiún rialacha comhchoiteanna a leagan síos, atá bunaithe ar na teicnící is fearr atá ar fáil, maidir le measúnú ar chomhlíonadh na dteorainnluachanna astaíochtaí agus maidir le leibhéil thomhaiste d’astaíochtaí san aer agus san uisce araon a bhailíochtú. Ba cheart tús áite a bheith ag na rialacha sin maidir le measúnú comhlíontachta ar na rialacha a leagtar amach i gCaibidlí III agus IV maidir le measúnú ar chomhlíonadh na dteorainnluachanna astaíochtaí atá in Iarscríbhinní V agus VI a ghabhann le Treoir 2010/75/AE.

(35)

Ba cheart a thuiscint le caighdeáin cáilíochta comhshaoil go dtagraítear do na ceanglais uile a leagtar amach i ndlí an Aontais, amhail reachtaíocht an Aontais maidir le haer agus le huisce; ar ceanglais iad nach mór do thimpeallacht áirithe nó cuid ar leith di a chomhlíonadh tráth áirithe. Dá bhrí sin, is iomchuí a shoiléiriú gur cheart d’údaráis inniúla, agus cead á dheonú acu do shuiteáil, ní hamháin coinníollacha a leagan amach chun a áirithiú go gcomhlíonfaidh oibríochtaí na suiteála na conclúidí BAT, ach i gcás inarb iomchuí, d’fhonn rannchuidiú sonrach na suiteála leis an truailliú a tharlaíonn sa limistéar ábhartha a laghdú, agus tiúchán na dtruailleán lena mbaineanna sa timpeallacht ghlactha á chur san áireamh, ba cheart dóibh freisin coinníollacha breise sonracha a áireamh sa chead atá níos déine ná na coinníollacha a leagtar amach i gconclúidí ábhartha BAT, chun a áirithiú go gcomhlíonfaidh an tsuiteáil caighdeáin cáilíochta comhshaoil. D’fhéadfadh a bheith i gceist leis na coinníollacha sin teorainnluachanna níos déine astaíochtaí nó teorainneacha maidir le hualach astaíochtaí truailleán a shocrú nó oibriú nó acmhainneacht na suiteála a theorannú.

(36)

Ba cheart don údarás inniúil coinníollacha an cheada a athbhreithniú go rialta agus, i gcás inar gá, a thabhairt cothrom le dáta chun comhlíonadh na reachtaíochta ábhartha a áirithiú. Ba cheart athbhreithnithe nó tabhairt cothrom le dáta den sórt sin a dhéanamh freisin i gcás inar gá don tsuiteáil caighdeán cáilíochta comhshaoil a chomhlíonadh, lena n-áirítear i gcás caighdeán cáilíochta comhshaoil nua nó athbhreithnithe nó i gcás inar gá an cead a athbhreithniú mar gheall ar stádas na timpeallachta glactha chun go mbainfear comhlíonadh na bpleananna agus na gclár arna socrú faoi reachtaíocht an Aontais amach, amhail na pleananna bainistithe abhantraí faoi Threoir 2000/60/CE ó Pharlaimint na hEorpa agus ón gComhairle (17).

(37)

Ag an seachtú seisiún a bhí ag páirtithe i gCoinbhinsiún Aarhus maidir le Rochtain ar Fhaisnéis, Rannpháirtíocht an Phobail i gCinnteoireacht agus Rochtain ar Cheartas i gCúrsaí Comhshaoil, d’fhormhuinigh siad torthaí Choiste an Choinbhinsiúin um Chomhlíontacht i gcás ACCC/C/2014/121, ar dá réir, trí chreat dlíthiúil a chur ar bun nach mbeartaítear leis aon fhéidearthacht maidir le rannpháirtíocht an phobail i ndáil le hathmhachnamh ná le tabhairt cothrom le dáta faoi Airteagal 21(3), (4) agus (5)(b) agus (c) de Threoir 2010/75/AE, nach gcomhlíonann an tAontas Eorpach Airteagal 6(10) den Choinbhinsiún. Tá na torthaí sin formhuinithe ag an Aontas agus ag a Bhallstáit, agus d’fhonn Coinbhinsiún Aarhus a chomhlíonadh ina iomláine, is gá a shonrú gur cheart deiseanna luatha agus éifeachtacha a thabhairt do dhaoine den phobal lena mbaineann páirt a ghlacadh i ndeonú nó i dtabhairt cothrom le dáta coinníollacha ceada arna socrú ag an údarás inniúil freisin nuair a dhéantar coinníollacha ceada a athmheas tar éis fhoilsiú na gcinntí maidir le conclúidí BAT a bhaineann le príomhghníomhaíocht na suiteála, nuair is féidir laghdú suntasach astaíochtaí a dhéanamh de bharr forbairtí sna teicnící is fearr atá ar fáil, nuair is gá teicnící eile a úsáid mar gheall ar an tsábháilteacht oibríochtúil, agus nuair is gá caighdeán cáilíochta comhshaoil nua nó athbhreithnithe a chomhlíonadh.

