(1)

Le hAirteagal 10 de Rialachán (AE) Uimh. 1308/2013, foráiltear go mbeidh feidhm ag scálaí an Aontais um chonablaigh muc a aicmiú i gcomhréir le pointe B d’Iarscríbhinn IV a ghabhann leis an Rialachán sin. Maidir le conablaigh muc a aicmiú, foráiltear le Roinn B.IV, pointe 1, d’Iarscríbhinn IV a ghabhann leis an Rialachán sin go bhfuil measúnú le déanamh ar an gcion feola trua trí bhíthin modhanna grádúcháin arna n-údarú ag an gCoimisiún, nach bhféadfar a údarú ach modhanna measúnaithe atá cruthaithe de réir staidrimh atá bunaithe ar thomhas fisiceach cuid anatamaíoch amháin nó níos mó den chonablach muice agus go bhfuil modhanna grádúcháin faoi réir uasráta lamháltais le haghaidh earráide staidrimh le linn measúnaithe a chomhlíonadh. Sainítear an lamháltas sin i gCuid A, pointe 1, an dara mír, d’Iarscríbhinn V a ghabhann le Rialachán Tarmligthe (AE) 2017/1182 ón gCoimisiún (2).

(2)

Le Cinneadh 2005/240/CE ón gCoimisiún (3), údaraíodh 11 mhodh chun conablaigh muc a ghrádú sa Pholainn.

(3)

D’iarr an Pholainn ar an gCoimisiún údarú na modhanna ‘Fully ultrasonic automatic carcass grading (Autofom)’, ‘CSB Image-Meater (CSB)’, ‘gmSCAN’, ‘ESTIMEAT’ agus ‘MEAT3D’ a tharraingt siar.

(4)

D’iarr an Pholainn ar an gCoimisiún na modhanna nua seo a leanas a údarú: ‘Autofom IV’, ‘CSB Image-Meater 2.0’, ‘EstiMeat Expert’ agus ‘EstiMeat Pro’. Chun na críche sin, chuir an Pholainn tuairisc mhionsonraithe i láthair ar na trialacha diosctha, lena léirítear na prionsabail ar a bhfuil na modhanna nua sin bunaithe, torthaí na dtrialacha diosctha agus na cothromóidí a úsáidtear chun measúnú a dhéanamh ar an gcéatadán feola trua sa phrótacal dá dtagraítear in Airteagal 11(3) de Rialachán Tarmligthe (AE) 2017/1182.

(5)

D’iarr an Pholainn ar an gCoimisiún freisin foirmle nuashonraithe a údarú le haghaidh sé mhodh (‘Capteur Gras/Maigre — Sydel (CGM)’, ‘Ultra FOM 300’, ‘Autofom III’, Fat-O-Meater II (FOM II)’, ‘manual method (ZP)’ agus ‘IM-03’), ar modhanna iad atá údaraithe cheana féin le Cinneadh Cur Chun Feidhme 2005/240/CE chun conablaigh muc a ghrádú ar a críoch.

(6)

Trí na hiarrataí sin a scrúdú, fuarthas amach go gcomhlíontar na coinníollacha agus na híoscheanglais maidir leis na modhanna nua grádúcháin a údarú agus na cothromóidí le haghaidh na modhanna údaraithe a nuashonrú mar a leagtar síos i gCuid A d’Iarscríbhinn V a ghabhann le Rialachán Tarmligthe (AE) 2017/1182. Dá bhrí sin, ba cheart na modhanna nua grádúcháin agus na foirmlí nua a údarú sa Pholainn.

(7)

Níor cheart modhnuithe ar na modhanna grádúcháin ná ar na gairis lena mbaineann a cheadú, ach amháin má údaraítear sin go sainráite le cinneadh cur chun feidhme ón gCoimisiún.

(8)

Ar chúiseanna soiléireachta agus deimhneachta dlíthiúla, ba cheart Cinneadh 2005/240/CE a aisghairm.

(9)

Chun go mbeidh dóthain ama ag oibreoirí chun oiriúnú do na ceanglais theicniúla maidir le feistí nua agus cothromóidí nua a thabhairt isteach, ba cheart feidhm a bheith ag an gCinneadh seo ón 29 Iúil 2024.

(10)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta,

(a)

an gaireas ar a dtugtar ‘Capteur Gras/Maigre — Sydel (CGM)’ agus na modhanna measúnaithe lena mbaineann, a dtugtar sonraí ina leith i gCuid I den Iarscríbhinn;

(b)

an gaireas ar a dtugtar ‘Ultra FOM 300’ agus na modhanna measúnaithe lena mbaineann, a dtugtar sonraí ina leith i gCuid II den Iarscríbhinn;

(c)

an gaireas ar a dtugtar ‘IM-03’ agus na modhanna measúnaithe lena mbaineann, a dtugtar sonraí ina leith i gCuid III den Iarscríbhinn;

(d)

an gaireas ar a dtugtar ‘Autofom III’ agus na modhanna measúnaithe lena mbaineann, a dtugtar sonraí ina leith i gCuid IV den Iarscríbhinn;

(e)

an gaireas ar a dtugtar ‘Autofom IV’ agus na modhanna measúnaithe lena mbaineann, a dtugtar sonraí ina leith i gCuid V den Iarscríbhinn;

(f)

an gaireas ar a dtugtar ‘Fat-O-Meater II (FOM II)’ agus na modhanna measúnaithe lena mbaineann, a dtugtar sonraí ina leith i gCuid VI den Iarscríbhinn;

(g)

an gaireas ar a dtugtar ‘manual method (ZP)’ agus na modhanna measúnaithe lena mbaineann, a dtugtar sonraí ina leith i gCuid VII den Iarscríbhinn;

(h)

an gaireas ar a dtugtar ‘CSB Image-Meater 2.0’ agus na modhanna measúnaithe lena mbaineann, a dtugtar sonraí ina leith i gCuid VIII den Iarscríbhinn;

(i)

an gaireas ar a dtugtar ‘EstiMeat Expert’ agus na modhanna measúnaithe lena mbaineann, a dtugtar sonraí ina leith i gCuid IX den Iarscríbhinn;

(j)

an gaireas ar a dtugtar ‘EstiMeat Pro’ agus na modhanna measúnaithe lena mbaineann, a dtugtar sonraí ina leith i gCuid X den Iarscríbhinn;

(a)

déanfar é a laghdú:

(b)

déanfar é a mhéadú 260 gram in aghaidh an chonablaigh le haghaidh an dá chanáil seachtracha éisteachta.