1.   Leis an Treoir seo, cuirtear chun cinn feabhas ar fheidhmíocht fuinnimh foirgneamh agus laghdú ar astaíochtaí gás ceaptha teasa ó fhoirgnimh san Aontas, d’fhonn stoc foirgneamh astaíochtaí nialasacha a bhaint amach faoi 2050, agus na dálaí aeráide lasmuigh, na dálaí áitiúla, na ceanglais maidir le cáilíocht na timpeallachta laistigh, agus an chostéifeachtúlacht á gcur san áireamh.

2.   Leis an Treoir seo, leagtar síos ceanglais a mhéid a bhaineann leis na nithe seo a leanas:

3.   Is íoscheanglais iad na ceanglais a leagtar síos sa Treoir seo agus ní choiscfidh siad ar aon Bhallstát bearta níos déine a choimeád nó a thabhairt isteach, ar choinníoll go bhfuil na bearta sin i gcomhréir le dlí an Aontais. Cuirfear na bearta sin in iúl don Choimisiún.

1.   Bunóidh gach Ballstát plean náisiúnta athchóirithe foirgneamh chun athchóiriú an stoic náisiúnta d’fhoirgnimh chónaithe agus foirgnimh nach foirgnimh chónaithe iad, idir fhoirgnimh phoiblí agus phríobháideach araon, ina stoc foirgneamh atá an-fhuinneamhéifeachtúil agus dícharbónaithe faoi 2050 a áirithiú, agus é mar chuspóir aige na foirgnimh atá ann faoi láthair a chlaochlú go foirgnimh astaíochtaí nialasacha.

2.   Áireofar an méid seo a leanas i ngach plean náisiúnta athchóirithe foirgneamh:

Áireofar sa treochlár dá dtagraítear i bpointe (b) den mhír seo spriocanna náisiúnta le haghaidh 2030, 2040 agus 2050 a mhéid a bhaineann leis an ráta athchóirithe fuinnimh bliantúil, tomhaltas fuinnimh phríomhúil agus deiridh an stoic náisiúnta foirgneamh agus a laghduithe oibríochtúla ar astaíochtaí gás ceaptha teasa; amlínte sonracha d’fhoirgnimh nach foirgnimh chónaithe iad chun tairseacha uasta feidhmíochta fuinnimh níos ísle a chomhlíonadh de bhun Airteagal 9(1), faoi 2040 agus 2050, i gcomhréir leis an gconair chun an stoc náisiúnta foirgneamh a chlaochlú go foirgnimh astaíochtaí nialasacha; agus meastachán fianaisebhunaithe ar an gcoigilteas fuinnimh agus na tairbhí ginearálta a bhfuil coinne leo, lena n-áirítear iad siúd a bhaineann le cáilíocht na timpeallachta laistigh.

I gcás ina bhfuil forléargas ar bheartais shonracha agus ar bhearta sonracha dá dtagraítear i bpointe (c) nó achoimre ar riachtanais shonracha infheistíochta dá dtagraítear i bpointe (d) san áireamh cheana sna pleananna náisiúnta fuinnimh agus aeráide, féadfar tagairt shoiléir do na codanna ábhartha de na pleananna náisiúnta fuinnimh agus aeráide a chur san áireamh sa phlean athchóirithe foirgneamh in áit forléargas lánfhorbartha;

3.   Déanfaidh gach Ballstát a dhréachtphlean náisiúnta athchóirithe foirgneamh a ullmhú agus a chur faoi bhráid an Choimisiúin gach 5 bliana, tríd an teimpléad a leagtar amach in Iarscríbhinn II a ghabhann leis an Treoir seo a úsáid. Tíolacfaidh gach Ballstát a dhréachtphlean náisiúnta athchóirithe foirgneamh mar chuid dá dhréachtphlean comhtháite náisiúnta fuinnimh agus aeráide dá dtagraítear in Airteagal 9 de Rialachán (AE) 2018/1999 agus, i gcás ina dtíolacfaidh na Ballstáit dréacht cothrom le dáta, mar chuid den dréacht cothrom le dáta dá dtagraítear in Airteagal 14 den Rialachán sin.

D’ainneoin na chéad fhomhíre, cuirfidh na Ballstáit an chéad dréachtphlean athchóirithe foirgneamh faoi bhráid an Choimisiúin faoin 31 Nollaig 2025.

4.   Chun tacú le forbairt a phlean náisiúnta athchóirithe foirgneamh, déanfaidh gach Ballstát comhairliúchán poiblí maidir lena dhréachtphlean náisiúnta athchóirithe foirgneamh sula gcuirfidh sé faoi bhráid an Choimisiúin é. Beidh údaráis áitiúla agus réigiúnacha agus comhpháirtithe socheacnamaíocha eile rannpháirteach sa chomhairliúchán poiblí go háirithe, lena n-áirítear an tsochaí shibhialta agus comhlachtaí a oibríonn le teaghlaigh leochaileacha. Cuirfidh gach Ballstát achoimre ar thorthaí a chomhairliúcháin phoiblí mar iarscríbhinn a ghabhann lena dhréachtphlean náisiúnta athchóirithe foirgneamh. Féadfar an comhairliúchán poiblí a chomhtháthú mar chuid den chomhairliúchán poiblí arna dhéanamh de bhun Airteagal 10 de Rialachán (AE) 2018/1999.

5.   Déanfaidh an Coimisiún measúnú ar na dréachtphleananna náisiúnta athchóirithe foirgneamh arna dtíolacadh de bhun mhír 3, go háirithe maidir leis an méid seo a leanas:

Tar éis dul i gcomhairle leis an gCoiste arna bhunú le hAirteagal 33 den Treoir seo, féadfaidh an Coimisiún moltaí tírshonracha a eisiúint do na Ballstáit i gcomhréir le hAirteagal 9(2) agus le hAirteagal 34 de Rialachán (AE) 2018/1999.

Maidir leis an gcéad dréachtphlean náisiúnta athchóirithe foirgneamh, féadfaidh an Coimisiún moltaí a bhaineann go sonrach le tíortha faoi leith a eisiúint chuig na Ballstáit tráth nach déanaí ná 6 mhí tar éis don Bhallstát an plean sin a thíolacadh.

6.   Maidir lena dhréachtphlean náisiúnta athchóirithe foirgneamh, tabharfaidh gach Ballstát aird chuí ar aon mholtaí arna n-eisiúint ag an gCoimisiún maidir leis an dréachtphlean náisiúnta athchóirithe foirgneamh. Mura dtéann an Ballstát lena mbaineann i ngleic le moladh nó le cuid shuntasach de, soláthróidh an Ballstát cúiseanna don Choimisiún agus cuirfidh sé na cúiseanna sin ar fáil go poiblí.

7.   Déanfaidh gach Ballstát a phlean náisiúnta athchóirithe foirgneamh a chur faoi bhráid an Choimisiúin gach 5 bliana, tríd an teimpléad a leagtar amach in Iarscríbhinn II a ghabhann leis an Treoir seo a úsáid. Tíolacfaidh gach Ballstát a phlean náisiúnta athchóirithe foirgneamh mar chuid dá phlean comhtháite náisiúnta fuinnimh agus aeráide dá dtagraítear in Airteagal 3 de Rialachán (AE) 2018/1999 agus, i gcás ina dtíolacfaidh Ballstát dréacht cothrom le dáta, mar chuid den tabhairt cothrom le dáta dá dtagraítear in Airteagal 14 den Rialachán sin.

D’ainneoin na chéad fhomhíre, cuirfidh na Ballstáit an chéad dréachtphlean náisiúnta athchóirithe foirgneamh faoi bhráid an Choimisiúin faoin 31 Nollaig 2026.

8.   Cuirfidh gach Ballstát isteach mionsonraí ar chur chun feidhme na straitéise athchóirithe fadtéarmaí nó an phlean náisiúnta athchóirithe foirgneamh is déanaí uaidh mar iarscríbhinn a ghabhann leis an gcéad phlean náisiúnta athchóirithe foirgneamh eile, ina sonraítear ar baineadh a spriocanna náisiúnta amach.

9.   Áireoidh gach Ballstát ina thuarascálacha comhtháite náisiúnta ar dhul chun cinn maidir le fuinneamh agus aeráid, i gcomhréir le hAirteagail 17 agus 21 de Rialachán (AE) 2018/1999, faisnéis maidir le cur chun feidhme na spriocanna náisiúnta dá dtagraítear i mír 2, pointe (b), den Airteagal seo. Gach 2 bhliain, áireoidh an Coimisiún ina thuarascáil bhliantúil ar Staid an Aontais Fuinnimh arna tíolacadh de bhun Airteagal 35 de Rialachán (AE) 2018/1999, tuarascáil fhoriomlán ar dhul chun cinn maidir le hathchóiriú stoc náisiúnta na bhfoirgneamh cónaithe agus na bhfoirgneamh nach foirgnimh chónaithe iad, idir fhoirgnimh phoiblí agus phríobháideacha araon, i gcomhréir leis na treochláir a leagtar amach sna pleananna athchóirithe foirgneamh, bunaithe ar an bhfaisnéis arna cur isteach ag na Ballstáit ina dtuarascálacha comhtháite náisiúnta fuinnimh agus aeráide ar dhul chun cinn. Déanfaidh an Coimisiún faireachán bliantúil ar fhorbairt fheidhmíocht fuinnimh stoc foirgneamh an Aontais, ar bhonn na faisnéise is fearr atá ar fáil ó Eurostat agus ó fhoinsí eile, agus foilseoidh sé an fhaisnéis trí Fhaireachlann an Aontais um Stoc Foirgneamh.

1.   Déanfaidh na Ballstáit na bearta is gá chun a áirithiú go socrófar íoscheanglais feidhmíochta fuinnimh d’fhoirgnimh nó d’aonaid foirgnimh d’fhonn, ar a laghad, na leibhéil is fearr costas agus, i gcás inarb ábhartha, luachanna tagartha níos déine a bhaint amach, mar shampla, ceanglais maidir le foirgnimh atá nach mór neodrach ó thaobh fuinnimh de agus ceanglais maidir le foirgnimh astaíochtaí nialasacha. Déanfar an fheidhmíocht fuinnimh a ríomh i gcomhréir leis an modheolaíocht dá dtagraítear in Airteagal 4. Déanfar na leibhéil is fearr costas a ríomh i gcomhréir leis an gcreat modheolaíochta comparáideach dá dtagraítear in Airteagal 6.

Déanfaidh na Ballstáit na bearta is gá chun a áirithiú go socraítear íoscheanglais feidhmíochta fuinnimh le haghaidh eilimintí foirgnimh atá mar chuid den imchlúdach foirgnimh agus a bhfuil tionchar mór acu ar fheidhmíocht fuinnimh an imchlúdaigh foirgnimh nuair a dhéantar iad a ionadú nó a iarfheistiú, d’fhonn ar a laghad na leibhéil is fearr costas a bhaint amach. Féadfaidh na Ballstáit na ceanglais maidir le heilimintí foirgnimh a shocrú ar leibhéal a d’éascódh córais téimh ísealteochta a shuiteáil go héifeachtach i bhfoirgnimh athchóirithe.

Nuair a shocraítear ceanglais, féadfaidh na Ballstáit dealú a dhéanamh idir foirgnimh nua agus foirgnimh atá ann cheana agus idir catagóirí difriúla foirgneamh.

Leis na ceanglais sin, cuirfear san áireamh cáilíocht na timpeallachta laistigh is fearr is féidir laistigh, chun tionchar diúltach féideartha a sheachaint, amhail aeráil uireasach, chomh maith le dálaí áitiúla agus feidhm ainmnithe agus aois an fhoirgnimh.

Déanfaidh Ballstáit a n-íoscheanglais feidhmíochta fuinnimh a athbhreithniú ag tráthanna rialta nach faide ná gach 5 bliana agus déanfaidh siad iad, más gá, a uasghrádú chun an dul chun cinn teicniúil san earnáil tógála, torthaí an ríomha is fearr costais a leagtar amach in Airteagal 6, agus beartais agus spriocanna náisiúnta aeráide agus fuinnimh cothrom le dáta a léiriú.

2.   Féadfaidh Ballstáit na ceanglais dá dtagraítear i mír 1 a oiriúnú d’fhoirgnimh atá cosanta go hoifigiúil, ar an leibhéal náisiúnta, réigiúnach nó áitiúil, mar chuid de chomhshaol ainmnithe nó toisc go bhfuil fiúntas speisialta ailtireachta nó stairiúil ag baint leo, sa mhéid go dtiocfadh athrú nach bhféadfaí glacadh leis ar charachtar nó cuma na bhfoirgneamh dá gcloífí le ceanglais áirithe.

3.   Féadfaidh na Ballstáit cinneadh a dhéanamh gan na ceanglais dá dtagraítear i mír 1 a shocrú nó a chur i bhfeidhm maidir leis na catagóirí foirgneamh seo a leanas:

1.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 32 chun an Treoir seo a fhorlíonadh a bhaineann le creat modheolaíochta comparáideach a bhunú agus a athbhreithniú chun na leibhéil is fearr costas maidir le híoscheanglais feidhmíochta fuinnimh d’fhoirgnimh agus d’eilimintí foirgnimh a ríomh.

Faoin 30 Meitheamh 2025, déanfaidh an Coimisiún athbhreithniú ar an gcreat modheolaíochta comparáideach chun na leibhéil is fearr costas maidir le híoscheanglais feidhmíochta fuinnimh a ríomh i bhfoirgnimh nua agus i bhfoirgnimh atá ann cheana a bhfuil athchóiriú mór á dhéanamh orthu agus le haghaidh eilimintí aonair foirgnimh, Beidh na leibhéil sin i gcomhréir leis na conairí náisiúnta a leagtar amach sna pleananna náisiúnta fuinnimh agus aeráide arna gcur faoi bhráid an Choimisiúin de bhun Airteagal 14 de Rialachán (AE) 2018/1999.

Leagfar síos an creat modheolaíochta comparáideach i gcomhréir le hIarscríbhinn VII agus déanfaidh sé idirdhealú idir foirgnimh nua agus foirgnimh atá ann cheana agus idir catagóirí difriúla foirgneamh.

2.   Déanfaidh na Ballstáit na leibhéil is fearr costas maidir le híoscheanglais feidhmíochta fuinnimh a ríomh trí úsáid a bhaint as an gcreat modheolaíochta comparáideach arna bhunú i gcomhréir le mír 1 agus paraiméadair ábhartha, amhail dálaí aeráide agus inrochtaineacht phraiticiúil an bhonneagair fuinnimh, agus cuirfidh siad torthaí an ríomha sin i gcomparáid leis na híoscheanglais feidhmíochta fuinnimh atá i bhfeidhm. Agus na leibhéil is fearr costas maidir le híoscheanglais feidhmíochta fuinnimh á ríomh acu, féadfaidh na Ballstáit GWP ar feadh saolré a chur san áireamh.

