|
Iris Oifigiúil |
GA Sraith L |
|
2024/1045 |
10.4.2024 |
RIALACHÁN CUR CHUN FEIDHME (AE) 2024/1045 ÓN gCOIMISIÚN
an 9 Aibreán 2024
lena leasaítear Rialachán (CE) Uimh. 333/2007 a mhéid a bhaineann leis na modhanna samplála agus anailíse chun rialú a dhéanamh ar leibhéil nicile in earraí bia agus lena leasaítear tagairtí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 34(6) de,
De bharr an mhéid seo a leanas:
|
(1) |
Le Rialachán (CE) Uimh. 333/2007 ón gCoimisiún (2) leagtar síos na modhanna samplála agus anailíse atá le húsáid chun rialú oifigiúil a dhéanamh ar na leibhéil riandúl agus éilleán próiseála in earraí bia. |
|
(2) |
Chun iontaofacht agus comhsheasmhacht na rialuithe oifigiúla ar na huasleibhéil nicile i mbianna áirithe a áirithiú, ba cheart ceanglais shonracha a shocrú i Rialachán (CE) Uimh. 333/2007 maidir leis na modhanna a úsáidtear le haghaidh samplála agus le haghaidh anailísí saotharlainne a mhéid a bhaineann leis an éilleán sin agus maidir leis an gcion ábhair thirim i mbianna a chinneadh. |
|
(3) |
Le Rialachán (AE) 2023/915 ón gCoimisiún (3) leagadh amach uasleibhéil le haghaidh nicile i mbianna áirithe agus aisghaireadh Rialachán (CE) Uimh. 1881/2006 (4) ón gCoimisiún. Foráiltear le hAirteagal 9 de Rialachán (AE) 2023/915 go ndéanfar na tagairtí don Rialachán aisghairthe (CE) Uimh. 1881/2006 a fhorléiriú mar thagairtí do Rialachán (AE) 2023/915 agus go léifear iad i gcomhréir leis an tábla comhghaoil in Iarscríbhinn II a ghabhann leis an Rialachán sin. Ní thugtar mionsonraí sa tábla comhghaoil in Iarscríbhinn II, áfach, maidir leis an gcomhghaol idir iontrálacha sonracha in Iarscríbhinn I a ghabhann le Rialachán (AE) 2023/915 agus san Iarscríbhinn a ghabhann le Rialachán (CE) Uimh. 1881/2006 agus is deacair dá dheasca sin na tagairtí a dhéantar le Rialachán (CE) Uimh. 333/2007 don Iarscríbhinn a ghabhann le Rialachán (CE) Uimh. 1881/2006 a fhorléiriú. Dá bhrí sin, is iomchuí tagairtí do na hiontrálacha comhfhreagracha d’Iarscríbhinn I a ghabhann le Rialachán (AE) 2023/915 a chur in ionad na dtagairtí atá i Rialachán (CE) Uimh. 333/2007 d’iontrálacha sonracha san Iarscríbhinn a ghabhann le Rialachán (CE) Uimh. 1881/2006. Ar mhaithe le comhsheasmhacht, ba cheart tagairtí do Rialachán (AE) 2023/915 a chur in ionad gach tagairt eile do Rialachán (CE) Uimh. 1881/2006 i Rialachán (CE) Uimh. 333/2007. |
|
(4) |
An 14 Nollaig 2019 cuireadh Rialachán (AE) 2017/625 maidir le rialuithe oifigiúla in ionad Rialachán (CE) Uimh. 882/2004 (5) agus rinneadh é a aisghairm. Ós rud é go bhfuil ionadú á dhéanamh ar na tagairtí do Rialachán (CE) Uimh. 1881/2006, is iomchuí an tagairt do Rialachán (CE) Uimh. 882/2004 a ionadú freisin. |
|
(5) |
Dá bhrí sin, ba cheart Rialachán (CE) Uimh. 333/2007 a leasú dá réir sin. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (CE) Uimh. 333/2007 mar a leanas:
|
(1) |
cuirtear an méid seo a leanas in ionad Airteagal 1: ‘Airteagal 1 1. Déanfar sampláil agus anailís chun rialú a dhéanamh ar na leibhéil luaidhe, chaidmiam, mhearcair, stáin neamhorgánaigh, arsanaice neamhorgánaí, nicile, 3-monachlóraprópán–1,2-dé-óil (3-MCPD), eistear 3-MCPD d’aigéid shailleacha, eistear glicidile d’aigéid shailleacha, hidreacarbón il-timthriallach aramatach (HIA). agus sárchlóráite a liostaítear i Ranna 3, 5 agus 6 d’Iarscríbhinn I a ghabhann le Rialachán (AE) 2023/915 (*1) ón gCoimisiún agus chun rialú a dhéanamh ar leibhéil aicriolaimíde i gcomhréir le Rialachán (AE) 2017/2158 (*2) ón gCoimisiún. 2. Beidh feidhm ag mír 1 gan dochar d’fhorálacha Rialachán (AE) 2017/625 ó Pharlaimint na hEorpa agus ón gComhairle (*3). (*1) Rialachán (AE) 2023/915 ón gCoimisiún an 25 Aibreán 2023 maidir le huasleibhéil le haghaidh éilleáin áirithe i mbia agus lena n-aisghairtear Rialachán (CE) Uimh. 1881/2006 (IO L 119, 5.5.2023, lch. 103)." (*2) Rialachán (AE) 2017/2158 ón gCoimisiún an 20 Samhain 2017 lena mbunaítear bearta maolaithe agus leibhéil tagarmhairc chun láithreacht aicriolaimíde i mbia a laghdú (IO L 304, 21.11.2017, lch. 24)." (*3) Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (IO L 95, 7.4.2017, lch. 1).’ " |
|
(2) |
Déantar an Iarscríbhinn a leasú i gcomhréir leis an Iarscríbhinn a ghabhann leis an Rialachán seo. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 9 Aibreán 2024.
Thar ceann an Choimisiúin
An tUachtarán
Ursula VON DER LEYEN
(1) IO L 95, 7.4.2017, lch. 1, ELI: http://data.europa.eu/eli/reg/2017/625/oj).
(2) Rialachán (CE) Uimh. 333/2007 ón gCoimisiún an 28 Márta 2007 lena leagtar síos na modhanna samplála agus anailíse chun rialú a dhéanamh ar na leibhéil riandúl agus éilleán próiseála in earraí bia (IO L 88, 29.3.2007, lch. 29, ELI: http://data.europa.eu/eli/reg/2007/333/oj).
(3) Rialachán (AE) 2023/915 ón gCoimisiún an 25 Aibreán 2023 maidir le huasleibhéil le haghaidh éilleáin áirithe i mbia agus lena n-aisghairtear Rialachán (CE) Uimh. 1881/2006 (IO L 119, 5.5.2023, lch. 103, ELI: http://data.europa.eu/eli/reg/2023/915/oj).
(4) Rialachán (CE) Uimh. 1881/2006 ón gCoimisiún an 19 Nollaig 2006 lena socraítear uasleibhéil le haghaidh éilleáin áirithe in earraí bia (IO L 364, 20.12.2006, lch. 5, ELI: http://data.europa.eu/eli/reg/2006/1881/oj).
(5) Rialachán (CE) Uimh. 882/2004 ó Pharlaimint na hEorpa agus ón gComhairle an 29 Aibreán 2004 maidir le rialuithe oifigiúla a dhéantar chun a áirithiú go bhfíorófar comhlíonadh dlí na beatha agus an bhia, agus rialacha sláinte ainmhithe agus leasa ainmhithe (IO L 165, 30.4.2004, lch. 1, ELI: http://data.europa.eu/eli/reg/2004/882/oj).
IARSCRÍBHINN
Leasaítear an Iarscríbhinn a ghabhann le Rialachán (CE) Uimh. 333/2007 mar a leanas:
|
(1) |
Cuirtear an méid seo a leanas in ionad Phointe C.2.1.: ‘C.2.1. Réamhchúraimí agus breithnithe ginearálta Is é an bunriachtanas sampla saotharlainne ionadaíoch aonchineálach a fháil gan éilliú tánaisteach a dhéanamh air. An chuid iomlán a bhfuil an t-uasleibhéal infheidhme ina leith, úsáidtear í chun an sampla a homaiginiú. Maidir le táirgí nach éisc iad, úsáidfear an t-ábhar sampla uile a fhaigheann an tsaotharlann chun an sampla saotharlainne a ullmhú. Maidir le héisc, homaigineofar an t-ábhar sampla uile a fhaigheann an tsaotharlann. Ón sampla comhiomlán homaiginithe, úsáidfear cuid/cainníocht ionadaíoch chun an sampla saotharlainne a ullmhú. I gcás ina mbeidh feidhm ag an uasleibhéal maidir leis an ábhar tirim, déanfar an cion ábhair thirim sa táirge a chinneadh ar chuid den sampla homaiginithe, agus úsáid á baint as modh ar léiríodh go gcinntear an cion ábhair thirim go cruinn leis. Suífear comhlíontacht leis na huasleibhéil a leagtar síos i Rialachán (AE) Uimh. 2023/915 ar bhonn na leibhéal a chinntear sna samplaí saotharlainne.’ |
|
(2) |
Cuirtear an méid seo a leanas in ionad Phointe C.2.2.1.: ‘C.2.2.1. Áiritheoidh an t-anailísí nach n-éilleofar samplaí le linn ullmhú na samplaí. I gcás inar féidir, ní bheidh na miotail atá le cinneadh sa ghaireas ná sa trealamh a bhíonn i dteagmháil leis an sampla agus beidh sé déanta as ábhair thámha, e.g. plaisteach amhail polapróipiléin, polaiteitreafluaireitiléin (PTFE), etc. Déanfar iad a ghlanadh le haigéad chun an riosca éillithe a íoslaghdú. Féadfar cruach dhosmálta ardchaighdeáin a úsáid le haghaidh faobhair ghearrtha. Tá roinnt mhaith nósanna imeachta sonracha sásúla um shamplaí a ullmhú a fhéadfar a úsáid le haghaidh na dtáirgí i dtrácht. I gcás na ngnéithe sin nach gcumhdaítear go sonrach leis an Rialachán seo, fuarthas go bhfuil Caighdeán CEN ‘Earraí Bia. Eilimintí agus a speicis cheimiceacha a chinneadh. Breithnithe ginearálta agus ceanglais shonracha’ (*1) sásúil ach d’fhéadfadh modhanna ullmhúcháin samplaí eile a bheith chomh bailí céanna. I gcás stán neamhorgánach, tabharfar aire chun a áirithiú go ndéanfar an t-ábhar uile a thuaslagadh toisc gurb eol go dtarlaíonn caillteanais go héasca, go háirithe mar gheall ar hidrealú chuig speicis ocsaídí hiodráitithe Sn(IV) dhothuaslagtha. I gcás nicile, d’fhéadfadh fadhbanna éillithe teacht chun cinn nuair a úsáidtear cruach dhosmálta nó trealamh iarainn le haghaidh samplála nó anailíse. Úsáidfear trealamh speisialta sa chásanna sin le haghaidh ábhar amhail tíotáiniam, ceirmigh nó agáit.’ (*1) Caighdeán EN 13804:2013, ‘Earraí bia. Eilimintí agus a speicis cheimiceacha a chinneadh. Gnéithe ginearálta agus ceanglais shonracha’, CEN, Rue de Stassart/Stassartstraat 36, B-1050 Bruxelles/Brussel, BELGIQUE/BELGIË.’;" |
|
(3) |
I bpointe C.3.3.1, cuirtear an méid seo a leanas in ionad phointe (a):
|
||||||||||||||||||||||||||||||||||||||||||||||||||||||||||||||||||||||
|
(4) |
I bpointe C.3.3.1, pointe (b), an chéad fhleasc, cuirtear ‘pointe 5.2 d’Iarscríbhinn I a ghabhann le Rialachán (AE) 2023/915’ in ionad na dtagairtí do ‘pointe 4.1 den Iarscríbhinn a ghabhann le Rialachán (CE) Uimh. 1881/2006’ i dteideal Thábla 6a agus i dTábla 6a. |
|
(5) |
I bpointe C.3.3.1, pointe (b), an dara fleasc, cuirtear ‘pointe 5.3 d’Iarscríbhinn I a ghabhann le Rialachán (AE) 2023/915’ in ionad na dtagairtí do ‘pointe 4.3 den Iarscríbhinn a ghabhann le Rialachán (CE) Uimh. 1881/2006’ i dteideal Thábla 6b agus i dTábla 6b. |
|
(6) |
I bpointe C.3.3.1, pointe (b), an tríú fleasc,
|
|
(7) |
I bpointe C.3.3.1, pointe (b), an ceathrú fleasc,
|
|
(8) |
I bpointe C.3.3.1, pointe (c), i dTábla 7, cuirtear ‘Rialachán (AE) 2023/915’ in ionad na tagartha do ‘Rialachán (CE) Uimh. 1881/2006’. |
|
(9) |
I bpointe D.1.1 cuirtear ‘Rialachán (AE) 2023/915’ in ionad na tagartha do ‘Rialachán (CE) Uimh. 1881/2006’. |
|
(10) |
I bpointe D.2.1 cuirtear ‘Rialachán (AE) 2023/915’ in ionad na tagartha do ‘Rialachán (CE) Uimh. 1881/2006’. |
|
(11) |
I bpointe D.2.2 cuirtear ‘Rialachán (AE) 2023/915’ in ionad na tagartha do ‘Rialachán (CE) Uimh. 1881/2006’. |
(*1) Caighdeán EN 13804:2013, ‘Earraí bia. Eilimintí agus a speicis cheimiceacha a chinneadh. Gnéithe ginearálta agus ceanglais shonracha’, CEN, Rue de Stassart/Stassartstraat 36, B-1050 Bruxelles/Brussel, BELGIQUE/BELGIË.’;’
ELI: http://data.europa.eu/eli/reg_impl/2024/1045/oj
ISSN 1977-0839 (electronic edition)