European flag

Iris Oifigiúil
an Aontais Eorpaigh

GA

Sraith L


2024/1021

3.4.2024

RIALACHÁN CUR CHUN FEIDHME (AE) 2024/1021 ÓN gCOIMISIÚN

an 26 Márta 2024

lena bhformheastar leasú ón Aontas ar shonraíocht an Ainmniúcháin Tionscnaimh faoi Chosaint (‘Minervois-la-Livinière’)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001 agus (CE) Uimh. 1234/2007 ón gComhairle (1), agus go háirithe Airteagal 99(1) de,

De bharr an mhéid seo a leanas:

(1)

Tá scrúdú déanta ag an gCoimisiún ar an iarratas ar fhormheas ar leasú ón Aontas ar shonraíocht táirge an Ainmniúcháin Tionscnaimh faoi Chosaint ‘Minervois-la-Livinière’, a chuir an Fhrainc ar aghaidh i gcomhréir le hAirteagal 97(2) de Rialachán (AE) Uimh. 1308/2013 i gcomhar le hAirteagal 105(3), an chéad fhomhír, den Rialachán sin. Baineann an t-athrú leis an ainm a athrú ó ‘Minervois-la-Livinière’ go dtí ‘La Livinière’.

(2)

D’fhoilsigh an Coimisiún an t-iarratas ar fhormheas ar an leasú ón Aontas ar an tsonraíocht táirge in Iris Oifigiúil an Aontais Eorpaigh (2), mar a cheanglaítear le hAirteagal 97(4) de Rialachán (AE) Uimh. 1308/2013 i gcomhar le hAirteagal 105(3), an chéad fhomhír den Rialachán sin.

(3)

Níl aon ráiteas agóide réasúnaithe faighte ag an gCoimisiún faoi Airteagal 98 de Rialachán (AE) Uimh. 1308/2013.

(4)

Ba cheart, dá bhrí sin, an leasú ón Aontas ar an tsonraíocht táirge a fhormheas i gcomhréir le hAirteagal 99(1) de Rialachán (AE) Uimh. 1308/2013.

TAR ÉIS AN RIALACHÁN SEO A GHLACADH:

Airteagal 1

An leasú ón Aontas ar an tsonraíocht táirge a foilsíodh in Iris Oifigiúil an Aontais Eorpaigh maidir leis an ainm ‘Minervois-la-Livinière’ (ATFC), is leasú é atá formheasta anois.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 26 Márta 2024.

Thar ceann an Choimisiúin,

Thar ceann an Uachtaráin,

Janusz WOJCIECHOWSKI

Comhalta den Choimisiún


(1)   IO L 347, 20.12.2013, lch. 671.

(2)   IO C, C/2023/1470, 8.12.2023, ELI: http://data.europa.eu/eli/C/2023/1470/oj.


ELI: http://data.europa.eu/eli/reg_impl/2024/1021/oj

ISSN 1977-0839 (electronic edition)