(1)

Le Rialachán (AE) Uimh. 269/2014 (2) tugtar éifeacht do bhearta sriantacha dá bhforáiltear i gCinneadh 2014/145/CBES.

(2)

An 24 Meitheamh 2024, ghlac an Chomhairle Cinneadh (CBES) 2024/1738 (3), lena leasaítear Cinneadh 2014/145/CBES. Le Cinneadh (CBES) 2024/1738 tugtar isteach maolú lena gceadaítear scaoileadh cistí a bhí reoite mar gheall ar rannpháirtíocht bainc idirmheánach liostaithe ina n-aistriú, faoi na coinníollacha gur aistriú é idir beirt daoine neamhliostaithe nádúrtha nó dlítheanacha, dhá eintiteas nó dhá chomhlacht agus go ndéantar é trí úsáid a bhaint as cuntais ag institiúidí airgeadais creidmheasa neamhliostaithe Ina theannta sin, tugtar isteach le Cinneadh (CBES) 2024/1738 maolú lena gceadaítear scaoileadh cistí a reodh i ngeall ar rannpháirtíocht bainc eisiúna liostaithe faoin gcoinníoll gur idir dhá cheann de dhaoine nádúrtha nó daoine dlítheanacha, eintitis nó comhlachtaí neamhliostaithe a dhéantar an t-aistriú.

(3)

Is iomchuí a shoiléiriú nach féidir an chosaint i gcoinne dliteanais a thugtar d’oibreoirí an Aontais mura raibh a fhios acu, agus mura raibh aon chúis réasúnach acu amhras a bheith orthu, go sáródh a ngníomhaíochtaí bearta sriantacha an Aontais a agairt i gcás inar mhainnigh oibreoirí an Aontais dícheall cuí iomchuí a dhéanamh. Is iomchuí faisnéis phoiblí nó faisnéis atá ar fáil go héasca a chur san áireamh go cuí agus an dícheall cuí sin á dhéanamh. Dá bhrí sin, mar shampla, ní féidir le hoibreoir an Aontais an chosaint sin a agairt go rathúil nuair a chuirtear ina leith gur sháraigh sé na bearta sriantacha ábhartha toisc nach ndearna sé seiceálacha nó cigireachtaí simplí.

(4)

Chun ailíniú le léirmhíniú Chúirt Bhreithiúnais an Aontais Eorpaigh i gCás C-72/11 a áirithiú, ba cheart an fhoráil lena gcuirfear toirmeasc ar dhul timpeall a leasú chun a shoiléiriú go gcomhlíontar ceanglais an eolais agus na hintinne ní hamháin i gcás ina lorgaíonn duine d’aon ghnó an cuspóir nó an éifeacht teacht timpeall ar bhearta sriantacha, ach freisin i gcás ina bhfuil duine atá rannpháirteach i ngníomhaíocht a bhfuil sé d’aidhm nó d’éifeacht léi teacht timpeall ar bhearta sriantacha ar an eolas go bhféadfadh an cuspóir nó an éifeacht sin a bheith ag rannpháirtíocht den sórt sin, agus ina nglacann sé leis an bhféidearthacht sin.

(5)

Is iomchuí foráil a thabhairt isteach lena gcuirfear ar a gcumas do náisiúnaigh agus cuideachtaí de chuid na mBallstát cúiteamh a fháil ó dhaoine aonair agus eintitis Rúiseacha a rinne damáistí dóibh. Áirítear leis sin damáistí a rinneadh do na cuideachtaí ar leo iad nó a rialaíonn siad, i ndáil le conradh nó idirbheart a ndearna na bearta a fhorchuirtear faoi Rialachán (AE) Uimh. 269/2014 difear dá bhfeidhmiú, ar choinníoll nach bhfuil rochtain éifeachtach ag náisiúnach nó cuideachta Bhallstáit lena mbaineann ar leigheasanna, mar shampla faoin gconradh déthaobhach infheistíochta ábhartha. Féadfar cúiteamh den sórt sin a éileamh os comhair chúirteanna na mBallstát i gcomhréir le forálacha ábhartha dhlí an Aontais agus dhlí ábhartha na mBallstát maidir le dlínse agus nósanna imeachta cúirte in ábhair shibhialta agus thráchtála, lena n-áirítear na forálacha sin a bhaineann le nósanna imeachta eatramhacha faoisimh a d’fhéadfadh a bheith ann.

(6)

D’fhonn feasacht a mhéadú maidir le gníomhaíocht forfheidhmiúcháin, is iomchuí go dtabharfaidh na Ballstáit tuairisc maidir leis na pionóis a fhorchuirtear i leith sáruithe ar na bearta sriantacha.

