CINNEADH (AE) 2024/902 ÓN mBANC CEANNAIS EORPACH

an 12 Márta 2024

lena leasaítear Cinneadh (AE) 2021/1486 lena nglactar rialacha inmheánacha maidir le srianta ar chearta na n-ábhar sonraí i dtaca le cúraimí an Bhainc Ceannais Eorpaigh a bhaineann le maoirseacht stuamachta ar institiúidí creidmheasa (BCE/2021/42) (BCE/2024/10)

TÁ BORD FEIDHMIÚCHÁIN AN BHAINC CEANNAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Reacht Chóras Eorpach na mBanc Ceannais agus an Bhainc Ceannais Eorpaigh, agus go háirithe d'Airteagal 11.6 de,

Ag féachaint do Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (1), agus go háirithe Airteagal 25 de,

De bharr an mhéid seo a leanas:

(1)

De bhun Airteagal 3(6) de Chinneadh (AE) 2021/1486 ón mBanc Ceannais Eorpach (BCE/2021/42) ní mór (2) cinneadh a dhéanamh srian a chur le cearta ábhair sonraí atá le glacadh ag an rialaitheoir ar leibhéal cheann nó leascheann an limistéir gnó ábhartha ar ina réimse gnó a dhéantar an phríomhoibríocht phróiseála a bhaineann leis na sonraí pearsanta.

(2)

Ní shonraítear in Airteagal 3(6) de Chinneadh (AE) 2021/1486 (BCE/2021/42) na himthosca inar cheart cinneadh den sórt sin srian a chur le cearta ábhair sonraí a dhéanamh ar leibhéal leascheann den sórt sin. Ba cheart a shoiléiriú, dá bhrí sin, gur cásanna iad sin nach bhfuil ceann an limistéir gnó ábhartha ar fáil (mar shampla, má tá sé nó sí ar saoire bhliantúil nó bhreoiteachta), nó ina bhfuil coinbhleacht leasa ann nó coinbhleacht leasa a mheastar a bheith ann, nó ina bhfuil rochtain aige ar fhaisnéis rúnda ábhartha.

(3)

Thairis sin, le hAirteagal 3(6) de Chinneadh (AE) 2021/1486 (BCE/2021/42), ní mheastar cás réimse gnó nach bhfuil aon leascheann aige. Ba cheart a shoiléiriú i gcás den sórt sin agus i gcás nach bhfuil ceann an limistéir gnó ábhartha ar fáil, nó i gcás ina bhfuil coinbhleacht leasa ann nó coinbhleacht leasa a mheastar a bheith ann, nó ina bhfuil rochtain aige ar fhaisnéis rúnda ábhartha, gur cheart cinneadh a dhéanamh chun cearta ábhair sonraí a shrianadh ar leibhéal an bhainisteora líne atá inniúil sna himthosca chun é sin a dhéanamh.

(4)

Ar deireadh, ní shonraítear in Airteagal 3(6) de Chinneadh (AE) 2021/1486 (BCE/2021/42) an leibhéal ar a bhfuil cinneadh le déanamh maidir le srian a chur ar chearta ábhair sonraí i gcás feidhm nach leithdháiltear ar réimse gnó. Ba cheart a shoiléiriú gur cheart cinneadh den sórt sin a dhéanamh ar leibhéal shealbhóir na feidhme ina ndéantar an phríomhoibríocht phróiseála a bhaineann leis na sonraí pearsanta.

(5)	Dá bhrí sin, ba cheart Cinneadh (AE) 2021/1486 (BCE/2021/42) a leasú dá réir sin,

TAR ÉIS AN CINNEADH SEO A GHLACADH:

Airteagal 1

Leasuithe

Leasaítear Airteagal 3 de Chinneadh (AE) 2021/1486 (BCE/2021/42) mar a leanas:

(1)

cuirtear an méid seo a leanas in ionad mhír 6:

‘6. Déanfar cinneadh chun srian a chur ar chearta ábhair sonraí de bhun mhír 1 nó 2 a bheidh le glacadh ag an rialaitheoir ar leibhéal cheann nó leascheann an limistéir ghnó ábhartha ar ina réimse gnó a dhéantar an phríomhoibríocht phróiseála a bhaineann leis na sonraí pearsanta. Más rud é go ndéantar an phríomhoibríocht phróiseála sin le feidhm nach gcuid de limistéar gnó í, déanfar cinneadh den sórt sin ar leibhéal shealbhóir na feidhme.’

;

(2)

cuirtear isteach an mhír 7 seo a leanas:

‘7. Chun críocha mhír 6, i gcás nach bhfuil ceann an limistéir gnó ábhartha ar fáil de dheasca é a bheith as láthair, nó i gcás ina bhfuil coinbhleacht leasa aige nó coinbhleacht leasa atá ann nó coinbhleacht leasa a mheastar a bheith ann, nó ina bhfuil rochtain aige ar fhaisnéis rúnda ábhartha, is é leascheann an limistéir ghnó ina ndéantar an phríomhoibríocht phróiseála a bhaineann leis na sonraí pearsanta a dhéanfaidh an rialaitheoir chun srian a chur ar chearta ábhair sonraí de bhun mhír 1 nó 2.

I gcás nach ann do leas-cheannaire den sórt sin, is é an bainisteoir líne atá inniúil chuige sin a dhéanfaidh an cinneadh sin i gcás nach bhfuil ceann an limistéir ghnó ábhartha as láthair, ina bhfuil coinbhleacht leasa ann nó ina bhfuil rochtain aige ar fhaisnéis rúnda ábhartha.’

Airteagal 2

Teacht i bhfeidhm

Tiocfaidh an Cinneadh seo i bhfeidhm ar an bhfíchiú lá tar éis a fhoilsithe in Iris Oifigiúil an Aontais Eorpaigh.

Arna dhéanamh in Frankfurt am Main, an 12 Márta 2024.

Uachtarán BCE

Christine LAGARDE

(1) IO L 295, 21.11.2018, lch. 39.

(2) Cinneadh (AE) 2021/1486 ón mBanc Ceannais Eorpach an 7 Meán Fómhair 2021 lena nglactar rialacha inmheánacha maidir le srianta ar chearta na n-ábhar sonraí i ndáil le cúraimí an Bhainc Ceannais Eorpaigh a bhaineann le maoirseacht stuamachta ar institiúidí creidmheasa (BCE/2021/42) (IO L 328, 16.9.2021, lch. 15).