Tabharfaidh na Ballstáit tuarascáil don Choimisiún maidir leis na sonraí ionchuir agus na toimhdí go léir a úsáideadh chun na ríomhanna a dhéanamh ar leibhéil is fearr costas maidir le híoscheanglais feidhmíochta fuinnimh agus torthaí na ríomhanna sin. Chuige sin, bainfidh na Ballstáit úsáid as an teimpléad a sholáthraítear in Iarscríbhinn III a ghabhann le Rialachán Tarmligthe (AE) Uimh. 244/2012 ón gCoimisiún (29). Déanfaidh na Ballstáit na tuarascálacha sin a thabhairt cothrom le dáta agus a chur chuig an gCoimisiún go tráthrialta, gach 5 bliana ar a laghad. Tíolacfar an chéad tuarascáil ar na ríomhanna ar bhonn an chreata modheolaíochta athbhreithnithe de bhun mhír 1 den Airteagal seo faoin 30 Meitheamh 2028.

3.   Má léirítear le toradh na comparáide arna déanamh i gcomhréir le mír 2 nach bhfuil na híoscheanglais feidhmíochta fuinnimh atá i bhfeidhm i mBallstát níos éifeachtúla ó thaobh fuinnimh de ná na leibhéil is fearr costas d’íoscheanglas feidhmíochta fuinnimh de níos mó ná 15 %, déanfaidh an Ballstát lena mbaineann na híoscheanglais feidhmíochta fuinnimh atá i bhfeidhm a choigeartú laistigh de 24 mhí tar éis torthaí na comparáide sin a bheith ar fáil.

4.   Déanfaidh an Coimisiún tuarascáil a fhoilsiú ar dhul chun cinn na mBallstát i ndáil leis na leibhéil is fearr costas maidir le híoscheanglais feidhmíochta fuinnimh a bhaint amach.

1.   Áiritheoidh na Ballstáit gur foirgnimh astaíochtaí nialasacha iad foirgnimh nua i gcomhréir le hAirteagal 11:

Go dtí go gcuirfear na ceanglais faoin gcéad fhomhír i bhfeidhm, déanfaidh na Ballstáit a áirithiú go bhfuil gach foirgneamh nua ina bhfoirgnimh atá nach mór neodrach ó thaobh an fhuinnimh de ar a laghad agus go gcomhlíonann siad na híoscheanglais feidhmíochta fuinnimh a leagtar síos i gcomhréir le hAirteagal 5. I gcás ina bhfuil sé beartaithe ag comhlachtaí poiblí foirgneamh nua a áitiú nach bhfuil faoina n-úinéireacht, beidh sé mar sprioc acu foirgneamh astaíochtaí nialasacha a áitiú.

2.   Áiritheoidh na Ballstáit go ndéanfar GWP ar feadh saolré a ríomh i gcomhréir le hIarscríbhinn III agus a nochtadh i ndeimhniú feidhmíochta fuinnimh an fhoirgnimh:

3.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 32 chun Iarscríbhinn III a leasú chun creat de chuid an Aontais a leagan amach maidir le ríomh náisiúnta GWP ar feadh saolré d’fhonn aeráidneodracht a bhaint amach. Glacfar an chéad ghníomh tarmligthe mar sin faoin 31 Nollaig 2025.

4.   Féadfaidh na Ballstáit cinneadh a dhéanamh gan míreanna 1 agus 2 a chur i bhfeidhm maidir le foirgnimh ar tíolacadh iarratais ar chead tógála nó iarratais choibhéiseacha, lena n-áirítear maidir le hathrú úsáide, ina leith cheana féin faoi na dátaí de bhun mhíreanna 1 agus 2.

5.   Faoin 1 Eanáir 2027, foilseoidh na Ballstáit treochlár ina sonrófar tabhairt isteach teorainnluachanna maidir le saolré charnach iomlán GWP ar feadh saolré na bhfoirgneamh nua go léir agus ina leagfar síos spriocanna d’fhoirgnimh nua ó 2030 ar aghaidh, ag féachaint do threocht anuas de réir a chéile, chomh maith le teorainnluachanna uasta, mionsonraithe do chriosanna éagsúla aeráide agus do thíopeolaíochtaí tógála agus cuirfidh siad an Coimisiún ar aon eolas faoi.

Beidh na teorainnluachanna uasta sin i gcomhréir le cuspóir an Aontais aeráidneodracht a bhaint amach.

Eiseoidh an Coimisiún treoir, roinnfidh sé fianaise maidir le beartais náisiúnta atá ann cheana agus cuirfidh sé tacaíocht theicniúil ar fáil do na Ballstáit, arna iarraidh sin dóibh.

6.   Tabharfaidh na Ballstáit aghaidh, maidir le foirgnimh nua, ar na saincheisteanna maidir le cáilíocht na timpeallachta laistigh is fearr is féidir, oiriúnú don athrú aeráide, sábháilteacht ó dhóiteán, rioscaí a bhaineann le dianghníomhaíocht sheismeach agus inrochtaineacht do dhaoine faoi mhíchumas. Díreoidh na Ballstáit freisin ar aistrithe carbóin a bhaineann le stóráil carbóin i bhfoirgnimh nó ar fhoirgnimh.

1.   Déanfaidh na Ballstáit na bearta is gá chun a áirithiú, nuair a dhéantar athchóiriú mór ar fhoirgnimh, go ndéanfar feidhmíocht fuinnimh an fhoirgnimh, nó na páirte athchóirithe de, a nuashonrú chun na híoscheanglais feidhmíochta fuinnimh a shocraítear i gcomhréir le hAirteagal 5 a mhéid is indéanta go teicniúil, go feidhmiúil agus go heacnamaíoch.

Cuirfear na ceanglais sin i bhfeidhm ar an bhfoirgneamh athchóirithe nó ar an aonad foirgnimh ina iomláine. Sa bhreis air sin nó mar mhalairt air sin, féadfar ceanglais a chur i bhfeidhm maidir leis na heilimintí foirgnimh athchóirithe.

2.   Ina theannta sin, i gcás ina ndéanfar eilimint foirgnimh ar cuid d’imchlúdach foirgnimh í agus a mbeidh tionchar mór aici ar fheidhmíocht fuinnimh an imchlúdaigh foirgnimh, i gcás ina ndéanfar sin a iarfheistiú nó a ionadú, déanfaidh na Ballstáit na bearta is gá chun a áirithiú go gcomhlíonfar na híoscheanglais feidhmíochta fuinnimh a mhéid is indéanta go teicniúil, go feidhmiúil agus go heacnamaíoch.

3.   Maidir le foirgnimh a bhfuil athchóiriú mór á dhéanamh orthu, spreagfaidh na Ballstáit córais mhalartacha ardéifeachtúlachta, a mhéid is indéanta go teicniúil, go feidhmiúil agus go heacnamaíoch. Tabharfaidh na Ballstáit aghaidh, maidir le foirgnimh a bhfuil athchóiriú mór á dhéanamh orthu, ar na saincheisteanna maidir le cáilíocht na timpeallachta laistigh, oiriúnú don athrú aeráide, sábháilteacht ó dhóiteán, rioscaí a bhaineann le dianghníomhaíocht sheismeach, substaintí guaiseacha lena n-áirítear aispeist a bhaint, agus inrochtaineacht do dhaoine faoi mhíchumas.

1.   Bunóidh na Ballstáit íoschaighdeáin feidhmíochta fuinnimh le haghaidh foirgnimh nach foirgnimh chónaithe iad lena n-áiritheofar nach sáróidh na foirgnimh sin an uastairseach shonraithe feidhmíochta fuinnimh, dá dtagraítear sa tríú fomhír, arna sloinneadh le táscaire uimhriúil d’úsáid fuinnimh phríomhúil nó deiridh in kWh/(m2.y), faoi na dátaí a shonraítear sa chúigiú fomhír.

Bunófar na huastairseacha feidhmíochta fuinnimh ar bhonn an stoic foirgneamh nach foirgnimh chónaithe iad an 1 Eanáir 2020, bunaithe ar an bhfaisnéis atá ar fáil agus, i gcás inarb iomchuí, ar shampláil staidrimh. Déanfaidh na Ballstáit foirgnimh nach foirgnimh chónaithe iad a dhíolmhaíonn siad de bhun mhír 6 a eisiamh ón mbonnlíne.

Socróidh gach Ballstát uastairseach feidhmíochta fuinnimh’ ionas go mbeidh 16 % dá stoc náisiúnta foirgneamh nach foirgnimh chónaithe iad os cionn na tairsí sin (‘an tairseach 16 %’). Socróidh gach Ballstát freisin uastairseach feidhmíochta fuinnimh ionas go mbeidh 26 % dá stoc náisiúnta foirgneamh nach foirgnimh chónaithe iad os cionn na tairsí sin (‘an tairseach 26 %’). Féadfaidh na Ballstáit na huastairseacha feidhmíochta fuinnimh a shocrú ag tagairt don stoc náisiúnta foirgneamh nach foirgnimh chónaithe iad ina iomláine nó de réir cineálacha agus catagóirí foirgneamh.

Féadfaidh na Ballstáit na tairseacha a shocrú ar leibhéal a chomhfhreagraíonn d’aicme shonrach feidhmíochta fuinnimh ar choinníoll go gcomhlíonann siad an tríú fomhír.

Áiritheofar leis na híoschaighdeáin feidhmíochta fuinnimh, ar a laghad, go bhfuil gach foirgneamh nach foirgneamh cónaithe é faoi bhun an mhéid seo a leanas:

Seiceálfar go gcomhlíonann foirgnimh aonair nach foirgnimh chónaithe iad na tairseacha ar bhonn deimhnithe feidhmíochta fuinnimh nó, i gcás inarb iomchuí, ar bhonn modhanna eile atá ar fáil.

Ina dtreochláir dá dtagraítear in Airteagal 3(1), pointe (b), bunóidh na Ballstáit amlínte sonracha do na foirgnimh nach foirgnimh chónaithe iad chun uastairseacha feidhmíochta fuinnimh níos ísle a chomhlíonadh faoi 2040 agus faoi 2050, i gcomhréir leis an mbealach chun an stoc náisiúnta foirgneamh a chlaochlú go foirgnimh astaíochtaí nialasacha.

Féadfaidh na Ballstáit critéir a bhunú agus a fhoilsiú chun foirgnimh aonair nach foirgnimh chónaithe iad a dhíolmhú ó cheanglais sa mhír seo, i bhfianaise na húsáide a mheastar a bhainfear as na foirgnimh sin amach anseo, i bhfianaise cruatan tromchúiseach nó i gcás measúnú costais is tairbhe neamhfhabhrach. Beidh na critéir sin soiléir, beacht agus dian agus áiritheofar cóir chomhionann idir foirgnimh nach foirgnimh chónaithe iad leo. Agus na critéir sin á mbunú, cumasóidh na Ballstáit measúnú ex ante a dhéanamh ar an sciar a d’fhéadfadh a bheith sna foirgnimh nach foirgnimh chónaithe iad a chumhdaítear agus seachnóidh siad go ndíolmhófaí líon díréireach foirgneamh nach foirgnimh chónaithe iad. Tuairisceoidh na Ballstáit freisin ar na critéir mar chuid dá bpleananna náisiúnta athchóirithe foirgneamh arna gcur faoi bhráid an Choimisiúin de bhun Airteagal 3.

I gcás ina mbunóidh na Ballstáit critéir le haghaidh díolúintí de bhun an ochtú fomhír, bainfidh siad amach feabhsuithe coibhéiseacha feidhmíochta fuinnimh i gcodanna eile den stoc foirgneamh nach foirgnimh chónaithe iad.

I gcás ina bhfuil measúnú costais is tairbhe neamhfhabhrach ar fhoirgneamh ar leith nach foirgneamh chónaithe é ag gabháil leis an athchóiriú foriomlán is gá chun na tairseacha feidhmíochta fuinnimh a shonraítear sa mhír seo a bhaint amach, ceanglóidh na Ballstáit, don fhoirgneamh áirithe sin nach foirgneamh chónaithe é, go gcuirfear chun feidhme ar a laghad na bearta athchóirithe aonair sin a bhfuil measúnú costais is tairbhe fabhrach ag gabháil leo.

A mhéid a dhéanann tubaiste nádúrtha damáiste tromchúiseach don stoc náisiúnta foirgneamh nach foirgnimh chónaithe iad, nó do chuid de, féadfaidh Ballstát an uastairseach feidhmíochta fuinnimh a choigeartú go sealadach ionas go gcuirfear athchóiriú fuinnimh ar fhoirgnimh nach foirgnimh chónaithe iad a ndearnadh damáiste dóibh in ionad athchóiriú fuinnimh na bhfoirgneamh is neamhfheidhmiúla eile nach foirgnimh chónaithe iad, agus a áirithiú ag an am céanna go ndéanfar athchóiriú fuinnimh ar chéatadán comhchosúil den stoc foirgneamh nach foirgnimh chónaithe iad. Sa chás sin, tuairisceoidh an Ballstát an coigeartú agus an méid ama a mheastar a bheidh i gceist leis ina phlean náisiúnta athchóirithe foirgneamh.

2.   Faoin 29 Bealtaine 2026, bunóidh gach Ballstát conair náisiúnta chun an stoc foirgneamh cónaithe a athchóiriú de réir a chéile i gcomhréir leis an treochlár náisiúnta agus spriocanna 2030, 2040 agus 2050 atá i bplean náisiúnta athchóirithe foirgneamh an Bhallstáit agus leis an aidhm an stoc foirgneamh náisiúnta a chlaochlú go stoc foirgneamh astaíochtaí nialasacha faoi 2050. Sloinnfear an chonair náisiúnta chun an stoc foirgneamh cónaithe a athchóiriú de réir a chéile mar laghdú ar mheánúsáid fuinnimh phríomhúil in kWh/(m2.y) stoc iomlán na bhfoirgneamh cónaithe thar an tréimhse ó 2020 go 2050, agus sainaithneofar inti líon na bhfoirgneamh cónaithe agus na n-aonad foirgnimh chónaithe nó an t-achar urláir atá le hathchóiriú gach bliain, lena n-áirítear líon nó achar urláir an 43 % de na foirgnimh chónaithe is neamhfheidhmiúla agus na n-aonad foirgnimh chónaithe.

Áiritheoidh na Ballstáit an méid a leanas maidir le meánúsáid fuinnimh phríomhúil in kWh/(m2.y) an stoic foirgneamh cónaithe ina iomláine:

Áiritheoidh na Ballstáit go mbainfear amach ar a laghad 55 % den laghdú ar an meánúsáid fuinnimh phríomhúil dá dtagraítear sa tríú fomhír trí athchóiriú a dhéanamh ar an 43 % de na foirgnimh chónaithe is neamhfheidhmiúla. Féadfaidh na Ballstáit an laghdú ar an meánúsáid fuinnimh phríomhúil a bhaintear amach le hathchóiriú foirgneamh chónaithe a raibh éifeacht ag tubaistí nádúrtha orthu, mar shampla creathanna talún agus tuilte, a áireamh sa sciar a bhaintear amach trí bhíthin athchóiriú an 43 % de na foirgnimh chónaithe is neamhfheidhmiúla.

Ina n-iarrachtaí athchóirithe chun an laghdú is gá ar mheánúsáid fuinnimh phríomhúil an stoic foirgneamh cónaithe ina iomláine a bhaint amach, cuirfidh na Ballstáit bearta i bhfeidhm, amhail íoschaighdeáin feidhmíochta fuinnimh, cúnamh teicniúil agus bearta tacaíochta airgeadais.

Ina n-iarrachtaí athchóirithe, ní dhéanfaidh na Ballstáit foirgnimh chónaithe nó aonaid foirgnimh ar cíos a dhíolmhú go díréireach.

Tuairisceoidh na Ballstáit sna pleananna náisiúnta athchóirithe foirgneamh an mhodheolaíocht a úsáideadh agus na sonraí a bailíodh chun meastachán a dhéanamh ar na luachanna dá dtagraítear sa dara fomhír agus sa tríú fomhír. Mar chuid den mheasúnú ar phleananna náisiúnta athchóirithe foirgneamh, déanfaidh an Coimisiún faireachán ar ghnóthú na luachanna dá dtagraítear sa dara fomhír agus sa tríú fomhír, lena n-áirítear líon na bhfoirgneamh agus na n-aonad tógála nó achar urláir an 43 % de na foirgnimh chónaithe is neamhfheidhmiúla, agus déanfaidh sé moltaí i gcás inar gá. Féadfar a áireamh ar na moltaí sin úsáid níos forleithne a bhaint as íoschaighdeáin feidhmíochta fuinnimh.

Tagróidh an chonair náisiúnta chun an stoc foirgneamh cónaithe a athchóiriú de réir a chéile do shonraí maidir leis an stoc náisiúnta foirgneamh cónaithe, bunaithe, de réir mar is iomchuí, ar shampláil staidrimh agus ar dheimhnithe feidhmíochta fuinnimh.

Má tá meánsciar iontaise na húsáide fuinnimh i bhfoirgnimh chónaithe níos ísle ná 15 %, féadfaidh na Ballstáit na leibhéil a leagtar síos i bpointí (a) agus (b) den tríú fomhír, a choigeartú chun a áirithiú gurb ionann meánúsáid fuinnimh phríomhúil in kWh/(m2.y) an stoic foirgneamh cónaithe ina iomláine faoi 2030, agus gach 5 bliana ina dhiaidh sin, agus luach arna chinneadh go náisiúnta arna dhíorthú ó laghdú líneach ar an meánúsáid fuinnimh phríomhúil ó 2020 go 2050, i gcomhréir le claochlú an stoic foirgneamh cónaithe go stoc foirgneamh astaíochtaí nialasacha.

3.   Sa bhreis ar an úsáid fuinnimh phríomhúil dá dtagraítear i míreanna 1 agus 2 den Airteagal seo, féadfaidh na Ballstáit táscairí breise a bhunú maidir le húsáid fuinnimh phríomhúil neamh-in-athnuaite agus maidir le hastaíochtaí gás ceaptha teasa oibríochtúla arna dtáirgeadh in kgCO2eq/(m2.y). Chun laghdú ar astaíochtaí gás ceaptha teasa oibríochtúla a áirithiú, cuirfear Airteagal 15a(1) de Threoir (AE) 2018/2001 san áireamh in íoschaighdeáin feidhmíochta fuinnimh.

4.   I gcomhréir le hAirteagal 17, tacóidh na Ballstáit le comhlíonadh na n-íoschaighdeán feidhmíochta fuinnimh trí gach ceann de na bearta seo a leanas:

5.   I gcás ina ndéantar athchóiriú ar fhoirgneamh chun íoschaighdeán feidhmíochta fuinnimh a chomhlíonadh, áiritheoidh na Ballstáit go gcomhlíonfar na híoscheanglais feidhmíochta fuinnimh le haghaidh eilimintí foirgnimh de bhun Airteagal 5 agus, i gcás athchóiriú mór, na híoscheanglais feidhmíochta fuinnimh d’fhoirgnimh atá cheana ann de bhun Airteagal 8.

6.   Féadfaidh na Ballstáit cinneadh a dhéanamh gan na híoschaighdeáin feidhmíochta fuinnimh dá dtagraítear i míreanna 1 agus 2 a chur i bhfeidhm i leith na gcatagóirí foirgneamh seo a leanas:

7.   Déanfaidh na Ballstáit na bearta is gá chun cur chun feidhme na n-íoschaighdeán feidhmíochta fuinnimh dá dtagraítear i míreanna 1 agus 2 den Airteagal seo a áirithiú, lena n-áirítear sásraí faireacháin iomchuí agus pionóis i gcomhréir le hAirteagal 34.

Agus na rialacha a bhaineann le pionóis á leagan síos acu, cuirfidh na Ballstáit san áireamh an staid airgeadais agus an rochtain ar thacaíocht airgeadais leordhóthanach d’úinéirí tí, go háirithe do theaghlaigh leochaileacha.

8.   Faoin 31 Márta 2025, déanfaidh an Coimisiún, chun tacú le cur chun feidhme na Treorach seo agus aird chuí á tabhairt ar phrionsabal na coimhdeachta, anailís a thíolacadh maidir leis na nithe seo a leanas go háirithe:

Ar bhonn na hanailíse sin, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir le héifeachtacht agus oiriúnacht na n-ionstraimí maoiniúcháin chun feidhmíocht fuinnimh foirgneamh a fheabhsú, go háirithe na cinn is neamhfheidhmiúla.

1.   Áiritheoidh na Ballstáit go ndearfar gach foirgneamh nua chun an leas is fearr is féidir a bhaint as a bpoitéinseal giniúna grianfhuinnimh ar bhonn ionradantas gréine an tsuímh, rud a chumasóidh suiteáil chostéifeachtach teicneolaíochtaí gréine ina dhiaidh sin.

2.   Beidh feidhm ag an nós imeachta um dheonú ceadanna maidir le trealamh grianfhuinnimh a shuiteáil a leagtar amach in Airteagal 16d de Threoir (AE) 2018/2001, agus an nós imeachta fógra simplí a thabhairt chun ceangal leis an eangach a leagtar amach in Airteagal 17 den Treoir sin, maidir le trealamh grianfhuinnimh a shuiteáil ar fhoirgnimh.

3.   Áiritheoidh na Ballstáit go ndéanfar suiteálacha oiriúnacha grianfhuinnimh a chur in úsáid, má bhíonn sé oiriúnach go teicniúil agus indéanta go heacnamaíoch agus go feidhmiúil, mar a leanas:

Ina bpleananna náisiúnta athchóirithe foirgneamh dá dtagraítear in Airteagal 3, áireoidh na Ballstáit beartais agus bearta maidir le suiteálacha grianfhuinnimh oiriúnacha a chur in úsáid ar gach foirgneamh.

4.   Bunóidh na Ballstáit, agus cuirfidh siad ar fáil go poiblí, critéir ar an leibhéal náisiúnta maidir le cur chun feidhme praiticiúil na n-oibleagáidí a leagtar amach san Airteagal seo, agus maidir le díolúintí ó na hoibleagáidí sin a d’fhéadfadh a bheith ann le haghaidh cineálacha sonracha foirgneamh, agus prionsabal na neodrachta teicneolaíche á chur san áireamh maidir le teicneolaíochtaí nach dtáirgeann aon astaíochtaí ar an láthair agus i gcomhréir le poitéinseal teicniúil agus eacnamaíoch measúnaithe na suiteálacha grianfhuinnimh agus saintréithe na bhfoirgneamh a chumhdaítear leis an oibleagáid seo. Cuirfidh na Ballstáit san áireamh freisin sláine struchtúrach, díonta glasa, agus insliú áiléir agus dín, i gcás inarb iomchuí.

Chun cuspóirí an Airteagail seo a bhaint amach agus chun na saincheisteanna a bhaineann le cobhsaíocht an ghréasáin leictreachais a chur san áireamh, áireoidh na Ballstáit na geallsealbhóirí ábhartha i mbunú na gcritéar dá dtagraítear sa chéad fhomhír den mhír seo.

Agus na hoibleagáidí a leagtar amach sa chéad fhomhír de mhír 3 á dtrasuí, féadfaidh Ballstát tomhas achar urláir na bhfoirgneamh a úsáid in ionad achar urláir úsáideach foirgneamh, ar choinníoll go léiríonn an Ballstát go bhfuil méid coibhéiseach d’acmhainneacht shuiteáilte suiteálacha oiriúnacha grianfhuinnimh ar fhoirgnimh mar thoradh air sin.

5.   Cuirfidh na Ballstáit creat ar bun lena soláthrófar na bearta riaracháin, teicniúla agus airgeadais is gá chun tacú le grianfhuinneamh a chur in úsáid i bhfoirgnimh, lena n-áirítear in éineacht le córais theicniúla foirgnimh nó córais téimh ceantair éifeachtúla.

1.   Ní bheidh foirgneamh astaíochtaí nialasacha ina chúis le haon astaíochtaí carbóin ar an láthair ó bhreoslaí iontaise. Beidh acmhainneacht ann i bhfoirgneamh astaíochtaí nialasacha, i gcás ina bhfuil sé sin indéanta go heacnamaíoch agus go teicniúil, chun freagairt ar chomharthaí seachtracha agus an úsáid, an ghiniúint nó an stóráil fuinnimh a oiriúnú.

2.   Déanfaidh na Ballstáit na bearta is gá chun a áirithiú go gcomhlíonfaidh éileamh fuinnimh foirgnimh astaíochtaí nialasacha uastairseach.

Socróidh na Ballstáit an uastairseach sin le haghaidh éileamh fuinnimh foirgnimh astaíochtaí nialasacha d’fhonn na leibhéil is fearr costas, arna mbunú sa tuarascáil náisiúnta is déanaí maidir leis an leibhéal is fearr costas de bhun Airteagal 6, a bhaint amach ar a laghad. Déanfaidh na Ballstáit athbhreithniú ar an uastairseach gach uair a dhéanfar athbhreithniú ar na leibhéil is fearr costas.

3.   Beidh an uastairseach le haghaidh éileamh fuinnimh foirgnimh astaíochtaí nialasacha 10 % níos ísle, ar a laghad, ná an tairseach maidir le húsáid iomlán fuinnimh phríomhúil arna bunú ar leibhéal na mBallstát le haghaidh foirgnimh atá nach mór neodrach ó thaobh an fhuinnimh de an 28 Bealtaine 2024.

4.   Féadfaidh na Ballstáit na huastairseacha le haghaidh éileamh fuinnimh foirgnimh astaíochtaí nialasacha le haghaidh foirgnimh athchóirithe a choigeartú, agus na forálacha faoi seach maidir leis an leibhéal is fearr costas, agus, i gcás inar bunaíodh tairseacha d’fhoirgnimh atá nach mór neodrach ó thaobh an fhuinnimh de, ceanglais mhír 3 á gcomhlíonadh acu.

5.   Déanfaidh na Ballstáit na bearta is gá chun a áirithiú go gcomhlíonann astaíochtaí gás ceaptha teasa oibríochtúla foirgneamh astaíochtaí nialasacha uastairseach arna bunú ar leibhéal na mBallstát ina bpleananna náisiúnta athchóirithe foirgneamh. Féadfar an uastairseach sin a shocrú ar leibhéil éagsúla d’fhoirgnimh nua agus d’fhoirgnimh athchóirithe.

6.   Tabharfaidh na Ballstáit fógra don Choimisiún maidir lena n-uastairseacha, lena n-áirítear tuairisc ar an modheolaíocht ríofa de réir an chineáil foirgnimh agus an t-ainmniúchán ábhartha aeráide lasmuigh, i gcomhréir le hIarscríbhinn I. Déanfaidh an Coimisiún athbhreithniú ar na huastairseacha agus molfaidh sé iad a oiriúnú i gcás inarb iomchuí.

7.   Áiritheoidh na Ballstáit go gcumhdófar úsáid fuinnimh phríomhúil iomlán foirgnimh astaíochtaí nialasacha nua nó athchóirithe leis an méid seo a leanas:

I gcás nach bhfuil sé indéanta go teicniúil ná go heacnamaíoch na ceanglais a leagtar síos sa mhír seo a chomhlíonadh, féadfar an úsáid iomlán fuinnimh phríomhúil a chumhdach freisin le fuinneamh eile ón eangach a chomhlíonann na critéir atá bunaithe ar an leibhéal náisiúnta.

1.   Faoin 29 Bealtaine 2026, tabharfaidh na Ballstáit isteach scéim le haghaidh pasanna athchóirithe bunaithe ar an gcreat comhchoiteann a leagtar amach in Iarscríbhinn VIII.

2.   Bainfidh úinéirí foirgneamh agus aonad foirgnimh úsáid dheonach as an scéim dá dtagraítear i mír 1, mura gcinnfidh an Ballstát í a dhéanamh éigeantach.

Cuirfidh na Ballstáit bearta ar bun chun a áirithiú go mbeidh pasanna athchóirithe inacmhainne agus breithneoidh siad tacaíocht airgeadais a chur ar fáil do theaghlaigh leochaileacha ar mian leo a bhfoirgnimh a athchóiriú.

3.   Féadfaidh na Ballstáit cead a thabhairt an pas athchóirithe a tharraingt suas agus a eisiúint go comhpháirteach leis an deimhniú feidhmíochta fuinnimh.

4.   Eiseofar an pas athchóirithe i bhformáid dhigiteach a bheidh oiriúnach lena phriontáil, ag saineolaí atá cáilithe nó deimhnithe, tar éis cuairt a thabhairt ar an láthair.

5.   Nuair a eiseofar an pas athchóirithe, déanfar plé leis an saineolaí dá dtagraítear i mír 4 a mholadh d’úinéir an fhoirgnimh chun deis a thabhairt don saineolaí na céimeanna is fearr le tabhairt chun foirgneamh a chlaochlú go foirgneamh astaíochtaí nialasacha i bhfad roimh 2050 a mhíniú.

6.   Déanfaidh na Ballstáit a ndícheall uirlis dhigiteach thiomnaithe a sholáthar trína bhféadfar an pas athchóirithe a ullmhú agus, i gcás inarb iomchuí, a nuashonrú. Féadfaidh na Ballstáit uirlis chomhlántach a fhorbairt lena gceadófar d’úinéirí foirgneamh agus do bhainisteoirí foirgneamh dréachtphas simplí athchóirithe a ionsamhlú agus lena gceadófar dóibh é a nuashonrú a luaithe a dhéanfar athchóiriú nó a dhéanfar eilimint foirgnimh a athsholáthar.

7.   Áiritheoidh na Ballstáit gur féidir an pas athchóirithe a uaslódáil chuig an mbunachar sonraí náisiúnta le haghaidh feidhmíocht fuinnimh foirgneamh arna bhunú de bhun Airteagal 22.

8.   Áiritheoidh na Ballstáit go ndéanfar an pas athchóirithe a stóráil sa logleabhar digiteach foirgneamh, i gcás ina mbeidh sé ar fáil, nó go mbeifear in ann rochtain a fháil air tríd an logleabhar sin.

1.   Déanfaidh na Ballstáit, chun críche barrfheabhsú a dhéanamh ar úsáid fuinnimh na gcóras teicniúil foirgnimh, ceanglais chórais a leagan síos, agus úsáid á baint acu as teicneolaíochtaí coigilte fuinnimh, i leith fheidhmíocht fuinnimh fhoriomlán, shuiteáil cheart, thoisiú, choigeartú agus rialú iomchuí, agus, i gcás inarb iomchuí, cothromú hidreanach na gcóras teicniúil foirgnimh, atá suiteáilte i bhfoirgnimh nua nó i bhfoirgnimh atá cheana ann. Agus na ceanglais á mbunú, cuirfidh na Ballstáit san áireamh dálaí deartha agus gnáthdhálaí nó meándálaí oibriúcháin.

Socrófar ceanglais chórais do chórais theicniúla foirgnimh nua agus do chórais theicniúla foirgnimh atá ann cheana a athsholáthar agus a uasghrádú, agus déanfar na ceanglais sin a chur i bhfeidhm a mhéid is indéanta go teicniúil, go heacnamaíoch agus go feidhmiúil.

Féadfaidh na Ballstáit ceanglais a shocrú a bhaineann le hastaíochtaí gás ceaptha teasa de chuid gineadóirí teasa nó leis an gcineál breosla a úsáideann gineadóirí teasa nó leis an gcuid íosta fuinnimh in-athnuaite a úsáidtear don teas ar leibhéal an fhoirgnimh ar choinníoll nach mbeidh na ceanglais sin ina mbacainn gan údar ar an margadh.

Áiritheoidh na Ballstáit go sroichfidh na ceanglais a leagann siad síos le haghaidh córais theicniúla foirgnimh na leibhéil is fearr agus is déanaí costais ar a laghad.

2.   Féadfaidh na Ballstáit ceanglais shonracha chórais a shocrú do chórais theicniúla foirgnimh chun suiteáil agus oibriú éifeachtach córas téimh ísealteochta i bhfoirgnimh nua nó athchóirithe a éascú.

3.   Ceanglóidh na Ballstáit go ndéanfar foirgnimh nua a fheistiú, i gcás ina bhfuil sé indéanta go teicniúil agus go heacnamaíoch, le gléasanna féinrialaithe le haghaidh rialáil ar leithligh na teochta i ngach seomra nó, i gcás ina bhfuil údar cuí leis, i gcrios ainmnithe téite nó fuaraithe den aonad foirgnimh agus, i gcás inarb iomchuí, le cothromú hidreanach. Ceanglófar suiteáil na ngléasanna féinrialaithe sin agus, i gcás inarb iomchuí, cothromú hidreanach a bheith i bhfoirgnimh atá ann cheana, nuair a dhéanfar gineadóirí teasa nó gineadóirí fuaraithe a athsholáthar, i gcás ina bhfuil sé indéanta go teicniúil agus go heacnamaíoch.

4.   Leagfaidh na Ballstáit síos ceanglais maidir le caighdeáin cáilíochta na timpeallachta laistigh comhshaoil leormhaithe laistigh a chur chun feidhme i bhfoirgnimh chun aeráid shláintiúil laistigh a chothabháil.

5.   Ceanglóidh na Ballstáit go mbeidh foirgnimh astaíochtaí nialasacha nach foirgnimh chónaithe iad feistithe le feistí tomhais agus rialaithe chun faireachán agus rialáil a dhéanamh ar cháilíocht an aeir laistigh. I bhfoirgnimh nach foirgnimh chónaithe iad atá ann cheana, beidh gá na feistí sin a shuiteáil, i gcás ina bhfuil sé indéanta go teicniúil agus go heacnamaíoch, i gcás ina ndéantar athchóiriú mór ar fhoirgneamh. Féadfaidh na Ballstáit a cheangal go suiteálfar na feistí sin i bhfoirgnimh chónaithe.

6.   Áiritheoidh na Ballstáit, nuair a dhéanfar córas teicniúil foirgnimh a shuiteáil, go ndéanfar measúnú ar fheidhmíocht fuinnimh fhoriomlán na coda athraithe agus, i gcás inarb ábhartha, an chórais athraithe ina iomláine. Déanfar na torthaí a dhoiciméadú agus a chur chuig úinéir an fhoirgnimh, ionas go mbeidh siad ar fáil i gcónaí agus gur féidir iad a úsáid le haghaidh fíorú ar chomhlíonadh na n-íoscheanglas a leagtar síos de bhun mhír 1 agus le haghaidh eisiúint na ndeimhnithe feidhmíochta fuinnimh.

Déanfaidh na Ballstáit na bearta is gá chun a áirithiú go ndéanfar feidhmíocht fuinnimh na gcóras teicniúil foirgnimh a bharrfheabhsú i gcás ina ndéanfar iad a iarfheistiú nó a athsholáthar.

Cuirfidh na Ballstáit stóráil fuinnimh le haghaidh fuinneamh in-athnuaite i bhfoirgnimh chun cinn.

Féadfaidh na Ballstáit foráil a dhéanamh maidir le dreasachtaí nua agus cistiú nua chun an t-aistriú ó chórais téimh agus fuaraithe atá bunaithe ar bhreoslaí iontaise go córais téimh agus fuaraithe atá bunaithe ar bhreoslaí nach breoslaí iontaise iad a spreagadh.

7.   Féachfaidh na Ballstáit le coirí leithleacha a chumhachtaítear le breoslaí iontaise i bhfoirgnimh atá ann cheana a ionadú, i gcomhréir leis na pleananna náisiúnta céimnithe amach i ndáil le coirí breosla iontaise.

8.   Eiseoidh an Coimisiún treoir maidir leis an rud is coire breosla iontaise ann.

9.   Déanfaidh na Ballstáit ceanglais a leagan síos chun a áirithiú, i gcás ina bhfuil sé indéanta go teicniúil agus go heacnamaíoch, go mbeidh foirgnimh nach foirgnimh chónaithe iad feistithe le córais uathoibrithe agus rialaithe foirgnimh, mar a leanas:

10.   Beidh sé de chumas ag na córais uathoibrithe agus rialaithe foirgnimh an méid a leanas a dhéanamh:

11.   Déanfaidh na Ballstáit ceanglais a leagan síos chun a áirithiú, i gcás ina bhfuil sé indéanta go teicniúil, go heacnamaíoch agus go feidhmiúil, ón 29 Bealtaine 2026, go mbeidh foirgnimh chónaithe nua agus foirgnimh chónaithe a bhfuil athchóirithe móra á ndéanamh orthu feistithe leis an méid seo a leanas:

Féadfaidh na Ballstáit tithe aonteaghlaigh a bhfuil athchóirithe móra ar siúl iontu a eisiamh ó na ceanglais a leagtar síos sa mhír seo i gcás ina bhfuil na costais suiteála níos mó ná an leas a thiocfadh as.

12.   Leagfaidh na Ballstáit síos ceanglais chun a áirithiú, i gcás ina bhfuil sé indéanta go teicniúil agus go heacnamaíoch, go mbeidh foirgnimh nach foirgnimh chónaithe iad ag a bhfuil aschur rátaithe éifeachtach le haghaidh córais téimh, córais aerchóirithe, comhchórais téimh spáis agus aerála nó comhchórais aerchóirithe agus aerála atá:

Déanfar na rialuithe uathoibríocha soilsithe a chriosú go hiomchuí agus beidh siad in ann áitíocht a bhrath.

1.   Maidir le foirgnimh nua nach foirgnimh chónaithe iad a bhfuil níos mó ná cúig spás páirceála gluaisteán acu agus foirgnimh nach foirgnimh chónaithe iad a bhfuil athchóiriú mór á dhéanamh orthu, agus a bhfuil níos mó ná cúig spás páirceála gluaisteán acu, áiritheoidh na Ballstáit an méid seo a leanas:

Beidh feidhm ag an gcéad fhomhír i gcás:

Áiritheoidh na Ballstáit go dtomhaisfear an réamhcháblú agus an duchtáil dá dtagraítear i bpointe (b) den chéad fhomhír ionas gur féidir úsáid chomhuaineach éifeachtúil a bhaint as líon na bpointí athluchtaithe is gá agus chun tacú, i gcás inarb iomchuí, le córas bainistíochta athluchtaithe nó luchtúcháin a shuiteáil, a mhéid atá sé sin indéanta go teicniúil agus go heacnamaíoch agus go bhfuil údar leis.

De mhaolú ar phointe (a) den chéad fhomhír, maidir le foirgnimh oifige nua agus foirgnimh oifige nua a bhfuil athchóiriú mór á dhéanamh orthu, a bhfuil níos mó ná cúig spás páirceála iontu, áiritheoidh na Ballstáit go ndéanfar pointe athluchtaithe amháin ar a laghad a shuiteáil i ngach dhá spás páirceála.

2.   Maidir le gach foirgneamh nach foirgneamh cónaithe é a bhfuil níos mó ná 20 spás páirceála gluaisteán aige, áiritheoidh na Ballstáit, faoin 1 Eanáir 2027, an méid seo a leanas:

Maidir le foirgnimh atá faoi úinéireacht nó áitithe ag comhlachtaí poiblí, áiritheoidh na Ballstáit go ndéanfar réamhcháblú a shuiteáil le haghaidh 50 % de na spásanna páirceála gluaisteán ar a laghad faoin 1 Eanáir 2033.

Féadfaidh na Ballstáit cur chun feidhme an cheanglais seo a chur ar fionraí go dtí an 1 Eanáir 2029 maidir le gach foirgneamh nach foirgneamh cónaithe é a ndearnadh athchóiriú air sa 2 bhliain roimh an 28 Bealtaine 2024 chun na ceanglais náisiúnta arna mbunú i gcomhréir le hAirteagal 8(3) de Threoir 2010/31/AE a chomhlíonadh.

3.   Féadfaidh na Ballstáit na ceanglais maidir le líon na spásanna páirceála do rothair a choigeartú i gcomhréir le míreanna 1 agus 2 do chatagóirí sonracha foirgneamh nach foirgnimh chónaithe iad nach mbíonn rochtain ag rothair orthu de ghnáth.

4.   Maidir le foirgnimh chónaithe nua agus foirgnimh chónaithe a bhfuil níos mó ná trí spás páirceála gluaisteán acu a bhfuil athchóiriú mór á dhéanamh orthu, agus níos mó ná trí spás páirceála gluaisteán iontu, áiritheoidh na Ballstáit:

Maidir le foirgnimh chónaithe nua a bhfuil níos mó ná trí spás páirceála gluaisteán iontu, áiritheoidh na Ballstáit freisin go ndéanfar pointe athluchtaithe amháin ar a laghad a shuiteáil.

Beidh feidhm ag an gcéad fhomhír agus an dara fhomhír i gcás:

De mhaolú ar an gcéad fhomhír, féadfaidh na Ballstáit, faoi réir measúnú ag údaráis áitiúla agus saintréithe áitiúla á gcur san áireamh, lena n-áirítear dálaí déimeagrafacha, geografacha agus aeráide, ceanglais a choigeartú maidir le líon na spásanna páirceála do rothair.

Áiritheoidh na Ballstáit go mbeidh an réamhcháblú dá dtagraítear i bpointe (a) den chéad fhomhír toisithe sa chaoi go mbeifear in ann na pointí athluchtaithe ar gach aon spás páirceála a úsáid san am céanna. Más rud é, i gcás athchóiriú mór, nach bhfuil sé indéanta dhá spás páirceála do rothair a áirithiú le haghaidh gach aonaid foirgnimh chónaithe, áiritheoidh na Ballstáit go mbeidh an oiread spásanna páirceála do rothair is féidir ann de réir mar is iomchuí.

5.   Féadfaidh Ballstáit cinneadh a dhéanamh míreanna 1, 2 agus 4 den Airteagal seo a chur i bhfeidhm ar chatagóirí sonracha foirgnimh i gcás:

6.   Áiritheoidh na Ballstáit go mbeidh na pointí athluchtaithe dá dtagraítear i míreanna 1, 2 agus 4 den Airteagal seo in ann don athluchtú cliste agus, i gcás inarb iomchuí, don athluchtú déthreoch, agus go n-oibrítear iad ar bhonn prótacal agus caighdeán cumarsáide neamhdhílseánaigh agus neamh-idirdhealaitheach, ar bhealach idir-inoibritheach, agus i gcomhréir le haon chaighdeán Eorpach agus gníomhartha tarmligthe arna nglacadh de bhun Airteagal 21(2) agus (3) de Rialachán (AE) 2023/1804.

7.   Maidir le pointí athluchtaithe nach bhfuil inrochtana go poiblí, molfaidh na Ballstáit do na hoibreoirí na pointí sin a oibriú i gcomhréir le hAirteagal 5(4) de Rialachán (AE) 2023/1804, i gcás inarb infheidhme.

8.   Déanfaidh na Ballstáit foráil maidir le bearta chun an nós imeachta maidir le pointí athluchtaithe a shuiteáil i bhfoirgnimh nua agus i bhfoirgnimh atá ann cheana, idir fhoirgnimh chónaithe agus fhoirgnimh nach foirgnimh chónaithe iad, go háirithe i bhfoirgnimh cumann comhúinéirí, a shimpliú, a chomhchuibhiú agus a luathú, agus chun bacainní rialála a bhaint, lena n-áirítear nósanna imeachta ceada agus formheasa ó údaráis phoiblí, gan dochar do dhlí maoine agus tionóntachta na mBallstát. Bainfidh na Ballstáit bacainní ar shuiteáil pointí athluchtaithe i bhfoirgnimh chónaithe le spásanna páirceála, go háirithe an gá atá ann toiliú a fháil ón tiarna talún nó ó na comhúinéirí le haghaidh pointe athluchtaithe príobháideach dá n-úsáid féin. Ní fhéadfar iarraidh ó thionóntaí nó ó comhúinéirí cead a fháil bonneagar athluchtaithe a shuiteáil i spás páirceála a dhiúltú ach amháin má tá forais thromchúiseacha dhlisteanacha ann chun í a dhiúltú.

Gan dochar dá ndlí maoine agus tionóntachta, déanfaidh na Ballstáit measúnú ar bhacainní riaracháin maidir leis an iarratas chun pointe athluchtaithe a shuiteáil i bhfoirgneamh ina bhfuil aonaid foirgnimh chónaithe iomadúla ag cumainn tionóntaí nó comhúinéirí.

Áiritheoidh na Ballstáit go mbeidh cúnamh teicniúil ar fáil d’úinéirí foirgnimh agus do thionóntaí ar mian leo pointí athluchtaithe agus spásanna páirceála do rothair a shuiteáil.

Maidir le foirgnimh chónaithe, déanfaidh na Ballstáit a machnamh maidir le scéimeanna tacaíochta a thabhairt isteach chun pointí athluchtaithe, réamhcháblú nó duchtáil a shuiteáil le haghaidh spásanna páirceála i gcomhréir le líon na bhfeithiclí ceallra-leictreacha saothair éadroim atá cláraithe ina gcríoch.

9.   Áiritheoidh na Ballstáit comhleanúnachas beartas le haghaidh foirgneamh, soghluaisteacht ghníomhach agus ghlas, na haeráide, an fhuinnimh, na bithéagsúlachta agus na pleanála uirbí.

10.   Faoin 31 Nollaig 2025, foilseoidh an Coimisiún treoir maidir le sábháilteacht ó dhóiteáin i gcarrchlóis.

1.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 32 chun an Treoir seo a fhorlíonadh a bhaineann le scéim chomhchoiteann roghnach an Aontais chun ullmhacht chliste foirgneamh a rátáil. Bunófar an rátáil ar mheasúnú ar chumais foirgnimh nó aonaid foirgnimh a oibríocht a oiriúnú do riachtanais an áititheora, go háirithe a mhéid a bhaineann le cáilíocht na timpeallachta laistigh, agus na heangaí agus a éifeachtúlacht fuinnimh agus a fheidhmíocht fhoriomlán a fheabhsú.

I gcomhréir leis an Iarscríbhinn IV, déanfaidh scéim chomhchoiteann roghnach an Aontais chun ullmhacht chliste foirgneamh a rátáil an méid seo a leanas a leagan síos:

2.   Faoin 30 Meitheamh 2026, cuirfidh an Coimisiún tuarascáil faoi bhráid Pharlaimint na hEorpa agus na Comhairle maidir le tástáil agus cur chun feidhme an táscaire ullmhachta cliste, ar bhonn na dtorthaí a bheidh ar fáil ó na céimeanna tástála náisiúnta agus ó thionscadail ábhartha eile.

Agus aird á tabhairt ar thoradh na tuarascála sin, faoin 30 Meitheamh 2027, glacfaidh an Coimisiún gníomh tarmligthe i gcomhréir le hAirteagal 32, lena bhforlíonfar an Treoir seo trína cheangal go gcuirfear i bhfeidhm scéim chomhchoiteann an Aontais chun ullmhacht chliste foirgneamh a rátáil, i gcomhréir le hIarscríbhinn IV, i leith foirgnimh nach foirgnimh chónaithe iad ag a bhfuil aschur rátaithe éifeachtach le haghaidh córais téimh, córais aerchóirithe, comhchórais téimh spáis chomhcheangailte, nó do chórais aerchóirithe agus aerála chomhcheangailte atá os cionn 290 kW.

3.   Déanfaidh an Coimisiún, tar éis dó dul i gcomhairle leis na geallsealbhóirí ábhartha, gníomh cur chun feidhme a ghlacadh ina sonraítear na socruithe teicniúla le haghaidh chur chun feidhme éifeachtach na scéime dá dtagraítear i mír 1 den Airteagal seo, lena n-áirítear amlíne le haghaidh céim tástála neamhcheangailteach ar an leibhéal náisiúnta, agus ina soiléirítear gaol comhlántach na scéime le deimhnithe feidhmíochta fuinnimh dá dtagraítear in Airteagal 19.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 33(3).

4.   Ar choinníoll go bhfuil an gníomh tarmligthe dá dtagraítear i mír 2 glactha ag an gCoimisiún, déanfaidh sé, faoin 30 Meitheamh 2027, gníomh cur chun feidhme a ghlacadh ina mbeidh mionsonraí na socruithe teicniúla chun cur i bhfeidhm éifeachtach na scéime dá dtagraítear i mír 2 a chur chun feidhme i gcás foirgnimh nach foirgnimh chónaithe iad a bhfuil aschur rátaithe éifeachtach acu do chórais téimh, córais aerchóirithe, comhchórais téimh spáis chomhcheangailte, nó do chórais aerchóirithe agus aerála chomhcheangailte atá os cionn 290 kW.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 33(3).

1.   Áiritheoidh na Ballstáit go mbeidh rochtain dhíreach ag úinéirí foirgnimh, ag tionóntaí agus ag bainisteoirí ar shonraí a gcóras foirgnimh. Ar thoiliú a fháil uathu, cuirfear an rochtain nó na sonraí ar fáil do thríú páirtí, faoi réir na rialacha agus na gcomhaontuithe is infheidhme atá ann cheana. Éascóidh na Ballstáit idir-inoibritheacht iomlán seirbhísí agus malartú sonraí laistigh den Aontas i gcomhréir le mír 5.

Chun críocha na Treorach seo, áireofar i sonraí na gcóras foirgnimh, ar a laghad, na sonraí uile a bhfuil fáil orthu go héasca agus a bhaineann le feidhmíocht fuinnimh eilimintí foirgnimh, feidhmíocht fuinnimh seirbhísí foirgnimh, saolré réamh-mheasta na gcóras téimh, i gcás ina bhfuil fáil orthu, córais uathoibrithe agus rialaithe foirgnimh, méadair, feistí tomhais agus rialaithe agus pointí athluchtaithe le haghaidh na leictrea-shoghluaisteachta agus, i gcás ina mbeidh fáil orthu, beidh siad nasctha leis an logleabhar digiteach foirgneamh.

2.   Nuair atá na rialacha maidir le bainistiú agus malartú sonraí á leagan síos acu, agus aird á tabhairt ar na caighdeáin idirnáisiúnta agus an fhormáid bhainistíochta maidir le malartú sonraí, déanfaidh na Ballstáit, nó i gcás ina mbeidh foráil déanta amhlaidh ag Ballstát, na húdaráis inniúla atá ainmnithe, dlí an Aontais is infheidhme a chomhlíonadh. Ní bheidh na rialacha maidir le rochtain ná aon mhuirir ina mbac ná ní chruthófar idirdhealú leo do thríú páirtithe chun rochtain a fháil ar shonraí córas foirgneamh.

3.   Ní ghearrfar aon chostas breise ar úinéir an fhoirgnimh, ar an tionónta ná ar an mbainisteoir as rochtain a fháil ar a gcuid sonraí ná as iarraidh a dhéanamh a gcuid sonraí a chur ar fáil do thríú páirtí faoi réir na rialacha agus na gcomhaontuithe is infheidhme atá ann cheana. Beidh na Ballstáit freagrach as muirir ábhartha a shocrú le haghaidh rochtain ar shonraí ag páirtithe incháilithe eile, mar shampla, institiúidí airgeadais, comhiomlánóirí, soláthróirí fuinnimh, soláthraithe seirbhísí fuinnimh agus oifigí staidrimh náisiúnta nó údaráis náisiúnta eile atá freagrach as staidreamh Eorpach a fhorbairt, a tháirgeadh agus a scaipeadh. Déanfaidh na Ballstáit nó, i gcás inarb iomchuí, na húdaráis inniúla ainmnithe, a áirithiú go mbeidh aon mhuirear a ghearrann eintitis rialáilte a sholáthraíonn seirbhísí sonraí réasúnach agus cuí-réasúnaithe. Dreasóidh na Ballstáit comhroinnt na sonraí ábhartha córas foirgneamh.

4.   Na rialacha maidir le rochtain ar shonraí agus stóráil sonraí chun críocha na Treorach seo, comhlíonfaidh siad dlí ábhartha an Aontais. Próiseáil na sonraí pearsanta arna déanamh faoi chuimsiú na Treorach seo, déanfar í i gcomhréir le Rialachán (AE) 2016/679 ó Pharlaimint na hEorpa agus ón gComhairle (30).

5.   Faoin 31 Nollaig 2025, glacfaidh an Coimisiún gníomhartha cur chun feidhme ina sonrófar ceanglais idir-inoibritheachta agus nósanna imeachta neamh-idirdhealaitheacha agus trédhearcacha maidir le rochtain ar na sonraí.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairleach dá dtagraítear in Airteagal 33(2).

Ullmhóidh an Coimisiún straitéis chomhairliúcháin ina leagfar amach cuspóirí an chomhairliúcháin, na geallsealbhóirí a bhfuiltear ag spriocdhíriú orthu agus na gníomhaíochtaí comhairliúcháin chun na gníomhartha cur chun feidhme a fhorbairt.

1.   Soláthróidh na Ballstáit maoiniú iomchuí, bearta tacaíochta agus ionstraimí eile trína mbeifear in ann aghaidh a thabhairt ar bhacainní ar an margadh chun go seachadfar na hinfheistíochtaí is gá a sainaithníodh ina bplean náisiúnta athchóirithe foirgneamh chun a stoc foirgneamh a chlaochlú go foirgnimh astaíochtaí nialasacha faoi 2050.

2.   Áiritheoidh na Ballstáit go mbeidh na hiarratais agus na nósanna imeachta maidir le maoiniú poiblí simplí agus cuíchóirithe chun rochtain ar mhaoiniú a éascú, go háirithe do theaghlaigh.

3.   Déanfaidh na Ballstáit measúnú agus, i gcás inarb iomchuí, tabharfaidh siad aghaidh, ar bhacainní a bhaineann le costais tosaigh na n-athchóirithe.

4.   Agus scéimeanna tacaíochta airgeadais á gceapadh acu le haghaidh athchóiriú foirgneamh, breithneoidh na Ballstáit cé acu a úsáidfidh siad paraiméadair ioncambhunaithe nó nach n-úsáidfidh.

Féadfaidh na Ballstáit na cistí náisiúnta éifeachtúlachta fuinnimh a úsáid, ina gcuirtear na cistí sin ar bun de bhun Airteagal 30 de Threoir (AE) 2023/1791, chun scéimeanna agus cláir thiomnaithe le haghaidh athchóirithe feidhmíochta fuinnimh a mhaoiniú.

5.   Déanfaidh na Ballstáit bearta rialála iomchuí chun deireadh a chur le bacainní neamheacnamaíocha ar athchóiriú foirgneamh. Maidir le foirgnimh a bhfuil níos mó ná aonad foirgnimh amháin iontu, féadfar a áireamh ar na bearta sin ceanglais aontoilíochta a bhaint i struchtúir chomhúinéireachta, nó a cheadú do struchtúir chomhúinéireachta a bheith ina bhfaighteoirí díreacha de thacaíocht airgeadais.

6.   Bainfidh na Ballstáit an úsáid is costéifeachtaí as maoiniú náisiúnta agus as maoiniú atá ar fáil agus atá bunaithe ar leibhéal an Aontais, go háirithe an tSaoráid Téarnaimh agus Athléimneachta, Ciste Sóisialta na hAeráide, an Ciste Comhtháthaithe, InvestEU, ioncaim cheantála ó thrádáil astaíochtaí de bhun Threoir 2003/87/CE ó Pharlaimint na hEorpa agus ón gComhairle (31) agus foinsí eile cistithe phoiblí. Úsáidfear na foinsí cistiúcháin sin ar bhealach atá comhsheasmhach le conair i dtreo stoc foirgneamh astaíochtaí nialasacha a bheith ann faoi 2050.

7.   Chun tacú le cur ag gluaiseacht infheistíochtaí, déanfaidh na Ballstáit forbairt agus úsáid éifeachtach an mhaoinithe cumasúcháin agus uirlisí airgeadais a chur chun cinn, lena n-áirítear iasachtaí éifeachtúlachta fuinnimh agus morgáistí le haghaidh athchóiriú foirgneamh, conraitheoireacht um fheidhmíocht fuinnimh, scéimeanna airgeadais ‘íoc-mar-a-shábháiltear’, dreasachtaí fioscacha, mar shampla, rátaí cánach laghdaithe ar oibreacha agus ábhair athchóirithe, scéimeanna ar an gcáin, scéimeanna ar an mbille, cistí ráthaíochta, cistí atá dírithe ar athchóiriú domhain, cistí atá dírithe ar athchóirithe a bhfuil tairseach íosta shuntasach de choigiltis fuinnimh spriocdhírithe agus caighdeáin punainne morgáiste ag baint leo. Treoróidh siad infheistíochtaí i stoc foirgneamh poiblí atá fuinneamhéifeachtúil, i gcomhréir le treoir ó Eurostat maidir le conarthaí um fheidhmíocht fuinnimh a thaifeadadh i gcuntais rialtais.

Féadfaidh na Ballstáit úsáid comhpháirtíochtaí príobháideacha poiblí a chur chun cinn agus a shimpliú freisin.

8.   Áiritheoidh na Ballstáit go ndéanfar faisnéis faoin gcistiú agus faoi na huirlisí airgeadais atá ar fáil a chur ar fáil don phobal ar bhealach inrochtana agus trédhearcach, lena n-áirítear trí mhodhanna digiteacha.

9.   Féadfar iasachtaí athchóirithe nó cistí ráthaíochta le haghaidh athchóirithe feidhmíochta fuinnimh a áireamh sa mhaoiniú cumasúcháin agus sna huirlisí airgeadais, i gcomhcheangal le cláir ábhartha de chuid an Aontais freisin, i gcás inarb infheidhme.

10.   Faoin 29 Bealtaine 2025, glacfaidh an Coimisiún gníomh tarmligthe i gcomhréir le hAirteagal 32 lena bhforlíontar an Treoir seo trí chreat cuimsitheach punainne a bhunú a d’fhéadfadh institiúidí airgeadais a úsáid go deonach agus a thacaíonn le hiasachtóirí díriú ar líon na n-iasachtaí a sholáthraítear i gcomhréir le huaillmhian an Aontais maidir le dícharbónú agus spriocanna ábhartha fuinnimh, agus an líon sin a mhéadú, chun institiúidí airgeadais a spreagadh go héifeachtach chun na suimeanna a sholáthraítear le haghaidh athchóirithe feidhmíochta fuinnimh a ardú. Cumhdóidh na gníomhaíochtaí a leagtar amach sa chreat cuimsitheach punainne líon na n-iasachtaí le haghaidh athchóirithe fuinnimh, atá ag dul i méid, agus áireofar leo coimircí molta chun teaghlaigh leochaileacha a chosaint trí réitigh chistiúcháin mheasctha. Tabharfar tuairisc sa chreat ar dhea-chleachtais chun iasachtóirí a spreagadh chun na foirgnimh is neamhfheidhmiúla ina bpunanna a shainaithint agus gníomhú ina leith.

11.   Éascóidh na Ballstáit comhiomlánú tionscadal chun rochtain infheisteoirí a chumasú chomh maith le réitigh phacáistithe do chliaint ionchasacha.

Glacfaidh na Ballstáit bearta lena gcuirfear chun cinn táirgí iasachtúcháin éifeachtúlachta fuinnimh le haghaidh athchóirithe fuinnimh, cuir i gcás morgáistí glasa agus iasachtaí glasa, urraithe agus neamhurraithe, agus áiritheoidh siad go ndéanfaidh institiúidí airgeadais iad a thairiscint go forleathan agus go neamh-idirdhealaitheach agus go mbeidh siad infheicthe ag tomhaltóirí agus go mbeidh rochtain ag tomhaltóirí orthu. Áiritheoidh na Ballstáit go bhfaighidh bainc agus institiúidí airgeadais eile agus infheisteoirí faisnéis maidir le deiseanna a bheith rannpháirteach sa mhaoiniú maidir le feabhas a chur ar fheidhmíocht fuinnimh foirgneamh.

12.   Cuirfidh na Ballstáit bearta agus maoiniú i bhfeidhm chun oideachas agus oiliúint a chur chun cinn d’fhonn a áirithiú go bhfuil líon leordhóthanach oibrithe ann a mbeidh an leibhéal iomchuí scileanna acu a chomhfhreagraíonn do na riachtanais san earnáil tógála, ag díriú go háirithe ar FBManna lena n- áirítear micrifhiontair, de réir mar is iomchuí. Féadfaidh ionaid ilfhreastail arna mbunú de bhun Airteagal 18 rochtain ar bhearta agus ar chistiú mar sin a éascú.

13.   Tabharfaidh an Coimisiún cuidiú do Bhallstáit, i gcás inarb iomchuí agus arna iarraidh sin dóibh, chun cláir tacaíochta airgeadais a chur ar bun arb é is aidhm dóibh feabhas a chur ar fheidhmíocht fuinnimh foirgneamh, foirgnimh atá ann cheana go háirithe, lena n-áirítear trí thacaíocht a thabhairt do mhalartú dea-chleachtais idir na húdaráis nó comhlachtaí náisiúnta nó réigiúnacha freagracha. Áiritheoidh na Ballstáit go ndéanfar na cláir sin a fhorbairt ar bhealach ina mbeidh rochtain ag eagraíochtaí a bhfuil acmhainní riaracháin, airgeadais agus eagraíochtúla níos ísle acu orthu.

14.   Agus aird chuí á tabhairt ar theaghlaigh leochaileacha, nascfaidh na Ballstáit a mbearta airgeadais le haghaidh feabhsuithe feidhmíochta fuinnimh agus astaíochtaí gás ceaptha teasa laghdaithe in athchóiriú foirgneamh leis an gcoigilteas agus feabhsuithe fuinnimh a bhfuiltear ag spriocdhíriú orthu nó atá bainte amach, arna gcinneadh le ceann amháin nó níos mó de na critéir seo a leanas:

15.   Ón 1 Eanáir 2025, ní sholáthróidh na Ballstáit aon dreasacht airgeadais chun coirí leithleacha a chumhachtaítear le breoslaí iontaise a shuiteáil, cé is moite díobh siúd a roghnaíodh le haghaidh infheistíochta, roimh 2025, i gcomhréir le Rialachán (AE) 2021/241, Airteagal 7(1), pointe (h)(i), an tríú fleasc, de Rialachán (AE) 2021/1058 agus le hAirteagal 73 de Rialachán (AE) 2021/2115 ó Pharlaimint na hEorpa agus ón gComhairle (32).

16.   Dreasóidh na Ballstáit athchóiriú domhain agus athchóiriú domhain céimneach le níos mó tacaíochta airgeadais, fioscaí, riaracháin agus teicniúla. I gcás nach bhfuil sé indéanta go teicniúil nó go heacnamaíoch foirgneamh a chlaochlú go foirgneamh astaíochtaí nialasacha, measfar gur athchóiriú domhain chun críocha na míre seo é aon athchóiriú a mbeidh laghdú 60 % ar a laghad ar úsáid fuinnimh phríomhúil mar thoradh air. Dreasóidh na Ballstáit cláir shuntasacha lena dtabharfar aghaidh ar líon ard foirgneamh, go háirithe na foirgnimh is neamhfheidhmiúla, trí chláir athchóirithe ceantair chomhtháite, cuir i gcás, agus arb é an toradh a bheidh orthu laghdú foriomlán 30 % ar a laghad ar úsáid fuinnimh phríomhúil le níos mó tacaíochta airgeadais, fioscaí, riaracháin agus teicniúla, de réir an leibhéil feidhmíochta a bhaintear amach.

17.   Gan dochar dá mbeartais náisiúnta eacnamaíocha agus shóisialta ná dá gcórais dlí maoine, tabharfaidh na Ballstáit aghaidh ar dhíshealbhú teaghlach leochaileach atá mar thoradh ar mhéaduithe díréireacha cíosa tar éis athchóiriú fuinnimh ar a bhfoirgneamh cónaithe nó aonad foirgnimh cónaithe.

18.   Leis na dreasachtaí airgeadais díreofar mar thosaíocht ar theaghlaigh leochaileacha, ar dhaoine a bhfuil tionchar ag bochtaineacht fuinnimh orthu agus ar dhaoine atá ag maireachtáil i dtithíocht shóisialta, i gcomhréir le hAirteagal 24 de Threoir (AE) 2023/1791.

19.   Agus dreasachtaí airgeadais á soláthar d’úinéirí foirgneamh nó d’úinéirí aonad foirgnimh chun athchóiriú a dhéanamh ar fhoirgnimh nó ar aonaid foirgnimh ar cíos, díreoidh na Ballstáit ar dhreasachtaí airgeadais a rachaidh chun tairbhe na n-úinéirí agus na dtionóntaí araon. Tabharfaidh na Ballstáit coimircí éifeachtacha isteach, chun teaghlaigh leochaileacha go háirithe a chosaint, lena n-áirítear trí thacaíocht chíosa a sholáthar nó trí uasteorainneacha a fhorchur ar arduithe cíosa, agus féadfaidh siad scéimeanna airgeadais a dhreasú a théann i ngleic leis na costais tosaigh a bhaineann le hathchóirithe, mar shampla, scéimeanna ar an mbille, scéimeanna ‘íoc-mar-a-shábháiltear’ nó conraitheoireacht um fheidhmíocht fuinnimh, dá dtagraítear i bpointe (33) d’Airteagal 2 agus in Airteagal 29 de Threoir (AE) 2023/1791.

1.   Áiritheoidh na Ballstáit, i gcomhar leis na húdaráis inniúla, agus, i gcás inarb iomchuí, le páirtithe leasmhara príobháideacha, go mbunófar agus go n-oibreofar saoráidí cúnaimh theicniúil, lena n-áirítear trí ionaid ilfhreastail chuimsitheacha le haghaidh feidhmíocht fuinnimh foirgneamh, lena ndíreofar ar na gníomhaithe uile atá páirteach in athchóirithe foirgneamh, inter alia, úinéirí tí agus gníomhaithe riaracháin, airgeadais agus eacnamaíocha, amhail FBManna, lena n-áirítear micrifhiontair.

Áiritheoidh na Ballstáit go mbeidh saoráidí cúnaimh theicniúil ar fáil ar fud a gcríche trí ionad ilfhreastail amháin ar a laghad a bhunú:

Féadfaidh na Ballstáit na hionaid ilfhreastail arna mbunú de bhun Airteagal 22(3), pointe (a), de Threoir (AE) 2023/1791 a ainmniú mar ionaid ilfhreastail chun críocha an Airteagail seo.

Cuirfidh an Coimisiún treoirlínte ar fáil chun na hionaid ilfhreastail sin a bhunú i gcomhréir le hAirteagal 22(6) de Threoir (AE) 2023/1791.

2.   Déanfar an méid seo a leanas sna saoráidí cúnaimh theicniúil arna mbunú de bhun mhír 1:

3.   Maidir le hionaid ilfhreastail arna mbunú de bhun mhír 1, déanfaidh siad an méid seo a leanas:

1.   Leagfaidh na Ballstáit síos na bearta is gá chun córas le haghaidh deimhniúcháin d’fheidhmíocht fuinnimh foirgneamh a chur ar bun.

Chun gur féidir le húinéirí nó tionóntaí an fhoirgnimh nó an aonaid foirgnimh a fheidhmíocht fuinnimh a chur i gcomparáid agus a mheas, sa deimhniú feidhmíochta fuinnimh áireofar feidhmíocht fuinnimh foirgnimh a chuirfear in iúl trí tháscaire uimhriúil le haghaidh úsáid fuinnimh phríomhúil in kWh/(m2.y), agus luachanna tagartha, mar shampla, íoscheanglais feidhmíochta fuinnimh, íoschaighdeáin feidhmíochta fuinnimh, ceanglais d’fhoirgnimh atá nach mór neodrach ó thaobh an fhuinnimh de agus ceanglais d’fhoirgnimh astaíochtaí nialasacha.

2.   Faoin 29 Bealtaine 2026 ar a dhéanaí, comhlíonfaidh an deimhniú feidhmíochta fuinnimh an teimpléad in Iarscríbhinn V. Sonrófar ann aicme feidhmíochta fuinnimh an fhoirgnimh ar scála dúnta agus úsáid á baint as litreacha ó A go G amháin. Comhfhreagróidh litir A d’fhoirgnimh astaíochtaí nialasacha agus comhfhreagróidh litir G don chuid is measa de na foirgnimh is neamhfheidhmiúla sa stoc náisiúnta foirgneamh tráth a thabharfar isteach an scála. Féadfaidh na Ballstáit, an 29 Bealtaine 2026, a bhfuil foirgnimh astaíochtaí nialasacha mar ‘A0’ ainmnithe acu cheana féin ar dháta an trasuite, leanúint den ainmniú sin a úsáid in ionad aicme A. Áiritheoidh na Ballstáit go mbeidh dáileadh iomchuí táscairí feidhmíochta fuinnimh i measc na n-aicmí feidhmíochta fuinnimh ag na haicmí eile (B go F nó, i gcás ina n-úsáidtear A0, A go F).

Féadfaidh na Ballstáit aicme feidhmíochta fuinnimh A+ a shainiú a chomhfhreagróidh d’fhoirgnimh ag a bhfuil uastairseach le haghaidh éileamh fuinnimh atá ar a laghad 20 % níos ísle ná an uastairseach d’fhoirgnimh astaíochtaí nialasacha, agus a ghineann níos mó fuinnimh in-athnuaite ar an láthair gach bliain ná a éileamh fuinnimh phríomhúil bliantúil iomlán. I gcás foirgnimh atá ann cheana agus a athchóirítear go haicme A+, áiritheoidh na Ballstáit go ndéanfar meastachán ar GWP ar feadh saolré agus go nochtfar é i ndeimhniú feidhmíochta fuinnimh an fhoirgnimh.

Féadfaidh na Ballstáit a rinne a n-aicmí feidhmíochta fuinnimh a athscálú an 1 Eanáir 2019 nó ina dhiaidh sin agus roimh an 28 Bealtaine 2024 athscálú a n-aicmí feidhmíochta fuinnimh a chur siar go dtí an 31 Nollaig 2029.

3.   Áiritheoidh na Ballstáit sainaitheantas coiteann físeach le haghaidh deimhnithe feidhmíochta fuinnimh ar a gcríoch féin.

4.   Áiritheoidh na Ballstáit cáilíocht, iontaofacht agus inacmhainneacht na ndeimhnithe feidhmíochta fuinnimh.

Déanfaidh na Ballstáit bearta chun a áirithiú go mbeidh deimhniú feidhmíochta fuinnimh inacmhainne agus déanfaidh siad a machnamh ar cheart tacaíocht airgeadais a chur ar fáil do theaghlaigh leochaileacha.

Áiritheoidh na Ballstáit gur i gcomhréir le hAirteagal 20(1) a eiseofar na deimhnithe feidhmíochta fuinnimh agus gur saineolaithe neamhspleácha a eiseoidh iad, ar bhonn cuairt ar an láthair, a fhéadfar a dhéanamh, i gcás inarb iomchuí, trí mhodhanna fíorúla a bhfuil seiceálacha amhairc i gceist leo. Beidh na deimhnithe feidhmíochta fuinnimh soiléir agus soléite agus ar fáil i bhformáid mheaisín-inléite agus i gcomhréir leis an teimpléad in Iarscríbhinn V.

5.   Áireofar sa deimhniú feidhmíochta fuinnimh moltaí maidir leis an bhfeidhmíocht fuinnimh a fheabhsú agus na hastaíochtaí gás ceaptha teasa oibríochtúla a laghdú agus cáilíocht na timpeallachta laistigh i bhfoirgneamh nó in aonad foirgnimh a fheabhsú ar an dóigh is costéifeachtaí, ach amháin má tá an aicme feidhmíochta fuinnimh A ar a laghad bainte amach ag an bhfoirgneamh nó ag an aonad foirgnimh cheana féin.

Cuimseofar leis na moltaí sa deimhniú feidhmíochta fuinnimh na nithe seo a leanas:

6.   I gcás ina ndéanann na Ballstáit foráil do phas athchóirithe atá le tarraingt suas agus le heisiúint i gcomhpháirt leis an deimhniú feidhmíochta fuinnimh de bhun Airteagal 12(3), déanfaidh an pas athchóirithe ionadú ar na moltaí de bhun mhír 5 den Airteagal seo.

7.   Na moltaí a áireofar sa deimhniú feidhmíochta fuinnimh, beidh siad indéanta go teicniúil maidir leis an bhfoirgneamh atá i gceist agus soláthrófar iontu meastachán maidir leis na coigiltis fuinnimh agus an laghdú sna hastaíochtaí gás ceaptha teasa oibríochtúla. Féadfaidh siad meastachán a sholáthar ar raon na dtréimhsí aisíoca nó na gcostas agus na dtairbhí thar a shaolré eacnamaíoch agus faisnéis faoi dhreasachtaí airgeadais atá ar fáil, cúnamh riaracháin agus teicniúil mar aon le sochair airgeadais, a bhfuil baint ghinearálta acu le gnóthú na luachanna tagartha.

8.   Áireofar sna moltaí measúnú ar cé acu is féidir nó nach féidir an córas téimh, na córais aerála, na córais aerchóirithe agus na córais uisce the tí a oiriúnú chun go bhfeidhmeoidh siad ag socruithe teochta níos éifeachtúla, cuir i gcás astaírí ísealteochta le haghaidh córais téimh atá bunaithe ar uisce, lena n-áirítear an dearadh is gá ar an aschur cumhachta teirmí agus ar na ceanglais teochta agus sreafa.

9.   Áireofar sna moltaí measúnú ar a bhfuil fágtha de shaolré na gcóras téimh nó na gcóras aerchóirithe. I gcás inarb ábhartha, léireofar sna moltaí roghanna malartacha féideartha d’athsholáthar na gcóras téimh nó na gcóras aerchóirithe, i gcomhréir le spriocanna aeráide 2030 agus 2050, agus imthosca áitiúla agus imthosca a bhaineann leis an gcóras á gcur san áireamh.

10.   Déanfar tagairt sa deimhniú feidhmíochta fuinnimh don áit inar féidir le úinéir nó tionónta an fhoirgnimh nó an aonaid foirgnimh faisnéis níos mionsonraithe a fháil, lena n-áirítear maidir le costéifeachtúlacht na moltaí a rinneadh sa deimhniú feidhmíochta fuinnimh. Beidh an mheastóireacht ar chostéifeachtúlacht bunaithe ar thacar gnáthdhálaí, mar shampla, coigiltí fuinnimh a mheas agus bunphraghsanna fuinnimh agus réamhaisnéis ar chostas. Ina theannta sin, beidh faisnéis ann faoi na bearta atá le cur ar bun chun na moltaí a chur chun feidhme, faisnéis teagmhála na n-ionad ilfhreastail ábhartha agus, i gcás inarb ábhartha, faisnéis faoi na roghanna tacaíochta airgeadais. Féadfar faisnéis eile maidir le hábhair ábhartha a chur ar fáil d’úinéir nó do thionónta an fhoirgnimh nó an aonaid foirgnimh, mar shampla, iniúchtaí fuinnimh nó dreasachtaí airgeadais nó de chineál eile agus féidearthachtaí maoinithe, nó comhairle maidir leis an dóigh chun cur le hathléimneacht an fhoirgnimh in aghaidh an athraithe aeráide.

11.   Féadfar deimhniúchán aonad foirgnimh a bhunú ar na nithe seo a leanas:

12.   Féadfaidh deimhniúchán do thithe aonteaghlaigh a bheith bunaithe ar mheasúnú a dhéanamh ar fhoirgneamh eile ionadaíoch de dhearadh cosúil, de mhéid cosúil agus de cháilíocht feidhmíochta fuinnimh cosúil más féidir leis an saineolaí atá ag eisiúint an deimhnithe feidhmíochta fuinnimh an chomhréireacht sin a áirithiú.

13.   Ní rachaidh bailíocht an deimhnithe feidhmíochta fuinnimh thar thréimhse 10 mbliana. Áiritheoidh na Ballstáit, i gcás inar eisíodh deimhniú feidhmíochta fuinnimh d’fhoirgnimh faoi bhun leibhéal C, áiritheoidh na Ballstáit go dtabharfar cuireadh d’úinéirí foirgneamh teacht chuig ionad ilfhreastail chun comhairle a fháil maidir le hathchóiriú, ar cibé ceann de na nithe seo a leanas is luaithe:

14.   Cuirfidh na Ballstáit nósanna imeachta simplithe ar fáil chun deimhniú feidhmíochta fuinnimh a nuashonrú i gcás nach ndéanfar ach eilimintí aonair a uasghrádú, trí bhíthin bearta aonair nó bearta neamhspleácha.

