(1)

Is tír í Cabo Verde a thairbhíonn den socrú speisialta dreasachta um fhorbairt inbhuanaithe agus dea-rialachas dá bhforáiltear faoi Airteagal 1(2), pointe (b), de Rialachán (AE) Uimh. 978/2012 ó Pharlaimint na hEorpa agus ón gComhairle (2), dá ngairtear an Córas Ginearálaithe um Fhabhair (GSP+). I Rialachán Tarmligthe (AE) 2015/2446 ón gCoimisiún leagtar síos na rialacha maidir le tionscnamh fabhrach chun críocha an Chórais Ghinearálaithe um Fhabhair (GSP), seachas rialacha nós imeachta (3).

(2)

I litir dar dáta an 14 Iúil 2023, chuir Cabo Verde iarraidh isteach maidir le síneadh a chur leis na maoluithe sealadacha ar na rialacha maidir le tionscnamh fabhrach a leagtar síos i Rialachán Tarmligthe (AE) 2015/2446, maoluithe a deonaíodh le Rialacháin Cur Chun Feidhme (AE) 2019/561 (4), (AE) 2019/620 (5) agus (AE) 2021/966 ón gCoimisiún (6). Bhain an iarraidh le toirt bhliantúil 5 000 tona d’fhilléid tuinnín ullmhaithe nó leasaithe agus de luanta tuinnín ullmhaithe nó leasaithe (amh, cócaráilte agus reoite), 3 000 tona d’fhilléid ronnach ullmhaithe nó leasaithe agus 1 000 tona d’fhilléid tuinnín frigéid ullmhaithe nó leasaithe nó d’fhilléid ronnach frigéid ullmhaithe nó leasaithe. Faoin maolú a iarradh, mheasfaí gur de thionscnamh Cabo Verde iad na táirgí sin fiú dá mba ó éisc neamhthionscnaimh a táirgeadh iad.

(3)

Maidir lena iarraidh ar shíneadh a chur leis na maoluithe sin, thacaigh Cabo Verde léi trí bheith ag brath ar na hargóintí a rinneadh in iarrataí a cuireadh isteach roimhe seo, ar argóintí ábhartha iad fós, mar atá, méideanna ísle tuinnín agus ronnach arna ngabháil ina huiscí teorann, deiseanna iascaireachta atá gann lasmuigh dá huiscí teorann agus fad teoranta an tséasúir iascaireachta, rud lena laghdaítear na deiseanna chun iasc tionscnaimh a ghabháil. Eilimint thábhachtach eile is ea an fhorbairt a rinne Cabo Verde ar a bhonneagar calafoirt le déanaí. Mar thoradh air sin, is féidir méideanna níos mó éisc a láimhseáil agus dá bhrí sin tá deis ag tionscal na hiascaireachta dul i mbun fáis anois. Ar an drochuair, níl cabhlach tionsclaíoch ag Cabo Verde a bheadh in ann freastal ar a thionscal iascaireachta, agus níl infheistíochtaí leordhóthanacha a ndéanamh aige sa chabhlach. Mar thoradh ar an acmhainn theoranta gabhála éisc thionscnaimh atá ann faoi láthair ní fhéadfadh tionscal na hiascaireachta méid a tháirgeadh suas go dtí a uas-acmhainn. Ar deireadh, leis an iarraidh cuireadh i dtábhacht na deacrachtaí a bhfuil Cabo Verde ag dul i ngleic leo mar thoradh ar na moilleanna maidir le teacht i bhfeidhm an Chomhaontaithe Comhpháirtíochta Eacnamaíche idir an tAontas Eorpach agus an Afraic Thiar. Forbraíonn Cabo Verde argóinteacht chun béim a leagan ar an ngá atá aige le maolú ar rialacha an Chórais Ghinearálaithe um Fhabhair maidir le tionscnamh fabhrach chun cúiteamh a thabhairt dó sa mhéid is nach féidir brath go fóill ar na cuótaí tionscnaimh ná na rialacha maidir le carnadh faoin gComhaontú Comhpháirtíochta Eacnamaíche, ar comhaontú é nach bhfuil feidhm shealadach aige go fóill.