(38)

Mar a shoiléirítear le cásdlí na Cúirte Breithiúnais (18), ní féidir leis na Ballstáit ceart dlíthiúil chun agóid a dhéanamh in aghaidh cinneadh ó údarás poiblí a shrianadh do na daoine sin den phobal lena mbaineann a rinne idirghabháil sa nós imeachta riaracháin roimhe sin chun an cinneadh sin a ghlacadh. Mar a shoiléirítear freisin le cásdlí na Cúirte Breithiúnais (19), chun rochtain éifeachtach ar cheartas in ábhair chomhshaoil agus leigheasanna éifeachtacha a bheith ann, is gá inter alia go mbeadh sé de cheart ag daoine den phobal lena mbaineann iarraidh ar an gcúirt nó ar chomhlacht inniúil neamhspleách agus neamhchlaonta bearta eatramhacha a ordú chun cás áirithe truaillithe a chosc, lena n-áirítear, i gcás inar gá, tríd an gcead is ábhar díospóide a chur ar fionraí go sealadach. Dá bhrí sin, ba cheart a shonrú nár cheart seasamh dlíthiúil a bheith ag brath ar an ról a bhí ag an duine den phobal lena mbaineann le linn céim rannpháirtíochta de na nósanna imeachta cinnteoireachta, go háirithe maidir le deonú ceadanna agus dúnadh láithreán, faoin Treoir seo. Ina theannta sin, ba cheart aon nós imeachta um athbhreithniú a bheith cóir, cothrom agus tráthúil agus níor cheart dó a bheith róchostasach, agus ba cheart foráil a dhéanamh ann maidir le réitigh leordhóthanacha agus éifeachtacha, lena n-áirítear faoiseamh urghaire de réir mar is iomchuí. Maidir le feirmeacha tógála beostoic, ba cheart fionraí oibríochtaí a bheith gan dochar do leanúint de ghníomhaíochtaí atá riachtanach ar mhaithe le leas an bheostoic.

(39)

Ba cheart comhar trasteorann a bheith déanta sula ndeonófar ceadanna i gcás ina bhféadfadh oibriú suiteála difear a dhéanamh do níos mó ná Ballstát amháin, agus ba cheart a áireamh ann faisnéis roimh ré do dhaoine den phobal lena mbaineann agus do na húdaráis inniúla sna Ballstáit eile a bhféadfaí difear a dhéanamh dóibh agus dul i gcomhairle leo roimh ré.

(40)

Leis an meastóireacht a rinneadh ar Threoir 2010/75/AE, fuarthas, fiú má tá sé beartaithe claochlú thionscal na hEorpa a chothú, nach bhfuil sí dinimiciúil go leor agus nach dtacaíonn sí go leordhóthanach le próisis agus teicneolaíochtaí nuálacha a úsáid, lena n-áirítear iad siúd atá bunriachtanach don aistriú glas agus don aistriú digiteach agus do bhaint amach chuspóirí an Dlí Aeráide Eorpaigh. Gan úsáid aon teicníce ná aon teicneolaíochta sonraí a fhorordú, is iomchuí, dá bhrí sin, tástáil agus úsáid teicnící atá ag teacht chun cinn agus a bhfuil feidhmíocht chomhshaoil fheabhsaithe acu a éascú, comhar a éascú le taighdeoirí agus le tionscail i dtionscadail taighde arna gcistiú go poiblí faoi réir na gcoinníollacha dá bhforáiltear sna hionstraimí cistiúcháin ábhartha Eorpacha agus náisiúnta, chomh maith le lárionad tiomnaithe a bhunú chun tacú leis an nuálaíocht trí fhaisnéis faoi theicnící atá ag teacht chun cinn a bhailiú agus anailís a dhéanamh orthu, atá ábhartha maidir le gníomhaíochtaí a thagann faoi raon feidhme na Treorach sin, lena n-áirítear tógáil éanlaithe clóis agus muc, agus a leibhéal forbartha ó thaighde go húsáid trí úsáid a bhaint as scála an leibhéil ullmhachta teicneolaí (‘LUT’) a chur i dtréith agus leibhéal feidhmíochta comhshaoil na dteicnící sin a mheas, agus aon teorannú a d’fhéadfadh a bheith ann maidir le hinfhaighteacht sonraí agus a láidreacht á chur san áireamh. Déanfaidh sin eolas freisin don mhalartú faisnéise maidir le doiciméid tagartha BAT a tharraingt suas, a athbhreithniú agus a thabhairt cothrom le dáta. Ba cheart na teicnící atá ag teacht chun cinn agus atá le bailiú agus le hanailísiú ag an ionad a bheith ar a laghad ag an leibhéal LUT 6-7, eadhon teicneolaíocht a léirítear sa timpeallacht ábhartha (timpeallacht atá ábhartha ó thaobh na tionsclaíochta de i gcás eochairtheicneolaíochtaí cumasúcháin) nó ag leibhéal léirithe fréamhshamhla córais i dtimpeallacht oibríochta.

(41)

Chun cuspóirí an Aontais maidir le geilleagar glan, ciorclach agus aeráidneodrach a bhaint amach faoi 2050, is gá geilleagar an Aontais a chlaochlú ó bhonn. I gcomhréir leis an 8ú Clár Gníomhaíochta don Chomhshaol, ba cheart, dá bhrí sin, a cheangal ar oibreoirí suiteálacha a chumhdaítear le Treoir 2010/75/AE pleananna claochlaithe a áireamh ina gcórais bainistithe comhshaoil. Ina theannta sin, comhlánófar leis na pleananna claochlaithe sin na ceanglais maidir le Tuairisciú Inbhuanaitheachta Corparáideach faoi Threoir 2013/34/AE ó Pharlaimint na hEorpa agus ón gComhairle (20) trí bhealach a sholáthar chun na ceanglais sin a chur chun feidhme ar leibhéal na suiteála. Ba cheart claochlú na ngníomhaíochtaí dianfhuinnimh a liostaítear in Iarscríbhinn I a bheith ar an gcéad tosaíocht. Dá bhrí sin, ba cheart d’oibreoirí suiteálacha dianfhuinnimh pleananna claochlaithe a chur ar fáil faoin 30 Meitheamh 2030. Ba cheart a cheangal ar oibreoirí suiteálacha a dhéanann gníomhaíochtaí eile a liostaítear in Iarscríbhinn I pleananna claochlaithe a chur ar fáil mar chuid d’athmheas agus tabhairt cothrom le dáta an cheada tar éis fhoilsiú na gcinntí maidir le conclúidí BAT a fhoilseofar tar éis an 1 Eanáir 2030. Ba cheart é a bheith ceadaithe d’oibreoirí plean claochlaithe aonair a chur ar fáil lena gcumhdófar na suiteálacha uile atá faoina rialú i mBallstát agus, i gcás ina bhfuil gnéithe de na pleananna claochlaithe forbartha cheana féin in ndoiciméid eile agus ina bhfuil siad i gcomhréir le ceanglais Threoir 2010/75/AE, ba cheart é a bheith ceadaithe d’oibreoirí tagairt do na doiciméid ábhartha a chur san áireamh sa phlean claochlaithe. Cé gur cheart do na pleananna claochlaithe leanúint de bheith ina ndoiciméid tháscacha a ullmhaítear faoi fhreagracht na n-oibreoirí, ba cheart don chomhlacht um measúnú comhréireachta nó don fhíoraitheoir comhshaoil atá ar conradh ag na hoibreoirí mar chuid dá gcórais bainistithe comhshaoil a sheiceáil go bhfuil an t-íosmhéid faisnéise iontu a cheanglaítear de bhun gníomh tarmligthe atá le glacadh ag an gCoimisiún, agus ba cheart do na hoibreoirí na pleananna claochlaithe a chur ar fáil don phobal.

