1.   Tá feidhm ag an Rialachán seo maidir le gnéithe cibearshlándála de shreafaí leictreachais trasteorann i ngníomhaíochtaí na n-eintiteas seo a leanas, má shainaithnítear mar eintitis ardtionchair nó tionchair chriticiúil iad i gcomhréir le hAirteagal 24:

2.   Tá na húdaráis seo a leanas, mar chuid dá sainorduithe faoi láthair, freagrach as cúraimí a shanntar sa Rialachán seo a dhéanamh:

3.   Beidh feidhm ag an Rialachán seo freisin maidir le gach eintiteas nach bhfuil bunaithe san Aontas ach a sholáthraíonn seirbhísí d’eintitis san Aontas, ar choinníoll gur shainaithin na húdaráis inniúla iad mar eintitis ardtionchair nó tionchair chriticiúil i gcomhréir le hAirteagal 24(2).

4.   Ní dochar an Rialachán seo do fhreagracht na mBallstát an tslándáil náisiúnta a choimirciú ná dá gcumhacht feidhmeanna fíor-riachtanacha eile Stáit a choimirciú, lena n-áirítear iomláine chríochach an Stáit a áirithiú agus an t-ord poiblí a chaomhnú.

5.   Ní dochar an Rialachán seo do fhreagracht na mBallstát an tslándáil náisiúnta a choimirciú i ndáil le gníomhaíochtaí i dtáirgeadh leictreachais ó stáisiúin cumhachta núicléiche, lena n-áirítear gníomhaíochtaí laistigh den slabhra luacha núicléach, i gcomhréir leis na Conarthaí.

6.   Déanfaidh eintitis, na húdaráis inniúla, na pointí teagmhála aonair ar leibhéal an eintitis agus na CSIRTanna sonraí pearsanta a phróiseáil a mhéid is gá chun críocha an Rialacháin seo agus i gcomhréir le Rialachán (AE) 2016/679, agus beidh próiseáil den sórt sin go háirithe ag brath ar Airteagal 6 de.

1.   A luaithe is féidir agus in aon chás faoin 13 Nollaig 2024, ainmneoidh gach Ballstát údarás rialtais nó rialála náisiúnta a bheidh freagrach as na cúraimí a shanntar dó faoin Rialachán seo a dhéanamh (‘údarás inniúil’). Go dtí go sannfar don údarás inniúil na cúraimí faoin Rialachán seo a dhéanamh, is é an t-údarás rialála arna ainmniú ag gach Ballstát de bhun Airteagal 57(1) de Threoir (AE) 2019/944 a dhéanfaidh cúraimí an údaráis inniúil i gcomhréir leis an Rialachán seo.

2.   Tabharfaidh na Ballstáit fógra, gan mhoill, don Choimisiún, do ACER, do ENISA agus don Ghrúpa Comhair maidir le Slándáil Gréasáin agus Faisnéise a bhunaítear de bhun Airteagal 14 de Threoir (AE) 2022/2555 agus don Ghrúpa Comhordaithe Leictreachais a bhunaítear faoi Airteagal 1 den Chinneadh ón gCoimisiún an 15 Samhain 2012 (17) agus cuirfidh na Ballstáit in iúl dóibh ainm agus sonraí teagmhála an údaráis inniúil arna ainmniú acu de bhun mhír 1 den Airteagal seo agus aon athrú orthu ina dhiaidh sin.

3.   Féadfaidh na Ballstáit a cheadú dá n-údarás inniúil cúraimí a shanntar dó sa Rialachán seo a tharmligean chuig údaráis náisiúnta eile cé is moite de na cúraimí a liostaítear in Airteagal 5. Déanfaidh gach údarás inniúil faireachán ar chur i bhfeidhm an Rialacháin seo ag na húdaráis ar chucu a tharmlig sé cúraimí. Déanfaidh an t-údarás inniúil ainm, sonraí teagmhála agus cúraimí sannta na n-údarás ar chucu a tarmligeadh cúram, agus aon athrú orthu sin ina dhiaidh sin, a chur in iúl don Choimisiún, do ACER, don Ghrúpa Comhordaithe Leictreachais, do ENISA agus don Ghrúpa Comhair maidir le Slándáil Gréasáin agus Faisnéise.

1.   Forbróidh OCTanna, i gcomhar leis an eintiteas AE do OCDanna, tograí le haghaidh téarmaí agus coinníollacha nó modheolaíochtaí de bhun mhír 2, nó le haghaidh pleananna de bhun mhír 3.

2.   Is faoi réir fhormheas na n-údarás inniúil uile a bheidh na téarmaí agus na coinníollacha nó na modheolaíochtaí seo a leanas agus aon leasú orthu:

3.   Na tograí le haghaidh pleananna réigiúnacha um maolú ar riosca cibearshlándála de bhun Airteagal 22, beidh siad faoi réir fhormheas údaráis inniúla uile an réigiúin oibríochta córais lena mbaineann.

4.   Sna tograí le haghaidh téarmaí agus coinníollacha nó modheolaíochtaí a liostaítear i mír 2, nó le haghaidh pleananna a liostaítear i mír 3, áireofar amscála beartaithe dá gcur chun feidhme agus tuairisc ar an tionchar a mheastar a bheidh acu ar chuspóirí an Rialacháin seo.

5.   Féadfaidh an t-eintiteas AE do OCDanna tuairim réasúnaithe a sholáthar do na OCTanna lena mbaineann go dtí 3 seachtaine roimh an sprioc-am chun an togra le haghaidh téarmaí agus coinníollacha nó modheolaíochtaí nó pleananna a chur faoi bhráid na n-údarás inniúil. OCTanna atá freagrach as an togra le haghaidh téarmaí agus coinníollacha nó modheolaíochtaí nó pleananna, cuirfidh siad tuairim réasúnaithe an eintitis AE do OCDanna san áireamh sula gcuirfidh siad an togra faoi bhráid na n-údarás inniúil lena fhormheas. Soláthróidh OCTanna réasúnú i gcás nach dtabharfar tuairim an eintitis AE do OCDanna san áireamh.

6.   I gcás ina mbeidh téarmaí, coinníollacha agus modheolaíochtaí agus pleananna á bhforbairt go comhpháirteach, rachaidh na OCTanna rannpháirteacha i ndlúthchomhar le chéile. Cuirfidh OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, údaráis inniúla agus ACER ar an eolas go tráthrialta faoin dul chun cinn i bhforbairt téarmaí agus coinníollacha nó modheolaíochtaí, nó pleananna.

1.   I gcás nach mbeidh OCTanna in ann teacht ar chomhaontú chun cinneadh a dhéanamh maidir le tograí le haghaidh téarmaí agus coinníollacha nó modheolaíochtaí, is le vótáil trí thromlach cáilithe a dhéanfaidh siad cinneadh. Is mar a leanas a ríomhfar tromlach cáilithe i gcás tograí den sórt sin:

2.   Maidir le mionlach blocála i gcomhair cinntí maidir le tograí le haghaidh téarmaí agus coinníollacha nó modheolaíochtaí a liostaítear in Airteagal 6(2), beidh OCTanna ann a dhéanann ionadaíocht ar cheithre Bhallstát ar a laghad, agus dá uireasa sin measfar an tromlach cáilithe a bheith ann.

3.   I gcás nach mbeidh OCTanna réigiúin oibríochta córais in ann teacht ar chomhaontú chun cinneadh a dhéanamh maidir le tograí le haghaidh pleananna a liostaítear in Airteagal 6(2), agus i gcás ina mbeidh níos mó ná cúig Bhallstát sa réigiún oibríochta córais lena mbaineann, is le vótáil trí thromlach cáilithe a dhéanfaidh OCTanna cinneadh. I gcás tromlach cáilithe le haghaidh na dtograí a liostaítear in Airteagal 6(2), is gá an tromlach seo a leanas a bheith ann:

4.   Mionlach blocála i gcás cinntí maidir le tograí le haghaidh na bpleananna, áireofar ar a laghad ann líon íosta OCTanna a dhéanann ionadaíocht ar níos mó ná 35 % de dhaonra na mBallstát rannpháirteach, móide OCTanna a dhéanann ionadaíocht ar Bhallstát breise amháin lena mbaineann ar a laghad, agus dá uireasa sin measfar an tromlach cáilithe a bheith faighte.

5.   I gcás cinntí OCTanna maidir le tograí le haghaidh téarmaí agus coinníollacha nó modheolaíochtaí de bhun Airteagal 6(2), sannfar vóta amháin do gach Ballstát. Má tá níos mó ná OCT amháin i gcríoch Ballstáit, déanfaidh an Ballstát na cumhachtaí vótála a leithdháileadh i measc na OCTanna.

6.   Mura ndéanfaidh OCTanna, i gcomhar leis an eintiteas AE do OCDanna, togra tosaigh nó leasaithe le haghaidh téarmaí agus coinníollacha nó modheolaíochtaí, nó le haghaidh pleananna, a chur faoi bhráid na n-údarás inniúil ábhartha laistigh de na sprioc-amanna a shocraítear sa Rialachán seo, soláthróidh siad do na húdaráis inniúla ábhartha agus do ACER na dréachtaí ábhartha de na téarmaí agus na coinníollacha nó na modheolaíochtaí, nó de na pleananna. Míneoidh siad céard a choisc comhaontú. Is go comhpháirteach a dhéanfaidh na húdaráis inniúla na bearta iomchuí chun na téarmaí agus na coinníollacha nó na modheolaíochtaí is gá, nó na pleananna is gá, a ghlacadh. Féadfar é sin a dhéanamh, mar shampla, trí leasuithe ar na dréachtaí a iarraidh de bhun na míre seo, trí na dréachtaí sin a athbhreithniú agus a thabhairt i gcrích nó, i gcás nár soláthraíodh aon dréacht, trí na téarmaí agus na coinníollacha nó na modheolaíochtaí nó na pleananna is gá a shainiú agus a fhormheas.

1.   Déanfaidh OCTanna na tograí le haghaidh téarmaí agus coinníollacha nó modheolaíochtaí, nó le haghaidh pleananna, a chur faoi bhráid na n-údarás inniúil ábhartha lena bhformheas laistigh de na sprioc-amanna ar leith a leagtar amach in Airteagail 18, 23, 29, 33, 34, 35 agus 37. Féadfaidh na húdaráis inniúla fad a chur leis na sprioc-amanna sin go comhpháirteach in imthosca eisceachtúla, go háirithe i gcásanna nach féidir sprioc-am a chomhlíonadh i ngeall ar imthosca lasmuigh de réimse na OCTanna nó an eintitis AE do OCDanna.

2.   Tograí le haghaidh téarmaí agus coinníollacha nó modheolaíochtaí nó le haghaidh pleananna de bhun mhír 1, cuirfear faoi bhráid ACER iad le haghaidh faisnéise an tráth céanna a chuirtear faoi bhráid na n-údarás inniúil iad.

3.   Arna iarraidh sin go comhpháirteach do na NRAnna, eiseoidh ACER tuairim maidir leis an togra le haghaidh téarmaí agus coinníollacha nó modheolaíochtaí, nó le haghaidh pleananna, laistigh de 6 mhí ó na tograí a fháil le haghaidh téarmaí agus coinníollacha nó modheolaíochtaí, nó le haghaidh pleananna, agus tabharfaidh sé fógra faoin tuairim do NRAnna agus d’údaráis inniúla. NRAnna, CS-NCAnna agus aon údarás eile a ainmnítear mar údaráis inniúla, comhordóidh siad le chéile sula n-iarrfaidh na NRAnna tuairim ar ACER. Féadfaidh ACER moltaí a áireamh i dtuairim den sórt sin. Rachaidh ACER i gcomhairle le ENISA sula n-eiseoidh sé tuairim maidir leis na tograí a liostaítear in Airteagal 6(2).

4.   Rachaidh na húdaráis inniúla i gcomhairle agus i ndlúthchomhar le chéile agus comhordóidh siad le chéile chun teacht ar chomhaontú maidir leis na téarmaí agus na coinníollacha, na modheolaíochtaí nó na pleananna atá beartaithe. Sula bhformheasfaidh siad na téarmaí agus na coinníollacha nó na modheolaíochtaí, nó na pleananna, athbhreithneoidh siad na tograí i gcás inar gá agus tabharfaidh siad i gcrích iad, tar éis dul i gcomhairle le ENTSO don Leictreachas agus leis an eintiteas AE do OCDanna, chun a áirithiú go mbeidh na tograí i gcomhréir leis an Rialachán seo agus go rannchuideoidh siad le hardleibhéal coiteann cibearshlándála ar fud an Aontais.

5.   Déanfaidh na húdaráis inniúla cinneadh maidir leis na téarmaí agus na coinníollacha nó na modheolaíochtaí, nó maidir leis na pleananna, laistigh de 6 mhí ó na téarmaí agus na coinníollacha nó na modheolaíochtaí nó na pleananna a fháil ón údarás inniúil ábhartha nó, i gcás inarb infheidhme, ón údarás inniúil ábhartha deireanach lena mbaineann.

6.   I gcás ina n-eiseoidh ACER tuairim, cuirfidh na húdaráis inniúla ábhartha an tuairim sin san áireamh agus déanfaidh siad a gcinntí uile laistigh de 6 mhí ó thuairim ACER a fháil.

7.   I gcás ina gceanglóidh na húdaráis inniúla go comhpháirteach go leasófar na téarmaí agus na coinníollacha nó na modheolaíochtaí nó na pleananna atá beartaithe, chun go gcuirfear feabhas orthu, forbróidh na OCTanna, i gcomhar leis an eintiteas AE do OCDanna, togra le haghaidh an leasaithe sin ar na téarmaí agus na coinníollacha nó na modheolaíochtaí, nó na pleananna. Cuirfidh na OCTanna an togra leasaithe isteach lena fhormheas laistigh de 2 mhí ón iarraidh ó na húdaráis inniúla. Déanfaidh na húdaráis inniúla cinneadh maidir leis na téarmaí agus na coinníollacha nó na modheolaíochtaí nó na pleananna leasaithe laistigh de 2 mhí ón tráth a chuirtear isteach iad.

8.   I gcás nach mbeidh na húdaráis inniúla in ann teacht ar chomhaontú laistigh den tréimhse dá dtagraítear i mír 5 nó 7, cuirfidh siad an Coimisiún ar an eolas. Féadfaidh an Coimisiún bearta iomchuí a dhéanamh chun go mbeifear in ann na téarmaí agus na coinníollacha nó na modheolaíochtaí is gá, nó na pleananna is gá, a ghlacadh.

9.   Déanfaidh OCTanna, le cúnamh ó ENTSO don Leictreachas, agus an t-eintiteas AE do OCDanna na téarmaí agus na coinníollacha nó na modheolaíochtaí, nó na pleananna, a fhoilsiú ar a shuíomhanna gréasáin tar éis do na húdaráis inniúla ábhartha iad a fhormheas, ach amháin i gcás ina mbreithneofar an fhaisnéis sin a bheith rúnda i gcomhréir le hAirteagal 47.

10.   Féadfaidh na húdaráis inniúla tograí le haghaidh leasuithe ar na téarmaí agus na coinníollacha nó na modheolaíochtaí formheasta, nó ar na pleananna formheasta, a iarraidh go comhpháirteach ar OCTanna agus ar an eintiteas AE do OCDanna agus sprioc-am a chinneadh chun na tograí sin a chur isteach. Féadfaidh OCTanna, i gcomhar leis an eintiteas AE do OCDanna, leasuithe a mholadh do na húdaráis inniúla freisin ar a dtionscnamh féin. Na tograí le haghaidh leasú ar na téarmaí agus na coinníollacha nó na modheolaíochtaí, nó le haghaidh leasuithe ar na pleananna, forbrófar agus formheasfar iad i gcomhréir leis an nós imeachta a leagtar amach san Airteagal seo.

11.   Gach 3 bliana ar a laghad ón tráth a ghlactar den chéad uair na téarmaí agus na coinníollacha nó na modheolaíochtaí ar leith, nó na pleananna ar leith arna nglacadh, déanfaidh OCTanna, i gcomhar leis an eintiteas AE do OCDanna, athbhreithniú ar éifeachtacht na dtéarmaí agus na gcoinníollacha nó na modheolaíochtaí arna nglacadh, nó ar éifeachtacht na bpleananna arna nglacadh, agus torthaí an athbhreithnithe a thuairisciú do na húdaráis inniúla agus do ACER gan moill mhíchuí.

1.   Rachaidh OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, i gcomhairle le geallsealbhóirí, lena n-áirítear ACER, ENISA agus údarás inniúil gach Ballstáit, maidir leis na dréacht-tograí le haghaidh téarmaí agus coinníollacha nó modheolaíochtaí a liostaítear in Airteagal 6(2) agus le haghaidh pleananna dá dtagraítear in Airteagal 6(3). Mairfidh an comhairliúchán ar feadh tréimhse nach lú ná mí amháin.

2.   Na tograí le haghaidh téarmaí agus coinníollacha nó modheolaíochtaí a liostaítear in Airteagal 6(2) arna gcur isteach ag na OCTanna, i gcomhar leis an eintiteas AE do OCDanna, foilseofar agus cuirfear isteach le haghaidh comhairliúchán ar leibhéal an Aontais iad. Na tograí le haghaidh pleananna a liostaítear in Airteagal 6(3) arna gcur isteach ag na OCTanna ábhartha, i gcomhar leis an eintiteas AE do OCDanna, ar an leibhéal réigiúnach, cuirfear isteach iad le haghaidh comhairliúchán ar an leibhéal réigiúnach ar a laghad.

3.   Le cúnamh ó ENTSO don Leictreachas, déanfaidh OCTanna agus an t-eintiteas AE do OCDanna atá freagrach as an togra le haghaidh téarmaí agus coinníollacha nó modheolaíochtaí nó pleananna tuairimí geallsealbhóirí a leanann as na comhairliúcháin a rinneadh i gcomhréir le mír 1 a chur san áireamh sula gcuirfidh siad an togra isteach le haghaidh formheas rialála. I ngach cás, déanfar réasúnú fónta as na tuairimí a leanann as an gcomhairliúchán a chur san áireamh nó gan iad a chur san áireamh a sholáthar in éineacht leis an aighneacht agus a fhoilsiú go tráthúil roimh an togra le haghaidh téarmaí agus coinníollacha nó modheolaíochtaí nó i gcomhthráth leis.

1.   Na costais a íocann OCTanna agus OCDanna atá faoi réir rialáil taraifí gréasáin agus a eascraíonn as na hoibleagáidí a leagtar síos sa Rialachán seo, lena n-áirítear na costais a íocann ENTSO don Leictreachas agus an t-eintiteas AE do OCDanna, déanfaidh NRA ábhartha gach Ballstáit measúnú orthu.

2.   Costais a mheasúnaítear a bheith réasúnach, éifeachtúil agus comhréireach, gnóthófar iad trí tharaifí gréasáin nó sásraí iomchuí eile, de réir mar a chinnfidh an NRA ábhartha.

3.   Arna iarraidh sin do na NRAnna ábhartha, soláthróidh OCTanna agus OCDanna dá dtagraítear i mír 1, laistigh de thréimhse réasúnta a chinnfidh an NRA ábhartha, an fhaisnéis is gá chun an measúnú ar na costais a tabhaíodh a éascú.

1.   Déanfaidh ACER faireachán ar chur chun feidhme an Rialacháin seo i gcomhréir le hAirteagal 32(1) de Rialachán (AE) 2019/943 agus le hAirteagal 4(2) de Rialachán (AE) 2019/942. Agus an measúnú sin á dhéanamh, féadfaidh ACER dul i gcomhar le ENISA agus tacaíocht a iarraidh ó ENTSO don Leictreachas agus ón eintiteas AE do OCDanna. Cuirfidh ACER an Grúpa Comhordaithe Leictreachais agus an Grúpa Comhair maidir le Slándáil Gréasáin agus Faisnéise ar an eolas go tráthrialta maidir le cur chun feidhme an Rialacháin seo.

2.   Foilseoidh ACER tuarascáil gach 3 bliana ar a laghad tar éis theacht i bhfeidhm an Rialacháin seo chun

3.   Faoin 13 Meitheamh 2025, féadfaidh ACER, i gcomhar le ENISA agus tar éis comhairliúchán le ENTSO don Leictreachas agus leis an eintiteas AE do OCDanna, treoraíocht a eisiúint maidir leis an bhfaisnéis ábhartha atá le cur in iúl do ACER chun críoch faireacháin chomh maith le próiseas agus minicíocht an bhailithe, bunaithe ar tháscairí feidhmíochta a shainítear i gcomhréir le mír 5.

4.   Féadfaidh rochtain a bheith ag na húdaráis inniúla ar an bhfaisnéis ábhartha atá i seilbh ACER, arna bailiú aige i gcomhréir leis an Airteagal seo.

5.   Déanfaidh ACER, i gcomhar le ENISA agus le tacaíocht ó ENTSO don Leictreachas agus ón eintiteas AE do OCDanna, táscairí feidhmíochta neamhcheangailteacha a eisiúint le haghaidh na mheasúnaithe ar iontaofacht oibríochtúil a bhaineann le gnéithe cibearshlándála de shreafaí leictreachais trasteorann.

6.   Na heintitis a liostaítear in Airteagal 2(1) den Rialachán seo, cuirfidh siad faoi bhráid ACER an fhaisnéis a bhfuil gá ag ACER léi chun na cúraimí a liostaítear i mír 2 a dhéanamh.

1.   Faoin 13 Meitheamh 2025, bunóidh ACER, i gcomhar le ENISA, treoir tagarmharcála cibearshlándála neamhcheangailteach. Leis an treoir sin, míneofar do NRAnna prionsabail tagarmharcála na rialuithe cibearshlándála arna gcur chun feidhme de bhun mhír 2 den Airteagal seo, agus costais chur chun feidhme na rialuithe agus a éifeachtaí a fheidhmíonn na próisis, na táirgí, na seirbhísí, na córais agus na réitigh a úsáidtear chun na rialuithe sin a chur chun feidhme á gcur san áireamh. Cuirfidh ACER tuarascálacha tagarmharcála atá ann cheana san áireamh nuair a bheidh an treoir tagarmharcála cibearshlándála neamhcheangailteach á bunú aige. Cuirfidh ACER an treoir tagarmharcála cibearshlándála neamhcheangailteach faoi bhráid na NRAnna le haghaidh faisnéise.

2.   Laistigh de 12 mhí tar éis bhunú na treorach tagarmharcála de bhun mhír 1, déanfaidh na NRAnna anailís tagarmharcála chun measúnú a dhéanamh ar cé acu is amhlaidh nó nach amhlaidh na nithe seo a leanas maidir le hinfheistíochtaí atá ann faoi láthair sa chibearshlándáil:

3.   I gcás na hanailíse tagarmharcála, féadfaidh na NRAnna an treoir tagarmharcála cibearshlándála neamhcheangailteach arna bunú ag ACER a chur san áireamh, agus déanfaidh siad measúnú ar na nithe seo a leanas go háirithe:

4.   Aon fhaisnéis a bhaineann le hanailís tagarmharcála, láimhseálfar agus próiseálfar í de bhun cheanglais aicmithe sonraí an Rialacháin seo, na n-íosrialuithe cibearshlándála agus na tuarascála measúnaithe riosca cibearshlándála i ndáil leis an leictreachas trasteorann. Ní chuirfear an anailís tagarmharcála dá dtagraítear i míreanna 2 agus 3 ar fáil go poiblí.

5.   Gan dochar do na ceanglais rúndachta in Airteagal 47 ná don ghá slándáil eintiteas atá faoi réir fhorálacha an Rialacháin seo a chosaint, roinnfear an anailís tagarmharcála dá dtagraítear i míreanna 2 agus 3 den Airteagal seo le gach NRA, gach údarás inniúil, ACER, ENISA agus an Coimisiún.

1.   Laistigh de 18 mí tar éis theacht i bhfeidhm an Rialacháin seo, OCTanna i réigiún oibríochta córais atá comharsanach le tríú tír, féachfaidh siad le comhaontuithe a dhéanamh le OCTanna an tríú tír comharsanachta a bheidh i gcomhréir le dlí ábhartha an Aontais agus lena leagfar amach an bonn comhair maidir le cosaint na cibearshlándála agus na socruithe comhair cibearshlándála leis na OCTanna sin.

2.   Cuirfidh OCTanna an t-údarás inniúil ar an eolas faoi na comhaontuithe a dhéantar de bhun mhír 1.

1.   Eintitis nach bhfuil bunaithe san Aontas ach a sholáthraíonn seirbhísí d’eintitis san Aontas agus a dtugtar fógra dóibh gur eintitis ardtionchair nó tionchair chriticiúil iad i gcomhréir le hAirteagal 24(6), déanfaidh siad, laistigh de 3 mhí tar éis dóibh fógra a fháil, ionadaí san Aontas a ainmniú, i scríbhinn, agus an t-údarás inniúil a thugann fógra a chur ar an eolas dá réir sin.

2.   Sainordófar an t-ionadaí sin chun go rachaidh aon údarás inniúil nó CSIRT san Aontas i dteagmháil leis i dteannta nó in ionad an eintitis ardtionchair nó tionchair chriticiúil maidir le hoibleagáidí an eintitis faoin Rialachán seo. Soláthróidh an t-eintiteas ardtionchair nó tionchair chriticiúil na cumhachtaí is gá agus acmhainní leordhóthanacha dá ionadaí dlíthiúil chun a ráthú go rachaidh sé i gcomhar go héifeachtúil agus go tráthúil leis na húdaráis inniúla nó na CSIRTanna ábhartha.

3.   Beidh an t-ionadaí dlíthiúil bunaithe i gceann amháin de na Ballstáit ina gcuireann an t-eintiteas a sheirbhísí ar fáil. Measfar go bhfuil an t-eintiteas sin faoi dhlínse an Bhallstáit ina bhfuil an t-ionadaí bunaithe. Tabharfaidh eintitis ardtionchair nó tionchair chriticiúil fógra faoi ainm, seoladh poist, seoladh ríomhphoist agus uimhir theileafóin a n-ionadaí dhlíthiúil don údarás inniúil sa Bhallstát ina gcónaíonn an t-ionadaí dlíthiúil sin nó ina bhfuil sé bunaithe.

4.   Beidh an t-ionadaí dlíthiúil ainmnithe in ann a bheith faoi dhliteanas mar gheall ar oibleagáidí neamhchomhlíonta faoin Rialachán seo, gan dochar don dliteanas ná do na caingne dlí a d’fhéadfaí a thionscnamh in aghaidh an eintitis ardtionchair nó tionchair chriticiúil féin.

5.   In éagmais ionadaí ainmnithe laistigh den Aontas faoin Airteagal seo, féadfaidh aon Bhallstát ina soláthraíonn an t-eintiteas seirbhísí caingne dlí a thionscnamh in aghaidh an eintitis maidir le neamhchomhlíontacht na n-oibleagáidí faoin Rialachán seo.

6.   Ní hionann ionadaí dlíthiúil laistigh den Aontas a ainmniú de bhun mhír 1 agus bunaíocht san Aontas.

1.   Rachaidh ENTSO don Leictreachas agus an t-eintiteas AE do OCDanna i gcomhar le chéile chun measúnuithe riosca cibearshlándála a dhéanamh de bhun Airteagal 19 agus Airteagal 21, agus na cúraimí seo a leanas go háirithe:

2.   An comhar idir ENTSO don Leictreachas agus an t-eintiteas AE do OCDanna, féadfaidh sé a bheith i bhfoirm meitheal um riosca cibearshlándála.

3.   Cuirfidh ENTSO don Leictreachas agus an t-eintiteas AE do OCDanna ACER, ENISA, an Grúpa Comhair maidir le Slándáil Gréasáin agus Faisnéise agus an Grúpa Comhordaithe Leictreachais ar an eolas go tráthrialta maidir leis an dul chun cinn i gcur chun feidhme na measúnuithe riosca cibearshlándála uile-Aontais agus réigiúnacha de bhun Airteagail 19 agus 21.

1.   Faoin 13 Márta 2025, déanfaidh na OCTanna, le cúnamh ENTSO don Leictreachas, i gcomhar leis an eintiteas AE do OCDanna agus tar éis comhairliúchán leis an nGrúpa Comhair maidir le Slándáil Gréasáin agus Faisnéise, togra le haghaidh na modheolaíochtaí measúnaithe riosca cibearshlándála ar leibhéal an Aontais, ar an leibhéal réigiúnach agus ar leibhéal na mBallstát a chur isteach.

2.   Sna modheolaíochtaí measúnaithe riosca cibearshlándála ar leibhéal an Aontais, ar an leibhéal réigiúnach agus ar leibhéal na mBallstát, áireofar:

3.   Leis na modheolaíochtaí measúnaithe riosca cibearshlándála ar leibhéal an Aontais, ar an leibhéal réigiúnach agus ar leibhéal na mBallstát, déanfar measúnú ar rioscaí cibearshlándála agus úsáid á baint as an maitrís tionchair riosca chéanna. Leis an maitrís tionchair riosca, déanfar:

4.   Leis na modheolaíochtaí measúnaithe riosca cibearshlándála ar leibhéal an Aontais, tabharfar tuairisc ar conas a shaineofar luachanna ECII le haghaidh tairseacha ardtionchair agus tionchair chriticiúil. Cuirfidh ECII ar a gcumas d’eintitis meastachán a dhéanamh le cabhair ó na critéir dá dtagraítear i mír 2 pointe (b) faoi thionchar na rioscaí ar a bpróiseas gnó le linn na measúnuithe tionchair gnó a dhéanfaidh siad de bhun Airteagal 26(4) pointe (c)(i).

5.   Cuirfidh ENTSO don Leictreachas, i gcomhar leis an eintiteas AE do OCDanna, an Grúpa Comhordaithe Leictreachais ar an eolas faoi na tograí le haghaidh modheolaíochtaí measúnaithe riosca cibearshlándála a fhorbraítear de bhun mhír 1.

1.   Laistigh de 9 mí tar éis fhormheas na modheolaíochtaí measúnaithe riosca cibearshlándála de bhun Airteagal 8 agus gach 3 bliana ina dhiaidh sin, déanfaidh ENTSO don Leictreachas, i gcomhar leis an eintiteas AE do OCDanna agus i gcomhairle leis an nGrúpa Comhair maidir le Slándáil Gréasáin agus Faisnéise, gan dochar d’Airteagal 22 de Threoir (AE) 2022/2555, measúnú riosca cibearshlándála uile-Aontais agus dréacht-tuarascáil measúnaithe riosca cibearshlándála uile-Aontais a tharraingt anuas. Chun na críche sin, úsáidfidh siad na modheolaíochtaí a fhorbraítear de bhun Airteagal 18, agus a fhormheastar de bhun Airteagal 8, chun na hiarmhairtí a d’fhéadfadh a bheith ag cibirionsaithe a dhéanann difear do shlándáil oibríochtúil an chórais leictreachais agus a shuaitheann sreafaí leictreachais trasteorann a shainaithint agus chun anailís agus meastóireacht a dhéanamh orthu. Ní bhreithneofar sa mheasúnú riosca cibearshlándála uile-Aontais an damáiste dlíthiúil, an damáiste airgeadais ná an damáiste do chlú a dhéanann cibirionsaithe.

2.   Beidh na heilimintí seo a leanas sa tuarascáil measúnaithe riosca cibearshlándála uile-Aontais:

3.   A mhéid a bhaineann leis na próisis ardtionchair uile-Aontais agus na próisis tionchair chriticiúil uile-Aontais, is é a bheidh sa tuarascáil measúnaithe riosca cibearshlándála uile-Aontais:

4.   Déanfaidh ENTSO don Leictreachas, i gcomhar leis an eintiteas AE do OCDanna, an dréacht-tuarascáil measúnaithe riosca cibearshlándála uile-Aontais i dteannta thorthaí an mheasúnaithe riosca cibearshlándála uile-Aontais a chur faoi bhráid ACER lena thuairim a fháil. Eiseoidh ACER tuairim maidir leis an dréacht-tuarascáil laistigh de 3 mhí ón tráth a fhaightear í. Tabharfaidh ENTSO don Leictreachas agus an t-eintiteas AE do OCDanna lánaird ar thuairim ACER agus an tuarascáil sin á tabhairt chun críche acu.

5.   Laistigh de 3 mhí tar éis an tuairim ó ACER a fháil, tabharfaidh ENTSO don Leictreachas, i gcomhar leis an eintiteas AE do OCDanna, fógra faoin tuarascáil measúnaithe riosca cibearshlándála uile-Aontais chríochnaitheach do ACER, don Choimisiún, do ENISA agus do na húdaráis inniúla.

1.   Déanfaidh gach údarás inniúil measúnú riosca cibearshlándála Ballstáit ar gach eintiteas ardtionchair agus tionchair chriticiúil ina Bhallstát agus úsáid á baint as na modheolaíochtaí a fhorbraítear de bhun Airteagal 18 agus a fhormheastar de bhun Airteagal 8. Leis an measúnú riosca cibearshlándála Ballstáit, sainaithneofar agus déanfar anailís ar na rioscaí cibearshlándála a dhéanann difear do shlándáil oibríochtúil an chórais leictreachais lena suaitear sreafaí leictreachais trasteorann. Ní bhreithneofar sa mheasúnú riosca cibearshlándála Ballstáit an damáiste dlíthiúil, an damáiste airgeadais ná an damáiste do chlú a dhéanann cibirionsaithe.

2.   Laistigh de 21 mhí tar éis fógra a thabhairt faoi na heintitis ardtionchair agus tionchair chriticiúil de bhun Airteagal 24(6) agus gach 3 bliana ina dhiaidh sin, agus tar éis dul i gcomhairle leis an CS-NCA atá freagrach as leictreachas, déanfaidh gach údarás inniúil, le tacaíocht ón CSIRT, tuarascáil measúnaithe riosca cibearshlándála Ballstáit a sholáthar do ENTSO don Leictreachas agus don eintiteas AE do OCDanna, ina mbeidh an fhaisnéis seo a leanas i gcás gach próisis gnó ardtionchair agus tionchair chriticiúil:

3.   Cuirfear san áireamh i dtuarascáil measúnaithe riosca cibearshlándála an Bhallstáit plean riosca-ullmhachta an Bhallstáit a bhunaítear de bhun Airteagal 10 de Rialachán (AE) 2019/941.

4.   An fhaisnéis a áireofar i dtuarascáil measúnaithe riosca cibearshlándála an Bhallstáit de bhun mhír 2 pointí (a) go (d), ní bheidh sí nasctha le heintitis ná sócmhainní sonracha. I dtuarascáil measúnaithe riosca cibearshlándála an Bhallstáit, áireofar freisin measúnú riosca ar na maoluithe sealadacha arna n-eisiúint ag na húdaráis inniúla sna Ballstáit de bhun Airteagal 30.

5.   Féadfaidh ENTSO don Leictreachas agus an t-eintiteas AE do OCDanna faisnéis bhreise a iarraidh ar na húdaráis inniúla i ndáil leis na cúraimí a shonraítear i bhfomhír 2 pointí (a) agus (c).

6.   Áiritheoidh na húdaráis inniúla go bhfuil an fhaisnéis a sholáthraíonn siad cruinn agus ceart.

1.   Déanfaidh ENTSO don Leictreachas, i gcomhar leis an eintiteas AE do OCDanna agus i gcomhairle leis an Lárionad Comhordúcháin Réigiúnach ábhartha, measúnú riosca cibearshlándála réigiúnach le haghaidh gach réigiúin oibríochta córais agus úsáid á baint as na modheolaíochtaí a fhorbraítear de bhun Airteagal 19, agus a fhormheastar de bhun Airteagal 8, chun rioscaí cibirionsaithe a dhéanann difear do shlándáil oibríochtúil an chórais leictreachais agus a shuaitheann sreafaí leictreachais trasteorann a shainaithint agus chun anailís agus meastóireacht a dhéanamh orthu. Ní bhreithneofar sna measúnuithe riosca cibearshlándála réigiúnacha an damáiste dlíthiúil, an damáiste airgeadais ná an damáiste do chlú a dhéanann cibirionsaithe.

2.   Laistigh de 30 mí tar éis fógra a thabhairt faoi na heintitis ardtionchair agus tionchair chriticiúil de bhun Airteagal 24(6), agus gach 3 bliana ina dhiaidh sin, déanfaidh ENTSO don Leictreachas, i gcomhar leis an eintiteas AE do OCDanna agus i gcomhairle leis an nGrúpa Comhair maidir le Slándáil Gréasáin agus Faisnéise, tuarascáil measúnaithe riosca cibearshlándála réigiúnach a tharraingt suas le haghaidh gach réigiúin oibríochta córais.

3.   Cuirfear san áireamh sa tuarascáil measúnaithe riosca cibearshlándála réigiúnach an fhaisnéis ábhartha atá sna tuarascálacha measúnaithe riosca cibearshlándála uile-Aontais agus sna tuarascálacha measúnaithe riosca cibearshlándála Ballstáit.

4.   Leis an measúnú riosca cibearshlándála réigiúnach, breithneofar na cásanna géarchéime leictreachais réigiúnacha a bhaineann leis an gcibearshlándáil a shainítear de bhun Airteagal 6 de Rialachán (AE) 2019/941.

1.   Laistigh de 36 mhí tar éis fógra a thabhairt faoi na heintitis ardtionchair agus tionchair chriticiúil de bhun Airteagal 24(6) agus tráth nach déanaí ná an 13 Meitheamh 2031, agus gach 3 bliana i ndiaidh an dáta sin, déanfaidh na OCTanna, le cúnamh ó ENTSO don Leictreachas, i gcomhar leis an eintiteas AE do OCDanna agus i gcomhairle leis na Lárionaid Chomhordúcháin Réigiúnacha agus leis an nGrúpa Comhair maidir le Slándáil Gréasáin agus Faisnéise, plean maolaithe riosca cibearshlándála réigiúnach a fhorbairt le haghaidh gach réigiúin oibríochta córais.

2.   Áireofar sna pleananna maolaithe riosca cibearshlándála réigiúnacha:

3.   Cuirfidh ENTSO don Leictreachas na pleananna maolaithe riosca réigiúnacha faoi bhráid na n-oibreoirí córais tarchurtha ábhartha, na n-údarás inniúil agus an Ghrúpa Comhordaithe Leictreachais. Féadfaidh an Grúpa Comhordaithe Leictreachais leasuithe a mholadh.

4.   Déanfaidh na OCTanna, le cúnamh ó ENTSO don Leictreachas, i gcomhar leis an eintiteas AE do OCDanna agus i gcomhairle leis an nGrúpa Comhair maidir le Slándáil Gréasáin agus Faisnéise, pleananna maolaithe riosca réigiúnacha a thabhairt cothrom le dáta gach 3 bliana, ach amháin má fhágann na himthosca gur gá iad a thabhairt cothrom le dáta níos minice ná sin.

1.   Laistigh de 40 mí tar éis fógra a thabhairt faoi na heintitis ardtionchair agus tionchair chriticiúil de bhun Airteagal 24(6) agus gach 3 bliana ina dhiaidh sin, déanfaidh OCTanna, le cúnamh ó ENTSO don Leictreachas, i gcomhar leis an eintiteas AE do OCDanna agus i gcomhairle leis an nGrúpa Comhair maidir le Slándáil Gréasáin agus Faisnéise, tuarascáil ar thoradh an mheasúnaithe ar rioscaí cibearshlándála i ndáil le sreafaí leictreachais trasteorann (‘an tuarascáil measúnaithe riosca cibearshlándála chuimsitheach i ndáil leis an leictreachas trasteorann’) a sholáthar don Ghrúpa Comhordaithe Leictreachais.

2.   Beidh an tuarascáil measúnaithe riosca cibearshlándála chuimsitheach i ndáil leis an leictreachas trasteorann bunaithe ar an tuarascáil measúnaithe riosca cibearshlándála uile-Aontais, ar thuarascálacha measúnaithe riosca cibearshlándála an Bhallstáit agus ar na tuarascálacha measúnaithe riosca cibearshlándála réigiúnacha agus áireofar an fhaisnéis seo a leanas inti:

3.   Féadfaidh na heintitis a liostaítear in Airteagal 2(1) rannchuidiú le forbairt na tuarascála measúnaithe riosca cibearshlándála cuimsithí i ndáil leis an leictreachas trasteorann, ach rúndacht na faisnéise a urramú i gcomhréir le hAirteagal 47. Rachaidh OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, i gcomhairle leis na heintitis sin ag céim luath.

4.   Beidh an tuarascáil measúnaithe riosca cibearshlándála chuimsitheach i ndáil leis an leictreachas trasteorann faoi réir na rialacha maidir le malartú faisnéise a chosaint de bhun Airteagal 46. Gan dochar d’Airteagal 10(4) ná Airteagal 47(4), cuirfidh ENTSO don Leictreachas agus an t-eintiteas AE do OCDanna leagan poiblí den tuarascáil sin ar fáil nach mbeidh faisnéis ann a d’fhéadfadh damáiste a dhéanamh do na heintitis a liostaítear in Airteagal 2(1). Ní chuirfear an leagan poiblí den tuarascáil sin ar fáil ach le comhaontú an Ghrúpa Comhair maidir le Slándáil Gréasáin agus Faisnéise agus Ghrúpa Comhordaithe Leictreachais. Beidh ENTSO don Leictreachas, i gcomhar leis an eintiteas AE do OCDanna, freagrach as an leagan poiblí den tuarascáil a thiomsú agus a chur ar fáil.

1.   Sainaithneoidh gach údarás inniúil, trí úsáid a bhaint as ECII agus na tairseacha ardtionchair agus tionchair chriticiúil a áirítear sa tuarascáil measúnaithe riosca cibearshlándála uile-Aontais de bhun Airteagal 19(3), pointe (b), na heintitis ardtionchair agus tionchair chriticiúil ina Bhallstát a bhfuil páirt acu sna próisis ardtionchair agus tionchair chriticiúil uile-Aontais. Is féidir leis na húdaráis inniúla faisnéis a iarraidh ar eintiteas ina mBallstát chun luachanna ECII an eintitis sin a chinneadh. Má tá ECII eintitis arna chinneadh os cionn na tairsí ardtionchair nó tionchair chriticiúil, liostófar an t-eintiteas sainaitheanta i dtuarascáil measúnaithe riosca cibearshlándála an Bhallstáit dá dtagraítear in Airteagal 20(2).

2.   Sainaithneoidh gach údarás inniúil, trí úsáid a bhaint as ECII agus na tairseacha ardtionchair agus tionchair chriticiúil a áirítear sa tuarascáil measúnaithe riosca cibearshlándála uile-Aontais de bhun Airteagal 19(3), pointe (b), na heintitis ardtionchair agus tionchair chriticiúil nach bhfuil bunaithe san Aontas a mhéid atá siad gníomhach laistigh den Aontas. Féadfaidh an t-údarás inniúil faisnéis a iarraidh ar eintiteas nach bhfuil bunaithe san Aontas chun luachanna ECII an eintitis a chinneadh.

3.   Féadfaidh gach údarás inniúil eintitis bhreise ina Bhallstát a shainaithint mar eintitis ardtionchair nó tionchair chriticiúil má chomhlíontar na critéir seo a leanas:

4.   Má shainaithníonn údarás inniúil eintitis bhreise i gcomhréir le mír 3, breithneofar gur próisis ardtionchair iad na próisis uile sna heintitis sin ar ina leith atá ECII comhiomlánaithe an ghrúpa os cionn na tairsí ardtionchair, agus breithneofar gur próisis tionchair chriticiúil iad na próisis uile sna heintitis sin ar ina leith atá ECII comhiomlánaithe an ghrúpa os cionn na dtairseacha tionchair chriticiúil.

5.   Má shainaithníonn údarás inniúil eintitis dá dtagraítear i mír 3, pointe (a), i níos mó ná Ballstát amháin, cuirfidh sé na húdaráis inniúla eile, ENTSO don Leictreachas agus an t-eintiteas AE do OCDanna ar an eolas. Déanfaidh ENTSO don Leictreachas, i gcomhar leis an eintiteas AE do OCDanna, bunaithe ar an bhfaisnéis a gheofar ó na húdaráis inniúla uile, anailís ar an gcomhbhailiú eintiteas i níos mó ná Ballstát amháin is féidir suaitheadh dáilte a dhéanamh ar shreafaí leictreachais trasteorann, agus ar féidir cibirionsaí a bheith mar thoradh air, a sholáthar do na húdaráis inniúla. I gcás ina sainaithneofar grúpa eintiteas i roinnt Ballstát mar chomhbhailiú a bhfuil ECII acu os cionn na tairsí ardtionchair nó tionchair chriticiúil, déanfaidh na húdaráis inniúla uile lena mbaineann na heintitis i ngrúpa den sórt sin a shainaithint mar eintitis ardtionchair nó tionchair chriticiúil i gcás a Bhallstáit féin, bunaithe ar ECII comhiomlánaithe an ghrúpa eintiteas, agus liostófar na heintitis shainaitheanta sa tuarascáil measúnaithe riosca cibearshlándála uile-Aontais.

6.   Tabharfaidh gach údarás inniúil, laistigh de 9 mí tar éis do ENTSO don Leictreachas agus don eintiteas AE do OCDanna fógra a thabhairt dó faoin tuarascáil measúnaithe riosca cibearshlándála uile-Aontais de bhun Airteagal 19(5) agus in aon chás tráth nach déanaí ná an 13 Meitheamh 2028, fógra do na heintitis ar an liosta go sainaithnítear ina mBallstát iad mar eintitis ardtionchair nó tionchair chriticiúil.

7.   I gcás ina dtuairisceofar d’údarás inniúil go bhfuil soláthraí seirbhíse ina sholáthraí seirbhíse TFC criticiúil de bhun Airteagal 27 pointe (c), tabharfaidh an t-údarás inniúil sin fógra faoi d’údaráis inniúla an Bhallstáit a bhfuil a phríomhbhunaíocht nó a ionadaí lonnaithe ina chríoch. Tabharfaidh an t-údarás inniúil deireanach sin fógra don soláthraí seirbhíse go sainaithnítear mar sholáthraí seirbhíse criticiúil é.

1.   Féadfaidh na húdaráis inniúla scéim fíorúcháin náisiúnta a bhunú chun a fhíorú gur chuir eintitis tionchair chriticiúil a shainaithnítear de bhun Airteagal 24(1) an creat reachtach náisiúnta i bhfeidhm a áirítear sa mhaitrís mhapála dá dtagraítear in Airteagal 34. Féadfaidh an scéim fíorúcháin náisiúnta a bheith bunaithe ar chigireacht arna déanamh ag an údarás inniúil, ar iniúchtaí slándála neamhspleácha, nó ar athbhreithnithe piaraí frithpháirteacha arna ndéanamh ag eintitis tionchair chriticiúil sa Bhallstát céanna faoi mhaoirseacht an údaráis inniúil.

2.   Má dhéanann údarás inniúil an cinneadh scéim fíorúcháin náisiúnta a bhunú, áiritheoidh an t-údarás inniúil sin go ndéanfar an fíorú i gcomhréir leis na ceanglais seo a leanas:

3.   Má dhéanann údarás inniúil an cinneadh scéim fíorúcháin náisiúnta a bhunú, tuairisceoidh sé do ACER ar bhonn bliantúil maidir lena mhinice a rinne sé cigireachtaí faoin scéim sin.

1.   Gach eintiteas ardtionchair agus tionchair chriticiúil arna sainaithint amhlaidh ag na húdaráis inniúla de bhun Airteagal 24(1), déanfaidh sé bainistiú riosca cibearshlándála ar na sócmhainní uile atá aige laistigh dá imlínte ardtionchair agus tionchair chriticiúil. Gach 3 bliana déanfaidh gach eintiteas ardtionchair agus tionchair chriticiúil bainistiú riosca cibearshlándála ina mbeidh na céimeanna i mír 2.

2.   Gach eintiteas ardtionchair agus tionchair chriticiúil, bunóidh sé a bhainistiú riosca cibearshlándála ar chur chuige a fhéachann lena chórais gréasán agus faisnéise a chosaint agus beidh na céimeanna seo a leanas ann:

3.   Le linn na céime bunaithe comhthéacs, déanfaidh gach eintiteas ardtionchair agus tionchair chriticiúil an méid seo a leanas:

4.   Le linn chéim an mheasúnaithe riosca cibearshlándála, déanfaidh gach eintiteas ardtionchair agus tionchair chriticiúil:

5.   Le linn chéim na láimhseála riosca cibearshlándála, bunóidh gach eintiteas ardtionchair agus tionchair chriticiúil plean maolaithe riosca trí roghanna láimhseála riosca iomchuí a roghnú chun na rioscaí a bhainistiú agus na rioscaí iarmharacha a shainaithint.

6.   Le linn chéim an ghlacaidh le riosca cibearshlándála, déanfaidh gach eintiteas ardtionchair agus tionchair chriticiúil cinneadh cé acu a ghlacfaidh nó nach nglacfaidh sé leis an riosca iarmharach bunaithe ar na critéir maidir le glacadh riosca a bhunaítear i mír 3 pointe (b).

7.   Déanfaidh gach eintiteas ardtionchair agus tionchair chriticiúil na sócmhainní a shainaithnítear i mír 1 a chlárú i bhfardal sócmhainní. Ní bheidh an fardal sócmhainní sin ina chuid den tuarascáil measúnaithe riosca.

8.   Féadfaidh an t-údarás inniúil cigireacht a dhéanamh ar na sócmhainní san fhardal le linn cigireachtaí.

1.   Beidh na rialuithe agus an córas bainistithe cibearshlándála seo a leanas sa chreat comhchoiteann cibearshlándála leictreachais:

2.   Cuirfidh na heintitis ardtionchair uile na híosrialuithe cibearshlándála i bhfeidhm de bhun mhír 1, pointe (a), laistigh dá n-imlíne ardtionchair.

3.   Cuirfidh na heintitis tionchair chriticiúil uile na hardrialuithe cibearshlándála i bhfeidhm de bhun mhír 1, pointe (b), laistigh dá n-imlíne tionchair chriticiúil.

4.   Laistigh de 7 mí tar éis an chéad dréacht-tuarascáil measúnaithe riosca cibearshlándála uile-Aontais a chur isteach de bhun Airteagal 19(4), déanfar an creat comhchoiteann cibearshlándála leictreachais dá dtagraítear i mír 1 a fhorlíonadh leis na híosrialuithe agus na hardrialuithe cibearshlándála sa slabhra soláthair a fhorbraítear de bhun Airteagal 33.

1.   Laistigh de 7 mí tar éis an chéad dréacht den tuarascáil measúnaithe riosca cibearshlándála uile-Aontais a chur isteach de bhun Airteagal 19(4), forbróidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, togra le haghaidh íosrialuithe agus ardrialuithe cibearshlándála.

2.   Laistigh de 6 mhí tar éis gach tuarascáil measúnaithe riosca cibearshlándála réigiúnach a tharraingt suas de bhun Airteagal 21(2), déanfaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, leasú ar na híosrialuithe agus na hardrialuithe cibearshlándála a mholadh don údarás inniúil. Déanfar an togra sin i gcomhréir le hAirteagal 8(10) agus cuirfear na rioscaí a shainaithnítear sa mheasúnú riosca réigiúnach san áireamh ann.

3.   Beifear in ann na híosrialuithe agus na hardrialuithe cibearshlándála a fhíorú trí pháirt a ghlacadh i scéim fíorúcháin náisiúnta i gcomhréir leis an nós imeachta a leagtar amach in Airteagal 31 nó trí bhíthin iniúchtaí slándála tríú páirtí neamhspleácha a dhéanfar de réir na gceanglas a liostaítear in Airteagal 25(2).

4.   Na híosrialuithe agus na hardrialuithe cibearshlándála tosaigh a fhorbraítear de bhun mhír (1), beidh siad bunaithe ar na rioscaí a shainaithnítear sa tuarascáil measúnaithe riosca cibearshlándála uile-Aontais dá dtagraítear in Airteagal 19(5). Na híosrialuithe agus na hardrialuithe cibearshlándála leasaithe a fhorbraítear de bhun mhír (2), beidh siad bunaithe ar an tuarascáil measúnaithe riosca cibearshlándála réigiúnach dá dtagraítear in Airteagal 21(2).

5.   Áireofar sna híosrialuithe cibearshlándála rialuithe chun an fhaisnéis a mhalartaítear de bhun Airteagal 46 a chosaint.

6.   Laistigh de 12 mhí tar éis na híosrialuithe agus na hardrialuithe cibearshlándála a fhormheas de bhun Airteagal 8(5), nó tar éis gach nuashonraithe de bhun Airteagal 8(10), déanfaidh na heintitis a liostaítear in Airteagal 2(1) agus a shainaithnítear mar eintitis tionchair chriticiúil agus eintitis ardtionchair de bhun Airteagal 24, le linn don phlean maolaithe riosca ar leibhéal an eintitis a bheith á bhunú de bhun Airteagal 26(5), na híosrialuithe cibearshlándála a chur i bhfeidhm laistigh den imlíne ardtionchair agus na hardrialuithe cibearshlándála a chur i bhfeidhm laistigh den imlíne tionchair chriticiúil.

1.   Féadfaidh na heintitis a liostaítear in Airteagal 2(1) a iarraidh ar an údarás inniúil ar leith maolú a dheonú dóibh ar a n-oibleagáid i leith chur i bhfeidhm na n-íosrialuithe agus na n-ardrialuithe cibearshlándála dá dtagraítear in Airteagal 29(6). Féadfaidh an t-údarás inniúil maolú den sórt sin a dheonú ar cheann amháin de na forais seo a leanas:

2.   Laistigh de 3 mhí ón iarraidh dá dtagraítear i mír 1 a fháil, déanfaidh gach údarás inniúil cinneadh cé acu atá nó nach bhfuil maolú ar na híosrialuithe agus na hardrialuithe cibearshlándála le deonú. Is le haghaidh uastréimhse 3 bliana a dheonófar maoluithe ar na híosrialuithe nó na hardrialuithe cibearshlándála, agus an fhéidearthacht ann go n-athnuafaí iad.

3.   Faisnéis chomhiomlánaithe anaithnidithe maidir leis na maoluithe arna ndeonú, áireofar í mar iarscríbhinn a ghabhann leis an tuarascáil measúnaithe riosca cibearshlándála chuimsitheach i ndáil leis an leictreachas trasteorann dá dtagraítear in Airteagal 23. Tabharfaidh ENTSO don Leictreachas agus an t-eintiteas AE do OCDanna an liosta cothrom le dáta, i gcás inar gá, go comhpháirteach.

1.   Tráth nach déanaí ná 24 mhí tar éis na rialuithe dá dtagraítear i bpointí (a), (b) agus (c) d’Airteagal 28(1) a ghlacadh agus tar éis an córas bainistithe cibearshlándála dá dtagraítear i bpointe (d) den Airteagal sin a bhunú, beidh gach eintiteas tionchair chriticiúil a shainaithnítear i gcomhréir le hAirteagal 24(1) in ann a léiriú, arna iarraidh sin don údarás inniúil, go gcomhlíonann sé an córas bainistithe cibearshlándála agus na híosrialuithe nó na hardrialuithe cibearshlándála.

2.   Comhlíonfaidh gach eintiteas tionchair chriticiúil an oibleagáid dá dtagraítear i mír 1 trí bhíthin iniúchtaí slándála tríú páirtí neamhspleácha a dhéanfar i gcomhréir leis na ceanglais a liostaítear in Airteagal 25(2) nó trí pháirt a ghlacadh i scéim fíorúcháin náisiúnta i gcomhréir le hAirteagal 25(1).

3.   Leis an bhfíorúchán go gcomhlíonann eintitis tionchair chriticiúil an córas bainistithe cibearshlándála agus na híosrialuithe nó na hardrialuithe cibearshlándála, cumhdófar na sócmhainní uile atá laistigh d’imlíne tionchair chriticiúil an eintitis tionchair chriticiúil.

4.   An fíorúchán go gcomhlíonann eintitis tionchair chriticiúil an córas bainistithe cibearshlándála agus na híosrialuithe nó na hardrialuithe cibearshlándála, déanfar arís go tráthrialta é tráth nach déanaí ná 36 mhí tar éis dheireadh an chéad fhíorúcháin, agus gach 3 bliana ina dhiaidh sin.

5.   Léireoidh gach eintiteas tionchair chriticiúil a shainaithnítear i gcomhréir le hAirteagal 24 go gcomhlíonann sé na rialuithe dá dtagraítear i bpointí (a), (b) agus (c) d’Airteagal 28(1) agus bunú an chórais bainistithe cibearshlándála dá dtagraítear i bpointe (d) den Airteagal sin trí thorthaí an fhíorúcháin comhlíontachta a thuairisciú don údarás inniúil.

1.   Laistigh de 24 mhí tar éis don údarás inniúil fógra a thabhairt don eintiteas ardtionchair nó tionchair chriticiúil go sainaithnítear amhlaidh iad i gcomhréir le hAirteagal 24(6), déanfaidh gach eintiteas ardtionchair agus tionchair chriticiúil córas bainistithe cibearshlándála a bhunú, agus a athbhreithniú gach 3 bliana ina dhiaidh sin, chun:

2.   Áireofar i raon feidhme an chórais bainistithe cibearshlándála na sócmhainní uile atá laistigh d’imlíne ardtionchair agus tionchair chriticiúil an eintitis ardtionchair agus tionchair chriticiúil.

3.   Spreagfaidh na Ballstáit, gan a fhorchur go n-úsáidfí cineál teicneolaíochta ar leith ná idirdhealú a dhéanamh ina fabhar, úsáid caighdeán agus sonraíochtaí Eorpacha nó idirnáisiúnta a bhaineann le córais bainistithe agus atá ábhartha do shlándáil córas gréasán agus faisnéise.

1.   Laistigh de 7 mí tar éis an chéad dréacht den tuarascáil measúnaithe riosca cibearshlándála uile-Aontais a chur isteach de bhun Airteagal 19(4), forbróidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, togra le haghaidh íosrialuithe agus ardrialuithe cibearshlándála sa slabhra soláthair a dhéanfaidh maolú ar na rioscaí slabhra soláthair arna sainaithint sna measúnuithe riosca cibearshlándála uile-Aontais, lena bhforlíontar na híosrialuithe agus na hardrialuithe cibearshlándála a fhorbraítear de bhun Airteagal 29. Na híosrialuithe agus na hardrialuithe cibearshlándála sa slabhra soláthair, forbrófar iad in éineacht leis na híosrialuithe agus na hardrialuithe cibearshlándála de bhun Airteagal 29. Leis na híosrialuithe agus na hardrialuithe cibearshlándála sa slabhra soláthair, cumhdófar saolré iomlán gach táirge TFC, seirbhíse TFC agus próisis TFC laistigh d’imlínte ardtionchair nó tionchair chriticiúil eintitis ardtionchair nó tionchair chriticiúil. Rachfar i gcomhairle leis an nGrúpa Comhair maidir le Slándáil Gréasáin agus Faisnéise nuair a bheidh an togra le haghaidh íosrialuithe agus ardrialuithe cibearshlándála sa slabhra soláthair á fhorbairt.

2.   Is é a bheidh sna híosrialuithe cibearshlándála sa slabhra soláthair rialuithe d’eintitis ardtionchair agus tionchair chriticiúil arb amhlaidh na nithe seo a leanas ina leith:

3.   I gcás na sonraíochtaí cibearshlándála atá sa mholadh maidir le soláthar cibearshlándála dá dtagraítear i mír 2, pointe (a), úsáidfidh eintitis ardtionchair nó tionchair chriticiúil prionsabail an tsoláthair de bhun Threoir 2014/24/AE ó Pharlaimint na hEorpa agus ón gComhairle (19), i gcomhréir le hAirteagal 35(4), nó saineoidh siad a sonraíochtaí féin bunaithe ar thorthaí an mheasúnaithe riosca cibearshlándála ar leibhéal an eintitis.

4.   Sna hardrialuithe cibearshlándála sa slabhra soláthair, áireofar rialuithe d’eintitis tionchair chriticiúil lena bhfíoróidh siad, le linn an tsoláthair, go mbeidh na sonraíochtaí cibearshlándála á gcomhlíonadh ag táirgí TFC, seirbhísí TFC agus próisis TFC a úsáidfear mar shócmhainní tionchair chriticiúil. Déanfar an táirge TFC, an tseirbhís TFC nó an próiseas TFC a fhíorú trí scéim Eorpach um dheimhniú cibearshlándála dá dtagraítear in Airteagal 31 nó trí ghníomhaíochtaí fíorúcháin arna roghnú agus arna n-eagrú ag an eintiteas. Beidh doimhneacht agus cumhdach na ngníomhaíochtaí fíorúcháin leordhóthanach chun a dhearbhú gur féidir úsáid a bhaint as táirge TFC, seirbhís TFC nó próiseas TFC chun maolú a dhéanamh ar na rioscaí a shainaithnítear sa mheasúnú riosca ar leibhéal an eintitis. Déanfaidh an t-eintiteas tionchair chriticiúil doiciméadú ar na céimeanna a dhéanfar chun na rioscaí sainaitheanta a laghdú.

5.   Na híosrialuithe agus na hardrialuithe cibearshlándála sa slabhra soláthair, beidh feidhm acu maidir le soláthar táirgí TFC, seirbhísí TFC agus próiseas TFC ábhartha. Na híosrialuithe agus na hardrialuithe cibearshlándála sa slabhra soláthair, beidh feidhm acu maidir le próisis soláthair sna heintitis a shainaithnítear mar eintitis tionchair chriticiúil agus ardtionchair de bhun Airteagal 24, dar tús 6 mhí tar éis na híosrialuithe agus na hardrialuithe cibearshlándála dá dtagraítear in Airteagal 29 a ghlacadh nó a thabhairt cothrom le dáta.

6.   Laistigh de 6 mhí tar éis gach tuarascáil measúnaithe riosca cibearshlándála réigiúnach a tharraingt suas de bhun Airteagal 21(2), déanfaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, leasú ar na híosrialuithe agus na hardrialuithe cibearshlándála sa slabhra soláthair a mholadh don údarás inniúil. Déanfar an togra sin i gcomhréir le hAirteagal 8(10) agus cuirfear na rioscaí a shainaithnítear sa mheasúnú riosca réigiúnach san áireamh ann.

1.   Laistigh de 7 mí tar éis an chéad dréacht den tuarascáil measúnaithe riosca cibearshlándála uile-Aontais a chur isteach de bhun Airteagal 19(4), forbróidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna agus i gcomhairle le ENISA, togra le haghaidh maitrís chun na rialuithe a leagtar amach in Airteagal 28(1), pointí (a) agus (b), a mhapáil in aghaidh caighdeáin roghnaithe Eorpacha agus idirnáisiúnta chomh maith leis na sonraíochtaí teicniúla ábhartha (‘an mhaitrís mhapála’). Déanfaidh ENTSO don Leictreachas agus an t-eintiteas AE do OCDanna doiciméadú ar choibhéis na rialuithe éagsúla leis na rialuithe a leagtar amach in Airteagal 28(1), pointí (a) agus (b).

2.   Féadfaidh na húdaráis inniúla mapáil ar na rialuithe a leagtar amach in Airteagal 28(1), pointí (a) agus (b), a sholáthar do ENTSO don Leictreachas agus don eintiteas AE do OCDanna faoi chuimsiú na gcreataí náisiúnta reachtacha nó rialála gaolmhara, lena n-áirítear caighdeáin náisiúnta ábhartha na mBallstát de bhun Airteagal 25 de Threoir (AE) 2022/2555. Má sholáthraíonn údarás inniúil Ballstáit an mhapáil sin, comhtháthóidh ENTSO don Leictreachas agus eintiteas AE do OCDanna an mhapáil náisiúnta sin isteach sa mhaitrís mhapála.

3.   Laistigh de 6 mhí tar éis gach tuarascáil measúnaithe riosca cibearshlándála réigiúnach a tharraingt suas de bhun Airteagal 21(2), déanfaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna agus i gcomhairle le ENISA, leasú ar an maitrís mhapála a mholadh don údarás inniúil. Déanfar an togra sin i gcomhréir le hAirteagal 8(10) agus cuirfear na rioscaí a shainaithnítear sa mheasúnú riosca réigiúnach san áireamh ann.

1.   Déanfaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, i gclár oibre atá le bunú agus le tabhairt cothrom le dáta gach uair a ghlactar tuarascáil measúnaithe riosca cibearshlándála réigiúnach, tacair moltaí neamhcheangailteacha maidir le soláthar cibearshlándála a fhorbairt a bhféadfaidh eintitis ardtionchair agus tionchair chriticiúil úsáid a bhaint astu mar bhonn chun táirgí TFC, seirbhísí TFC agus próisis TFC atá laistigh de na himlínte ardtionchair agus tionchair chriticiúil a sholáthar. Áireofar an méid seo a leanas sa chlár oibre:

2.   Déanfaidh ENTSO don Leictreachas, i gcomhar leis an eintiteas AE do OCDanna, achoimre ar an gclár oibre sin a sholáthar do ACER laistigh de 6 mhí tar éis an tuarascáil measúnaithe riosca cibearshlándála réigiúnach a ghlacadh nó a thabhairt cothrom le dáta.

3.   Féachfaidh na OCTanna lena áirithiú, le cúnamh ó ENTSO don Leictreachas, agus i gcomhar leis an eintiteas AE do OCDanna, go mbeidh na moltaí neamhcheangailteacha maidir le soláthar cibearshlándála a fhorbraítear bunaithe ar an measúnú riosca cibearshlándála réigiúnach ábhartha comhchosúil nó inchomparáide le chéile ó réigiún oibríochta córais go chéile. Leis na tacair moltaí maidir le soláthar cibearshlándála, cumhdófar na sonraíochtaí dá dtagraítear in Airteagal 33(2), pointe (a), ar a laghad. I gcás inar féidir, roghnófar na sonraíochtaí as caighdeáin Eorpacha agus idirnáisiúnta.

4.   Áiritheoidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, gurb amhlaidh na nithe seo a leanas i leith na dtacar moltaí maidir le soláthar cibearshlándála:

1.   Féadfar a áireamh sna moltaí neamhcheangailteacha maidir le soláthar cibearshlándála a fhorbraítear de bhun Airteagal 35 treoraíocht earnáilsonrach maidir le húsáid scéimeanna Eorpacha um dheimhniú cibearshlándála, aon uair a bhíonn scéim oiriúnach ar fáil le haghaidh cineál táirge TFC, seirbhíse TFC nó próisis TFC a úsáideann eintitis tionchair chriticiúil, gan dochar don chreat maidir le bunú scéimeanna Eorpacha um dheimhniú cibearshlándáil de bhun Airteagal 46 de Rialachán (AE) 2019/881.

2.   Rachaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, i ndlúthchomhar le ENISA chun an treoraíocht earnáilsonrach a áirítear i moltaí neamhcheangailteacha maidir le soláthar cibearshlándála a sholáthar de bhun mhír 1.

1.   Má fhaigheann údarás inniúil faisnéis a bhaineann le cibirionsaithe intuairiscithe, beidh na nithe seo a leanas amhlaidh maidir leis an údarás inniúil:

2.   Má thagann CSIRT ar an eolas faoi leochaileacht neamhphaisteáilte arna dúshaothrú go gníomhach, déanfaidh sé na nithe seo a leanas:

3.   Má thagann údarás inniúil ar an eolas faoi leochaileacht neamhphaisteáilte arna dúshaothrú go gníomhach, déanfaidh an t-údarás inniúil sin na nithe seo a leanas:

4.   Má thagann an t-údarás inniúil ar an eolas faoi leochaileacht neamhphaisteáilte, gan aon fhianaise a bheith ann go bhfuiltear á dúshaothrú go gníomhach go fóill, comhordóidh sé gan moill mhíchuí leis an CSIRT chun críocha nochtadh comhordaithe na leochaileachta mar a leagtar síos in Airteagal 12(1) de Threoir (AE) 2022/2555.