Cuirfidh na Ballstáit nósanna imeachta simplithe ar fáil chun deimhniú feidhmíochta fuinnimh a thabhairt cothrom le dáta i gcás ina gcuirfear bearta ar bun a shainaithnítear i bpas athchóirithe nó i gcás ina n-úsáidfear macasamhail dhigiteach den fhoirgneamh, modhanna deimhnithe eile, nó sonraí ó uirlisí deimhnithe lena gcinntear feidhmíocht fuinnimh foirgnimh.

1.   Déanfaidh na Ballstáit a áirithiú go n-eiseofar deimhniú feidhmíochta fuinnimh digiteach do na nithe seo a leanas:

Ní bheidh feidhm ag an gceanglas atá ann deimhniú feidhmíochta fuinnimh a eisiúint i gcás ina bhfuil deimhniú arna eisiúint i gcomhréir le Treoir 2010/31/AE nó an Treoir seo ar fáil agus bailí maidir leis an bhfoirgneamh nó leis an aonad foirgnimh lena mbaineann.

Áiritheoidh na Ballstáit go n-eiseofar leagan páipéir den deimhniú feidhmíochta fuinnimh arna iarraidh sin.

2.   I gcás ina dtógtar foirgnimh nó aonaid foirgnimh, ina ndearnadh athchóiriú mór orthu, nó ina ndíoltar nó ina ligtear ar cíos iad nó nuair a dhéantar conarthaí cíosa d’fhoirgnimh nó d’aonaid foirgnimh a athnuachan, ceanglóidh na Ballstáit go dtaispeánfar an deimhniú feidhmíochta fuinnimh don tionónta nó don cheannaitheoir ionchasach agus go dtabharfar ar láimh é don cheannaitheoir nó don tionónta.

3.   I gcás ina ndíolfar nó ina ligfear amach ar cíos foirgneamh sula dtógfar é nó sula ndéanfar athchóiriú mór air, féadfaidh na Ballstáit a cheangal ar an díoltóir measúnú maidir lena fheidhmíocht fuinnimh amach anseo a chur ar fáil, de mhaolú ar mhíreanna 1 agus 2; sa chás sin, eiseofar an deimhniú feidhmíochta fuinnimh nuair a bheidh an foirgneamh tógtha, ar a dhéanaí, nó nuair a bheidh athchóiriú déanta air, agus léireoidh sé staid an fhoirgnimh agus é tógtha.

4.   Ceanglóidh na Ballstáit, maidir le foirgnimh nó aonaid foirgnimh a chuirtear ar díol nó a ligtear amach ar cíos, go bhfuil deimhniú feidhmíochta fuinnimh acu, agus go bhfuil táscaire feidhmíochta fuinnimh agus aicme dheimhniú feidhmíochta fuinnimh an fhoirgnimh nó an aonaid foirgnimh, de réir mar is infheidhme, luaite, ar líne agus as líne, i bhfógráin, lena n-áirítear ar shuíomhanna gréasáin ar a mbíonn tairseach chun cuardach a dhéanamh ar réadmhaoin.

Déanfaidh na Ballstáit seiceálacha samplacha nó rialuithe eile chun comhlíonadh na gceanglas sin a áirithiú.

5.   Cuirfear forálacha an Airteagail seo chun feidhme i gcomhréir le rialacha náisiúnta infheidhme maidir le comhúinéireacht nó le cómhaoin.

6.   Féadfaidh na Ballstáit na catagóirí foirgneamh dá dtagraítear in Airteagal 5(3), pointí (b), (c) agus (e), a eisiamh ó chur i bhfeidhm mhíreanna 1, 2, 4 agus 5 den Airteagal seo. Féadfaidh na Ballstáit a roghnaigh foirgnimh chónaithe a eisiamh ó oibleagáidí an Airteagail seo, faoin 28 Bealtaine 2024, ar foirgnimh chónaithe iad a úsáidtear nó a bhfuil sé i gceist iad a úsáid ar feadh tréimhse níos lú ná 4 mhí in aghaidh na bliana nó, de rogha air sin, ar feadh am úsáide na bliana atá teoranta agus le tomhaltas fuinnimh réamh-mheasta atá níos lú ná 25 % den mhéid a bheadh mar thoradh ar a úsáid don bhliain ar fad, an méid sin a dhéanamh i gcónaí.

7.   An tionchar a d’fhéadfadh a bheith ag deimhniú feidhmíochta fuinnimh ó thaobh imeachtaí dlíthiúla de, déanfar sin a chinneadh i gcomhréir le rialacha náisiúnta.

8.   Áiritheoidh na Ballstáit go ndéanfar gach deimhniú feidhmíochta fuinnimh a eisítear a uaslódáil chuig an mbunachar sonraí maidir le feidhmíocht fuinnimh foirgneamh dá dtagraítear in Airteagal 22. Beidh an deimhniú feidhmíochta fuinnimh iomlán san uaslódáil, lena n-áireofar na sonraí uile is gá chun feidhmíocht fuinnimh an fhoirgnimh a ríomh.

1.   I gcás ina bhfuil foirgneamh ar eisíodh deimhniú feidhmíochta fuinnimh ina leith i gcomhréir le hAirteagal 20(1) á áitiú ag comhlachtaí poiblí agus a dtugann an pobal cuairt air go minic, déanfaidh na Ballstáit bearta chun a áirithiú go mbeidh an deimhniú feidhmíochta fuinnimh ar taispeáint in áit lárnach atá le feiceáil go soiléir ag an bpobal.

2.   I gcás ina bhfuil foirgneamh nach foirgneamh cónaithe é ar eisíodh deimhniú feidhmíochta fuinnimh ina leith i gcomhréir le hAirteagal 20(1), ceanglóidh na Ballstáit go mbeidh an deimhniú feidhmíochta fuinnimh ar taispeáint in áit fheiceálach agus atá le feiceáil go soiléir.

3.   Ní áirítear i bhforálacha mhíreanna 1 agus 2 oibleagáid na moltaí atá sa deimhniú feidhmíochta fuinnimh a chur ar taispeáint.

1.   Bunóidh gach Ballstát bunachar sonraí náisiúnta le haghaidh feidhmíocht fuinnimh foirgneamh lenar féidir sonraí a bhailiú maidir le feidhmíocht fuinnimh foirgneamh aonair agus maidir le feidhmíocht fuinnimh fhoriomlán an stoic náisiúnta foirgneamh. Féadfaidh sraith bunachar sonraí idirnasctha a bheith sna bunachair sonraí sin.

Leis an mbunachar sonraí féadfar sonraí a bhailiú ó na foinsí ábhartha uile maidir le deimhnithe feidhmíochta fuinnimh, cigireachtaí, an pas athchóirithe, an táscaire ullmhachta cliste agus tomhaltas fuinnimh ríofa nó mhéadraithe na bhfoirgneamh a chumhdaítear. Chun sonrú a chur sa bhunachar sin, féadfar tíopeolaíochtaí tógála a bhailiú freisin. Féadfar sonraí a bhailiú agus a stóráil freisin maidir le hastaíochtaí oibríochtúla agus astaíochtaí corpraithe araon agus maidir le GWP ar feadh saolré.

2.   Cuirfear sonraí comhiomlánaithe agus anaithnidithe an stoic foirgneamh ar fáil go poiblí, i gcomhréir le rialacha an Aontais agus rialacha náisiúnta cosanta sonraí. Beidh na sonraí a stórálfar meaisín-inléite agus inrochtana trí chomhéadan digiteach iomchuí. Áiritheoidh na Ballstáit go mbeidh rochtain éasca agus shaor in aisce ag úinéirí, tionóntaí agus bainisteoirí foirgnimh agus institiúidí airgeadais ar an deimhniú feidhmíochta fuinnimh iomlán a mhéid a bhaineann leis na foirgnimh ina n-infheistíocht agus a bpunanna iasachta agus, le cead an úinéara, ag saineolaithe neamhspleácha. Maidir le foirgnimh a thairgtear le haghaidh cíosa nó le haghaidh díola, áiritheoidh na Ballstáit go mbeidh rochtain ag tionóntaí nó ceannaitheoirí ionchasacha a bhfuil údarú faighte acu ó úinéir an fhoirgnimh ar an deimhniú feidhmíochta fuinnimh iomlán.

3.   Áiritheoidh na Ballstáit go mbeidh rochtain ag údaráis áitiúla ar shonraí ábhartha maidir le feidhmíocht fuinnimh foirgneamh ar a gcríoch de réir mar is gá chun dréachtú pleananna téimh agus fuaraithe a éascú agus chun córais faisnéise geografaí oibríochtúla agus bunachair sonraí ghaolmhara a áireamh, i gcomhréir le Rialachán (AE) 2016/679. Tacóidh na Ballstáit leis na húdaráis áitiúla maidir leis na hacmhainní is gá a fháil chun sonraí agus faisnéis a bhainistiú.

4.   Cuirfidh na Ballstáit faisnéis ar fáil go poiblí maidir le sciar na bhfoirgneamh sa stoc náisiúnta foirgneamh a chumhdaítear le deimhniú feidhmíochta fuinnimh agus sonraí comhiomlánaithe nó anaithnidithe maidir le feidhmíocht fuinnimh, lena n-áirítear tomhaltas fuinnimh, agus, i gcás inarb ábhartha, GWP ar feadh saolré na bhfoirgneamh a chumhdaítear. Déanfar an fhaisnéis phoiblí a thabhairt cothrom le dáta faoi dhó sa bhliain ar a laghad. Cuirfidh na Ballstáit faisnéis anaithnid nó comhiomlánaithe ar fáil d’institiúidí poiblí agus d’institiúidí taighde, mar shampla, na hoifigí staidrimh náisiúnta, arna iarraidh sin.

5.   Uair sa bhliain ar a laghad, áiritheoidh na Ballstáit go n-aistreofar an fhaisnéis sa bhunachar sonraí náisiúnta chuig Faireachlann an Aontais um Stoc Foirgneamh. Féadfaidh na Ballstáit an fhaisnéis a aistriú níos minice.

6.   Glacfaidh an Coimisiún gníomhartha cur chun feidhme chun teimpléid choiteanna a bhunú chun an fhaisnéis a aistriú chuig Faireachlann an Aontais um Stoc Foirgneamh. Glacfar an chéad ghníomh cur chun feidhme sin faoin 30 Meitheamh 2025.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 33(3).

7.   Ar mhaithe le comhleanúnachas agus comhsheasmhacht na faisnéise a áirithiú, áiritheoidh na Ballstáit go mbeidh an bunachar sonraí náisiúnta le haghaidh feidhmíocht fuinnimh foirgneamh idir-inoibritheach agus comhtháite le bunachair sonraí riaracháin eile ina bhfuil faisnéis maidir le foirgnimh, mar shampla clár foirgneamh náisiúnta nó clár talún náisiúnta agus logleabhair dhigiteacha foirgneamh.

1.   Leagfaidh na Ballstáit síos na bearta is gá chun cigireachtaí tráthrialta a bhunú ar na páirteanna inrochtana de chórais téimh, córais aerála agus córais aerchóirithe, lena n-áirítear aon teaglaim díobh, a bhfuil aschur rátaithe éifeachtach os cionn 70 kW acu. Beidh rátáil éifeachtach an chórais bunaithe ar shuim aschur rátáilte na ngineadóirí teasa agus na ngineadóirí fuaraithe.

2.   Féadfaidh na Ballstáit scéimeanna cigireachta ar leithligh a bhunú le haghaidh cigireachtaí ar chórais chónaithe agus ar chórais nach córais chónaithe iad.

3.   Féadfaidh na Ballstáit minicíochtaí cigireachta difriúla a leagan síos de réir chineál agus aschur rátaithe éifeachtach an chórais agus cuirfidh siad san áireamh costais cigireachtaí an chórais agus an coigilteas costais fuinnimh réamh-mheasta a d’fhéadfadh a bheith mar thoradh ar an gcigireacht. Déanfar cigireacht ar chórais gach 5 bliana ar a laghad. Córais ag a bhfuil gineadóirí a bhfuil aschur rátaithe éifeachtach os cionn 290 kW acu, déanfar cigireacht orthu gach 3 bliana ar a laghad.

4.   Áireofar leis an gcigireacht measúnú ar an ngineadóir nó na gineadóirí, caidéil imshruthaithe agus, i gcás inarb iomchuí, comhpháirteanna de chórais aerála, de chórais dáilte aeir agus uisce, de chórais hidréineacha cothromúcháin agus de chórais rialaithe. Féadfaidh na Ballstáit aon chórais tógála bhreise a shainaithnítear faoi Iarscríbhinn I a áireamh sna scéimeanna cigireachta.

Áireofar leis an gcigireacht measúnú ar éifeachtúlacht agus méid an ghineadóra nó na ngineadóirí teasa agus fuaraithe agus ar a bpríomh-chomhpháirteanna i gcomparáid le riachtanais an fhoirgnimh agus cuirfear san áireamh sa chigireacht cumas an chórais chun a fheidhmíocht a bharrfheabhsú faoi ghnáthdhálaí oibriúcháin nó faoi mheándálaí oibriúcháin, agus úsáid á baint as teicneolaíochtaí coigilte fuinnimh atá ar fáil, agus faoi dhálaí athraitheacha mar gheall ar athrú úsáide. I gcás inarb ábhartha, déanfar measúnú sa chigireacht ar a indéanta don chóras oibriú faoi shocruithe teochta éagsúla agus níos éifeachtúla, mar shampla ag teocht íseal do chórais téimh uiscebhunaithe, lena n-áirítear trí bhíthin ceanglais dearaidh maidir le haschur cumhachta teirmí agus maidir le teocht agus sreabhadh, agus oibriú sábháilte an chórais á áirithiú ag an am céanna. Áireofar sa chigireacht, i gcás inarb ábhartha, measúnú bunúsach ar a indéanta atá sé úsáid breoslaí iontaise ar an láthair a laghdú, mar shampla trí fhuinneamh in-athnuaite a chomhtháthú, trí fhoinse fuinnimh a athrú nó trí na córais atá ann cheana a ionadú nó a choigeartú.

I gcás ina suiteálfar córas aerála, déanfar measúnú freisin ar mhéid an chórais agus ar a chumas a fheidhmíocht a bharrfheabhsú faoi ghnáthdhálaí oibriúcháin nó faoi mheándálaí oibriúcháin atá ábhartha d’úsáid shonrach agus reatha an fhoirgnimh.

I gcás nach ndearnadh athrú ar bith ar an gcóras nó i ndáil le riachtanais an fhoirgnimh ó rinneadh cigireacht de bhun an Airteagail seo, féadfaidh na Ballstáit roghnú gan a chur de cheangal an measúnú ar mhéid na príomh-chomhpháirte nó measúnú ar an oibriú faoi theochtaí éagsúla a dhéanamh athuair.

5.   Maidir le córais theicniúla foirgnimh atá cumhdaithe go sainráite le critéar comhaontaithe i ndáil le feidhmíocht fuinnimh nó le socrú conarthach lena sonraítear leibhéal comhaontaithe feabhais ar éifeachtúlacht fuinnimh, mar shampla, conraitheoireacht um fheidhmíocht fuinnimh, nó atá á n-oibriú ag fóntas nó oibreoir gréasáin agus, dá bhrí sin, faoi réir bearta faireacháin ar fheidhmíocht ar thaobh an chórais, beidh siad díolmhaithe ó na ceanglais a leagtar síos i mír 1, ar choinníoll go bhfuil tionchar foriomlán an chur chuige sin coibhéiseach leis sin mar thoradh ar mhír 1.

6.   I gcás ina bhfuil an tionchar foriomlán coibhéiseach leis sin mar thoradh ar mhír 1, féadfaidh na Ballstáit roghnú bearta malartacha a dhéanamh, mar shampla tacaíocht airgeadais a thabhairt nó comhairle a thabhairt d’úsáideoirí a bhaineann le hathsholáthar gineadóirí, modhnuithe eile ar an gcóras agus réitigh mhalartacha chun feidhmíocht, éifeachtúlacht agus méid iomchuí na gcóras sin a mheas.

Sula gcuirfidh na Ballstáit i bhfeidhm na bearta malartacha dá dtagraítear sa chéad fhomhír den mhír seo, déanfaidh siad, trí bhíthin tuarascáil a chur faoi bhráid an Choimisiúin, coibhéis thionchar na mbeart sin le tionchar na mbeart dá dtagraítear i mír 1 a dhoiciméadú, lena n-áirítear i dtéarmaí coigiltis fuinnimh agus astaíochtaí gás ceaptha teasa.

7.   Foirgnimh atá i gcomhréir le hAirteagal 13(10) nó (11), beidh siad díolmhaithe ó na ceanglais a leagtar síos i mír 1 den Airteagal seo.

8.   Cuirfidh na Ballstáit scéimeanna cigireachta nó bearta malartacha i bhfeidhm, mar shampla uirlisí digiteacha agus seicliostaí, chun a dheimhniú go gcomhlíonann na hoibreacha tógála agus athchóirithe arna soláthar feidhmíocht fuinnimh an dearaidh agus go gcomhlíonann siad na híoscheanglais feidhmíochta fuinnimh a leagtar síos sna cóid foirgníochta iad nó i rialacháin choibhéiseacha.

9.   Áireoidh na Ballstáit anailís achoimrithe ar na scéimeanna cigireachta agus ar a dtorthaí mar iarscríbhinn a ghabhann leis an bplean náisiúnta athchóirithe foirgneamh dá dtagraítear in Airteagal 3. Na Ballstáit a roghnaigh na bearta malartacha a luaitear i mír 6 den Airteagal seo, áireoidh siad anailís achoimrithe agus torthaí na mbeart malartach.

1.   Déanfar tuarascáil chigireachta a eisiúint tar éis gach cigireachta ar chóras téimh, córais aerála nó córais aerchóirithe. Áireofar sa tuarascáil chigireachta toradh na cigireachta arna déanamh i gcomhréir le hAirteagal 23 agus áireofar inti freisin moltaí maidir le feabhas costéifeachtach a chur ar fheidhmíocht fuinnimh an chórais ar a ndearnadh an chigireacht.

Féadfar na moltaí sin a bhunú ar chomparáid idir feidhmíocht fuinnimh an chórais ar a ndearnadh an chigireacht air agus an córas indéanta is fearr atá ar fáil, agus úsáid á baint as teicneolaíochtaí coigilte fuinnimh, agus córas dá shamhail a mbaineann comhpháirteanna ábhartha uile an leibhéal feidhmíochta fuinnimh a cheanglaítear leis an dlí is infheidhme amach ina leith. Áireofar sna moltaí, i gcás inarb ábhartha, na torthaí ón mbunmheasúnú ar a indéanta atá sé úsáid breoslaí iontaise ar an láthair a laghdú.

Léireofar sa tuarascáil chigireachta aon saincheist sábháilteachta a tugadh faoi deara le linn na cigireachta. Ní mheasfar údar na tuarascála a bheith faoi dhliteanas, áfach, i ndáil le haon saincheisteanna sábháilteachta mar sin a bhrath nó a léiriú.

2.   Tabharfar an tuarascáil chigireachta ar láimh d’úinéir nó do thionónta an fhoirgnimh nó an aonaid foirgnimh.

3.   Déanfar an tuarascáil chigireachta a uaslódáil chuig an mbunachar sonraí náisiúnta i ndáil le feidhmíocht fuinnimh foirgneamh de bhun Airteagal 22.

1.   Déanfaidh na Ballstáit a áirithiú gur ar bhealach neamhspleách a dhéanfar deimhniúchán feidhmíochta fuinnimh na bhfoirgneamh, bunú na bpasanna athchóirithe, an measúnú ullmhachta cliste, agus cigireacht na gcóras téimh, na gcóras aerála agus na gcóras aerchóirithe agus gur saineolaithe atá cáilithe nó deimhnithe a dhéanfaidh an deimhniúchán, an bunú, an measúnú agus an chigireacht sin, más ag oibriú ina gcáil mar oibrithe féinfhostaithe nó mar oibrithe comhlachtaí poiblí nó fiontar príobháideach a bheidh siad.

Tabharfar do shaineolaithe deimhniú i gcomhréir le hAirteagal 28 de Threoir (AE) 2023/1791 agus a n-inniúlacht á cur san áireamh.

2.   Cuirfidh na Ballstáit faisnéis maidir le hoiliúint agus deimhniúcháin ar fáil don phobal. Déanfaidh na Ballstáit a áirithiú go gcuirfear ar fáil don phobal liostaí saineolaithe cáilithe nó deimhnithe nó liostaí na gcuideachtaí deimhnithe a bhfuil seirbhísí na saineolaithe sin á dtairiscint acu agus go ndéanfar na liostaí sin a nuashonrú go tráthrialta.

1.   Áiritheoidh na Ballstáit an leibhéal iomchuí inniúlachta do ghairmithe foirgníochta a dhéanann oibreacha athchóirithe comhtháite i gcomhréir le hAirteagal 3 de agus le hIarscríbhinn II a ghabhann leis an Treoir seo agus le hAirteagal 28 de Threoir (AE) 2023/1791.

2.   I gcás inarb iomchuí agus inarb indéanta, áiritheoidh na Ballstáit go mbeidh scéimeanna deimhniúcháin nó scéimeanna coibhéiseacha cáilíochta ar fáil do sholáthraithe oibreacha athchóirithe comhtháite i gcás nach gcumhdaítear é sin le hAirteagal 18(3) de Threoir (AE) 2018/2001 nó le hAirteagal 28 de Threoir (AE) 2023/1791.

1.   Áiritheoidh na Ballstáit go ndéanfar córais rialaithe neamhspleácha le haghaidh deimhnithe feidhmíochta fuinnimh a bhunú i gcomhréir le hIarscríbhinn VI, agus go ndéanfar córais rialaithe neamhspleácha le haghaidh pasanna athchóirithe, táscairí ullmhachta cliste agus tuarascálacha maidir le cigireacht ar chórais téimh agus ar chórais aerála agus ar chórais aerchóirithe a bhunú. Féadfaidh na Ballstáit córais ar leithligh a bhunú chun deimhnithe feidhmíochta fuinnimh, pasanna athchóirithe, táscairí ullmhachta cliste agus tuarascálacha maidir le cigireacht ar chórais téimh, ar chórais aerála agus ar chórais aerchóirithe a rialú.

2.   Féadfaidh na Ballstáit na freagrachtaí chun na córais rialaithe neamhspleácha a chur chun feidhme a tharmligean.

Déanfaidh na Ballstáit a áirithiú, i gcás ina gcinnfidh siad sin a dhéanamh, go gcuirfear na córais rialaithe neamhspleácha chun feidhme i gcomhréir le hIarscríbhinn VI.

3.   Na deimhnithe feidhmíochta fuinnimh, na pasanna athchóirithe, na táscairí ullmhachta cliste agus na tuarascálacha cigireachta dá dtagraítear i mír 1, ceanglóidh na Ballstáit go gcuirfear ar fáil iad do na húdaráis nó na comhlachtaí inniúla arna iarraidh sin dóibh.

1.   Déanfaidh na Ballstáit feachtais faisnéise agus múscailte feasachta a ullmhú agus a chur i gcrích. Déanfaidh na Ballstáit gach beart is gá chun na bealaí agus cleachtais dhifriúla lena gcuirtear feabhas ar fheidhmíocht fuinnimh a chur in iúl d’úinéirí agus do thionóntaí na bhfoirgneamh nó na n-aonad foirgnimh agus do gach gníomhaire margaidh ábhartha, mar shampla údaráis áitiúla agus réigiúnacha agus comhphobail fuinnimh. Go háirithe, déanfaidh na Ballstáit na bearta is gá chun faisnéis shaincheaptha a sholáthar do theaghlaigh leochaileacha. Cuirfear an fhaisnéis sin ar fáil freisin d’údaráis áitiúla agus eagraíochtaí na sochaí sibhialta.

2.   Cuirfidh na Ballstáit faisnéis ar fáil go háirithe d’úinéirí nó do thionóntaí foirgneamh maidir le deimhnithe feidhmíochta fuinnimh, lena n-áirítear an chúis agus na cuspóirí a bhaineann leo, maidir le bearta costéifeachtacha agus, i gcás inarb iomchuí, ionstraimí airgeadais, chun feidhmíocht fuinnimh an fhoirgnimh a fheabhsú agus maidir le roghanna eile atá níos inbhuanaithe a chur in ionad coirí breosla iontaise. Cuirfidh na Ballstáit an fhaisnéis ar fáil trí uirlisí comhairleacha inrochtana agus trédhearcacha mar shampla comhairle maidir le hathchóiriú agus na hionaid ilfhreastail arna mbunú de bhun Airteagal 18, agus aird ar leith á tabhairt ar theaghlaigh leochaileacha.

Cabhróidh an Coimisiún leis na Ballstáit feachtais faisnéise a chur ar bun chun críocha mhír 1 agus na chéad fhomhíre den mhír seo, a bhféadfar déileáil leo i gcláir an Aontais, arna iarraidh sin do na Ballstáit.

3.   Déanfaidh na Ballstáit a áirithiú go gcuirfear comhairle agus oiliúint ar fáil dóibh siúd, lena n-áirítear grúpaí faoi ghannionadaíocht, a bheidh freagrach as cur chun feidhme na Treorach seo. Leis an gcomhairle agus an oiliúint sin, díreofar ar an tábhacht a bhaineann le feidhmíocht fuinnimh a fheabhsú, agus fágfaidh sin gur féidir an comhcheangal is fearr a mheas idir feabhsuithe ar fheidhmíocht fuinnimh, laghduithe ar astaíochtaí gás ceaptha teasa, úsáid fuinnimh ó fhoinsí in-athnuaite agus úsáid téimh agus fuaraithe ceantair an uair a bheidh limistéir thionsclaíocha nó chónaithe á bpleanáil, á gceapadh, á dtógáil agus á n-athchóiriú. Leis an gcomhairle agus an oiliúint sin, féadfar aghaidh a thabhairt freisin ar fheabhsuithe struchtúracha, oiriúnú don athrú aeráide, sábháilteacht ó dhóiteán, rioscaí a bhaineann le dianghníomhaíocht sheismeach, substaintí guaiseacha lena n-áirítear aispeist a bhaint, astaíochtaí truailleán aeir (lena n-áirítear ábhar cáithníneach mín), cáilíocht na timpeallachta laistigh agus inrochtaineacht do dhaoine atá faoi mhíchumas. Féachfaidh na Ballstáit le bearta a chur i bhfeidhm chun tacú le hoiliúint d’údaráis áitiúla agus réigiúnacha, do chomhphobail fuinnimh in-athnuaite agus do ghníomhaithe ábhartha eile, mar shampla tionscnaimh athchóirithe faoi stiúir na saoránach, chun cuspóirí na Treorach seo a chur chun cinn.

4.   Déanfaidh an Coimisiún a chuid seirbhísí faisnéise a fheabhsú ar bhonn leanúnach, go háirithe an suíomh a bunaíodh mar thairseach Eorpach maidir le feidhmíocht fuinnimh i bhfoirgnimh agus tá sé dírithe ar shaoránaigh, ar ghairmithe agus ar údaráis, chun cabhrú le hiarrachtaí na mBallstát agus iad ag scaipeadh faisnéise agus eolais. D’fhéadfadh naisc le dlí ábhartha an Aontais agus le rialacha náisiúnta, réigiúnacha agus áitiúla a bheith ar áireamh san fhaisnéis a thaispeántar ar an suíomh gréasáin sin, naisc chuig suíomhanna gréasáin Europa ina dtaispeántar na Pleananna Gníomhaíochta Náisiúnta maidir le hÉifeachtúlacht Fuinnimh, naisc chuig na hionstraimí airgeadais atá ar fáil, chomh maith le samplaí dea-chleachtais ar an leibhéal náisiúnta, réigiúnach agus áitiúil, lena n-áirítear maidir leis na hionaid ilfhreastail arna mbunú de bhun Airteagal 18 den Treoir seo. I gcomhthéacs Chiste Forbraíochta Réigiúnaí na hEorpa, an Chiste Chomhtháthaithe agus an Chiste um Aistriú Cóir arna bunú le Rialachán (AE) 2021/1056 ó Pharlaimint na hEorpa agus ón gComhairle (33), an Chiste Aeráide Sóisialta, agus na Saoráide Téarnaimh agus Athléimneachta, leanfaidh an Coimisiún dá chuid seirbhísí faisnéise agus neartóidh sé a thuilleadh iad chun úsáid na gcistí atá ar fáil a éascú trí chúnamh agus faisnéis a sholáthar, lena n-áirítear i gcomhar leis an mBanc Infheistíochta Eorpach, tríd an tSaoráid Eorpach um Chúnamh Áitiúil i Réimse an Fhuinnimh, do pháirtithe leasmhara, lena n-áirítear údaráis náisiúnta, réigiúnacha agus áitiúla, maidir le deiseanna maoinithe, agus na hathruithe is déanaí sa chreat rialála á gcur san áireamh.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagail 6, 7, 15, 17 agus 31 a thabhairt don Choimisiún go ceann tréimhse neamhchinntithe ama amhail ón 28 Bealtaine 2024.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagail 6, 7, 15, 17 agus 31 a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 6, 7, 15, 17 nó 31 i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Parlaimint na hEorpa agus ón gComhairle (34).

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Na forálacha reachtaíochta, rialúcháin agus riaracháin is gá chun Airteagail 1, 2 agus 3, 5 go 29 agus 32 agus Iarscríbhinní I, II agus III agus V go X a chomhlíonadh, déanfaidh na Ballstáit iad a thabhairt i bhfeidhm faoin 29 Bealtaine 2026. Cuirfidh siad téacs na bhforálacha sin agus tábla comhghaoil in iúl don Choimisiún láithreach.

Na forálacha reachtaíochta, rialúcháin agus riaracháin is gá chun Airteagal 17(15) a chomhlíonadh, déanfaidh na Ballstáit iad a thabhairt i bhfeidhm faoin 1 Eanáir 2025.

Nuair a ghlacfaidh na Ballstáit na bearta sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Áireofar iontu freisin ráiteas go ndéanfar tagairtí don Treoir a aisghairtear leis an Treoir seo i bhforálacha reachtaíochta, rialúcháin agus riaracháin atá ann cheana a fhorléiriú mar thagairtí don Treoir seo. Cinnfidh na Ballstáit an bealach le tagairt den sórt sin a dhéanamh agus conas a dhéanfar an ráiteas sin a leagan amach.

2.   Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.