(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a mhodhnú.

(2)

Ullmhóid arb é atá inti Weizmannia faecalis DSM 32016 (a sainaithníodh go tacsanomaíoch roimhe seo mar Bacillus coagulans DSM 32016), údaraíodh í ar feadh tréimhse 10 mbliana mar bhreiseán beathaithe lena úsáid i mbeatha le haghaidh bainbh diúil Suidae agus bainbh scoite Suidae, speiceas éanlaithe clóis lena ramhrú agus éin ornáideacha le Rialachán Cur Chun Feidhme (AE) 2020/1755 ón gCoimisiún (2).

(3)

I gcomhréir le hAirteagal 13(3) de Rialachán (CE) Uimh. 1831/2003, cuireadh céad iarratas isteach chun téarmaí údarú na hullmhóide Weizmannia faecalis DSM 32016 a mhodhnú mar bhreiseán beathaithe lena úsáid i mbeatha le haghaidh bainbh diúil Suidae agus bainbh scoite Suidae, éanlaith chlóis lena ramhrú agus éin ornáideacha, agus iarradh ann go ndéanfaí sainaithint thacsanomaíoch an tréithchineáil a nuashonrú agus úsáid chomhuaineach na hullmhóide sin le coicideastait eile a cheadú, i dteannta halafúigíonón agus déchlasairil. Cuireadh dara iarratas isteach, gcomhréir le hAirteagal 7 de Rialachán (CE) Uimh. 1831/2003, ar údarú úsáidí nua na hullmhóide céanna sin mar bhreiseán beathaithe lena úsáid i mbeatha agus in uisce óil le haghaidh gach speicis éanlaithe clóis a thógtar le bheith ina bhéaróg nó a thógtar le haghaidh pórúcháin, agus ar aithint chomhoiriúnacht úsáid na hullmhóide sin le roinnt coicideastat, lena úsáid in uisce óil le haghaidh bainbh diúil Suidae agus bainbh scoite Suidae agus le haghaidh gach speicis éanlaithe clóis lena ramhrú agus éin ornáideacha. Iarradh sa dá iarratas go n-aicmeofaí an breiseán sin sa chatagóir breiseán ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. Bhí na sonraí tacaíochta ábhartha agus na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an dara iarratas ar údarú na n-úsáidí nua.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 26 Meán Fómhair 2023 (3) go bhfuil an ullmhóid Weizmannia faecalis DSM 32016 sábháilte don spriocspeiceas, do na tomhaltóirí agus don chomhshaol faoi na coinníollacha úsáide atá beartaithe. Tháinig sé ar an gconclúid freisin nach greannaitheoir craicinn ná súl an ullmhóid Weizmannia faecalis DSM 32016 ach gur íogróir riospráide atá inti. Ní raibh an tÚdarás in ann teacht ar chonclúid maidir le hacmhainneacht na hullmhóide sin a bheith ina íogróir craicinn. Tháinig an tÚdarás ar an gconclúid go meastar an ullmhóid a bheith éifeachtúil i mbeatha le haghaidh éanlaith chlóis a thógtar le bheith ina mbéaróga nó a thógtar le haghaidh pórúcháin agus in uisce óil le haghaidh speicis éanlaithe clóis a thógtar lena ramhrú, éanlaith chlóis a thógtar le bheith ina mbéaróga nó le haghaidh pórúcháin, éin ornáideacha agus bainbh diúil Suidae agus bainbh scoite Suidae. Ina theannta sin, léirigh sé go bhfuil an ullmhóid Weizmannia faecalis DSM 32016 comhoiriúnach le coicideastait halafúigíonón, déchlasairil, sóidiam moinéinsin, hidreaclóiríd roibeinidín, sóidiam salanaimícine, teaglaim de shóidiam moinéinsin agus niocarbaisin, ach nach bhfuil sí comhoiriúnach le naraisin ná le teaglaim de naraisin agus niocarbaisin, agus san am céanna níorbh fhéidir teacht ar chonclúid maidir lena chomhoiriúnacht le dé-coicíonáit, sóidiam lasalaicide A, sóidiam seamdúraimicine, niocarbaisin ná hidreaclóiríd ampróiliam. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

I gcomhréir le hAirteagal 5(4), pointe (a), de Rialachán (CE) Uimh. 378/2005 ón gCoimisiún (4), ba é meas na Saotharlainne Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí ar ar thángthas sa mheasúnú roimhe seo maidir leis an mbreiseán céanna bailí agus infheidhme maidir leis an iarratas atá ann faoi láthair.

(6)

An 23 Eanáir 2024, tharraing an t-iarratasóir siar an t-iarratas a mhéid a bhaineann le comhoiriúnacht úsáid na hullmhóide Weizmannia faecalis DSM 32016 leis na coicideastait seo a leanas: naraisin, teaglaim de naraisin agus niocarbaisin, dé-coicíonáit, sóidiam lasalaicide A, sóidiam seamdúraimicine, niocarbaisin, hidreaclóiríd ampróiliam.

(7)

I bhfianaise an mhéid thuas, measann an Coimisiún go gcomhlíonann an ullmhóid Weizmannia faecalis DSM 32016 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú lena húsáid i mbeatha agus in uisce óil le haghaidh gach speicis éanlaithe clóis a thógtar le bheith ina bhéaróg nó le haghaidh pórúcháin, mar aon lena húsáid in uisce óil le haghaidh gach speicis éanlaithe clóis lena ramhrú, éin ornáideacha agus bainbh diúil Suidae agus bainbh scoite Suidae. Is iomchuí a léiriú comhoiriúnacht úsáid na hullmhóide sin leis na coicideastait halafúigíonón, déchlasairil, sóidiam moinéinsin, hidreaclóiríd roibeinidín, sóidiam salanaimícine, teaglaim de sóidiam moinéinsin agus niocarbaisin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(8)

Measann an Coimisiún freisin go gcomhlíonann an ullmhóid Weizmannia faecalis DSM 32016 fós na coinníollacha dá bhforáiltear in Airteagal 5 de Rialachán (CE) Uimh. 1831/2003, agus téarmaí an údaraithe a leagtar síos i Rialachán Cur Chun Feidhme (AE) 2020/1755 á modhnú, trí chomhoiriúnacht úsáid na hullmhóide sin leis na coicideastait sóidiam moinéinsin, hidreaclóiríd roibeinidín, sóidiam salanaimícine agus teaglaim de shóidiam moinéinsin agus niocarbaisin a shonrú, i dteannta halafúigíonón agus déchlasairil. Ina theannta sin, ós rud é nach bhféadfar na coicideastait sin a údarú mar bhreiseáin bheathaithe le haghaidh gach speicis ná catagóir a liostaítear i Rialachán Cur Chun Feidhme (AE) 2020/1755, níor cheart a n-úsáid chomhuaineach leis an ullmhóid Weizmannia faecalis DSM 32016 a bheith indéanta ach amháin i gcomhréir lena gcoinníollacha féin maidir le húdarú mar bhreiseáin bheathaithe. Thairis sin, measann an Coimisiún gur cheart sainaithint thacsanomaíoch an tréithchineáil atá san ullmhóid a nuashonrú, ullmhóid a údaraítear le Rialachán Cur Chun Feidhme (AE) 2020/1755, mar aon leis an bhforáil ar bhearta cosanta iomchuí chun éifeachtaí díobhálacha ar shláinte úsáideoirí an bhreiseáin a chosc.

(9)

Ba cheart Rialachán Cur Chun Feidhme (AE) 2020/1755 a leasú dá réir sin.

(10)

Ós rud é nach gá na modhnuithe ar choinníollacha údaraithe na hullmhóide Weizmannia faecalis DSM 32016 a chur i bhfeidhm láithreach le Rialachán Cur Chun Feidhme (AE) 2020/1755 ar chúiseanna sábháilteachta, is iomchuí idirthréimhse a cheadú do pháirtithe leasmhara chun iad féin a ullmhú chun téarmaí modhnaithe an údaraithe sin a chomhlíonadh.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

cuirtear an méid seo a leanas in ionad an teidil:

‘Rialachán Cur Chun Feidhme (AE) 2020/1755 ón gCoimisiún an 24 Samhain 2020 maidir le húdarú ullmhóide arb é atá inti Weizmannia faecalis DSM 32016 mar bhreiseán beathaithe le haghaidh bainbh diúil Suidae agus bainbh scoite Suidae, le haghaidh éanlaith chlóis lena ramhrú agus le haghaidh éin ornáideacha (sealbhóir an údaraithe Biochem Zusatzstoffe Handels- und Produktionsges. mbH);’

(2)

Leasaítear an Iarscríbhinn mar a leanas: