CINNEADH Ó CHOMHCHOISTE LEE Uimh. 75/2024

an 15 Márta 2024

lena leasaítear Iarscríbhinn XX (An Comhshaol) a ghabhann le Comhaontú LEE [2024/1622]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Cinneadh Cur Chun Feidhme (AE) 2023/2749 ón gCoimisiún an 11 Nollaig 2023 lena mbunaítear na conclúidí maidir leis na teicnící is fearr atá ar fáil (BAT), faoi Threoir 2010/75/AE ó Pharlaimint na hEorpa agus ón gComhairle maidir le hastaíochtaí tionsclaíocha, le haghaidh thionscail na seamlas, na seachtháirgí ainmhithe agus/nó na gcomhtháirgí inite (1), arna cheartú le IO L, 2024/90008, 12.1.2024, tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinn XX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an pointe seo a leanas isteach i ndiaidh phointe 1fza (Cinneadh Cur Chun Feidhme (AE) 2022/2508 ón gCoimisiún) d’Iarscríbhinn XX a ghabhann le Comhaontú LEE:

‘1fzb.

32023 D 2749: Cinneadh Cur Chun Feidhme (AE) 2023/2749 ón gCoimisiún an 11 Nollaig 2023 lena mbunaítear na conclúidí maidir leis na teicnící is fearr atá ar fáil (BAT), faoi Threoir 2010/75/AE ó Pharlaimint na hEorpa agus ón gComhairle maidir le hastaíochtaí tionsclaíocha, le haghaidh thionscail na seamlas, na seachtháirgí ainmhithe agus/nó na gcomhtháirgí inite (IO L, 2023/2749, 18.12.2023), arna cheartú le IO L, 2024/90008, 12.1.2024.’

Airteagal 2

Is téacs barántúil a bheidh i dtéacs Chinneadh Cur Chun Feidhme (AE) 2023/2749, arna cheartú le IO L, 2024/90008, 12.1.2024, san Íoslainnis agus san Ioruais, atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 16 Márta 2024, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 15 Márta 2024.

Thar ceann Chomhchoiste an LEE

An tUachtarán

Nicolas VON LINGEN

(1) IO L, 2023/2749, 18.12.2023.

(*1) Ní shonraítear aon cheanglas bunreachtúil.