(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le salann monasóidiam 5’-fosfáite ribeaflaivine (vitimín B2), arna tháirgeadh ag Bacillus subtilis KCCM 10445 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le salann monasóidiam 5’-fosfáite ribeaflaivine (vitimín B2), arna tháirgeadh ag Bacillus subtilis KCCM 10445, a údarú mar bhreiseán beathaithe le haghaidh gach speicis ainmhíoch, agus iarradh ann go n-aicmeofaí an breiseán sin sa chatagóir ‘breiseáin chothaitheacha’ agus san fheidhmghrúpa ‘vitimíní, próivitimíní agus substaintí atá dea-shainithe ó thaobh ceimiceán de agus a bhfuil éifeacht chomhchosúil acu’. D’iarr an t-iarratasóir go n-údarófaí an breiseán lena úsáid in uisce óil freisin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 27 Meán Fómhair 2022 (2) go bhfuil salann monasóidiam 5’-fosfáite ribeaflaivine (vitimín B2), arna tháirgeadh ag Bacillus subtilis KCCM 10445, sábháilte do gach speiceas ainmhíoch, do thomhaltóirí agus don chomhshaol faoi na coinníollacha úsáide atá beartaithe. Tháinig sé ar an gconclúid freisin nach íogróir craicinn ná súl é, nach meastar gur íogróir riospráide é agus gur fóta-íogróir aitheanta í ribeaflaivin a d’fhéadfadh frithghníomhartha fótailléirgeacha craicinn agus súl a spreagadh. Tháinig an tÚdarás ar an gconclúid freisin go bhfuil salann monasóidiam 5’-fosfáite ribeaflaivine (vitimín B2), arna tháirgeadh ag Bacillus subtilis KCCM 10445, éifeachtach chun ceanglais vitimín B2 na n-ainmhithe a chomhlíonadh nuair a thugtar i mbeatha nó in uisce óil dóibh é. Níor mheas sé go raibh gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar na modhanna anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann salann monasóidiam 5’-fosfáite ribeaflaivine (vitimín B2) arna tháirgeadh ag Bacillus subtilis KCCM 10445 na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,