(1)   Faoin 19 Iúil 2024, foilseoidh an Coimisiún, trí mheán leictreonach agus ar bhealach a bheidh inrochtana don phobal i gcoitinne, liosta de gach substaint nó ullmhóid arb eol don Choimisiún go mbaintear úsáid aisti mar theorantóir nó sineirgíoch i dtáirge cosanta plandaí amháin ar a laghad a údaraítear a chur ar an margadh i mBallstát amháin ar a laghad an 19 Meitheamh 2024.

(2)   Faoin 19 Nollaig 2024, féadfaidh páirtí leasmhar ar bith fógra a thíolacadh faoi shubstaintí nó ullmhóidí breise a d’fhéadfaí a úsáid mar theorantóirí nó sineirgígh i dtáirgí cosanta plandaí a údaraítear a chur ar an margadh i mBallstát amháin ar a laghad an 19 Meitheamh 2024.

(3)   San fhógra dá dtagraítear i mír 2 áireofar an fhaisnéis dá dtagraítear i Ranna 1.3, 1.4, 1.6 agus 1.7 de Chuid A den Iarscríbhinn a ghabhann le Rialachán (AE) Uimh. 283/2013 ón gCoimisiún (3) agus fianaise go n-úsáidtear an tsubstaint nó an ullmhóid a dtugtar fógra ina leith mar theorantóir nó sineirgíoch i dtáirge cosanta plandaí amháin ar a laghad a údaraítear a chur ar an margadh i mBallstát amháin ar a laghad.

Cuirfear an fógra faoi bhráid an Choimisiún go leictreonach ag an seoladh seo a leanas: sante-secteur-ppp@ec.europa.eu.

(4)   Soláthróidh an Coimisiún achoimre ar na fógraí a gheofar do na Ballstáit agus don Údarás.

Féadfaidh na Ballstáit agus an tÚdarás a mbarúlacha a sholáthar don Choimisiún laistigh de 2 mhí ón dáta a chuirfidh an Coimisiún ar an eolas iad.

(5)   An liosta dá dtagraítear i mír 1, tabharfaidh an Coimisiún cothrom le dáta é, agus é ag cur san áireamh na teorantóirí agus na sineirgígh atá i dtáirgí cosanta plandaí a údaraítear a chur ar an margadh sna Ballstáit an 19 Meitheamh 2024 faoin 19 Márta 2025.

(1)   Aon pháirtí leasmhar ar mhian leis, i gcomhréir le hAirteagal 7 de Rialachán (CE) Uimh. 1107/2009, iarratas a thíolacadh ar fhormheas teorantóra nó sineirgígh a áirítear ar an liosta dá dtagraítear in Airteagal 3(1), féadfaidh sé iarraidh a thíolacadh chun an teorantóir nó an sineirgíoch sin a áireamh ar an gclár oibre chun athbhreithniú a dhéanamh de réir a chéile faoin 19 Meitheamh 2025.

Cuirfear an iarraidh faoi bhráid an Choimisiún go leictreonach ag an seoladh seo a leanas: sante-secteur-ppp@ec.europa.eu, agus beidh an fhaisnéis a liostaítear in Iarscríbhinn II inti.

(2)   Laistigh de mhí amháin tar éis dó iarraidh a fháil teorantóir nó sineirgíoch a áireamh ar an gclár oibre chun athbhreithniú a dhéanamh de réir a chéile, cuirfidh an Coimisiún in iúl, sa liosta dá dtagraítear in Airteagal 3(1) den Rialachán seo, go ndearnadh iarraidh de bhun mhír 1 den Airteagal seo i leith na substainte nó ullmhóide lena mbaineann. Cuirfidh an Coimisiún na páirtithe a iarann go n-áireofaí teorantóir nó sineirgíoch san athbhreithniú de réir a chéile ar an eolas maidir le sonraí tagartha páirtithe eile a iarrann go n-áireofaí an teorantóir nó an sineirgíoch céanna san athbhreithniú.

(1)   Ón 19 Iúil 2025, i gcás aon substaint nó ullmhóid ar chuir an Coimisiún in iúl i liosta na dteorantóirí agus na sineirgíoch dá dtagraítear in Airteagal 3(1) go bhfuarthas iarraidh ina leith go n-áireofaí í ar an gclár oibre chun athbhreithniú a dhéanamh air de réir a chéile, an duine nó na daoine a iarann go n-áireofaí an teorantóir nó sineirgíoch sin, measfar gurb iad sin an t-iarratasóir, ar leithligh nó le chéile, ar fhormheas an teorantóra nó an tsineirgígh sin de réir bhrí Airteagail 7 go 13 de Rialachán (CE) Uimh. 1107/2009.

(2)   Faoin 19 Nollaig 2025, tar éis dó dul i gcomhairle leis na Ballstáit, glacfaidh an Coimisiún an clár oibre trí leasú a dhéanamh ar Iarscríbhinn I a ghabhann leis an Rialachán seo agus na teorantóirí agus sineirgígh a áirítear ar an gclár oibre á shonrú aige agus Ballstát is rapóirtéir agus Ballstát is comhrapóirtéir á ainmniú aige le haghaidh gach ceann acu.

(1)   Iarratasóirí ar fhormheas an teorantóra nó an tsineirgígh chéanna, déanfaidh siad gach iarracht réasúnta iarratas comhpháirteach a thíolacadh, nó na sonraí eolaíocha ábhartha a chomhroinnt.

(2)   Tar éis an leasaithe ar Iarscríbhinn I a ghabhann leis an Rialachán seo, i gcomhréir le hAirteagal 6(2), tabharfaidh iarratasóirí ar fhormheas teorantóra nó sineirgígh fógra don Údarás gan mhoill, i gcomhréir le hAirteagal 32b(2) de Rialachán (CE) Uimh. 178/2002, faoi theideal agus raon feidhme aon staidéar a choimisiúnaigh siad nó a rinne siad chun tacú leis an iarratas ar fhormheas teorantóra nó sineirgígh, faoin tsaotharlann nó ionad tástála a rinne an staidéar sin, agus faoi dháta tosaithe agus dáta críochnaithe beartaithe an staidéir.

Iarratasóirí ar fhormheas teorantóra nó sineirgígh, déanfaidh siad bearta chun tástáil ar ainmhithe a íoslaghdú, más féidir. Mar chuid den phróiseas fógartha a luaitear san fhomhír roimhe seo, cuirfidh na hiarratasóirí an tÚdarás ar an eolas má chuimsíonn aon staidéar a rinneadh nó a coimisiúnaíodh úsáid modhanna malartacha tástála. Áireofar san fhógra sonraí maidir leis na modhanna malartacha tástála agus an réasúnaíocht ba bhonn lena n-úsáid.

(3)   I gcomhréir le hAirteagal 32a(1) de Rialachán (CE) Uimh. 178/2002, féadfaidh iarratasóirí ar fhormheas teorantóra nó sineirgígh comhairle réamhiarratais a iarraidh ar an Údarás go dtí go dtíolacfaidh siad a n-iarratas ina n-iomláine. Cuirfidh an tÚdarás an Ballstát is rapóirtéir ar an eolas faoin iarraidh agus soláthróidh siad comhairle ghinearálta go comhpháirteach.

(1)   Faoin 19 Meitheamh 2028, cuirfidh iarratasóirí ar fhormheas teorantóra nó sineirgígh, ar leithligh nó le chéile, an t-iarratas ar fhormheas na dteorantóirí agus na sineirgíoch faoi bhráid an Bhallstáit is rapóirtéir. Beidh an t-iarratas san fhormáid sonraí IUCLID caighdeánach agus tíolacfar é tríd an gcóras tíolactha lárnach mar a shonraítear in Airteagal 7 de Rialachán Cur Chun Feidhme (AE) 2020/1740 ón gCoimisiún (4).

(2)   Beidh na sonraí a cheanglaítear maidir le teorantóirí agus sineirgígh mar a leagtar amach iad Airteagal 11 san iarratas freisin.

(1)   Measfaidh an Ballstát is rapóirtéir go bhfuil iarratas inghlactha má chomhlíonann sé na critéir seo a leanas:

(2)   Laistigh de 45 lá tar éis an dáta a shonraítear in Airteagal 8(1), cuirfidh an Ballstát is rapóirtéir an t-iarratasóir, an Ballstát is comhrapóirtéir, an Coimisiún agus an tÚdarás ar an eolas maidir leis an dáta a fuarthas an t-iarratas agus maidir lena inghlacthacht.

