TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc, a rialú agus a dhíothú (1), agus go háirithe Airteagal 23a, pointe (m) de,

De bharr an mhéid seo a leanas:

(1)

Tá ról lárnach ag ceanglais tuairiscithe chun faireachán cuí ar an reachtaíocht agus forfheidhmiú ceart na reachtaíochta a áirithiú. Tá sé tábhachtach, áfach, na ceanglais sin a chuíchóiriú chun a áirithiú go gcomhlíonfaidh siad an cuspóir dár beartaíodh iad agus chun an t-ualach riaracháin a theorannú.

(2)	Tá roinnt ceanglais tuairiscithe i Rialachán (CE) Uimh. 999/2001 i réimse na sláinte ainmhithe, ar cheart iad a shimpliú dá bhrí sin, i gcomhréir leis an Teachtaireacht ón gCoimisiún maidir le ‘hIomaíochas fadtéarmach an Aontais: níos faide ar aghaidh ná 2030 (2)’.

(3)	Le Rialachán (CE) Uimh. 999/2001, leagtar síos rialacha maidir le heinceifileapaití spúinseacha in-tarchurtha (TSEanna) a chosc, a rialú agus a dhíothú i mbó-ainmhithe, in ainmhithe den chineál caorach agus in ainmhithe den chineál gabhair.

(4)

Foráiltear le hAirteagal 6ú de Rialachán (CE) Uimh. 999/2001 go bhféadfaidh Ballstáit cláir phóraithe a thabhairt isteach chun roghnú le haghaidh frithsheasmhacht in aghaidh ESI ina ndaonraí ainmhithe den chineál caorach (na cláir phóraithe). I gcomhréir le hAirteagal 6a(3) den Rialachán sin, ceanglaítear ar Bhallstáit a thugann cláir phóraithe isteach tuarascálacha rialta a chur faoi bhráid an Choimisiúin (na tuarascálacha).

(5)	Ceanglaítear le Cuid 5 de Chaibidil C d’Iarscríbhinn VII a ghabhann le Rialachán (CE) Uimh. 999/2001 go gcuirfear na tuarascálacha faoi bhráid an Choimisiúin ar bhonn bliantúil.

(6)

Leis an leasú atá beartaithe, simpleofar na ceanglais tuairiscithe do Bhallstáit trí bhogadh ó thuairisciú bliantúil córasach go tuairisciú nuair is léir go bhfuil gá leis, is é sin nuair atá athruithe déanta ar na cláir phóraithe. Ní bheidh tionchar ag an leasú atá beartaithe ar an bpríomhchuspóir beartais, is é sin a áirithiú go leanfaidh na Ballstáit orthu ag déanamh faireacháin agus tuairiscithe ar a staid eipidéimeolaíoch maidir le TSEanna.

(7)	Ba cheart, dá bhrí sin, Rialachán (CE) Uimh. 999/2001 a leasú dá réir sin.

(8)	Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

TAR ÉIS AN RIALACHÁN SEO A GHLACADH: