IARSCRÍBHINN

Leasaítear Iarscríbhinní III agus IV a ghabhann le Treoir 2010/63/AE mar a leanas:

(1)

leasaítear Iarscríbhinn III mar a leanas:

(a)

leasaítear Roinn A mar a leanas:

(i)

cuirtear an méid seo a leanas in ionad cheannteideal mhír 2.3:

‘2.3.

Torann agus creathadh’;

(ii)

i mír 2.3, cuirtear an pointe (d) seo a leanas isteach:

‘(d)	I gcás ainmhithe uisceacha, trealamh is cúis le torann nó creathadh, amhail gineadóirí cumhachta nó córais scagacháin, níor dhéanfaidh sé dochar do leas ainmhithe.’;

(iii)

cuirtear an méid seo a leanas in ionad cheannteideal mhír 2.4:

‘2.4.

Córais aláraim agus pleananna teagmhasacha’;

(iv)

i mír 2.4, cuirtear an pointe (d) seo a leanas isteach:

‘(d)	Beidh pleananna teagmhasacha éifeachtacha i bhfeidhm chun sláinte agus leas na n-ainmhithe a áirithiú i gcás ina gclisfidh ar eilimintí fíor-riachtanacha feirmeoireachta.’;

(b)

leasaítear Roinn B mar a leanas:

(i)

i mír 8, cuirtear an dara fomhír seo a leanas isteach:

‘Agus éin á dtógáil ón bhfiántas á gcur faoi dhíon, beidh feidhm ag na lamháltais spáis dá bhforáiltear i dtáblaí 8.1 go 8.10 aon uair a choinnítear éin ar feadh tréimhsí is faide ná 24 uair an chloig. Nuair a choinnítear éin ar feadh tréimhsí níos giorra, déanfar bearta chun na rioscaí do leas ainmhithe a íoslaghdú.’;

(ii)

i mír 8, cuirtear na táblaí 8.8, 8.9 agus 8.10 seo a leanas isteach:

‘Tábla 8.8

Druideanna

Méid an ghrúpa	Íosmhéid an chlóis (m2)	Íosairde (cm)	Íosfhad an trach bia in aghaidh an éin (cm)	Íosfhad an fhara in aghaidh an éin (cm)
Suas le 6	2,0	200	5	30
7 go 12	4,0	200	5	30
13 go 20	6,0	200	5	30
idir 21 agus 50 le haghaidh gach éin bhreise	0,25		5	30
le haghaidh gach éin bhreise os cionn 50	0,15		5	30

Tábla 8.9

Gealbhain binne

Méid an ghrúpa in éagmais bacainní amhairc	Méid an ghrúpa i láthair bacainní amhairc	Íosmhéid an chlóis (m2)	Íosairde (cm)
Suas le 10	Suas le 15	2,4	180
11 go 20	16 go 35	4,8	180
21 go 30	36 go 60	7,3	180
le haghaidh gach éin bhreise os cionn 30	le haghaidh gach éin bhreise os cionn 60	0,11

Tábla 8.10

Meantán mór agus meantán gorm

Méid an ghrúpa	Íosmhéid an chlóis (m2) in aghaidh an éin	Íosairde (cm)	Íoslíon na mbeathaitheoirí	Íosfhad an fhara in aghaidh an éin (cm)
1	3	180	1	100
2-10 (*1) (de ghnéas amháin)	1	180	2	40
1 baineannach + 1 fireannach	2	180	2	100

(iii)

cuirtear an méid seo a leanas in ionad mhír 11.1:

‘11.1.

Soláthar agus cáilíocht uisce

Cuirfear soláthar leordhóthanach uisce de cháilíocht oiriúnach ar fáil i gcónaí. Beidh an sreabhadh uisce i gcórais athshruthaithe nó an scagachán laistigh d’umair leordhóthanach chun a áirithiú go bhfanfaidh na paraiméadair maidir le cáilíocht uisce laistigh de na leibhéil inghlactha, de réir shaintréithe an chórais feirmeoireachta agus de réir na gceanglas maidir le speiceas agus céim bheatha. Déanfar an soláthar uisce a scagadh nó a chóireáil chun substaintí atá díobhálach d’éisc a bhaint, i gcás inar gá. Beidh na paraiméadair um cháilíocht uisce i gcónaí laistigh den raon inghlactha lena gcothaítear an ghnáthghníomhaíocht agus an ghnáthfhiseolaíocht maidir le speiceas áirithe agus céim forbartha áirithe. Beidh an sreabhadh uisce iomchuí chun cur ar chumas na n-iasc snámh i gceart agus leanúint dá ngnáthiompar. Tabharfar tréimhse iomchuí do na héisc dul i dtaithí ar athruithe ar na dálaí cáilíochta uisce agus oiriúnú dóibh. Déanfar bearta iomchuí chun athruithe tobanna ar na paraiméadair éagsúla a dhéanann difear do cháilíocht an uisce a íoslaghdú. Áiritheofar sreabhadh uisce agus leibhéal uisce iomchuí, agus déanfar faireachán ar an méid sin.’;

(iv)

cuirtear an méid seo a leanas in ionad mhír 11.2:

‘11.2.

Ocsaigin, comhdhúile nítrigine, dé-ocsaíd charbóin, pH, agus salandacht

Beidh an tiúchan ocsaigine oiriúnach don speiceas agus don chomhthéacs ina gcoinnítear na héisc. I gcás inar gá, cuirfear aerú breise uisce umair ar fáil, ag brath ar an gcóras feirmeoireachta. Déanfar tiúchain na dé-ocsaíde carbóin agus tiúchan na gcomhdhúl nítrigine, mar atá, amóinia, nítrít agus níotráit, a choinneáil faoi bhun leibhéil dhíobhálacha. Déanfar faireachán ar cháilíocht an uisce trí úsáid a bhaint as sceideal tástála sainithe agus minicíocht leormhaith ag baint leis chun athruithe ar na paraiméadair chriticiúla sin a bhrath, agus déanfar beart chun na hathruithe sin a mhaolú.

Cuirfear an leibhéal pH in oiriúint don speiceas agus déanfar faireachán air chun é a choinneáil chomh cobhsaí agus is féidir. Cuirfear an tsalandacht in oiriúint do riachtanais an speicis éisc agus do chéim bheatha an éisc. Cuirfear athruithe ar an tsalandacht i bhfeidhm de réir a chéile.’;

(v)

cuirtear an méid seo a leanas in ionad mhír 11.3:

‘11.3.

Teocht agus soilsiú

Coinneofar an teocht laistigh den raon optamach le haghaidh an speicis éisc agus coinneofar chomh cobhsaí agus is féidir í. Is de réir a chéile a chuirfear athruithe ar an teocht i bhfeidhm. Coinneofar na héisc i bhfótaithréimhse iomchuí.’

(vi)

cuirtear an méid seo a leanas in ionad mhír 11.5:

‘11.5.

Beathú agus láimhseáil

Tabharfar aiste bia do na héisc atá oiriúnach dóibh agus déanfar é sin de réir ráta agus minicíocht beathaithe iomchuí. Tabharfar aird ar leith ar bheathú iasc larbhach agus iad ag aistriú ó aistí bia beo go haistí bia saorga. Más gá beatha na n-ainmhithe a tharraingt siar ar chúiseanna nach cúiseanna gnáthaimh iad (e.g. iompar), coinneofar an fad ama chomh gearr agus is féidir agus cuirfear san áireamh leis méid an éisc agus teocht an uisce.

I gcás inar féidir, láimhseálfar na héisc gan iad a bhaint den uisce. Láimhseáil iasc laistigh agus lasmuigh den uisce, déanfar é sin a laghdú a oiread agus is féidir, agus déanfar trealamh a bhíonn i dteagmháil go díreach le héisc a thaisriú. Ní láimhseálfar éisc ag teorainneacha forimeallacha na raonta teochta uisce a bhfuil siad in ann cur suas leo.’;

(vii)

cuirtear an mhír 11.6 seo a leanas isteach:

‘11.6.

Iasc séabrach

11.6.1

Cáilíocht uisce

Tábla 11.1

Ceanglais maidir le paraiméadair uisce i gcórais tithíochta iasc séabrach

Paraiméadair uisce	Íoscheanglais agus uascheanglais
Teocht	24-29 °C
Seoltacht	150-1 700 μS/cm2
Cruas iomlán	40-250 mg/L CaCO3
pH	6,5-8
Comhdhúile nítrigine	NH3/NH4 +< 0,1 (*2) mg/L, NO2 - < 0,3 mg/L, NO3 - < 25 mg/L
Ocsaigin thuaslagtha	> 5 mg/L

11.6.2

Soilsiú

Le linn na céime solais, beidh na leibhéil solais cobhsaí, ach amháin le linn aistrithe gearra le breacadh an lae/titim na hoíche, i gcás ina n-úsáidtear iad. Beidh dorchadas iomlán ann sa chéim dhorcha.

11.6.3.

Dlús stocála agus castacht timpeallachta

Ní úsáidfear toirteanna uisce is lú ná lítear amháin le haghaidh éisc shéabracha fhásta. Ní sháróidh na dlúis stocála 10 n-iasc fhásta in aghaidh an lítir. Le méid agus cruth an umair, ní mór na héisc a bheith in ann gabháil dá n-iompar nádúrtha agus dá ngníomhaíocht snámha.

Seachnófar éisc shéabracha a chur faoi dhíon go haonair thar thréimhse fhada.’;

(viii)

cuirtear an mhír 12 seo a leanas isteach:

‘12.

Ceifileapóid

12.1.

Soláthar agus cáilíocht uisce

Cuirfear soláthar leordhóthanach uisce de cháilíocht oiriúnach ar fáil i gcónaí.

Freastalóidh dearadh an umair agus an ráta sreafa uisce ar riachtanais an ainmhí, lena n-áirítear ocsaiginiú iomchuí a sheachadtar i gcoibhneas lena mhéid, a chéim bheatha agus a riachtanais iompraíochta. Beidh teocht an uisce agus na leibhéil salandachta, pH, agus comhdhúl nítrigine in oiriúint do riachtanais na speiceas agus na bhfoirmeacha beatha. Úsáidfear clúdaigh, i gcás inar gá, chun cosc a chur ar éalú agus tabhairt isteach neamhbheartaithe eilimintí coimhthíocha.