(4)

Is maolú de chineál sealadach é an maolú dá bhforáiltear in Airteagal 64(6) de Rialachán (AE) Uimh. 952/2013 (Cód Custaim an Aontais) agus tá sé faoi réir comhlíonadh feabhsaithe a dhéanamh ar na rialacha maidir le tionscnamh na dtáirgí lena mbaineann agus ar an gceanglas maidir leis an gcomhar riaracháin. Chun go bhféadfaí maolú den sórt sin ar na rialacha maidir le tionscnamh fabhrach a bhainistiú, ba cheart don tír iarrthach na rialacha a chomhlíonadh maidir leis an bhfaisnéis faoi úsáid an mhaolaithe agus faoi bhainistiú na méideanna ar ina leith a dheonaítear an maolú.

(5)

Mar sin féin, mar thoradh ar na gníomhaíochtaí faireacháin a rinne an Coimisiún le blianta beaga anuas i ndáil leis an gcomhlíonadh atá Cabo Verde a dhéanamh ar na rialacha maidir le tionscnamh fabhrach, ar na nósanna imeachta a bhaineann leo agus ar an gcomhar riaracháin leis an Aontas, tá roinnt easnamh tar éis teacht chun solais, go háirithe ó thaobh an cheanglais maidir lena chomhar riaracháin le húdaráis chustaim na mBallstát i dtaca le cruthúnais ar thionscnamh a fhíorú i tionscal na hiascaireachta.

(6)

Tá sé de dhualgas ar an gCoimisiún Eorpach cúram a ghlacadh ionas go dtiocfaidh sé as maoluithe sealadacha a dheonú go gcomhlíonfaidh Cabo Verde, mar sin féin, na coinníollacha atá ann chun déanamh de réir fhíorú na gcruthúnas tionscnaimh agus go leigheasfaidh sé na heasnaimh sa chomhar riaracháin. Ní hé maolú an uirlis lena bhfuil an t-údar is mó chun réiteach fadtéarmach a sholáthar ar na fadhbanna struchtúracha atá i dtionscal iascaireachta Cabo Verde.

(7)

Mar thoradh ar na deacrachtaí eacnamaíocha athfhillteacha a bhíonn air agus d’éagmais réitigh mhalartacha, ba cheart, mar sin féin, maolú sealadach a dheonú do Cabo Verde, faoi réir coinníollacha diana, ar an gceanglas faoi na rialacha maidir le tionscnamh fabhrach, ar ceanglas é lena meastar nach de thionscnamh na tíre is tairbhí iad na táirgí ach amháin i gcás ina bhfaightear na hábhair iontu go hiomlán sa tír sin. De réir na méideanna a úsáideadh go hiomlán le linn an mhaolaithe roimhe seo ó 2020-2023, ba cheart an maolú a dheonú i leith mhéid bliantúil 3 000 tona d’fhilléid tuinnín agus de luanta tuinnín ullmhaithe nó leasaithe (amh, cócaráilte agus reoite), mhéid bliantúil 2 700 tona d’fhilléid ronnach ullmhaithe nó leasaithe agus mhéid bliantúil 600 tona d’fhilléid tuinnín frigéid nó d’fhilléid ronnach frigéid ullmhaithe nó leasaithe. Ba cheart teorainn 2 bhliain a chur le fad an mhaolaithe, rud a thabharfadh deis do Cabo Verde iarracht a dhéanamh na coigeartuithe struchtúracha is gá a dhéanamh in earnáil an iascaigh chun na rialacha tionscnaimh maidir leis na táirgí lena mbaineann a chomhlíonadh.. Ba cheart an maolú a dheonú, áfach, ar choinníoll go ndéanfaidh údaráis chustaim Cabo Verde na bearta is gá chun seiceálacha cainníochtúla a dhéanamh ar onnmhairiúcháin na dtáirgí atá faoi réir an mhaolaithe agus go gcuirfidh siad ráiteas in iúl don Choimisiún maidir leis na méideanna ar ina leith a eisíodh ráitis maidir le tionscnamh de bhun an Rialacháin seo agus sraithuimhreacha na ráiteas sin.

(8)

Thairis sin, ba cheart do Cabo Verde tairbhiú de mhaolú ar na rialacha tionscnaimh maidir le tuinnín agus ronnach ar choinníoll go dtuairiscíonn sé go tráthrialta do sheirbhísí inniúla an Choimisiúin maidir leis na bearta atá glactha aige chun a áirithiú go gcomhlíontar na rialacha tionscnaimh le haghaidh na dtáirgí lena mbaineann agus go gcomhlíontar na nósanna imeachta a bhaineann leo agus go soláthróidh sé comhar riaracháin de réir mar a cheanglaítear chun na socruithe fabhracha faoin gCóras Ginearálaithe um Fhabhair dá dtagraítear in Airteagal 1(2) de Rialachán (AE) Uimh. 978/2012 (Rialachán GSP) a chur chun feidhme. Ba cheart na tuarascálacha sin a chur isteach de réir sceideal ama beacht. Mar thoradh ar aon mhoill maidir leis an sprioc-am a socraíodh a bhaint amach, ba cheart fionraí an mhaolaithe a chur in iúl d’údaráis inniúla Cabo Verde tar éis meabhrúcháin agus ba cheart cuireadh a thabhairt na tuarascálacha a chur isteach laistigh de 10 lá oibre. Na heilimintí atá le háireamh sna tuarascálacha sin, ba cheart iad a liostú in iarscríbhinn a ghabhann leis an Rialachán seo. Tá cur chun feidhme an mhaolaithe faoi réir chomhlíonadh na gcoinníollacha a leagtar síos in Airteagal 43 de Rialachán Tarmligthe (AE) 2015/2446.

(9)

Na méideanna a leagtar amach sna hIarscríbhinní a ghabhann leis an Rialachán seo, ba cheart iad a bhainistiú i gcomhréir le hAirteagail 49 go 54 de Rialachán Cur Chun Feidhme (AE) 2015/2447 ón gCoimisiún (7) lena rialaítear bainistiú cuótaí taraife.

(10)

Ba cheart do na bearta dá bhforáiltear sa Rialachán seo teacht i bhfeidhm an lá tar éis lá a fhoilsithe agus ba cheart feidhm chúlghabhálach a bheith acu amhail ón 1 Eanáir 2024, chun staid dhúshlánach Cabo Verde a chur san áireamh agus chun a cheadú don tír sin an maolú a chur i bhfeidhm ó bhí an dáta sin ann.

(11)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

Déanfaidh údaráis chustaim Cabo Verde na bearta is gá chun seiceálacha cainníochtúla a dhéanamh ar onnmhairiúcháin na dtáirgí dá dtagraítear in Airteagal 1.

(2)

Cuirfear an lua seo a leanas isteach sna ráitis maidir le tionscnamh a dhéanfaidh na honnmhaireoirí cláraithe: ‘Maolú — Rialachán Cur Chun Feidhme (AE) 2024/1288 ón gCoimisiún’.

(3)

Tabharfaidh údaráis inniúla Cabo Verde don Choimisiún ráiteas maidir leis na méideanna ar eisíodh ráiteas maidir le tionscnamh ina leith de bhun Airteagal 92 de Rialachán Cur Chun Feidhme (AE) 2015/2447 agus na cóipeanna de na cruthúnais sin. Is i ndáil le trí thréimhse a bheidh na tuarascálacha a thabharfar don Choimisiún, mar atá 6 mhí, 12 mhí agus 20 mí tar éis theacht i bhfeidhm an Rialacháin seo agus tabharfar iad 2 mhí tar éis dheireadh gach tréimhse.

Dá bhrí sin, tabharfar an chéad tuarascáil idir an 1 Iúil agus an 1 Meán Fómhair 2024. Tabharfar an dara tuarascáil idir an 1 Eanáir agus an 1 Márta 2025. Tabharfar an tríú tuarascáil idir an 1 Lúnasa agus an 1 Deireadh Fómhair 2025. Maidir leis an tréimhse eile, is é sin an 1 Lúnasa–31 Nollaig 2025, beidh sí faoi réir tuarascáil bhreise a bheidh le seoladh laistigh de 2 mhí tar éis dheireadh na tréimhse cur i bhfeidhm a leagtar amach in Airteagal 2(1).

(4)

Tabharfaidh údaráis inniúla Cabo Verde don Choimisiún, an tráth céanna leis na tuarascálacha dá dtagraítear i mír 3, tuarascáil ina bhfuil faisnéis mhionsonraithe maidir leis na bearta a ghlac siad chun an méid seo a leanas a dhéanamh:

In Iarscríbhinn III liostaítear an fhaisnéis is gá d’údaráis inniúla Cabo Verde a thuairisciú.