5.   Má fhaigheann CSIRT faisnéis a bhaineann le cibirionsaithe ó cheann amháin nó níos mó d’eintitis ardtionchair nó tionchair chriticiúil de bhun Airteagal 38(6), déanfaidh sé an fhaisnéis sin nó aon fhaisnéis eile atá tábhachtach chun an riosca gaolmhar a chosc agus a bhrath nó chun freagairt dó nó maolú air a scaipeadh ar eintitis ardtionchair agus tionchair chriticiúil ina Bhallstát agus, i gcás inarb iomchuí, chuig gach CSIRT lena mbaineann agus chuig a phointe teagmhála aonair náisiúnta gan moill mhíchuí agus tráth nach déanaí ná 4 uair an chloig ón bhfaisnéis a fháil.

6.   Má thagann údarás inniúil ar an eolas faoi fhaisnéis a bhaineann le cibearbhagairtí ó cheann amháin nó níos mó d’eintitis ardtionchair nó tionchair chriticiúil, cuirfidh sé an fhaisnéis sin ar aghaidh chuig CSIRT chun críocha mhír 5.

7.   Féadfaidh na húdaráis inniúla na freagrachtaí faoi mhíreanna 3 agus 4 maidir le heintiteas ardtionchair nó tionchair chriticiúil amháin nó níos mó a oibríonn i níos mó ná Ballstát amháin a tharmligean go hiomlán nó go páirteach chuig údarás inniúil eile i gceann de na Ballstáit sin, tar éis comhaontú i measc na n-údarás inniúil lena mbaineann.

8.   Déanfaidh na OCTanna, le cúnamh ó ENTSO don Leictreachas, agus i gcomhar leis an eintiteas AE do OCDanna, modheolaíocht i leith scála aicmithe cibirionsaithe a fhorbairt faoin 13 Meitheamh 2025. Féadfaidh na OCTanna, le cúnamh ó ENTSO don Leictreachas agus ón eintiteas AE do OCDanna, a iarraidh ar na húdaráis inniúla dul i gcomhairle le ENISA agus cúnamh a iarraidh ar a n-údaráis inniúla atá freagrach as cibearshlándáil chun an scála aicmithe sin a fhorbairt. Leis an modheolaíocht sin, aicmeofar a thromchúisí atá cibirionsaí de réir cúig leibhéal, arb iad ‘ard’ agus ‘criticiúil’ an dá leibhéal is airde. Beidh an t-aicmiú bunaithe ar an measúnú ar na paraiméadair seo a leanas:

9.   Faoin 13 Meitheamh 2026, déanfaidh ENTSO don Leictreachas, i gcomhar leis an eintiteas AE do OCDanna, staidéar féidearthachta chun measúnú a dhéanamh ar an bhféidearthacht go bhforbrófaí uirlis choiteann lena gcuirfear ar a gcumas do na heintitis uile faisnéis a roinnt le húdaráis náisiúnta ábhartha agus ar na costais airgeadais is gá chun í a fhorbairt.

10.   Leis an staidéar féidearthachta, tabharfar aghaidh ar an bhféidearthacht go mbeifí in ann na nithe seo a leanas leis an uirlis choiteann sin:

11.   Déanfaidh ENTSO don Leictreachas, i gcomhar leis an eintiteas AE do OCDanna, na nithe seo a leanas:

12.   Féadfaidh ENTSO don Leictreachas, i gcomhar leis an eintiteas AE do OCDanna, anailís agus éascaíocht a dhéanamh ar thionscnaimh atá beartaithe ag eintitis tionchair chriticiúil agus ardtionchair chun meastóireacht agus tástáil a dhéanamh ar na huirlisí sin le haghaidh comhroinnt faisnéise.

1.   Is amhlaidh a dhéanfaidh gach eintiteas ardtionchair agus tionchair chriticiúil na nithe seo a leanas:

2.   Féadfaidh ENISA treoraíocht neamhcheangailteach a eisiúint maidir leis na cumais sin a bhunú nó an tseirbhís a ligean ar fochonradh le MSSPanna, mar chuid den chúram a shainítear in Airteagal 6(2) de Rialachán (AE) 2019/881.

3.   Déanfaidh gach eintiteas tionchair chriticiúil agus ardtionchair faisnéis ábhartha a bhaineann le cibirionsaí intuairiscithe a roinnt lena CSIRTanna agus lena údarás inniúil gan moill mhíchuí agus tráth nach déanaí ná 4 uair an chloig ón tráth a thagann sé ar an eolas faoi theagmhas a bheith intuairiscithe.

4.   Faisnéis a bhaineann le cibirionsaí, breithneofar í a bheith intuairiscithe i gcás ina ndéanfaidh an t-eintiteas dá ndéantar difear measúnú ar an gcibirionsaí a mbeidh aicmiú criticiúlachta idir ‘ard’ agus ‘criticiúil’ mar thoradh air de réir na modheolaíochta i leith scála aicmithe cibirionsaithe de bhun Airteagal 37(8). An pointe teagmhála aonair ar leibhéal an eintiteas a ainmnítear de bhun mhír 1, pointe (c), cuirfidh sé aicmiú an teagmhais in iúl.

5.   I gcás ina dtabharfaidh eintitis tionchair chriticiúil agus ardtionchair fógra do CSIRT faoi fhaisnéis ábhartha a bhaineann le leochaileachtaí neamhphaisteáilte arna ndúshaothrú go gníomhach, féadfaidh an CSIRT sin an fhaisnéis sin a chur ar aghaidh chuig a údarás inniúil. I bhfianaise leibhéal íogaireachta na faisnéise a dtugtar fógra fúithi, féadfaidh CSIRT an fhaisnéis a choinneáil siar nó moill a chur ar a cur ar aghaidh bunaithe ar fhoras cibearshlándála a bhfuil údar leis.

6.   Déanfaidh gach eintiteas tionchair chriticiúil agus ardtionchair aon fhaisnéis a bhaineann le cibearbhagairt intuairiscithe a bhféadfadh éifeacht trasteorann a bheith aici a sholáthar gan moill mhíchuí dá CSIRTanna. Faisnéis a bhaineann le cibearbhagairt, breithneofar í a bheith intuairiscithe i gcás ina gcomhlíonfar ceann amháin ar a laghad de na coinníollacha seo a leanas:

7.   Déanfaidh gach eintiteas tionchair chriticiúil agus ardtionchair, i gcás ina mbeidh faisnéis á comhroinnt acu de bhun an Airteagail seo, na nithe seo a leanas a shonrú:

8.   I gcás ina dtabharfaidh eintiteas tionchair chriticiúil nó ardtionchair fógra faoi theagmhas suntasach de bhun Airteagal 23 de Threoir (AE) 2022/2555 agus ina mbeidh faisnéis ábhartha sa tuairisciú teagmhais faoin Airteagal sin mar a cheanglaítear faoi mhír 3 den Airteagal seo, is é a bheidh i dtuairisciú an eintitis faoi Airteagal 23(1) den Treoir sin tuairisciú faisnéise faoi mhír 3 den Airteagal seo.

9.   Tuairisceoidh gach eintiteas tionchair chriticiúil nó ardtionchair dá údarás inniúil nó CSIRT trína shainaithint go soiléir cén fhaisnéis shonrach nach roinnfear ach leis an údarás inniúil agus CSIRT i gcásanna ina bhféadfadh sé gur foinse cibirionsaithe í an roinnt faisnéise féin. Beidh sé de cheart ag gach eintiteas tionchair chriticiúil agus ardtionchair leagan neamhrúnda den fhaisnéis a sholáthar do CSIRT inniúil.

1.   Forbróidh eintitis tionchair chriticiúil agus ardtionchair na cumais is gá chun cibirionsaithe braite a láimhseáil in éineacht leis an tacaíocht is gá ón údarás inniúil ábhartha, ó ENTSO don Leictreachas agus ón eintiteas AE do OCDanna. Féadfaidh eintitis tionchair chriticiúil agus ardtionchair tacaíocht a fháil ó CSIRT arna ainmniú ina Bhallstát féin mar chuid den chúram a shanntar do CSIRTanna le hAirteagal 11(5), pointe (a), de Threoir (AE) 2022/2555. Cuirfidh eintitis tionchair chriticiúil agus ardtionchair próisis éifeachtacha chun feidhme chun cibirionsaithe a dhéanfaidh difear do shreafaí leictreachais trasteorann, nó a d’fhéadfadh an difear sin a dhéanamh, a shainaithint agus a aicmiú agus chun freagairt dóibh sa chaoi go n-íoslaghdófar a dtionchar.

2.   Má bhíonn éifeacht ag cibirionsaí ar shreafaí leictreachais trasteorann, rachaidh na pointí teagmhála aonair ar leibhéal an eintitis, i gcás eintitis tionchair chriticiúil agus ardtionchair dá ndéantar difear, i gcomhar le chéile chun faisnéis a chomhroinnt eatarthu, rud a chomhordóidh údarás inniúil an Bhallstáit inar tuairiscíodh an cibirionsaí den chéad uair.

3.   Déanfaidh eintitis tionchair chriticiúil agus ardtionchair na nithe seo a leanas:

4.   Féadfaidh na Ballstáit na cúraimí dá dtagraítear i mír 1 a tharmligean freisin chuig na Lárionaid Chomhordúcháin Réigiúnacha i gcomhréir le hAirteagal 37(2) de Rialachán (AE) 2019/943.

1.   I gcás ina suífidh an t-údarás inniúil go mbaineann géarchéim leictreachais le cibirionsaí a bhfuil tionchar aige ar níos mó ná Ballstát amháin, déanfaidh údaráis inniúla na mBallstát dá ndearnadh difear, na CS-NCAnna, an RP-NCA agus na húdaráis bainistithe cibirghéarchéimeanna NIS ó na Ballstáit dá ndéantar difear grúpa ad hoc um chomhordú géarchéime trasteorann a chruthú go comhpháirteach.

2.   Déanfaidh an grúpa ad hoc um chomhordú géarchéime trasteorann na nithe seo a leanas:

3.   I gcás ina gcáileoidh an cibirionsaí mar theagmhas mórscála cibearshlándála, nó ina mbeidh coinne leis go gcáileoidh sé amhlaidh, cuirfidh an grúpa ad hoc um chomhordú géarchéime trasteorann na húdaráis bainistithe cibirghéarchéime náisiúnta i gcomhréir le hAirteagal 9(1) de Threoir (AE) 2022/2555 sna Ballstáit dá ndéanann an teagmhas difear, chomh maith leis an gCoimisiún agus EU-CyCLONe, ar an eolas láithreach. Sa chás sin, tabharfaidh an grúpa ad hoc um chomhordú géarchéime trasteorann tacaíocht do EU-CyCLONe maidir le sainiúlachtaí earnálacha.

4.   Forbróidh eintitis tionchair chriticiúil agus ardtionchair cumais, treoirlínte inmheánacha, pleananna ullmhachta agus foireann, agus beidh na nithe sin ar fáil dóibh, chun páirt a ghlacadh i mbrath na géarchéime trasteorann agus ina maolú. An t-eintiteas tionchair chriticiúil nó ardtionchair a bhfuil tionchar ag géarchéim chomhuaineach leictreachais air, déanfaidh sé imscrúdú ar an rud is bunchúis leis an ngéarchéim sin i gcomhar lena údarás inniúil chun a mhéid a bhaineann an ghéarchéim le cibirionsaí a chinneadh.

5.   Féadfaidh na Ballstáit na cúraimí i mír 4 a tharmligean freisin chuig na Lárionaid Chomhordúcháin Réigiúnacha i gcomhréir le hAirteagal 37(2) de Rialachán (AE) 2019/943.

1.   Laistigh de 24 mhí tar éis fógra a thabhairt do ACER faoin tuarascáil measúnaithe riosca uile-Aontais, déanfaidh ACER, i ndlúthchomhar le ENISA, ENTSO don Leictreachas, an t-eintiteas AE do OCDanna, na CS-NCAnna, na húdaráis inniúla, na RP-NCAnna, na NRAnna agus na údaráis bainistithe cibirghéarchéime náisiúnta NIS, plean maidir le bainistiú géarchéime cibearshlándála agus freagairt ar ghéarchéimeanna a fhorbairt le haghaidh earnáil an leictreachais.

2.   Laistigh de 12 mhí tar éis do ACER an plean maidir le bainistiú géarchéime cibearshlándála agus freagairt ar ghéarchéimeanna a fhorbairt le haghaidh earnáil an leictreachais de bhun mhír 1, forbróidh gach údarás inniúil plean náisiúnta maidir le bainistiú géarchéime cibearshlándála agus freagairt ar ghéarchéimeanna i ndáil le sreafaí leictreachais trasteorann lena gcuirfear san áireamh an plean bainistithe géarchéime cibearshlándála uile-Aontais agus an plean riosca-ullmhachta náisiúnta a bhunaítear i gcomhréir le hAirteagal 10 de Rialachán (AE) 2019/941. Beidh an plean sin comhsheasmhach leis an bplean maidir le freagairt ar theagmhais mhórscála chibearshlándála agus géarchéimeanna de bhun Airteagal 9(4) de Threoir (AE) 2022/2555. Comhordóidh an t-údarás inniúil leis na heintitis tionchair chriticiúil agus ardtionchair agus le RP-NCA ina Bhallstát.

3.   An plean náisiúnta maidir le freagairt ar theagmhais mhórscála chibearshlándála agus géarchéimeanna a cheanglaítear de bhun Airteagal 9(4) de Threoir (AE) 2022/2555, breithneofar gur plean náisiúnta maidir le bainistiú géarchéime cibearshlándála é faoin Airteagal seo má áirítear ann forálacha maidir le bainistiú géarchéime agus freagairt ar ghéarchéimeanna i ndáil leis na sreafaí leictreachais trasteorann.

4.   Féadfaidh na Ballstáit na cúraimí a liostaítear i míreanna 1 agus 2 a tharmligean freisin chuig na Lárionaid Chomhordúcháin Réigiúnacha i gcomhréir le hAirteagal 37(2) de Rialachán (AE) 2019/943.

5.   Áiritheoidh eintitis tionchair chriticiúil agus ardtionchair gurb amhlaidh na nithe seo a leanas maidir lena bpróisis bainistithe géarchéime a bhaineann leis an gcibearshlándáil:

6.   Laistigh de 12 mhí tar éis fógra a thabhairt do na heintitis ardtionchair agus tionchair chriticiúil de bhun Airteagal 24(6), agus gach 3 bliana ina dhiaidh sin, déanfaidh eintitis tionchair chriticiúil agus ardtionchair plean bainistithe géarchéime a fhorbairt ar leibhéal an eintitis i ndáil le géarchéim a bhaineann leis an gcibearshlándáil, rud a áireofar ina bpleananna bainistithe ginearálta géarchéime. Áireofar sa phlean sin na nithe seo a leanas ar a laghad:

7.   Na bearta maidir le bainistiú géarchéime de bhun Airteagal 21(2), pointe (c), de Threoir (AE) 2022/2555, breithneofar gur plean bainistithe géarchéime ar leibhéal an eintitis le haghaidh earnáil an leictreachais é faoin Airteagal seo má áirítear ann na ceanglais uile a liostaítear i mír 6.

8.   Déanfar na pleananna bainistithe géarchéime a thástáil le linn na gcleachtaí cibearshlándála dá dtagraítear in Airteagail 43, 44 agus 45.

9.   Áireoidh eintitis tionchair chriticiúil agus ardtionchair a bpleananna bainistithe géarchéime ar leibhéal an eintitis ina bpleananna leanúnachais gnó le haghaidh na bpróiseas tionchair chriticiúil agus ardtionchair. Áireofar sna pleananna bainistithe géarchéime ar leibhéal an eintitis:

10.   Tabharfaidh eintitis tionchair chriticiúil agus ardtionchair a bpleananna bainistithe géarchéime ar leibhéal an eintitis cothrom le dáta gach 3 bliana ar a laghad agus aon uair is gá.

11.   An plean uile-Aontais maidir le bainistiú géarchéime cibearshlándála agus freagairt ar ghéarchéimeanna a fhorbraítear de bhun mhír (1), tabharfaidh ACER cothrom le dáta gach 3 bliana ar a laghad é agus aon uair is gá.

12.   An plean náisiúnta maidir le bainistiú géarchéime cibearshlándála agus freagairt ar ghéarchéimeanna i ndáil le sreafaí leictreachais trasteorann a fhorbraítear de bhun mhír (2), tabharfaidh gach údarás inniúil cothrom le dáta gach 3 bliana ar a laghad é agus aon uair is gá.

13.   Déanfaidh na heintitis tionchair chriticiúil agus ardtionchair tástáil ar a bpleananna leanúnachais gnó uair amháin gach 3 bliana ar a laghad nó tar éis mórathruithe ar phróiseas tionchair chriticiúil. Déanfar toradh an phlean leanúnachais gnó a dhoiciméadú. Féadfaidh na heintitis tionchair chriticiúil agus ardtionchair an tástáil ar a bplean leanúnachais gnó a áireamh sna cleachtaí cibearshlándála.

14.   Tabharfaidh na heintitis tionchair chriticiúil agus ardtionchair a bplean leanúnachais gnó cothrom le dáta aon uair is gá agus uair amháin gach 3 bliana ar a laghad agus toradh na tástála á chur san áireamh.

15.   Má shainaithnítear le tástáil go bhfuil easnaimh sa phlean leanúnachais gnó, ceartóidh an t-eintiteas tionchair chriticiúil agus ardtionchair na heasnaimh sin laistigh de 180 lá féilire tar éis na tástála agus déanfaidh tástáil nua chun fianaise a sholáthar go bhfuil na bearta ceartaitheacha éifeachtach.

16.   I gcás nach féidir le heintiteas tionchair chriticiúil nó ardtionchair na heasnaimh a cheartú laistigh de 180 lá féilire, áireoidh sé na cúiseanna leis sin sa tuarascáil atá le soláthar dá údarás inniúil i gcomhréir le hAirteagal 27.

1.   Rachaidh na húdaráis inniúla i gcomhar le ENISA chun Cumais Luathrabhaidh Cibearshlándála Leictreachais (ECEAC) a fhorbairt mar chuid den chúnamh a thugtar do na Ballstáit de bhun Airteagail 6(2) agus (7) de Rialachán (AE) 2019/881.

2.   Cuirfidh ECEAC ar a chumas do ENISA na nithe seo a leanas a dhéanamh le linn dó na cúraimí a liostaítear in Airteagal 7(7) de Rialachán (AE) 2019/881 a dhéanamh:

3.   Déanfaidh na CSIRTanna an fhaisnéis a fhaightear ó ENISA a scaipeadh gan mhoill ar na heintitis lena mbaineann, laistigh dá gcúraimí a shainítear in Airteagal 11(3), pointe (b), de Threoir (AE) 2022/2555.

4.   Déanfaidh ACER faireachán ar éifeachtacht ECEAC. Tabharfaidh ENISA cúnamh do ACER tríd an bhfaisnéis uile is gá a sholáthar, de bhun Airteagal 6(2) agus Airteagal 7(1) de Rialachán (AE) 2019/881. An anailís ar an ngníomhaíocht faireacháin sin, beidh sí ina cuid den fhaireachán de bhun Airteagal 12 den Rialachán seo.

1.   Faoin 31 Nollaig den bhliain tar éis fógra a thabhairt d’eintitis tionchair chriticiúil, agus gach 3 bliana ina dhiaidh sin, déanfaidh gach eintiteas tionchair chriticiúil cleachtadh cibearshlándála lena n-áirítear ceann amháin nó níos mó de chásanna ina dtarlaíonn cibirionsaithe a dhéanann difear díreach nó indíreach do shreafaí leictreachais trasteorann agus a bhaineann leis na rioscaí arna sainaithint le linn na measúnuithe riosca cibearshlándála ar leibhéil na mBallstát agus an eintitis i gcomhréir le hAirteagail 20 agus 27.

2.   De mhaolú ar mhír 1, féadfaidh RP-NCA an cinneadh a dhéanamh, tar éis dul i gcomhairle leis an údarás inniúil agus leis an údarás bainistithe cibirghéarchéime ábhartha mar a ainmnítear nó a bhunaítear i dTreoir (AE) 2022/2555 faoi Airteagal 9, cleachtadh cibearshlándála a eagrú ar leibhéal na mBallstát mar a thuairiscítear i mír 1 in ionad an cleachtadh cibearshlándála a dhéanamh ar leibhéal an eintitis. I ndáil leis sin, cuirfidh an t-údarás inniúil na páirtithe seo a leanas ar an eolas:

3.   Déanfaidh RP-NCA, le tacaíocht theicniúil a CSIRTanna, an cleachtadh cibearshlándála ar a dtugtar tuairisc i mír 2 a eagrú ar leibhéal na mBallstát go neamhspleách nó i gcomhthéacs cleachtaidh cibearshlándála dhifriúil sa Bhallstát sin. Chun go mbeifear in ann na cleachtaí sin a ghrúpáil, féadfaidh RP-NCA an cleachtadh cibearshlándála ar leibhéal na mBallstát dá dtagraítear i mír 1 a chur siar 1 bhliain amháin.

4.   Na cleachtaí cibearshlándála ar leibhéal an eintitis agus ar leibhéal na mBallstát, beidh siad comhsheasmhach leis na creataí bainistithe géarchéime cibearshlándála i gcomhréir le hAirteagal 9(4), pointe (d), de Threoir (AE) 2022/2555.

5.   Faoin 31 Nollaig 2026, agus gach 3 bliana ina dhiaidh sin, déanfaidh ENTSO don Leictreachas, i gcomhar leis an eintiteas AE do OCDanna, teimpléad cásanna cleachtaidh a chur ar fáil chun na cleachtaí cibearshlándála ar leibhéil an eintitis agus na mBallstát dá dtagraítear i mír 1 a dhéanamh. Cuirfear san áireamh sa teimpléad sin torthaí an mheasúnaithe riosca cibearshlándála is déanaí a rinneadh ar leibhéil an eintitis agus na mBallstát agus áireofar príomhchritéir ratha ann. Tabharfaidh ENTSO don Leictreachas agus an t-eintiteas AE do OCDanna páirt do ACER agus ENISA i bhforbairt an teimpléid sin.

1.   Faoin 31 Nollaig 2029, agus gach 3 bliana ina dhiaidh sin, i ngach réigiún oibríochta córais, déanfaidh ENTSO don Leictreachas, i gcomhar leis an eintiteas AE do OCDanna, cleachtadh cibearshlándála réigiúnach a eagrú. Beidh na heintitis tionchair chriticiúil sa réigiún oibríochta córais rannpháirteach sa chleachtadh cibearshlándála réigiúnach. Féadfaidh ENTSO don Leictreachas, i gcomhar leis an eintiteas AE do OCDanna, cleachtadh cibearshlándála trasréigiúnach a eagrú, in ionad cleachtadh cibearshlándála réigiúnach, i níos mó ná réigiún oibríochta córais amháin laistigh den tráthchlár céanna. Ba cheart measúnuithe riosca cibearshlándála eile atá ann cheana agus cásanna arna bhforbairt ar leibhéal an Aontais a chur san áireamh sa chleachtadh.

2.   Tacóidh ENISA le ENTSO don Leictreachas agus leis an eintiteas AE do OCDanna chun an cleachtadh cibearshlándála a ullmhú agus a eagrú ar an leibhéal réigiúnach nó trasréigiúnach.

3.   Cuirfidh ENTSO don Leictreachas, i gcomhar leis an eintiteas AE do OCDanna, na heintitis tionchair chriticiúil a bheidh rannpháirteach sa chleachtadh cibearshlándála réigiúnach nó trasréigiúnach ar an eolas faoi sin 6 mhí sula ndéanfar an cleachtadh.

4.   Eagraí gnáthchleachtaidh cibearshlándála ar leibhéal an Aontais de bhun Airteagal 7(5) de Rialachán (AE) 2019/881, nó eagraí aon chleachtaidh cibearshlándála éigeantaigh a bhaineann le hearnáil an leictreachais laistigh den imlíne gheografach chéanna, féadfaidh sé a iarraidh ar ENTSO don Leictreachas agus ar an eintiteas AE do OCDanna a bheith rannpháirteach ann. Sna cásanna sin, níl feidhm ag an oibleagáid i mír 1, ar choinníoll go mbeidh na heintitis tionchair chriticiúil uile sa réigiún oibríochta córais rannpháirteach sa chleachtadh céanna.

5.   Má bhíonn ENTSO don Leictreachas agus an t-eintiteas AE do OCDanna rannpháirteach i gcleachtadh cibearshlándála dá dtagraítear i mír 4, féadfaidh siad an cleachtadh cibearshlándála réigiúnach nó trasréigiúnach dá dtagraítear i mír 1 a chur siar 1 bhliain amháin.

6.   Faoin 31 Nollaig 2027, agus gach 3 bliana i ndiaidh an dáta sin, déanfaidh ENTSO don Leictreachas, i gcomhar leis an eintiteas AE do OCDanna, teimpléad cleachtaidh a chur ar fáil chun na cleachtaí cibearshlándála réigiúnacha agus trasréigiúnacha a dhéanamh. Cuirfear san áireamh sa teimpléad sin torthaí an mheasúnaithe riosca cibearshlándála ar an leibhéal réigiúnach agus áireofar príomhchritéir ratha ann. Rachaidh ENTSO don Leictreachas i gcomhairle leis an gCoimisiún agus féadfaidh sé comhairle a lorg ó ACER, ENISA agus ón Airmheán Comhpháirteach Taighde maidir le heagrú agus feidhmiú na gcleachtaí cibearshlándála réigiúnacha agus trasréigiúnacha.

1.   Arna iarraidh sin d’eintiteas tionchair chriticiúil, beidh soláthraithe seirbhíse criticiúla rannpháirteach sna cleachtaí cibearshlándála dá dtagraítear in Airteagal 43(1) agus (2) agus in Airteagal 44(1) i gcás ina soláthróidh siad seirbhísí don eintiteas tionchair chriticiúil sa réimse a chomhfhreagraíonn do raon feidhme an chleachtaidh cibearshlándála ábhartha.

2.   Déanfaidh eagraithe na gcleachtaí cibearshlándála dá dtagraítear in Airteagal 43(1) agus (2) agus in Airteagal 44(1), le comhairle ó ENISA arna hiarraidh sin dóibh agus de bhun Airteagal 7(5) de Rialachán (AE) 2019/881, anailís ar an gcleachtadh cibearshlándála ábhartha agus é a thabhairt chun críche trí thuarascáil lena ndéanfar achoimre ar na ceachtanna, a sheolfar chuig na rannpháirtithe uile. Áireofar na nithe seo a leanas sa tuarascáil:

3.   Arna iarraidh sin don líonra CSIRTanna nó don Ghrúpa Comhair maidir le Slándáil Gréasáin agus Faisnéise nó do EU-CyCLONe, déanfaidh eagraithe na gcleachtaí cibearshlándála dá dtagraítear in Airteagal 43(1) agus (2) agus in Airteagal 44(1) toradh an chleachtaidh cibearshlándála ábhartha a roinnt. Déanfaidh na heagraithe an fhaisnéis dá dtagraítear i mír 2, pointí (a) agus (b) den Airteagal seo a roinnt le gach eintiteas atá rannpháirteach sna cleachtaí. Déanfaidh na heagraithe an liosta moltaí dá dtagraítear sa mhír sin, pointe (c), a roinnt go heisiach leis na heintitis ar orthusan a dhírítear na moltaí.

4.   Déanfaidh eagraithe na gcleachtaí cibearshlándála dá dtagraítear in Airteagal 43(1) agus (2) agus in Airteagal 44(1) bearta leantacha go tráthrialta leis na heintitis atá rannpháirteach sna cleachtaí maidir le cur chun feidhme na moltaí de bhun mhír 2, pointe (c), den Airteagal seo.