Tabharfar tréimhse iomchuí do cheifileapóid dul i dtaithí ar athruithe ar na dálaí cáilíochta uisce agus oiriúnú dóibh.

12.2.

Soilsiú

An déine solais agus an fhótaithréimhse, comhlíonfaidh siad riachtanais an speicis.

12.3.

Aiste bia

Soláthrófar córas beathaithe do cheifileapóid a bheidh in oiriúint don speiceas, dá gcéimeanna forbartha agus dá riachtanais iompraíochta.

12.4.

Saibhriú timpeallachta agus láimhseáil

Soláthrófar do cheifileapóid an méid is leordhóthanach agus is iomchuí de spreagthaí fisiciúla, cognaíocha agus céadfacha chun raon leathan iompraíochtaí atá sonrach don speiceas a chumasú. Cuirfear san áireamh sna dálaí tithíochta na riachtanais shóisialta a bhaineann go sonrach leis an speiceas (i.e. nósanna maireachtála grúpa nó maireachtála aonair an speicis). Cuirfear foscadáin nó pluaiseanna ar fáil, i gcás inarb iomchuí don speiceas.

I gcás inar féidir, láimhseálfar ceifileapóid gan iad a bhaint den uisce. Ceifileapóid a láimhseáil lasmuigh den uisce, déanfar é sin a laghdú a oiread agus is féidir, agus déanfar trealamh a bhíonn i dteagmháil go díreach le hainmhithe a thaisriú.

Tábla 12.1.

Ceifileapóid

Fine

Grúpa

Fad coirp (*3) (cm)

Achar dromchla uisce íosta (cm2)

Achar dromchla uisce íosta le haghaidh gach ainmhí bhreise atá á choinneáil i ngrúpa (cm2)

Íosdoimhneacht uisce (cm)

Sepiidae

Cudal coiteann

Suas le 2

> 2 go 6

> 6 go 12

> 12

100

600

1 200

2 500

200

400

1 000

Sepiolidae

Sepiolida (*4)

Suas le 1

> 1 go 3

> 3

120

150

100

Loliginidae

Máithreacha súigh (*5) , (*6)

Suas le 15

> 15 go 25

> 25

2 000

4 500

6 000

400

900

1 200

Octopodidae

Ochtapas (*6)

Suas le 10

> 10 go 20

> 20

2 000

2 600

4 000

600

700

1 200

(2)

Leasaítear Iarscríbhinn IV mar a leanas:

(a)

cuirtear an méid seo a leanas in ionad mhír 2:

‘2.

Tabharfar marú ainmhithe chun críche trí cheann amháin de na modhanna seo a leanas:

(a)	deimhniú maidir le buanstad an imshruthaithe;

(b)	scrios na hinchinne;

(c)	asaltú an mhuiníl;

(d)	easfhuiliú; nó

(e)	deimhniú maidir le tús rigor mortis.

Na modhanna deimhnithe báis, beidh siad iomchuí maidir leis an speiceas atá le marú.’;

(b)

leasaítear mír 3 mar a leanas:

(i)	cuirtear an méid seo a leanas in ionad an tábla: ‘ ‘

(ii)

cuirtear an pointe 17 seo a leanas sa liosta ‘Ceanglais’:

‘17.

Le húsáid le haghaidh éisc shéabracha (Danio rerio) amháin ≥ 16 lá tar éis toirchithe (dpf) agus ar uasfhad coirp de 5 cm. Teocht ≤ 4 °C a bheidh sa turraing hipiteirmeach, agus beidh difríocht teochta ≥ 20 °C ann i gcomparáid leis an teocht inchoimeáid. Ní bheidh na héisc i dteagmháil dhíreach le hoighear. Is é 5 nóiméad an t-aga nochta íosta.’.

(*1) Ní cheadófar grúpaí ar mó iad ná 10 gan sceideal faireacháin sainithe a bheith ann agus é minic go leor chun ionsaitheacht a bhrath agus a mhaolú.’ ;

(*2) nó faoi bhun na teorann braite. léirítear le 0,1 mg/L an méid iomlán amóinia, NH3/NH4+. Comhfhreagraíonn sé sin do 0,002 mg/L de NH3 ag 28 °C agus pH 7,5 .

(*3) Fad an mhaintlín droma.

(*4) Suas le 40 ainmhí aonair a ghrúpáil.

(*5) Is fearr umair de chruth sorcóireach a úsáid. Méadófar na híosluachanna faoi 5 % i gcás ina n-úsáidtear umair neamh-shorcóireacha.

(*6) Is in umair shorcóireacha a lonnófar an mháthair shúigh agus an t-ochtapas agus iad i gcéim phlanctónach na hóige, umair ina mbeidh 20 goróg in aghaidh an lítir ar a mhéad, agus glacfar modhanna chun idirghníomhaíocht amhairc a theorannú.’.;