(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear i liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

Áirítear oiléaroisín ar chuid mhór astaxaintine ó algaí Haematococcus pluvialis mar bhia núíosach údaraithe i liosta an Aontais a leagtar amach san Iarscríbhinn a ghabhann le Rialachán Cur Chun Feidhme (AE) 2017/2470.

(4)

Údaraíodh oiléaroisín ar chuid mhór astaxaintine ó algaí Haematococcus pluvialis de bhun Airteagal 5 de Rialachán (CE) Uimh. 258/97 ó Pharlaimint na hEorpa agus ón gComhairle (3) lena úsáid i bhforbhianna atá ceaptha lena dtomhailt ag an bpobal i gcoitinne, de réir mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4).

(5)

Le Rialachán Cur Chun Feidhme (AE) 2021/1377 ón gCoimisiún (5), leasaíodh coinníollacha úsáide an bhia núíosaigh oiléaroisín ar chuid mhór astaxaintine ó algaí Haematococcus pluvialis. Go háirithe, an dáileog oiléaroisín ar chuid mhór astaxaintine ó algaí Haematococcus pluvialis a úsáidtear i bhforbhianna, ag leibhéal suas le 8.0 mg/lá, is i gcás daoine fásta agus déagóirí os cionn 14 bliana d’aois amháin atá sé ceadaithe.

(6)

Le Rialachán Cur Chun Feidhme (AE) 2023/1581 ón gCoimisiún (6), leasaíodh a thuilleadh coinníollacha úsáide an bhia núíosaigh oiléaroisín ar chuid mhór astaxaintine ó algaí Haematococcus pluvialis. Go háirithe, rinneadh úsáid an bhia núíosaigh i bhforbhianna atá ceaptha do leanaí idir 3 bliana d’aois agus faoi bhun 10 mbliana d’aois a leathnú go dtí leibhéil 23 mg/lá d’oiléaroisín (rud a chomhfhreagraíonn do suas le 2,3 mg/lá d’astaxaintin), agus i bhforbhianna atá ceaptha do dhéagóirí atá idir 10 mbliana d’aois agus faoi bhun 14 bliana d’aois go dtí 57 mg/lá d’oiléaroisín ann (rud a chomhfhreagraíonn do suas le 5,7 mg/lá in d’astaxaintin).

(7)

An 20 Meitheamh 2022, chuir an chuideachta Astareal AB (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283, iarratas ar athrú shonraíochtaí an bhia núíosaigh oiléaroisín ar chuid mhór astaxaintine ó algaí Haematococcus pluvialis. D’iarr an t-iarratasóir leibhéil an chion a mhodhnú i gcás roinnt paraiméadar sna sonraíochtaí. Baineann sé sin le modhnú an raoin i gcás monaeistir astaxaintine in oiléaroisín ó 79,8–91,5 % m/m de charaitéanóidigh (ina n-iomláine) go 66,7–91,5 % m/m de charaitéanóidigh (ina n-iomláine), modhnú raon na n-eistir astaxaintine ó 0,16–19,0 % m/m de charaitéanóidigh (ina n-iomláine) go 0,16 go 32,5 % m/m de charaitéanóidigh (ina n-iomláine), modhnú an raoin i gcás astaxaintine 9-cis steiré-isiméirí ó 0,3–17,3 % m/m de charaitéanóidigh (ina n-iomláine) go 0,3–30,0 % m/m de charaitéanóidigh (ina n-iomláine), agus modhnú raon an chion próitéine ó 0,3–4,4 % go 0,0–4,4 %.

(8)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (‘an tÚdarás’) an 26 Meán Fómhair 2022, agus d’iarr air tuairim eolaíoch a thabhairt ar athrú shonraíochtaí an bhia núíosaigh oiléaroisín ar chuid mhór astaxaintine ó algaí Haematococcus pluvialis.

(9)

An 26 Meán Fómhair 2023, ghlac an tÚdarás a thuairim eolaíoch maidir le ‘Safety of a change in specifications of the novel food oleoresin from Haematococcus pluvialis containing astaxanthin pursuant to Regulation (EU) 2015/2283’ (7) [Sábháilteacht athrú shonraíochtaí an bhia núíosaigh oiléaroisín ó algaí Haematococcus pluvialis ina bhfuil astaxaintin de bhun Rialachán (AE) 2015/2283] i gcomhréir le hAirteagal 11 de Rialachán (AE) 2015/2283.

(10)

Sa tuairim eolaíoch a thug an tÚdarás uaidh, tháinig sé ar an gconclúid go bhfuil an bia núíosach oiléaroisín ar chuid mhór astaxaintine ó algaí Haematococcus pluvialis sábháilte faoi na hathruithe atá beartaithe ar na sonraíochtaí, agus dá bhrí sin is iomchuí iad a leasú.

(11)

Is leor na forais atá le fáil san fhaisnéis a sholáthraítear san iarratas agus sa tuairim ón Údarás chun a shuí go bhfuil na hathruithe a iarrtar ar choinníollacha úsáide an bhia núíosaigh i gcomhréir le hAirteagal 12 de Rialachán (AE) 2015/2283 agus gur cheart iad a fhormheas.

(12)

Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,