(7)

I gcás ina nochtann duine nádúrtha nó dlítheanach sárú ar na bearta sriantacha go hiomlán agus in am trátha dá dheoin féin, féadfaidh na húdaráis inniúla náisiúnta an féinnochtadh sin a chur san áireamh go cuí agus pionóis á gcur i bhfeidhm acu, de réir mar is iomchuí, i gcomhréir leis an dlí náisiúnta riaracháin nó le dlí nó rialacha náisiúnta ábhartha eile. Tá feidhm ag na bearta arna ndéanamh ag na Ballstáit de bhun Threoir (AE) 2024/1226 ó Pharlaimint na hEorpa agus ón gComhairle (4) agus na ceanglais atá inti maidir le himthosca maolaitheacha.

(8)

I gcomhréir le cuspóirí chomhbheartas eachtrach agus slándála an Aontais maidir leis an tsíocháin a chaomhnú, an tslándáil idirnáisiúnta a threisiú agus comhar idirnáisiúnta, an daonlathas agus an smacht reachta a chur chun cinn, agus go sonrach na cuspóirí a shaothraítear le Cinneadh 2014/145/CBES, is iomchuí a áirithiú go mbeidh na doiciméid atá i seilbh na Comhairle, an Choimisiúin agus Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) a bhaineann le forfheidhmiú na mbeart sriantacha a leagtar amach i Rialachán (AE) Uimh. 269/2014, nó a bhaineann le sárú na mbeart sin nó teacht timpeall na mbeart sin a chosc, faoi réir rúndacht ghairmiúil agus go dtairbhíonn siad den chosaint a thugtar leis na rialacha is infheidhme maidir le hinstitiúidí an Aontais, ós rud é go bhféadfaí an fhaisnéis atá sna doiciméid sin a úsáid chun bac a chur ar fhorfheidhmiú na mbeart sin nó chun a n-éifeachtacht a chur i mbaol, i bhfianaise go bhféadfadh na daoine agus na heintitis lena mbaineann gníomhú ar bhealach a cuirfeadh cosc ar a bhforfheidhmiú. Ba cheart an chosaint sin a áirithiú freisin i gcás tograí comhpháirteacha ón Ardionadaí agus ón gCoimisiún maidir le leasú a dhéanamh ar Rialachán (AE) Uimh. 269/2014 agus ar aon doiciméad ullmhúcháin gaolmhar toisc go bhféadfadh nochtadh na dtograí sin difear a dhéanamh d’éifeachtacht na mbeart a leagtar amach i gCinneadh 2014/145/CBES agus sa Rialachán sin agus d’ullmhú agus do chaibidlíocht ar bhonn na dtograí a bheidh ann amach anseo. Is minic a chuireann an tArdionadaí agus an Coimisiún bearta áirithe san áireamh sna tograí chompháirteacha sin, ar bearta iad nach féidir leis an gComhairle a ghlacadh ar chúiseanna éagsúla, i dtograí ina dhiaidh sin. Tá sé tábhachtach an chumhacht tionscnaimh sin a chosaint ar aon tionchar a imríonn leasanna poiblí nó príobháideacha a dhéanann iarracht, lasmuigh de chomhairliúcháin eagraithe, iallach a chur ar institiúidí an Aontais agus ar sheirbhísí an Aontais leasú a mholadh, a ghlacadh, a leasú nó a chomhaontú. Dá nochtfaí iad, d’fhéadfadh na bearta nua reoite sócmhainní féideartha a bheith neamhéifeachtach toisc go mbeadh sé nochta cheana féin go raibh sé beartaithe iad a ghlacadh. Dá bhrí sin, ba cheart a thoimhdiú go ndéanfadh nochtadh na ndoiciméad sin dochar do shlándáil an Aontais nó do shlándáil ceann amháin nó níos mó dá Bhallstáit nó dá gcaidrimh idirnáisiúnta.

(9)

Tagann na bearta sin faoi raon feidhme an Chonartha ar Fheidhmiú an Aontais Eorpaigh agus, dá bhrí sin, d’fhonn a áirithiú go gcuirfear i bhfeidhm iad go haonfhoirmeach i ngach Ballstát go háirithe, tá gá le gníomhaíocht rialála ar leibhéal an Aontais.

(10)

Ba cheart, dá bhrí sin, Rialachán (AE) Uimh. 269/2014 a leasú dá réir,

(1)

in Airteagal 6b, cuirtear na míreanna seo a leanas isteach:

(2)

in Airteagal 9, cuirtear an méid seo a leanas in ionad mhír 1:

(3)

cuirtear an t-airteagal seo a leanas isteach:

(4)

in Airteagal 12(1) cuirtear an méid seo a leanas in ionad pointe (b):

;

(5)

in Airteagal 15, cuirtear an méid seo a leanas in ionad mhír 1:

(6)

cuirtear an méid seo a leanas in ionad Airteagal 16a: