(1)

I gcomhréir leis na cuspóirí a leagtar amach sa Teachtaireacht ón gCoimisiún an 11 Nollaig 2019 maidir leis an ‘Comhaontú Glas don Eoraip’, ghlac an Coimisiún an Teachtaireacht ón gCoimisiún an 20 Bealtaine 2020 dar teideal A Farm to Fork Strategy for a fair, healthy and environmentally-friendly food system [Straitéis Ón bhFeirm go dtí an Forc le haghaidh córas bia atá cothrom, sláintiúil agus neamhdhíobhálach don chomhshaol] inar fhógair sé bearta le haghaidh córas bia níos folláine agus níos inbhuanaithe san Aontas. Trí bhíthin na mbeart sin, féachann an Coimisiún, inter alia, le hathmhúnlú táirgí a chothú i gcás bianna a bhfuil go leor siúcra iontu agus leis an aistriú chuig aistí bia folláine agus inbhuanaithe a éascú. Thairis sin, chun tomhaltóirí a chumhachtú chun roghanna eolasacha, sláintiúla agus inbhuanaithe bia a dhéanamh, d’fhógair an Coimisiún go bhféadfaí na tásca éigeantacha tionscnaimh nó bunáitíochta a leathnú chuig táirgí áirithe, agus na tionchair ar an margadh inmheánach á gcur san áireamh go hiomlán aige.

(2)

Leagtar síos le Treoir 2001/110/CE ón gComhairle (3) sainmhínithe, ainmneacha, rialacha coiteanna maidir le comhdhéanamh, agus cáilíocht agus ceanglais lipéadaithe le haghaidh meala.

(3)

I bhfianaise an dlúthcheangail atá idir cáilíocht na meala agus a tionscnamh agus an ghá atá le cur amú tomhaltóirí a sheachaint maidir le cáilíocht an táirge, leagtar síos le Treoir 2001/110/CE rialacha maidir le lipéadú an tionscnaimh chun an áit inar buaineadh an mhil a léiriú. Go háirithe, ceanglaítear le hAirteagal 2, pointe 4 den Treoir sin go ndéanfar an tír nó na tíortha tionscnaimh inar buaineadh an mhil a léiriú ar an lipéad agus foráiltear leis, más de thionscnamh níos mó ná Ballstát amháin nó tríú tír amháin an mhil, go bhféadfar ceann amháin díobh seo a leanas a chur in ionad thásc éigeantach na dtíortha tionscnaimh, de réir mar is iomchuí: ‘cumasc de mhileanna ón Aontas’, ‘cumasc de mhileanna nach ón Aontas iad’, ‘cumasc de mhileanna ón Aontas agus mhileanna nach ón Aontas iad’. D’fhéadfadh sé go ndearna na rialacha éagsúla arna nglacadh ag na Ballstáit ar an mbonn sin tomhaltóirí a chur amú agus d’fhéadfadh sé gur chuir siad bac ar fheidhmiú an mhargaidh inmheánaigh.

(4)

I bhfianaise na spéise ar leith a léiríonn tomhaltóirí i dtionscnamh geografach meala, agus i bhfianaise chuspóir na Straitéise ‘Ón bhFeirm go dtí an Forc’ cumhacht a thabhairt do thomhaltóirí roghanna eolasacha a dhéanamh, lena n-áirítear maidir le tionscnamh a mbia, agus d’fhonn feidhmiú éifeachtúil an mhargaidh inmheánaigh a chaomhnú ar fud an Aontais trí chomhchuibhiú na rialacha lipéadaithe, is iomchuí athbhreithniú a dhéanamh ar na rialacha maidir le tionscnamh meala a lipéadú. Ba cheart a cheangal leis an Treoir seo, mar riail chaighdeánach, gur cheart an tír thionscnaimh nó na tíortha tionscnaimh a léiriú ar an lipéad in ord íslitheach mar aon le céatadán gach tionscnaimh, i gcás cumasc, agus lamháltas 5 % ann maidir le gach sciar aonair laistigh den chumasc, arna ríomh ar bhonn dhoiciméadacht inrianaitheachta an oibreora.

(5)

Mar sin féin, chun méid áirithe solúbthachta a áirithiú, ba cheart do na Ballstáit a bheith ábalta foráil a dhéanamh, i gcás cumaisc mheala a bhfuil níos mó ná ceithre thír thionscnaimh éagsúla acu, nach mbeidh cead ach na ceithre sciar is mó a léiriú i dtéarmaí céatadáin, ar choinníoll gurb é atá iontu le chéile níos mó ná 50 % den iomlán. Ba cheart aon tír thionscnaimh eile a léiriú in ord íslitheach, mar a dhéantar i gcás ina gcuirtear an riail chaighdeánach i bhfeidhm. Ní chuirtear isteach le solúbthacht den sórt sin ar shaorghluaiseacht meala atá lipéadaithe i gcomhréir leis an riail chaighdeánach, ós rud é go ndéantar foráil leis an riail chaighdeánach maidir le faisnéis níos iomláine atá le tabhairt do thomhaltóirí. Is léir ón ngaol idir an riail chaighdeánach agus an tsolúbthacht sin, i gcás ina bhfuil níos mó ná ceithre thír thionscnaimh ann, i gcás ina bhfuil sciar an chúigiú tír thionscnaimh nó sciar na dtíortha tionscnaimh breise comhionann leis an gceathrú sciar, nach féidir ach na ceithre sciar is mó a léiriú agus, dá bhrí sin, ba cheart feidhm a bheith ag an riail chaighdeánach.

(6)

I bhfianaise mhéid laghdaithe pacáistí nach bhfuil iontu ach riar amháin meala ina bhfuil 30 g nó níos lú agus i bhfianaise na ndeacrachtaí teicniúla a eascraíonn as sin, is iomchuí foráil a dhéanamh, i gcás cumaisc mheala, in ionad ainmneacha iomlána na dtíortha tionscnaimh a lua, go bhféadfar cód caighdeánaithe a aithnítear go hidirnáisiúnta a úsáid, eadhon caighdeán idirnáisiúnta ISO 3166 lena sainítear cóid litreacha a aithnítear go hidirnáisiúnta chun críocha tagairt a dhéanamh do thíortha. Go háirithe, is iomchuí úsáid a bhaint as alpha-2, an cód dhá litir a mholann an Eagraíocht Idirnáisiúnta um Chaighdeánú mar chód ilchuspóireach, chun aghaidh a thabhairt ar na deacrachtaí teicniúla a bhaineann le méid na bpacáistí.

(7)

Sa phlean rialaithe comhordaithe ón gCoimisiún maidir le barántúlacht meala (2015-2017) agus sa ghníomhaíocht chomhordaithe ón gCoimisiún dar teideal ‘From the Hives’ [Ó na Coirceoga] (2021-2022), leagtar béim ar an amhras atá ann go bhfuil céatadán ard den mhil a chuirtear ar mhargadh an Aontais truaillmheasctha. Ní mór a áirithiú go bhfuil fáil ar mhodhanna anailíse comhchuibhithe chun truaillmheascadh meala a tháirgtear agus a mhargaítear san Aontas a bhrath. Dá bhrí sin, ba cheart cumhachtaí cur chun feidhme a thabhairt don Choimisiún maidir leis na modhanna aonfhoirmeacha sin a fhorbairt, sa bhreis ar na cumhachtaí cur chun feidhme atá ann cheana dá dtagraítear in Airteagal 4(1) de Threoir 2001/110/CE. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (4). Is iomchuí spriocdháta sonrach a shocrú maidir le feidhmiú na gcumhachtaí sin.

(8)

D’fhéadfadh díghrádú comhábhar meala, go háirithe einsímí, a bheith mar thoradh ar chóireálacha áirithe teasa. Le pailin, ar comhábhar lárnach de mhil í lena soláthraítear nasc chuig a tionscnaimh luibheolaíocha, is féidir táscairí maidir le tionscnamh geografach na meala a thabhairt. Chun cleachtais tráchtála chothroma a áirithiú agus chun leasanna tomhaltóirí a chosaint, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh (CFAE) a tharmligean chuig an gCoimisiún i ndáil leis na critéir chun tionscnamh bláthach, plandúil nó geografach meala a chinneadh, agus chun a áirithiú go gcomhlíonann an mhil a chuirtear ar an margadh Treoir 2001/110/CE, go háirithe chun díghníomhachtú einsímí a sheachaint agus chun a áirithiú nach mbainfear pailin ar bhealach suntasach.

(9)

Chun leas na dtomhaltóirí a chosaint agus chun teorainn a chur, a mhéid is féidir, leis an gcalaois a bhaineann le táirgí truaillmheasctha nach bhfreagraíonn don ainmniúchán ‘mil’, chun gur féidir an fhaisnéis a sholáthraítear faoi thionscnamh agus cáilíocht na meala a bhailíochtú, agus chun an oiread trédhearcachta agus is féidir a sholáthar, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le ceanglais inrianaitheachta a thabhairt isteach lena n-áiritheofar infhaighteacht agus inrochtaineacht na faisnéise bunriachtanaí a bhaineann le tionscnamh na meala, lena n-áirítear an tír thionscnaimh i slabhra soláthair an Aontais, ón táirgeoir nó allmhaireoir buainte go dtí an tomhaltóir. Tá gá le ceanglais chomhchuibhithe inrianaitheachta le haghaidh mil a tháirgtear san Aontas agus a allmhairítear isteach san Aontas chun go mbeidh údaráis inniúla na mBallstát in ann an slabhra soláthair iomlán a rianú siar go dtí an chéad chéim laistigh de theorainneacha an Aontais ar a laghad. Níor cheart do na rialacha sin cur le hualach riaracháin na dtáirgeoirí, ach ba cheart é a bheith níos éasca do thomhaltóirí agus na húdaráis mhaoirseachta súil a choinneáil ar aistear iomlán na meala ón mbuaint go dtí an buidéalú san Aontas. Dá bhrí sin, trí na ceanglais nua maidir le hinrianaitheacht meala, ba cheart faisnéis chruinn faoi thionscnamh meala agus a barántúlacht i slabhra soláthair meala a áirithiú. D’fhonn córas inrianaitheachta a bheith ann, agus chun na ceanglais is iomchuí a fhoirmliú, lena n-áirítear inter alia a mhéid a bhaineann le hanailís ar na réitigh nó na modhanna digiteacha atá ar fáil, lena n-áirítear, i gcás inarb iomchuí, cód aitheantóra uathúil nó teicnící comhchosúla, ba cheart don Choimisiún staidéar féidearthachta a dhéanamh.

(10)

Agus na gníomhartha tarmligthe sin á nglacadh, tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (5). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile an tráth céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(11)

Ba cheart ardán a bhunú chun tacú leis an gCoimisiún leis an saineolas teicniúil is fearr dá bhfuil ar fáil. Leis an ardán sin, ba cheart, inter alia, moltaí a thabhairt maidir le córas inrianaitheachta ar leibhéal an Aontais lena n-áirithítear infhaighteacht agus inrochtaineacht na faisnéise bunriachtanaí maidir le tionscnamh na meala, lena n-áirítear, i gcás inarb iomchuí, an tír thionscnaimh, bliain an táirgthe agus aitheantóir uathúil táirgeora, i slabhra soláthair an Aontais, ón táirgeoir nó allmhaireoir buainte go dtí an tomhaltóir. Ba cheart dó a bheith mar thaca freisin le saotharlann tagartha um mil a bhunófar ar leibhéal an Aontais amach anseo chun rialuithe a fheabhsú agus truaillmheascadh i mil a bhrath trí mhodhanna comhchuibhithe agus chun tástáil chórasach a dhéanamh ar mhil trí na modhanna tástála is déanaí a úsáid chun barántúlacht na meala a chruthú.

(12)

Leagtar síos le Treoir 2001/112/CE ón gComhairle (6) na ceanglais bhunriachtanacha atá le comhlíonadh maidir le táirgeadh, comhdhéanamh agus lipéadú súnna torthaí agus táirgí áirithe comhchosúla atá beartaithe lena dtomhailt ag an duine chun leasanna na dtomhaltóirí a chosaint agus chun saorghluaiseacht na dtáirgí sin a fheabhsú.

(13)

In 2012, leasaíodh Treoir 2001/112/CE le Treoir 2012/12/AE ó Pharlaimint na hEorpa agus ón gComhairle (7) chun na rialacha nua maidir le comhábhair údaraithe a léiriú, na rialacha a bhaineann le siúcraí a chur le táirge, mar shampla, rud nach raibh údaraithe a thuilleadh i gcás súnna torthaí. I bhfianaise an athraithe sin ar na ceanglais chomhdhéanaimh maidir le súnna torthaí, bhí an tionscal sú torthaí in ann úsáid a bhaint, ar feadh bliain amháin, as ráiteas a thabharfadh le fios nach raibh siúcraí breise i súnna torthaí ar bith, chun tomhaltóirí a chur ar an eolas agus é a chur ar a gcumas idirdhealú soiléir a dhéanamh láithreach idir súnna torthaí agus táirgí áirithe eile dá samhail maidir le siúcraí a bheith curtha sna táirgí. Dhealraigh sé nár leor an tréimhse ghearr ama sin chun tomhaltóirí a chur ar an eolas, tar éis na rialacha nua maidir le comhábhair údaraithe, nach bhfuil sé údaraithe a thuilleadh siúcraí a chur i súnna torthaí. I gcomhréir le Cuid II, pointe 2, an cúigiú fleasc, d’Iarscríbhinn I, a ghabhann le Treoir 2001/112/CE, féadfaidh an maíomh maidir le cothú ‘gan aon siúcra breise’ nó aon mhaíomh ar dócha go mbeidh an bhrí chéanna leis don tomhaltóir a chur le neachtair torthaí nach bhfuil siúcraí ná milseoirí breise curtha leo, agus an tásc ‘tá siúcraí a fhaightear go nádúrtha ann’ ag gabháil leis. Mar thoradh air sin, i gcás cuid de na tomhaltóirí agus cleachtóirí sláinte, níl sé soiléir fós nach féidir siúcraí breise a bheith i súnna torthaí, murab ionann agus neachtair torthaí. D’fhéadfadh sé gur chuir an méid sin tomhaltóirí amú ós rud é gur léirigh taighde, i gcás ina bhfuil rogha le déanamh idir roinnt táirgí a bhfuil comhdhéanamh cothaithe comhionann nó an-chosúil acu, gurbh fhearr le tomhaltóirí na táirgí a ngabhann maíomh maidir le cothú leo.

(14)

Dá bhrí sin, agus é curtha san áireamh go háirithe go bhfuil tomhaltóirí ag éirí níos feasaí de réir a chéile faoi ábhair imní sláinte a bhaineann le siúcraí a chaitheamh, is iomchuí na rialacha a athbhreithniú faoi ráitis maidir le siúcraí a úsáid le haghaidh súnna torthaí chun go bhféadfaidh tomhaltóirí roghanna eolasacha a dhéanamh. Is iomchuí, dá bhrí sin, riail speisialta a chruthú maidir le húsáid dheonach ráitis lena léirítear nach bhfuil i súnna torthaí ach siúcraí a fhaightear go nádúrtha amháin. Beartaítear le ráiteas den sórt sin tagairt a dhéanamh do na saintréithe a eascraíonn as an sainmhíniú ar shúnna torthaí a leagtar amach i dTreoir 2001/112/CE, agus as na comhábhair údaraithe le haghaidh súnna torthaí a shainítear inti. Dá bhrí sin, le tabhairt isteach an ráitis sin, cuirtear faisnéis fhírinneach chruinn i láthair na dtomhaltóirí i gcomhréir leis na cuspóirí iad a chur ar an eolas faoi shaintréithe cothaithe na dtáirgí, agus é á dhéanamh níos éasca idirdhealú a dhéanamh idir súnna torthaí ar thaobh amháin agus neachtair torthaí ar an taobh eile, agus chun go mbeidh tomhaltóirí in ann roghanna eolasacha a dhéanamh.

(15)

De thoradh dul chun cinn teicniúil, tá teicnící nua próiseála forbartha nó á bhforbairt chun siúcraí a fhaightear go nádúrtha a bhaint go hiomlán nó go páirteach de shúnna torthaí agus de shúnna torthaí ó dhlúthán, chun aghaidh a thabhairt ar éileamh méadaithe tomhaltóirí ar tháirgí a bhfuil cion siúcra níos ísle acu. Is féidir na táirgí sin a mhargú san Aontas a mhéid a chomhlíonann siad gach reachtaíocht ábhartha. Faightear na táirgí sin trí chóireáil nach ceann de na cóireálacha údaraithe a liostaítear i gCuid II, pointe 3, d’Iarscríbhinn I a ghabhann le Treoir 2001/112/CE í a chur i bhfeidhm, áfach, agus tá a gcion iomlán siúcra, níos ísle ná cion siúcra na súnna mar a eastósctar ó na torthaí iad. Mar thoradh air sin, ní féidir an t-ainm táirge ‘sú torthaí’, ‘sú torthaí comhdhlúite’ nó ‘sú torthaí ó dhlúthán’ a chur orthu.

(16)

Tá méadú ag teacht ar an bhfáil atá ar tháirgí den sórt sin ar mhargadh an Aontais. Chun gur fusa na táirgí sin a chur ar an margadh inmheánach agus chun gur féidir athmhúnlú agus nuálaíocht táirgí a bheith ann, agus gan dochar don dlí is infheidhme de chuid an Aontais, ba cheart catagóir nua táirgí a chruthú le haghaidh súnna torthaí a ndearnadh a gcuid siúcraí a fhaightear go nádúrtha a laghdú agus na saintréithe bunriachtanacha fisiceacha, ceimiceacha, orgánaileipteacha agus cothaitheacha eile a bhaineann le gnáthchineál sú an toraidh as a dtagann sé á gcoinneáil. Ba cheart na táirgí sin a bheith in ann ‘sú torthaí siúcra-laghdaithe’, ‘sú torthaí siúcra-laghdaithe ó dhlúthán’ nó ‘sú torthaí comhdhlúite siúcra-laghdaithe’ a chur mar ainm táirge ar na táirgí sin. Chun comhsheasmhacht a áirithiú le Rialachán (CE) Uimh. 1924/2006 ó Pharlaimint na hEorpa agus ón gComhairle (8), ba cheart an cion siúcra a laghdú 30 % ar a laghad i gcomparáid leis an ngnáthchineál sú torthaí, sú torthaí ó dhlúthán agus sú torthaí chomhdhlúite as a dtagann sé, faoi seach. Is iomchuí, dá bhrí sin, na catagóirí nua táirgí sin a chur san áireamh i gCuid I d’Iarscríbhinn I a ghabhann le Treoir 2001/112/CE agus rialacha a leagan síos maidir le comhábhair údaraithe na dtáirgí sin agus maidir leis na próisis agus na substaintí údaraithe i gCuid II den Iarscríbhinn sin. Mar is amhlaidh i gcás cineálacha eile súnna torthaí, níor cheart úsáid milseoirí ná comhábhair a bhfuil airíonna milsithe acu a cheadú i gcás na gcatagóirí nua táirgí sin.

(17)

I gcomhréir le hIarscríbhinn I a ghabhann le Treoir 2001/112/CE, ceadaítear siúcraí breise, mil, nó an dá rud a bheith i neachtair torthaí. Chun tacú le táirgeadh agus margú torthaí agus an gá le hathmhúnlú táirgí a spreagadh chun an méid siúcraí atá i neachtair torthaí a laghdú á chur san áireamh, ba cheart an cion siúcra nó meala a fhéadfar a chur le neachtair torthaí a bhfuil aigéadacht íseal iontu agus atá blasta go nádúrtha a ísliú.

(18)

Tar éis thrasuí na Treorach seo, is faoi tháirgeoirí na gcatagóirí nua de shúnna torthaí, eadhon sú torthaí siúcra-laghdaithe, sú torthaí comhdhlúite siúcra-laghdaithe agus sú torthaí siúcra-laghdaithe ó dhlúthán, a bheidh sé na próisis údaraithe a úsáid ionas go mbeidh an táirge deiridh ag teacht leis na saintréithe a cheanglaítear le Treoir 2001/112/CE. Chun cuspóirí Threoir 2001/112/CE, arna leasú leis an Treoir seo, a bhaint amach, áfach, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le rialacha a leagan síos maidir le saintréithe fisiceacha, ceimiceacha, orgánaileipteacha agus cothaitheacha na dtáirgí siúcra-laghdaithe lena mbaineann chomh maith le húsáid na bpróiseas údaraithe chun an méid siúcraí a laghdú. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(19)

Chun coinníollacha aonfhoirmeacha a áirithiú maidir leis an Treoir seo a chur chun feidhme, ba cheart cumhachtaí cur chun feidhme a thabhairt don Choimisiún maidir le modhanna anailíse lena áirithiú go gcomhlíonfar saintréithe comhdhéanaimh cineálacha áirithe súnna torthaí a mhargaítear san Aontas. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(20)

I bhfianaise chuspóir an Chomhaontaithe Ghlais agus na Straitéise ‘Ón bhFeirm go dtí an Forc’, is é sin tacú le tomhaltóirí roghanna eolasacha a dhéanamh, agus i bhfianaise spéis mhór na dtomhaltóirí i lipéadú lena léirítear tionscnamh an bhia, ba cheart don Choimisiún, 36 mhí ar a dhéanaí tar éis theacht i bhfeidhm na Treorach seo, tuarascáil a chur faoi bhráid Pharlaimint na hEorpa agus na Comhairle ina soláthrófar measúnú maidir leis na féidearthachtaí éagsúla le haghaidh lipéadú lena léirítear an tír thionscnaimh nó na tíortha tionscnaimh inar buaineadh an toradh nó na torthaí a úsáidtear chun sú torthaí agus purée torthaí a mhonarú, lena ngabhann, i gcás inarb iomchuí, togra reachtach.

(21)

Le Cuid II, pointe 3, d’Iarscríbhinn I a ghabhann le Treoir 2001/112/CE, rialaítear na cóireálacha agus na substaintí údaraithe le haghaidh súnna torthaí agus táirgí comhchosúla áirithe. Tá méadú ag teacht ar a mhinice a úsáidtear próitéin ó shíolta lus na gréine lena tomhailt go díreach ag an duine agus tá sé léirithe gur uirlis éifeachtach é chun súnna torthaí a ghléghlanadh. Chun an dul chun cinn breise sin a chur san áireamh, ba cheart próitéiní ó shíolta lus na gréine a chur leis an liosta de chóireálacha agus de shubstaintí údaraithe.

(22)

Tá an sú an eastósctar ó chnónna cócó á mhargú agus á chaitheamh níos minice san Aontas. I gcomhréir le hAirteagal 3, pointe 2, de Threoir 2001/112/CE, ‘sú cnó cócó’ atá mar ainm dlíthiúil ar an táirge sin. Mar sin féin, léirítear leis an gcaighdeán idirnáisiúnta atá léirithe sa Codex Caighdeán Ginearálta le haghaidh súnna torthaí agus neachtar (CXS 247-2005) go bhfuil an t-ainm ‘uisce cnó cócó’ mar chomhchiallach ar ‘sú cnó cócó’ a eastósctar go díreach ón gcnó cócó gan feoil an chnó cócó a nochtadh. Is iomchuí, dá bhrí sin, ‘uisce cnó cócó’ a chur isteach mar ainmniúchán ar leith in Iarscríbhinn III a ghabhann leis an Treoir sin. Chun a áirithiú gur féidir le tomhaltóirí uile an Aontais an t-ainmniúchán áirithe sin a thuiscint go héasca, is iomchuí foráil a dhéanamh maidir leis an bhféidearthacht ‘uisce cnó cócó’ a úsáid i dteangacha oifigiúla an Aontais. Ina theannta sin, toisc gur féidir sú cnó cócó ó dhlúthán a fháil trí shú cócó comhdhlúite a athdhéanamh le huisce inólta, is iomchuí íosleibhéal Brix don táirge sin a shainiú in Iarscríbhinn V a ghabhann leis an Treoir sin.

(23)

Le Treoir 2001/113/CE ón gComhairle (9) leagtar síos na ceanglais bhunriachtanacha maidir le táirgeadh, comhdhéanamh agus lipéadú subha torthaí, glóthacha torthaí agus marmaláidí torthaí agus purée castán milsithe atá beartaithe lena dtomhailt ag an duine.

(24)

Foráiltear le hAirteagal 2, pointe 4, de Threoir 2001/113/CE go ndéanfar tásc éigeantach maidir le cion siúcra ar an lipéad, ach amháin má dhéantar maíomh maidir le cothú i leith siúcraí ar an lipéad. Chuaigh an ceanglas sin níos faide ná na rialacha a leagadh síos i dTreoir 90/496/CEE ón gComhairle (10) lenar foráladh gur chinneadh deonach é faisnéis chothúcháin a chuimsiú ar bhianna réamhphacáilte ach amháin má rinneadh maíomh maidir le cothú agus, i gcás ina ndearnadh an maíomh maidir le cothú i leith siúcraí, níor mhór an méid siúcraí a chuimsiú sa mhaíomh sin. Rinneadh Treoir 90/496/CEE a aisghairm agus cuireadh Rialachán (AE) Uimh. 1169/2011 ó Pharlaimint na hEorpa agus ón gComhairle ina hionad (11). De bhun an Rialacháin sin is éigeantach anois faisnéis chothúcháin a sholáthar ar an bpacáistíocht. Dá bhrí sin, níl gá a thuilleadh le foráil shonrach maidir le lipéadú a bhaineann le siúcraí i dTreoir 2001/113/CE agus is iomchuí í a scriosadh.

(25)

I bhfianaise chuspóir an Chomhaontaithe Ghlais agus na Straitéise Ón bhFeirm go dtí an Forc, is é sin, tacú le tomhaltóirí roghanna eolasacha a dhéanamh, agus i bhfianaise spéis mhór na dtomhaltóirí i lipéadú lena léirítear tionscnamh an bhia, ba cheart don Choimisiún, 36 mhí ar a dhéanaí tar éis theacht i bhfeidhm na Treorach seo, tuarascáil a chur faoi bhráid Pharlaimint na hEorpa agus na Comhairle, ina soláthrófar measúnú maidir leis na féidearthachtaí éagsúla a bhaineann le lipéadú lena léirítear an tír thionscnaimh nó na tíortha tionscnaimh inar buaineadh an toradh nó na torthaí a úsáidtear chun subha torthaí, glóthacha, marmaláidí citris agus purée castán milsithe a mhonarú, lena ngabhann, más iomchuí, togra reachtach.

(26)

Le Cuid I d’Iarscríbhinn I a ghabhann le Treoir 2001/113/CE leagtar síos an íoschainníocht torthaí atá le húsáid agus subh, glóthach, subh bhreise nó glóthach bhreise á monarú. Forchoimeádtar úsáid na dtéarmaí ‘subh bhreise’ agus ‘glóthach bhreise’ le haghaidh táirgí a mhonaraítear le cainníocht níos airde torthaí i gcomparáid le ‘subh’ agus ‘glóthach’, faoi seach. Socraítear i gCuid II den Iarscríbhinn sin íoschion d’ábhar tirim intuaslagtha, eadhon siúcraí, cé acu a fhaightear go nádúrtha sna torthaí iad nó a bhfuil siúcraí breise i gceist, do na táirgí sin, agus, chun traidisiúin náisiúnta atá ann cheana a chur san áireamh i ndéanamh subha torthaí, glóthacha torthaí agus marmaláidí torthaí agus purée castán milsithe, ceadaítear do na Ballstáit íoschion níos ísle d’ábhar tirim intuaslagtha a údarú.

(27)

I gcás ina méadaítear an chainníocht torthaí a úsáidtear chun subha agus glóthacha a mhonarú, laghdaítear an méid siúcra bhreise a theastaíonn chun an íoschion d’ábhar tirim intuaslagtha a shroicheadh sna táirgí sin. Chun táirgeadh subh agus glóthach le cion torthaí méadaithe a spreagadh agus, ar an gcaoi sin, chun tacú le margadh na dtorthaí agus ag cur san áireamh an gá atá ann an méid siúcraí saora a laghdú, ba cheart an íoschainníocht torthaí atá le húsáid i monarú subh agus glóthach a leagtar síos in Iarscríbhinn I a ghabhann le Treoir 2001/113/CE a mhéadú. Ar an gcaoi chéanna, d’fhonn cuidiú le tomhaltóirí roghanna bia sláintiúla níos eolasaí a dhéanamh, is iomchuí úsáid na n-ainmneacha forchoimeádta a shainítear i gCuid I den Iarscríbhinn sin a údarú do tháirgí a bhfuil cion d’ábhar tirim intuaslagtha níos lú ná 60 % acu ach a chomhlíonann na coinníollacha is infheidhme maidir leis an maíomh maidir le cothú ‘siúcraí laghdaithe’ a leagtar síos san Iarscríbhinn a ghabhann le Rialachán (CE) Uimh. 1924/2006.

(28)

Le hIarscríbhinn I a ghabhann le Treoir 2001/113/CE cuirtear srian leis an téarma ‘marmaláid’ go meascán áirithe de thorthaí citris. Mar sin féin, cé gur úsáideadh na hainmneacha dlíthiúla a leagtar síos san Iarscríbhinn sin i dtrádáil chun na táirgí dá dtagraítear inti a ainmniú, i roinnt teangacha oifigiúla an Aontais, is minic a úsáideann na tomhaltóirí na téarmaí ‘marmaláid’ agus ‘subh’ go hidirmhalartach chun tagairt a dhéanamh do shubha atá déanta as torthaí nach torthaí citris iad. Chun úsáid choiteann sin na dtomhaltóirí a chur san áireamh, i gcás inarb ann d’úsáid den sórt sin, agus ag cur san áireamh gurb é ‘subh’ an t-ainm comhchuibhithe i gcónaí, ba cheart do na Ballstáit a bheith in ann a údarú, ar a gcríoch féin, úsáid an téarma ‘marmaláid’ le haghaidh ainm an táirge ‘subh’ i gcás subha atá déanta as torthaí nach torthaí citris iad. Mar thoradh air sin, chun mearbhall a sheachaint do thomhaltóirí, ba cheart an téarma ‘marmaláid citris’, i gcás ina bhféadfaí an téarma ‘citreas’ a mhalartú ar ainm an toraidh nó na dtorthaí citris a úsáidtear, a úsáid ar fud an Aontais le haghaidh an táirge a bhí sainithe mar ‘marmaláid’ suas go dtí seo chun idirdhealú a dhéanamh idir an dá chatagóir táirgí. Is iomchuí, dá bhrí sin, Treoir 2001/113/CE a athbhreithniú dá réir a mhéid a bhaineann leis na hainmneacha táirge ‘marmaláid’ agus ‘marmaláid citris’.

(29)

Mar sin féin, i mBallstát nach mbaineann leas as an rogha tagairt do ‘subh’ mar ‘marmaláid’ toisc nach n-úsáideann tomhaltóirí na téarmaí sin go hidirmhalartach sa Bhallstát sin, ba cheart é a bheith indéanta leanúint ar aghaidh, i gcás marmaláid citris a mhonaraítear as trí thoradh nó níos mó, a údarú ar chríoch an Bhallstáit sin an tásc ‘marmaláid torthaí measctha’ nó ‘marmaláid [x] toradh’ a úsáid, i gcás inarb é x líon na dtorthaí a úsáidtear.

(30)

Liostaítear in Iarscríbhinn II a ghabhann le Treoir 2001/113/CE na comhábhair bhreise a fhéadfar a úsáid i monaraíocht táirgí a chumhdaítear leis an Treoir sin. Féadfar sú torthaí citris a úsáid mar oibreán aigéadaithe i subh, subh bhreise, glóthach agus glóthach bhreise a fhaightear ó chineálacha eile torthaí. I gcomparáid le sú nach dtagann ó dhlúthán, nuair a bhíonn sú torthaí san fhoirm chomhdhlúite ní bhíonn sé chomh mór ná chomh trom le hiompar, bíonn sé níos seasmhaí, is féidir é a chaomhnú ar feadh níos mó ama agus ní theastaíonn an oiread fuinnimh chun an cion uisce a ghalú agus an táirge deireanach suibhe nó glóthaí á mhonarú. Dá bhrí sin bíonn sé níos inmharthana é a úsáid i subh, subh bhreise, glóthach agus glóthach bhreise i gcomparáid le sú úr torthaí. Is iomchuí, dá bhrí sin, a shonrú san Iarscríbhinn sin, i gcás ina gceadaítear súnna sonracha lena n-úsáid sna catagóirí éagsúla subh, subh breise, glóthaí, glóthach, agus glóthach breise gur féidir iad a úsáid i bhfoirm chomhdhlúite.

(31)

Tá úsáid breiseán bia á rialáil faoi láthair le Rialachán (CE) Uimh. 1333/2008 ó Pharlaimint na hEorpa agus ón gComhairle (12), ina bhfuil forálacha sonracha maidir le subh agus subh bhreise. Is iomchuí, dá bhrí sin, an ceathrú fleasc i gCuid B, pointe 1, d’Iarscríbhinn III a ghabhann le Treoir 2001/113/CE a scriosadh agus Iarscríbhinn II a ghabhann léi a leasú dá réir.

(32)

Leagtar síos le Treoir 2001/114/CE ón gComhairle (13) sainmhínithe agus rialacha coiteanna lena rialaítear comhdhéanamh, sonraíochtaí monaraíochta agus lipéadú bainne leasaithe áirithe.

(33)

I bpointe 3 d’Iarscríbhinn I a ghabhann le Treoir 2001/114/CE liostaítear na cóireálacha atá údaraithe chun bainne leasaithe a dhíhiodráitiú go páirteach nó go hiomlán. Chun freagairt do riachtanais athraitheacha na dtomhaltóirí, ba cheart cóireáil a údarú chun leibhéal an lachtóis i dtáirgí bainne a ísliú. Ina theannta sin, ba cheart an t-ainmniúchán áirithe le haghaidh an téarma Béarla evaporated milk [bainne galaithe] in Iarscríbhinn II a ghabhann leis an Treoir sin a bheith comhsheasmhach leis na caighdeáin idirnáisiúnta atá sainithe sa Chaighdeán Codex le haghaidh bainní galaithe (CXS281-1971).

(34)

Tá tagairtí do ghníomhartha aisghairthe i dTreoracha 2001/110/CE, 2001/112/CE, 2001/113/CE agus 2001/114/CE. Rinneadh Treoir 2000/13/CE ó Pharlaimint na hEorpa agus ón gComhairle (14) a aisghairm agus cuireadh Rialachán (AE) Uimh. 1169/2011 ina hionad. Rinneadh Treoir 89/107/CEE ón gComhairle (15) agus Treoir 95/2/CE ó Pharlaimint na hEorpa agus ón gComhairle (16) a aisghairm agus cuireadh Rialachán (CE) Uimh. 1333/2008 ina n-ionad. Rinneadh Treoir 98/83/CE ón gComhairle (17) a aisghairm agus cuireadh Treoir (AE) 2020/2184 ó Pharlaimint na hEorpa agus ón gComhairle (18) ina hionad. Ba cheart, dá bhrí sin, tagairtí d’fhorálacha ábhartha Rialachán (AE) Uimh. 1169/2011 agus Rialachán (CE) Uimh. 1333/2008 agus Threoir (AE) 2020/2184 a chur in ionad na dtagairtí sin.

(35)

Ba cheart, dá bhrí sin, Treoracha 2001/110/CE, 2001/112/CE, 2001/113/CE agus 2001/114/CE a leasú dá réir sin.

(36)

Chun gur féidir leis na Ballstáit na forálacha reachtaíochta, rialúcháin agus riaracháin a ghlacadh is gá chun an Treoir seo a chomhlíonadh, ba cheart tréimhse trasuite 18 mí a bhunú. Chun neart ama a thabhairt d’oibreoirí le dul in oiriúint do na ceanglais nua, ba cheart feidhm a bheith ag na forálacha náisiúnta sin lena dtrasuitear an Treoir seo ach amháin tar éis 24 mhí tar éis dháta theacht i bhfeidhm na Treorach seo.

(37)

Chun leasanna oibreoirí eacnamaíocha a chur san áireamh a chuireann a gcuid táirgí ar an margadh nó a dhéanann iad a lipéadú i gcomhréir leis na ceanglais is infheidhme roimh chur i bhfeidhm na bhforálacha náisiúnta lena dtrasuitear an Treoir seo, is gá bearta idirthréimhseacha iomchuí a leagan síos. Dá bhrí sin, ba cheart a cheadú leis an Treoir seo na táirgí sin a chur ar an margadh ar feadh tréimhse theoranta tar éis thréimhse an trasuite.

(38)

Ós rud é nach féidir leis na Ballstáit cuspóir na Treorach seo, eadhon rialacha an Aontais maidir le comhdhéanamh agus lipéadú meala, súnna torthaí, subha torthaí, glóthacha torthaí, marmaláidí torthaí agus bainne leasaithe áirithe atá díhiodráitithe go páirteach nó go hiomlán a leasú, a ghnóthú go leordhóthanach agus, de bharr fhairsinge agus éifeachtaí na Treorach seo, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta, mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú,

(1)

leasaítear Airteagal 2 mar a leanas:

(2)

cuirtear an méid seo a leanas in ionad Airteagail 3 agus 4:

(3)

cuirtear na hAirteagail seo a leanas isteach:

(4)

leasaítear Iarscríbhinn I mar a leanas:

(1)

leasaítear Airteagal 3 mar a leanas:

(2)

cuirtear an méid seo a leanas in ionad Airteagal 6:

(3)

leasaítear Airteagal 7 mar a leanas:

(4)

leasaítear Airteagal 7a mar a leanas:

(5)

cuirtear na hAirteagail seo a leanas isteach:

(*3)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’;"

(6)

leasaítear Iarscríbhinní I agus III i gcomhréir le hIarscríbhinn I a ghabhann leis an Treoir seo;

(7)

in Iarscríbhinn IV, Roinn I, cuirtear an méid seo a leanas in ionad an ceathrú sraith is fiche a bhaineann le ‘Cainchí’: ‘Cainchí (Cydonia oblonga L.) 50’;

(8)

in Iarscríbhinn V, cuirtear isteach an tsraith seo a leanas idir na sraitheanna a bhaineann le ‘Cuirín Dubh’ agus ‘Fíonchaor’:

(1)

leasaítear Airteagal 2 mar a leanas:

(2)

cuirtear an méid seo a leanas in ionad Airteagal 4:

(3)

cuirtear an tAirteagal seo a leanas isteach:

(4)

leasaítear Iarscríbhinn I i gcomhréir le hIarscríbhinn II a ghabhann leis an Treoir seo;

(5)

leasaítear Iarscríbhinn II mar a leanas:

(6)

in Iarscríbhinn III, Cuid B, pointe 1, scriostar an ceathrú fleasc.

(1)

in Airteagal 3, cuirtear an méid seo a leanas in ionad na habairte réamhráití:

‘Beidh feidhm ag Rialachán (AE) Uimh. 1169/2011 ó Pharlaimint na hEorpa agus ón gComhairle (*6) maidir leis na táirgí a shainítear in Iarscríbhinn I a ghabhann leis an Treoir seo, faoi réir na gcoinníollacha seo a leanas:

(*6)  Rialachán (AE) Uimh. 1169/2011 ó Pharlaimint na hEorpa agus ón gComhairle an 25 Deireadh Fómhair 2011 maidir le faisnéis bhia a sholáthar do thomhaltóirí lena leasaítear Rialachán (CE) Uimh. 1924/2006 ó Pharlaimint na hEorpa agus ón gComhairle agus Rialachán (CE) Uimh. 1925/2006 ó Pharlaimint na hEorpa agus ón gComhairle agus lena n-aisghairtear Treoir 87/250/CEE ón gCoimisiún, Treoir 90/496/CEE ón gComhairle, Treoir 1999/10/CE ón gCoimisiún, Treoir 2000/13/CE ó Pharlaimint na hEorpa agus ón gComhairle, Treoir 2002/67/CE ón gCoimisiún agus Treoir 2008/5/CE ón gCoimisiún agus Rialachán (CE) Uimh. 608/2004 ón gCoimisiún (IO L 304, 22.11.2011, lch. 18).’;"

(2)

leasaítear Iarscríbhinn I mar a leanas:

(3)

in Iarscríbhinn II, cuirtear an méid seo a leanas in ionad phointe (a):