(42)

D’fhéadfadh uirlisí digiteacha amhail córais bhainistithe dhigitithe cabhrú le rioscaí a bhaineann le truailliú a mheasúnú go cainníochtúil agus go cáilíochtúil agus a bhainistiú, agus cabhrú le hoibreoirí a suiteálacha a chlaochlú.

(43)

Tá gá le tuilleadh soiléireachta maidir leis na critéir chun measúnú a dhéanamh féachaint an bhfuil na gáis ghlanta nó na leachtanna glanta a eascraíonn as gású nó pirealú dramhaíola íonaithe go leordhóthanach sa mhéid nach dramhaíl iad a thuilleadh sula loisctear iad.

(44)

I bhfianaise líon ard na suiteálacha tógála ba cheart a áireamh faoi raon feidhme Threoir 2010/75/AE, agus i bhfianaise shimplíocht phróisis agus phatrúin astaíochtaí na suiteálacha sin i gcomparáid le suiteálacha eile, is iomchuí nósanna imeachta sonracha riaracháin a leagan amach chun ceadanna a eisiúint agus maidir le hoibriú na ngníomhaíochtaí ábhartha atá oiriúnaithe don earnáil, gan dochar do cheanglais a bhaineann le faisnéis phoiblí, rannpháirtíocht an phobail, faireachán ná comhlíontacht. Ba cheart go gceadófaí leis sin rialacha ceangailteacha ginearálta a ghlacadh ar an leibhéal náisiúnta agus feirmeacha a chlárú seachas ceadanna aonair a eisiúint d’fheirmeacha. Ba cheart do na Ballstáit a áirithiú go ndaingneodh rialacha ceangailteacha ginearálta agus nósanna imeachta clárúcháin ardleibhéal cosanta comhshaoil atá coibhéiseach leis an leibhéal is féidir a bhaint amach le coinníollacha ceada aonair.

(45)

De bharr teicnící nuálacha atá ag teacht ar an margadh, meastar go dtiocfaidh laghdú níos mó agus níos mó ar astaíochtaí truailleán agus gás ceaptha teasa araon ó shuiteálacha a thagann faoi raon feidhme Threoir 2003/87/CE agus Threoir 2010/75/AE. Cé go mbeifear in ann sineirgí eile a chruthú idir na Treoracha sin dá bharr sin, d’fhéadfadh sé difear a dhéanamh dá n-oibriú, lena n-áirítear ar an margadh carbóin. Tá foráil i dTreoir 2003/87/CE maidir leis sin chun athbhreithniú a dhéanamh ar éifeachtacht na sineirgí le Treoir 2010/75/AE, agus lena n-iarrtar ceadanna atá ábhartha maidir leis an gcomhshaol agus leis an aeráid a chomhordú chun a áirithiú go bhforghníomhófar na bearta is gá chun cuspóirí aeráide agus fuinnimh an Aontais a chomhlíonadh go héifeachtúil agus ar bhealach níos tapúla. Chun dinimic na nuálaíochta maidir leis sin agus an t-athbhreithniú dá dtagraítear in Airteagal 8 de Threoir 2003/87/CE a chur san áireamh, ba cheart don Choimisiún tuarascáil lena ndéanfar athbhreithniú ar chur chun feidhme Threoir 2010/75/AE a chur faoi bhráid Pharlaimint na hEorpa agus na Comhairle faoi 2028 agus gach 5 bliana ina dhiaidh sin.

(46)

Ag tógáil ar shimpliú an tuairiscithe a dhéantar faoi Threoir 2010/75/AE, ba cheart don Choimisiún leanúint de chuíchóiriú a dhéanamh ar an gcaoi a gcuireann na Ballstáit faisnéis ar fáil dó de bhun na treorach seo le ceanglais ábhartha eile de dhlí an Aontais, agus go háirithe Rialachán (AE) 2024/1244 ó Pharlaimint na hEorpa agus ón gComhairle (21). Leis an bhfaisnéis a thuairiscítear, ba cheart go mbeifí in ann athbhreithniú fóinteach a dhéanamh ar an gcur chun feidhme agus ar na torthaí a baineadh amach maidir le hastaíochtaí agus cineálacha eile truaillithe, teorainnluachanna astaíochtaí, cur i bhfeidhm BAT, deonú maoluithe agus stádas oibríochta suiteálacha. Chuige sin, ba cheart don Choimisiún an cinneadh cur chun feidhme ina leagtar amach cineál, formáid agus minicíocht thuairisciú faisnéise ag na Ballstáit a thabhairt cothrom le dáta faoin 5 Lúnasa 2026.

