CINNEADH Ó CHOMHCHOISTE LEE Uimh. 292/2023

an 27 Deireadh Fómhair 2023

lena leasaítear Iarscríbhinn XIV (Iomaíocht) a ghabhann le Comhaontú LEE [2024/1146]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)	Rialachán (AE) 2023/822 ón gCoimisiún an 17 Aibreán 2023 lena leasaítear Rialachán (AE) Uimh. 461/2010 a mhéid a bhaineann lena thréimhse chur i bhfeidhm (1), tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinn XIV a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas isteach i bpointe 4b (Rialachán (AE) Uimh. 461/2010 ón gCoimisiún) d’Iarscríbhinn XIV a ghabhann le Comhaontú LEE:

‘, arna leasú le:

—	32023 R 0822: Rialachán (AE) 2023/822 ón gCoimisiún an 17 Aibreán 2023 (IO L 102I, 17.4.2023, lch. 1).’

Airteagal 2

Is téacs barántúil a bheidh i dtéacs Rialachán (AE) 2023/822 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 28 Deireadh Fómhair 2023, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Beidh feidhm aige ón 1 Meitheamh 2023.

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 27 Deireadh Fómhair 2023.

Thar ceann Chomhchoiste LEE

An tUachtarán

Pascal SCHAFHAUSER

(1) IO L 102I, 17.4.2023, lch. 1.

(*1) Ní shonraítear aon cheanglas bunreachtúil.