CINNEADH Ó CHOMHCHOISTE LEE Uimh. 241/2023

an 22 Meán Fómhair 2023

lena leasaítear Iarscríbhinn IX (Seirbhísí airgeadais) a ghabhann le Comhaontú LEE [2024/983]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán Tarmligthe (AE) 2023/827 ón gCoimisiún an 11 Deireadh Fómhair 2022 lena leagtar síos caighdeáin theicniúla rialála lena leasaítear Rialachán Tarmligthe (AE) Uimh. 241/2014 a mhéid a bhaineann le réamhchead chun cistí dílse a laghdú agus na ceanglais a bhaineann le hionstraimí dliteanas incháilithe (1), tá sé le hionchorprú i gComhaontú LEE.

(2)	Dá bhrí sin, ba cheart Iarscríbhinn IX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an fhleasc seo a leanas isteach i bpointe 14aa (Rialachán Tarmligthe (AE) Uimh. 241/2014 ón gCoimisiún) d’Iarscríbhinn IX a ghabhann le Comhaontú LEE:

‘-	32023 R 0827: Rialachán Tarmligthe (AE) 2023/827 ón gCoimisiún an 11 Deireadh Fómhair 2022 (IO L 104, 19.4.2023, lch. 1).’

Airteagal 2

Is téacs barántúil a bheidh i dtéacs Rialachán Tarmligthe (AE) 2023/827 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 23 Meán Fómhair 2023, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 22 Meán Fómhair 2023.

Thar ceann Chomhchoiste LEE

An tUachtarán

Pascal SCHAFHAUSER

(1) IO L 104, 19.4.2023, lch. 1.

(*1) Ní shonraítear aon cheanglas bunreachtúil.