1.   Áiritheoidh na heintitis a liostaítear in Airteagal 2(1) go mbeidh an fhaisnéis a sholáthrófar, a gheofar, a mhalartófar nó a tharchuirfear faoin Rialachán seo inrochtana ar bhonn riachtanais eolais amháin agus i gcomhréir le rialacha ábhartha náisiúnta agus rialacha ábhartha an Aontais maidir le slándáil faisnéise.

2.   Áiritheoidh na heintitis a liostaítear in Airteagal 2(1) go ndéanfar an fhaisnéis a sholáthrófar, a gheofar, a mhalartófar nó a tharchuirfear faoin Rialachán seo a láimhseáil agus a rianú le linn shaolré iomlán na faisnéise sin agus nach bhféadfar í a scaoileadh ag deireadh a saolré ach tar éis a hanaithnidithe.

3.   Áiritheoidh na heintitis a liostaítear in Airteagal 2(1) go gcuirfear i bhfeidhm gach beart cosanta de chineál eagraíochtúil agus teicniúil is gá chun rúndacht, sláine, infhaighteacht agus neamhshéanadh na faisnéise a sholáthrófar, a gheofar, a mhalartófar nó a tharchuirfear faoin Rialachán seo a choimirciú agus a chosaint, gan beann ar an modh a úsáidfear. Beidh na nithe seo a leanas amhlaidh maidir leis na bearta cosanta:

4.   Áiritheoidh na heintitis a liostaítear in Airteagal 2(1) go gcuirfear aon duine aonair dá ndeonaítear rochtain ar fhaisnéis a sholáthrófar, a gheofar, a mhalartófar nó a tharchuirfear faoin Rialachán seo ar an eolas maidir leis na rialacha slándála is infheidhme ar leibhéal an eintitis agus maidir leis na bearta agus na nósanna imeachta atá ábhartha do chosaint na faisnéise. Áiritheoidh na heintitis sin go n-admhaíonn an duine aonair lena mbaineann an fhreagracht as an bhfaisnéis a chosaint mar a threoraítear dó le linn an tseisiúin eolais.

5.   Áiritheoidh na heintitis a liostaítear in Airteagal 2(1) go mbeidh rochtain ar an bhfaisnéis a sholáthrófar, a gheofar, a mhalartófar nó a tharchuirfear faoin Rialachán seo teoranta do dhaoine aonair:

6.   Na heintitis a liostaítear in Airteagal 2(1), beidh acu, i scríbhinn, comhaontú an duine nádúrtha nó an duine dhlítheanaigh a chruthaigh nó a sholáthair an fhaisnéis an chéad lá riamh, sula soláthróidh siad an fhaisnéis sin do thríú páirtí nach dtagann faoi raon feidhme an Rialacháin seo.

7.   Féadfaidh eintiteas a liostaítear in Airteagal 2(1) a bhreithniú go roinnfear an fhaisnéis sin gan míreanna 1 agus 4 den Airteagal seo a chomhlíonadh chun géarchéim chomhuaineach leictreachais arb í an chibearshlándáil is bunchúis léi nó aon ghéarchéim trasteorann laistigh den Aontas in earnáil eile a chosc. Sa chás sin, déanfaidh sé na nithe seo a leanas:

8.   De mhaolú ar mhír 6 den Airteagal seo, féadfaidh na húdaráis inniúla faisnéis a sholáthrófar, a gheofar, a mhalartófar nó a tharchuirfear faoin Rialachán seo a sholáthar do thríú páirtí nach liostaítear in Airteagal 2(1) gan toiliú a fháil i scríbhinn ó thionscnóir na faisnéise roimh ré ach an tionscnóir sin a chur ar an eolas a luaithe is féidir. Sula ndéanfaidh an t-údarás inniúil lena mbaineann aon fhaisnéis a sholáthrófar, a gheofar, a mhalartófar nó a tharchuirfear faoin Rialachán seo a nochtadh do thríú páirtí nach liostaítear in Airteagal 2(1), áiritheoidh sé go réasúnta go bhfuil an tríú páirtí lena mbaineann ar an eolas maidir leis na rialacha slándála atá i bhfeidhm agus gheobhaidh sé dearbhú réasúnta gur féidir leis an tríú páirtí lena mbaineann an fhaisnéis a gheofar i gcomhréir le míreanna 1 go 5 den Airteagal seo a chosaint. Déanfaidh an t-údarás inniúil an fhaisnéis sin a anaithnidiú ar bhealach nach gcaillfear na heilimintí di a bhfuil gá leo chun an pobal a chur ar an eolas maidir le riosca tromchúiseach do shreafaí leictreachais trasteorann atá ar tí tarlú agus maidir leis na bearta maolaithe a d’fhéadfadh a bheith ann agus coimirceoidh sé céannacht thionscnóir na faisnéise sin. Sa chás sin, cosnóidh an tríú páirtí nach liostaítear in Airteagal 2(1) an fhaisnéis a fhaightear i gcomhréir leis na forálacha atá i bhfeidhm cheana ar leibhéal an eintitis, nó i gcás nach féidir sin, leis na forálacha agus na treoracha a sholáthraíonn an t-údarás inniúil ábhartha.

9.   Níl feidhm ag an Airteagal seo maidir le heintitis nach liostaítear in Airteagal 2(1) dá soláthraítear faisnéis de bhun mhír 6 den Airteagal seo. Sa chás sin, cuirfear mír 7 den Airteagal seo i bhfeidhm, nó féadfaidh an t-údarás inniúil forálacha i scríbhinn a sholáthar don eintiteas sin a bheidh le cur i bhfeidhm i gcásanna ina bhfaightear faisnéis de bhun an Rialacháin seo.

1.   Cuirfear aon fhaisnéis a sholáthrófar, a gheofar, a mhalartófar nó a tharchuirfear de bhun an Rialacháin seo faoi réir choinníollacha na rúndachta gairmiúla a leagtar síos i míreanna 2 go 5 den Airteagal seo den Rialachán seo agus faoi réir na gceanglas a leagtar síos in Airteagal 65 de Rialachán (AE) 2019/943. Aon fhaisnéis a sholáthrófar, a gheofar, a mhalartófar nó a tharchuirfear i measc na n-eintiteas a liostaítear in Airteagal 2 den Rialachán seo, chun an Rialachán seo a chur chun feidhme, beidh sí cosanta, i bhfianaise leibhéal rúndachta na faisnéise arna chur i bhfeidhm ag an tionscnóir.

2.   Beidh feidhm ag oibleagáid na rúndachta gairmiúla maidir leis na heintitis a liostaítear in Airteagal 2.

3.   Malartóidh na CS-NCAnna, na NRAnna, na RP-NCAnna agus na CSIRTanna an fhaisnéis uile is gá chun a gcúraimí a dhéanamh.

4.   Aon fhaisnéis a gheofar, a mhalartófar nó a tharchuirfear i measc na n-eintiteas a liostaítear in Airteagal 2(1), chun Airteagal 23 a chur chun feidhme, beidh sí anaithnidithe agus comhiomlánaithe.

5.   Ní fhéadfar faisnéis a gheobhaidh aon eintiteas nó údarás atá faoi réir an Rialacháin seo i gcúrsa a ndualgas a nochtadh d’aon eintiteas nó d’aon údarás eile, gan dochar do chásanna a chumhdaítear leis an dlí náisiúnta, le forálacha eile an Rialacháin seo nó le reachtaíocht ábhartha eile an Aontais.

6.   Gan dochar do reachtaíocht náisiúnta ná do reachtaíocht an Aontais, ní fhéadfaidh údarás, eintiteas nó duine nádúrtha a gheobhaidh faisnéis de bhun an Rialacháin seo í a úsáid chun aon chríoch eile seachas chun a dhualgais a dhéanamh faoin Rialachán seo.

7.   Déanfaidh ACER, tar éis dul i gcomhairle le ENISA, na húdaráis inniúla uile, ENTSO don Leictreachas agus an t-eintiteas AE do OCDanna, treoirlínte a eisiúint, faoin 13 Meitheamh 2025, lena dtabharfar aghaidh ar shásraí i dtaca leis na heintitis uile a liostaítear in Airteagal 2(1) chun faisnéis, agus go háirithe sreafaí cumarsáide atáthar atá beartaithe, agus modhanna anaithnidithe agus comhiomlánaithe faisnéise a mhalartú chun an tAirteagal seo a chur chun feidhme.

8.   Faisnéis atá rúnda de bhun rialacha an Aontais agus rialacha náisiúnta, ní mhalartófar leis an gCoimisiún ná le húdaráis ábhartha eile í ach i gcás ina mbeidh gá leis an malartú sin chun an Rialachán seo a chur i bhfeidhm. Ní bheidh san fhaisnéis a mhalartófar ach an méid is gá maidir le cuspóir an mhalartaithe agus an méid is comhréireach leis. Leis an malartú faisnéise, caomhnófar rúndacht na faisnéise sin agus cosnófar slándáil agus leasanna tráchtála eintiteas tionchair chriticiúil agus ardtionchair.

1.   Go dtí go bhformheasfar na téarmaí agus na coinníollacha nó na modheolaíochtaí dá dtagraítear in Airteagal 6(2) nó na pleananna dá dtagraítear in Airteagal 6(3), forbróidh ENTSO don Leictreachas, i gcomhar leis an eintiteas AE do OCDanna, treoraíocht neamhcheangailteach maidir leis na saincheisteanna seo a leanas:

2.   Faoin 13 Deireadh Fómhair 2024, forbróidh ENTSO don Leictreachas, i gcomhar leis an eintiteas AE do OCDanna, moladh maidir le ECII sealadach. Tabharfaidh ENTSO don Leictreachas, i gcomhar leis an eintiteas AE do OCDanna, fógra do na húdaráis inniúla faoin ECII sealadach molta.

3.   4 mhí tar éis ECII sealadach molta a fháil, nó tráth nach déanaí ná an 13 Feabhra 2025, sainaithneoidh na húdaráis inniúla eintitis ina mBallstáit a d’fhéadfadh a bheith ina n-eintitis ardtionchair agus tionchair chriticiúil bunaithe ar ECII molta agus forbróidh siad liosta sealadach d’eintitis ardtionchair agus tionchair chriticiúil. Na heintitis ardtionchair agus tionchair chriticiúil a shainaithnítear sa liosta sealadach, féadfaidh siad a n-oibleagáidí mar a leagtar síos sa Rialachán seo a chomhlíonadh go deonach bunaithe ar phrionsabal an réamhchúraim. Faoin 13 Márta 2025, tabharfaidh na húdaráis inniúla fógra do na heintitis arna sainaithint sa liosta sealadach go sainaithnítear mar eintiteas ardtionchair nó mar eintiteas tionchair chriticiúil iad.

4.   Faoin 13 Nollaig 2024, forbróidh ENTSO don Leictreachas, i gcomhar leis an eintiteas AE do OCDanna, liosta sealadach de phróisis ardtionchair agus tionchair chriticiúil uile-Aontais. Na heintitis dá dtugtar fógra de bhun mhír (3) a dhéanfaidh cinneadh deonach a n-oibleagáidí mar a leagtar síos sa Rialachán seo a chomhlíonadh bunaithe ar phrionsabal an réamhchúraim, úsáidfidh siad an liosta sealadach de phróisis ardtionchair agus tionchair chriticiúil chun na himlínte sealadacha ardtionchair agus tionchair chriticiúil a chinneadh agus chun a chinneadh cé na sócmhainní atá le háireamh sa chéad mheasúnú riosca cibearshlándála ar leibhéal an eintitis.

5.   Faoin 13 Meán Fómhair 2024, déanfaidh gach údarás inniúil de réir Airteagal 4(1) liosta dá reachtaíocht náisiúnta atá ábhartha maidir le gnéithe cibearshlándála de shreafaí leictreachais trasteorann a sholáthar do ENTSO don Leictreachas agus don eintiteas AE do OCDanna.

6.   Faoin 13 Meitheamh 2025, ullmhóidh ENTSO don Leictreachas, i gcomhar leis an eintiteas AE do OCDanna, liosta sealadach de chaighdeáin agus rialuithe Eorpacha agus idirnáisiúnta a cheanglaítear le reachtaíocht náisiúnta atá ábhartha maidir le gnéithe cibearshlándála de shreafaí leictreachais trasteorann, agus an fhaisnéis arna soláthar ag na húdaráis inniúla á cur san áireamh.

7.   Áireofar sa liosta sealadach de chaighdeáin agus rialuithe Eorpacha agus idirnáisiúnta:

8.   Cuirfidh ENTSO don Leictreachas agus an t-eintiteas AE do OCDanna na tuairimí a thabharfaidh ENISA agus ACER uathu san áireamh agus an liosta sealadach caighdeán á thabhairt chun críche acu. Déanfaidh ENTSO don Leictreachas agus an t-eintiteas AE do OCDanna an liosta idirthréimhseach de chaighdeáin agus rialuithe Eorpacha agus idirnáisiúnta a fhoilsiú ar a suíomhanna gréasáin.

9.   Rachaidh ENTSO don Leictreachas agus an t-eintiteas AE do OCDanna i gcomhairle le ENISA agus ACER maidir leis na tograí le haghaidh treoraíocht neamhcheangailteach a fhorbraítear de bhun mhír 1.

10.   Go dtí go ndéanfar na híosrialuithe agus na hardrialuithe cibearshlándála a fhorbairt de bhun Airteagal 29 agus a ghlacadh de bhun Airteagal 8, féachfaidh gach eintiteas a liostaítear in Airteagal 2(1) leis an treoraíocht neamhcheangailteach a fhorbraítear de bhun mhír 1 a chur i bhfeidhm de réir a chéile.