(3)   Mura dtíolacfar an t-iarratas faoin dáta a leagtar amach in Airteagal 8(1), cuirfidh an Ballstát is rapóirtéir an t-iarratasóir, an Ballstát is comhrapóirtéir, an Coimisiún, na Ballstáit eile agus an tÚdarás ar an eolas go pras go meastar an t-iarratas a bheith neamh-inghlactha mar gheall ar sprioc-am a bheith caillte.

(4)   Má thíolactar iarratas faoin dáta a leagtar amach in Airteagal 8(1), ach nach gcomhlíonann sé na critéir a leagtar amach i mír 1, pointe (b) nó (d), tabharfaidh an Ballstát is rapóirtéir fógra don iarratasóir laistigh de mhí amháin ón dáta a fuarthas an t-iarratas faoi na heilimintí sonracha atá in easnamh agus socróidh sé tréimhse 14 lá chun na heilimintí atá in easnamh a thíolacadh tríd an gcóras tíolactha lárnach dá dtagraítear in Airteagal 8(1).

(5)   Má thíolactar iarratas faoin dáta a leagtar amach in Airteagal 8(1), ach nach gcomhlíonann an t-iarratas na critéir a leagtar amach i mír 1, pointe (c), cuirfidh an Ballstát is rapóirtéir, i gcomhar leis an Údarás, an t-iarratasóir ar an eolas laistigh de mhí amháin ón dáta a fuarthas an t-iarratas. Tabharfar tréimhse 14 lá don iarratasóir cosaint bhailí a sholáthar ar na cúiseanna leis an neamhchomhlíonadh sin.

(6)   Mura soláthraítear na heilimintí atá in easnamh dá dtagraítear i mír 4 ná an chosaint bhailí dá dtagraítear i mír 5 laistigh den tréimhse 14 lá, measfar an t-iarratas a bheith neamh-inghlactha agus beidh feidhm ag Airteagal 32b(5) de Rialachán (CE) Uimh. 178/2002.

(7)   I gcás na neamh-inghlacthachta sin, cuirfidh an Ballstát is rapóirtéir an t-iarratasóir, an Ballstát is comhrapóirtéir, an Coimisiún, na Ballstáit eile agus an tÚdarás ar an eolas go pras go meastar an t-iarratas a bheith neamh-inghlactha agus tabharfaidh sé na cúiseanna atá leis an neamh-inghlacthacht.

(8)   Ní chuirfear tús le measúnú ar inghlacthacht iarratais a thíolacfar an athuair go dtí go mbeidh an tréimhse 6 mhí a luaitear in Airteagal 32b(5) de Rialachán (CE) Uimh. 178/2002 caite tar éis fógra a bheith tugtha faoi na staidéir is gá a dhéanamh agus/nó tar éis na staidéir a bheith tíolactha an athuair, de réir mar is infheidhme.

(1)   Agus tuarascálacha tástála agus tuarascálacha staidéir á dtíolacadh acu mar chuid d’iarratas ar fhormheas táirge cosanta plandaí ina bhfuil teorantóir nó sineirgíoch, féadfaidh an t-iarratasóir cosaint sonraí a éileamh de bhun Airteagal 59(3) de Rialachán (CE) Uimh. 1107/2009.

Beidh feidhm ag Airteagal 59(1) agus (2) de Rialachán (CE) Uimh. 1107/2009.

(2)   Agus an t-iarratas ar fhormheas teorantóra nó do shineirgígh á thíolacadh acu, féadfaidh na hiarratasóirí iarraidh a thíolacadh, de bhun Airteagal 63(1) de Rialachán (CE) Uimh. 1107/2009, go gcaithfear faoi rún le faisnéis áirithe, lena n-áirítear codanna áirithe den sainchomhad, agus cuirfidh na hiarratasóirí in iúl cé na leaganacha rúnda agus neamhrúnda den fhaisnéis atá á dtíolacadh.

Beidh feidhm ag Airteagal 63(2), (2a), (2b) agus (3) de Rialachán (CE) Uimh. 1107/2009.