(47)

Chun a áirithiú go leanfaidh Treoir 2010/75/AE dá cuspóirí a chomhlíonadh chun astaíochtaí truailleán a chosc nó a laghdú agus ardleibhéal cosanta do shláinte an duine agus don chomhshaol a bhaint amach, ba cheart rialacha oibriúcháin a bhaineann le tógáil éanlaithe clóis a bhunú, agus sainiúlachtaí gach earnála gníomhaíochta á gcur san áireamh. Ba cheart cumhachtaí cur chun feidhme a thabhairt don Choimisiún coinníollacha aonfhoirmeacha a bhunú. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (22). Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe.

(48)

Ba cheart don Choimisiún athbhreithniú a dhéanamh ar an ngá atá le rialú a dhéanamh ar astaíochtaí ó thaiscéalaíocht agus táirgeadh ola mianraí agus gáis ar tír agus amach ón gcósta, á gcur san áireamh agus creat reachtach an Aontais atá ann cheana, lena n-áirítear Rialachán (AE) 2024/1787 ó Pharlaimint na hEorpa agus ón gComhairle (23) agus Treoir 2013/30/AE ó Pharlaimint na hEorpa agus ón gComhairle (24), an gá atá le rialú a dhéanamh ar astaíochtaí ón gcóireáil ar an láthair agus eastóscadh mianraí tionsclaíocha neamhfhuinnimh a úsáidtear sa tionscal seachas le haghaidh tógála, chomh maith leis an ngá atá le rialú a dhéanamh ar astaíochtaí ón gcóireáil ar an láthair agus ó eastóscadh mianta atá déanta as an nua san Aontas, agus an gá atá le hathbhreithniú a dhéanamh ar an tairseach ghníomhaíochta in Iarscríbhinn I le haghaidh táirgeadh hidrigine trí leictrealú uisce.

(49)

Chun coinníollacha aonfhoirmeacha a áirithiú maidir le Treoir 2010/75/AE a chur chun feidhme, ba cheart cumhachtaí cur chun feidhme a thabhairt don Choimisiún a mhéid a bhaineann le bunú na nithe seo a leanas: (i) modheolaíocht chaighdeánaithe chun measúnú a dhéanamh ar an díréireacht idir na costais a bhaineann le conclúidí BAT a chur chun feidhme agus na tairbhí comhshaoil a d’fhéadfadh a bheith ann i gcomhréir le hAirteagal 15(4) agus modhanna amhail an ‘Luach Saoil Staitisticiúil’ (VSL) nó an ‘Luach Bliana Saoil’ (VOLY) á gcur san áireamh, más iomchuí, (ii) modheolaíocht chaighdeánaithe chun an measúnú dá dtagraítear in Airteagal 15(6) a dhéanamh, (iii) an modh tomhais chun measúnú a dhéanamh ar chomhlíonadh na dteorainnluachanna astaíochtaí a leagtar amach sa chead maidir le hastaíochtaí san aer agus san uisce, (iv) na socruithe mionsonraithe is gá chun an lárionad nuálaíochta um chlaochlú tionsclaíoch agus um astaíochtaí tionsclaíocha a bhunú agus a fheidhmiú, (v) an fhormáid atá le húsáid le haghaidh pleananna claochlaithe agus (vi) cén fhaisnéis ó EMS atá ábhartha le haghaidh foilsithe, ar cheart faisnéis maidir leis na táscairí agus leis na cuspóirí feidhmíochta comhshaoil ar a laghad a bheith san áireamh léi, chomh maith le faisnéis maidir leis an dul chun cinn i dtreo na gcuspóirí comhshaoil. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(50)

Chun cur chun feidhme agus forfheidhmiú éifeachtach na n-oibleagáidí a leagtar amach i dTreoir 2010/75/AE a áirithiú, is gá an t-íosmhéid inneachair a bheidh i bpionóis éifeachtacha, chomhréireacha agus athchomhairleacha a shonrú. Déantar dochar do chothrom na hiomaíochta maidir le hastaíochtaí tionsclaíocha ar fud an Aontais mar gheall ar éagothromaíochtaí i gcórais pionós, ar an bhfíoras go meastar in a lán cásanna go bhfuil pionóis arna ngearradh ró-íseal chun éifeacht dhíspreagthach a bheith acu ar iompraíochtaí neamhdhleathacha, agus ar easpa cur chun feidhme aonfhoirmeach ó Bhallstát go chéile.

(51)

Ba cheart do na Ballstáit rialacha a leagan síos a bhaineann leis na pionóis is infheidhme maidir le sáruithe ar fhorálacha náisiúnta arna nglacadh de bhun na Treorach seo agus ba cheart dóibh a áirithiú go gcuirfear na pionóis sin chun feidhme. Féadfaidh na Ballstáit rialacha a leagan síos maidir le pionóis riaracháin chomh maith le pionóis choiriúla. In aon chás, níor cheart an ceart chun nach ndéanfar duine a thriail ná a phionósú faoi dhó in imeachtaí coiriúla i ngeall ar an gcion coiriúil céanna (prionsabal ne bis in idem), mar a léiríonn an Chúirt Bhreithiúnais é, a shárú mar thoradh ar phionóis choiriúla agus riaracháin a fhorchur. I gcás na sáruithe is tromchúisí arna ndéanamh ag duine dlítheanach, amhail na sáruithe sin atá ar ardleibhéal tromchúise mar gheall ar a gcineál, a méid agus a n-athdhéanamh, nó i gcás ina bhfuil riosca suntasach do shláinte an duine nó don chomhshaol ag baint leis na sáruithe sin, ba cheart do na Ballstáit a áirithiú go n-áirítear ina gcóras náisiúnta pionós fíneálacha ar cheart a n-uasmhéid a bheith cothrom le 3 % ar a laghad de láimhdeachas bliantúil an oibreora san Aontas sa bhliain airgeadais roimh an mbliain ina ngearrtar an fhíneáil. I gcás na sáruithe sin, gan dochar d’oibleagáidí na mBallstát faoi Threoir 2008/99/CE ó Pharlaimint na hEorpa agus ón gComhairle (25), féadfaidh na Ballstáit pionóis choiriúla a ghlacadh freisin nó de rogha air sin, ar choinníoll go bhfuil siad éifeachtach, comhréireach agus athchomhairleach.

(52)

I gcás ina ndearnadh damáiste do shláinte an duine de dheasca sárú ar bhearta náisiúnta arna nglacadh de bhun Threoir 2010/75/AE, ba cheart do na Ballstáit a áirithiú go bhfuil na daoine aonair a ndéantar difear dóibh in ann cúiteamh maidir leis an damáiste sin a éileamh agus a fháil ó na daoine nádúrtha nó dlítheanacha ábhartha. Leis na rialacha sin maidir le cúiteamh, rannchuidítear leis na cuspóirí a leagtar síos in Airteagal 191 CFAE a shaothrú, maidir le cáilíocht an chomhshaoil a chaomhnú, a chosaint agus a fheabhsú agus sláinte an duine a chosaint. Ina theannta sin, cuireann siad bonn taca faoin gceart chun na beatha, chun sláine an duine agus chun cúraim sláinte a leagtar síos in Airteagail 2, 3 agus 35 de Chairt um Chearta Bunúsacha an Aontais Eorpaigh agus faoin gceart chun leighis éifeachtaigh mar a leagtar síos in Airteagal 47 den Chairt. Thairis sin, ní thugtar le Treoir 2004/35/CE ó Pharlaimint na hEorpa agus ón gComhairle (26) ceart cúitimh do pháirtithe príobháideacha de thoradh ar dhamáiste don chomhshaol ná de thoradh ar gharbhagairt damáiste den sórt sin.

(53)

Is iomchuí, dá bhrí sin, go dtabharfaí aghaidh le Treoir 2010/75/AE ar an gceart le haghaidh cúiteamh de dheasca damáistí a bhain do dhaoine aonair agus chun a áirithiú go mbeidh daoine aonair in ann a gcearta a chosaint in aghaidh damáiste don tsláinte de dheasca sáruithe ar Threoir 2010/75/AE, agus ar an mbealach sin, forfheidhmiú níos éifeachtúla na Treorach sin a áirithiú. Ba cheart nósanna imeachta a bhaineann le héilimh ar chúiteamh a dhearadh agus a chur i bhfeidhm ar bhealach nach mbeidh sé dodhéanta nó ródheacair an ceart chun cúitimh i gcás damáiste a fheidhmiú.

(54)

Ba cheart tionchar Threoir 2010/75/AE ar neamhspleáchas nós imeachta na mBallstát a theorannú don mhéid is gá chun na cuspóirí chun sláinte an duine a chosaint trí thimpeallacht shábháilte a shaothraítear inti a áirithiú, agus níor cheart difear a dhéanamh léi do rialacha náisiúnta eile nós imeachta lena mbunaítear an ceart chun cúiteamh a lorg as sáruithe ar an Treoir sin. Leis na rialacha náisiúnta sin, níor cheart, áfach, cur isteach ar fheidhmiú éifeachtach an tsásra lena lorgaítear cúiteamh a cheanglaítear le Treoir 2010/75/AE.

(55)

Cuireadh Treoir 2010/75/AE chun feidhme ar bhealach éagsúil ar fud na mBallstát maidir le cumhdach na suiteálacha le haghaidh táirgí ceirmeacha a mhonarú trí bhácáil, mar bhí na Ballstáit in ann, de dheasca fhoclaíocht shainmhíniú na gníomhaíochta sin, a chinneadh an gcuirfidís ceann amháin den dá chritéar maidir le hacmhainneacht táirgeachta agus le hacmhainneacht áithe i bhfeidhm nó an gcuirfidís an dá cheann díobh i bhfeidhm. D’fhonn cur chun feidhme níos comhsheasmhaí na Treorach sin agus cothrom na hiomaíochta a áirithiú ar fud an Aontais, ba cheart suiteálacha den sórt sin a áireamh faoi raon feidhme na Treorach sin aon uair a chomhlíontar critéar amháin den dá chritéar sin.

(56)

Agus teorainnluachanna astaíochtaí maidir le substaintí truaillitheacha á socrú, ba cheart don údarás inniúil breithniú a dhéanamh ar gach substaint, lena n-áirítear substaintí a bhfuil imní fúthu ag teacht chun cinn, ar substaintí iad a d’fhéadfaí a astú ón tsuiteáil lena mbaineann agus a bhféadfadh tionchar suntasach a bheith acu ar an gcomhshaol nó ar shláinte an duine. Agus an méid sin á dhéanamh, ba cheart go mbreithneofaí saintréithe guaise, cainníocht agus cineál na substaintí a astaítear agus a n-acmhainneacht aon mheán comhshaoil a thruailliú. Is iad conclúidí BAT, i gcás inarb ábhartha, an pointe tagartha chun na substaintí a bhfuil teorainnluachanna astaíochtaí le socrú maidir leo a roghnú, cé go bhféadfaidh an t-údarás inniúil a chinneadh substaintí breise a roghnú. Faoi láthair, liostaítear substaintí truaillitheacha aonair ar bhealach neamh-uileghabhálach in Iarscríbhinn II a ghabhann le Treoir 2010/75/AE; rud nach bhfuil comhoiriúnach le cur chuige iomlánaíoch na Treorach sin agus rud nach léirítear leis an gá go gcuirfeadh na húdaráis inniúla na substaintí truaillitheacha ábhartha uile san áireamh, lena n-áirítear substaintí a bhfuil imní fúthu ag teacht chun cinn. Ba cheart, dá bhrí sin, an liosta neamh-uileghabhálach de shubstaintí truaillitheacha a scriosadh. Ina ionad sin, ba cheart tagairt a dhéanamh don liosta truailleán in Iarscríbhinn II a ghabhann le Rialachán (CE) Uimh. 166/2006 ó Pharlaimint na hEorpa agus ón gComhairle (27).

(57)

Cé go n-áirítear láithreáin líonta talún faoi raon feidhme Threoir 2010/75/AE, níl aon chonclúid BAT ann maidir le líonadh talún ós rud é go dtagann an ghníomhaíocht sin faoi raon feidhme Threoir 1999/31/CE ón gComhairle (28) agus go meastar gur BAT iad ceanglais na Treorach deiridh sin. De bharr na bhforbairtí teicniúla agus na nuálaíochta a tharla ó glacadh Treoir 1999/31/CE, tá teicnící níos éifeachtaí ar fáil anois chun sláinte an duine agus an comhshaol a chosaint. Trí chonclúidí BAT a ghlacadh faoi Threoir 2010/75/AE, bheifí in ann aghaidh a thabhairt ar na príomhcheisteanna comhshaoil a bhaineann le líonadh talún le dramhaíl a oibriú, lena n-áirítear astaíochtaí suntasacha meatáin. Ba cheart, dá bhrí sin, go gceadófaí le Treoir 1999/31/CE conclúidí BAT maidir le líonadh talún a ghlacadh faoi Threoir 2010/75/AE.

(58)

Ós rud é nach féidir leis na Ballstáit cuspóirí na Treorach seo, eadhon ardleibhéal cosanta comhshaoil agus feabhas ar cháilíocht an chomhshaoil a áirithiú, a ghnóthú go leordhóthanach agus de bharr chineál trasteorann an truaillithe ó ghníomhaíochtaí tionsclaíocha, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(59)

I gcomhréir le prionsabal na comhréireachta, is gá agus is iomchuí go leagfar rialacha síos maidir le cosc agus rialú comhtháite ar thruailliú a eascraíonn as gníomhaíochtaí tionsclaíocha agus gníomhaíochtaí tógála beostoic chun an bunchuspóir ardleibhéal cosanta comhshaoil agus feabhas ar cháilíocht an chomhshaoil a áirithiú, a ghnóthú. Ní théann an Treoir seo thar a bhfuil riachtanach chun na cuspóirí arna saothrú a ghnóthú, i gcomhréir le hAirteagal 5(4) den Chonradh ar an Aontas Eorpach.

(60)

I gcomhréir le Dearbhú Comhpháirteach Polaitiúil an 28 Meán Fómhair 2011 ó na Ballstáit agus ón gCoimisiún maidir le doiciméid mhíniúcháin (29), ghlac na Ballstáit mar chúram orthu féin, i gcásanna a bhfuil údar cuí leo, doiciméad amháin nó níos mó a chur leis an bhfógra maidir lena mbearta trasuite, ar doiciméid iad lena mínítear an gaol idir codanna de threoir agus páirteanna comhfhreagracha na n-ionstraimí náisiúnta trasuite. I ndáil leis an Treoir seo, measann an reachtóir go bhfuil bonn cirt le doiciméid den sórt sin a tharchur,

(61)

D’fhéadfadh dúshláin speisialta a bheith i ndán do ghléasraí dócháin atá ina gcuid de chórais bheaga scoite, mar gheall ar a suíomh geografach agus an easpa idirnasctha le heangach mhórthír na mBallstát nó eangach Ballstáit eile, ar dúshláin speisialta iad a dteastaíonn níos mó ama uathu chun na teorainnluachanna astaíochtaí a chomhlíonadh. Ba cheart do na Ballstáit lena mbaineann plean comhlíontachta a bhunú lena gcumhdófaí gléasraí dócháin atá ina gcuid de chóras beag scoite ina leagtar amach na bearta chun comhlíonadh na dteorainnluachanna astaíochtaí a áirithiú faoin 31 Nollaig 2029 ar a dhéanaí. Ba cheart tuairisc a thabhairt sa phlean ar na bearta a rinneadh chun comhlíonadh na Treorach seo a áirithiú agus ar na bearta chun méid agus fad na n-astaíochtaí truailleán a íoslaghdú le linn na tréimhse a chumhdaítear leis an bplean agus ba cheart faisnéis a áireamh ann maidir le bearta bainistithe éilimh agus na féidearthachtaí maidir le féidearthachtaí malartaithe breosla níos glaine nó roghanna malartacha níos glaine, amhail foinsí in-athnuaite fuinnimh a imscaradh agus idirnascadh le heangacha mórthíre nó le heangach Ballstáit eile. Ba cheart do na Ballstáit lena mbaineann a bPlean Comhlíontachta a chur in iúl don Choimisiún. Ba cheart do na Ballstáit an plean a thabhairt cothrom le dáta i gcás ina ndéanann an Coimisiún agóidí. Ba cheart do na Ballstáit lena mbaineann tuarascáil bhliantúil a thabhairt maidir leis an dul chun cinn i dtreo comhlíontachta.

(62)

Chun am a thabhairt do na Ballstáit, d’údaráis inniúla agus do shuiteálacha na forálacha nua a chomhlíonadh, agus chun am a thabhairt freisin don Choimisiún conclúidí nua BAT a ghlacadh lena gcuirfí na forálacha nua san áireamh, ba cheart forálacha idirthréimhseacha a fhorordú. Chun deimhneacht dhlíthiúil a áirithiú, is gá dáta socraithe a bheith ann maidir le cathain a chaithfear, ar a dhéanaí ar fad, na forálacha a bheith á gcomhlíonadh. Maidir le próiseas Sevilla agus líon na ndoiciméad tagartha BAT is gá a athbhreithniú, ba cheart an dáta sin a shocrú ag 12 bliana le haghaidh gníomhaíochtaí atá ann cheana agus 10 mbliana le haghaidh gníomhaíochtaí nua. Ní chuireann sé sin cosc ar chonclúidí BAT a ghlacadh agus a chur chun feidhme níos luaithe, rud a bhfuiltear ag dréim leis i gcás fhormhór na ngníomhaíochtaí a chumhdaítear leis an treoir seo. Ba cheart do shuiteálacha atá ann cheana na forálacha i dTreoir 2010/75/AE sa leagan atá i bhfeidhm an 3 Lúnasa 2024 maidir le hastaíochtaí tionsclaíocha a chomhlíonadh, go dtí go mbeidh conclúidí nua BAT ann nó go dtí go dtabharfar cead cothrom le dáta.

(63)

Ba cheart, dá bhrí sin, Treoracha 2010/75/AE agus 1999/31/CE a leasú dá réir,

(1)

cuirtear an méid seo a leanas in ionad an teidil:

‘Treoir 2010/75/AE ó Pharlaimint na hEorpa agus ón gComhairle an 24 Samhain 2010 maidir le hastaíochtaí tionsclaíocha agus tógála beostoic (cosc agus rialú comhtháite ar thruailliú)’

(2)

in Airteagal 1, cuirtear an méid seo a leanas in ionad an dara mír:

‘Leagtar síos léi freisin rialacha atá ceaptha cosc a chur ar astaíochtaí isteach san aer, san uisce nó sa talamh, nó i gcás nach bhfuil sé sin indéanta, na hastaíochtaí sin a laghdú go leanúnach, cosc a chur ar ghiniúint dramhaíola, feabhas a chur ar éifeachtúlacht acmhainní, agus an geilleagar ciorclach agus an dícharbónú a chur chun cinn, chun ardleibhéal cosanta do shláinte an duine agus don chomhshaol ina iomláine a bhaint amach.’

(3)

in Airteagal 2, cuirtear an méid seo a leanas in ionad mhír 1:

(4)

leasaítear Airteagal 3 mar a leanas:

(5)

in Airteagal 4(1), cuirtear an méid seo a leanas in ionad an dara fomhír:

‘De mhaolú ar an gcéad fhomhír, féadfaidh na Ballstáit nós imeachta a leagan síos maidir le clárú suiteálacha nach gcumhdaítear ach le Caibidil V nó le Caibidil VIa.’

(6)

in Airteagal 5, cuirtear an mhír seo a leanas leis:

(7)

cuirtear an méid seo a leanas in ionad Airteagail 7 agus 8:

(*3)  Treoir 2004/35/CE ó Pharlaimint na hEorpa agus ón gComhairle an 21 Aibreán 2004 maidir le dliteanas comhshaoil i ndáil le damáiste don chomhshaol a chosc agus a leigheas (IO L 143, 30.4.2004, lch. 56).’;"

(8)

in Airteagal 9, cuirtear an méid seo a leanas in ionad mhír (2):

(9)

in Airteagal 11, leasaítear pointe (f) mar a leanas:

;

(10)

in Airteagal 11, cuirtear na pointí seo a leanas isteach:

;

(11)

in Airteagal 12(1), cuirtear an méid seo a leanas in ionad phointí (b), (c) agus (f):

;

(12)

leasaítear Airteagal 13 mar a leanas:

(13)

leasaítear Airteagal 14 mar a leanas:

(14)

cuirtear an t-airteagal seo a leanas isteach:

(*4)  Treoir (AE) 2024/1785 ó Pharlaimint na hEorpa agus ón gComhairle an 24 Aibreán 2024 lena leasaítear Treoir 2010/75/AE ó Pharlaimint na hEorpa agus ón gComhairle maidir le hastaíochtaí tionsclaíocha (cosc agus rialú comhtháite ar thruailliú) agus Treoir 1999/31/CE ón gComhairle maidir le líonadh talún le dramhaíl (IO L, 2024/1785, 15.7.2024, ELI:: http://data.europa.eu/eli/dir/2024/1785/oj).’;"

(15)

cuirtear an méid seo a leanas in ionad Airteagal 15:

(16)

cuirtear an t-airteagal seo a leanas isteach:

(17)

in Airteagal 16, cuirtear an méid seo a leanas in ionad mhír 2:

(18)

in Airteagal 16, cuirtear an mhír seo a leanas leis:

(19)

in Airteagal 16, cuirtear an mhír seo a leanas leis:

(20)

cuirtear an méid seo a leanas in ionad Airteagal 18:

(21)

in Airteagal 20, cuirtear an méid seo a leanas in ionad mhír 1:

(22)

in Airteagal 21(3), sa chéad fhomhír, cuirtear an méid seo a leanas in ionad phointe (a):

;

(23)

in Airteagal 21(5), cuirtear an méid seo a leanas in ionad phointe (c):

;

(24)

in Airteagal 21(5), cuirtear an mhír seo a leanas leis:

;

(25)

in Airteagal 23(4), cuirtear an méid seo a leanas in ionad an chúigiú fomhír:

‘Glacfaidh an Coimisiún treoir maidir leis na critéir chun rioscaí comhshaoil a mheasúnú agus, i gcás inarb iomchuí, tabharfaidh sé cothrom le dáta go rialta iad.’

(26)

leasaítear Airteagal 24 mar a leanas:

(27)

in Airteagal 25(1), cuirtear na fomhíreanna seo a leanas leis:

‘Ní bheidh seasamh sa nós imeachta um athbhreithniú ag brath ar an ról a bhí ag an duine den phobal lena mbaineann le linn céim rannpháirtíochta de na nósanna imeachta cinnteoireachta faoin Treoir seo.

