(1)

Le Rialachán (AE) 2023/988 ceanglaítear ar an gCoimisiún an Tairseach Safety Gate, comhéadan poiblí Chóras Mear-Rabhaidh Safety Gate, a choinneáil ar bun.

(2)

Tá an fhaisnéis a chuirtear ar fáil ar an Tairseach Safety Gate fíor-riachtanach chun ligean do sholáthraithe margaí ar líne cuid dá n-oibleagáidí faoi Rialachán (AE) 2023/988 a chomhlíonadh, go háirithe na hoibleagáidí a leagtar síos in Airteagal 22(6) agus (7) de Rialachán (AE) 2023/988. Ina theannta sin, moltar do sholáthraithe margaí ar líne táirgí a sheiceáil leis an Tairseach Safety Gate sula gcuireann siad ar a gcomhéadan iad.

(3)

Chun comhlíontacht soláthraithe margaí ar líne a éascú agus i gcomhréir le hAirteagal 34(5) de Rialachán (AE) 2023/988, tá córas comhéadain idir-inoibrithigh forbartha ag an gCoimisiún chun a chur ar chumas do sholáthraithe margaí ar líne a gcomhéadain a nascadh leis an Tairseach Safety Gate. Ba cheart an comhéadan idir-inoibritheach sin a chur ar fáil ar an Tairseach Safety Gate.

(4)

Ba cheart do sholáthraithe margaí ar líne a bheith in ann rochtain a fháil ar an gcóras comhéadain idir-inoibrithigh tar éis dóibh clárú leis an Tairseach Safety Gate i gcomhréir le hAirteagal 22(1) de Rialachán (AE) 2023/988.

(5)

Níor cheart do sholáthraithe margaí ar líne a bheith in ann faisnéis a fháil ach amháin tríd an gcomhéadan idir-inoibritheach atá ar fáil go poiblí agus atá foilsithe cheana féin ar an Tairseach Safety Gate. Ba cheart dóibh, áfach, a bheith in ann gnéithe áirithe den chaoi ar féidir leo an fhaisnéis a íoslódáil, lena n-áirítear minicíocht na faisnéise a fhaightear, a shaincheapadh tríd an gcomhéadan sin.

(6)

Tá na bearta dá bhforáiltear sa Rialachán seo i gcomhréir leis an tuairim ón gCoiste le haghaidh an Rialacháin maidir le Sábháilteacht Ghinearálta Táirgí a bunaíodh le hAirteagal 46(1) de Rialachán (AE) 2023/988,