Beidh an nós imeachta um athbhreithniú cóir, cothrom, tráthúil agus ní bheidh sé róchostasach, agus déanfar foráil ann maidir le réitigh leordhóthanacha agus éifeachtacha, lena n-áirítear faoiseamh urghaire de réir mar is iomchuí.’

(28)

in Airteagal 26, cuirtear an méid seo a leanas in ionad mhíreanna 1 agus 2:

(29)

cuirtear an ceannteideal seo a leanas isteach i ndiaidh Airteagal 26:

‘ CAIBIDIL IIA

AN NUÁLAÍOCHT A CHUMASÚ AGUS A CHUR CHUN CINN’

(30)

Cuirtear an méid seo a leanas in ionad Airteagal 27:

(31)

cuirtear na hairteagail seo a leanas isteach:

(32)

in Airteagal 30, cuirtear an méid seo a leanas in ionad mhír 5:

(33)

in Airteagal 30(6), cuirtear an méid seo a leanas in ionad an tríú fomhír:

‘Cuirfidh na Ballstáit an Coimisiún ar an eolas láithreach faoi aon mhaolú a dheonaítear faoin gcéad fhomhír, lena n-áirítear na cúiseanna lena dtugtar údar leis an maolú agus na coinníollacha a forchuireadh.’

(34)

cuirtear an t-airteagal seo a leanas isteach:

(35)

in Airteagal 42(1), cuirtear an méid seo a leanas in ionad an dara fomhír:

‘Ní bheidh feidhm ag an gCaibidil seo maidir le gléasraí gásúcháin ná pirealaithe, má chóireáiltear na gáis nó na leachtanna a eascraíonn as cóireáil theirmeach dramhaíola den sórt sin sula loisctear iad a mhéid:

(36)

in Airteagal 48, cuirtear an méid seo a leanas in ionad mhír 1:

(37)

in Airteagal 63, cuirtear an méid seo a leanas in ionad mhír 2:

(38)

in Airteagal 70, cuirtear an méid seo a leanas in ionad mhír 3:

(39)

cuirtear an ceannteideal seo a leanas isteach i ndiaidh Airteagal 70:

‘ CAIBIDIL VIA

FORÁLACHA SPEISIALTA MAIDIR LE HÉANLAITH CHLÓIS AGUS MUCA A THÓGÁIL’

(40)

cuirtear na hairteagail seo a leanas isteach tar éis an cheannteidil ‘CAIBIDIL VIa’:

(41)

in Airteagal 72, cuirtear an méid seo a leanas in ionad mhír 2:

(42)

in Airteagal 73(1), cuirtear an méid seo a leanas in ionad na chéad fhomhíre agus an dara fomhír:

‘Faoin 30 Meitheamh 2028 agus gach 5 bliana ina dhiaidh sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle ina n-athbhreithneofar cur chun feidhme na Treorach seo. Áireofar sa tuarascáil faisnéis maidir le gníomhaíochtaí ar glacadh nó nár glacadh conclúidí BAT ina leith de bhun Airteagal 13(5) den Treoir seo, agus cuirfear dinimic na nuálaíochta san áireamh, lena n-áirítear teicnící atá ag teacht chun cinn, an gá atá le bearta breise chun truailliú a chosc agus an t-athbhreithniú dá dtagraítear in Airteagal 8 de Threoir 2003/87/CE.

Áireofar sa tuarascáil sin measúnú ar an ngá le gníomhaíocht ón Aontas trí íoscheanglais ar fud an Aontais maidir le teorainnluachanna astaíochtaí a leagan síos nó a thabhairt cothrom le dáta agus ar an ngá le rialacha maidir le faireachán agus comhlíontacht le haghaidh gníomhaíochtaí faoi raon feidhme chonclúidí BAT arna nglacadh le linn na tréimhse 5 bliana roimhe sin, ar bhonn na gcritéar seo a leanas:

(43)

leasaítear Airteagal 73 mar a leanas:

(44)

cuirtear an méid seo a leanas in ionad Airteagal 74:

(45)

cuirtear an méid seo a leanas in ionad Airteagal 75:

(46)

cuirtear an méid seo a leanas in ionad Airteagal 76:

(47)

scriostar Airteagail 77 agus 78;

(48)

cuirtear an méid seo a leanas in ionad Airteagal 79:

(*5)  Treoir 2008/99/CE ó Pharlaimint na hEorpa agus ón gComhairle an 19 Samhain 2008 maidir le cosaint an chomhshaoil tríd an dlí coiriúil (IO L 328, 6.12.2008, lch. 28).’;"

(49)

cuirtear an t-airteagal seo a leanas isteach:

(50)

leasaítear Iarscríbhinn I i gcomhréir le hIarscríbhinn I a ghabhann leis an Treoir seo;

(51)

cuirtear isteach Iarscríbhinn Ia a leagtar amach in Iarscríbhinn II a ghabhann leis an Treoir seo;

(52)

cuirtear an téacs a leagtar amach in Iarscríbhinn III a ghabhann leis an Treoir seo in ionad Iarscríbhinn II;

(53)

leasaítear Iarscríbhinn III i gcomhréir le hIarscríbhinn IV a ghabhann leis an Treoir seo;

(54)

leasaítear Iarscríbhinn IV i gcomhréir le hIarscríbhinn V a ghabhann leis an Treoir seo;

(55)

leasaítear Iarscríbhinn V i gcomhréir le hIarscríbhinn VI a ghabhann leis an Treoir seo;

(56)

leasaítear Iarscríbhinn VI i gcomhréir le hIarscríbhinn VII a ghabhann leis an Treoir seo.