(1)

An 12 Eanáir 2021 fuair an Coimisiún iarratas ó Roullier ar fhormheas hiodrocsaíde maignéisiam E528 mar shubstaint bhunata lena húsáid i gcosaint plandaí mar fhuingicíd ar fhíniúnacha, ológa, banana, coirce, seagal, triteacál, cruithneacht, trátaí, ubhthoradh, piobar, sillí, Physalis sp. agus cúcamar milis, prátaí, rósóg, plandaí ornáideacha, péitseog, aibreog, silín, pluma, neachtairín, miribéal agus barra ríse.

(2)

Tar éis na seiceálacha inghlacthachta, fuarthas iarratais athbhreithnithe i mí na Bealtaine 2021, mí Aibreáin 2022 agus mí Eanáir 2023. Bhí an fhaisnéis a cheanglaítear faoi Airteagal 23(3), an dara fomhír, de Rialachán (CE) Uimh. 1107/2009 ag gabháil leis an iarratas, mar a athbhreithníodh é i mí Eanáir 2023.

(3)

D’iarr an Coimisiún cúnamh eolaíoch ar an Údarás Eorpach um Shábháilteacht Bia (‘an tÚdarás’) de bhun Airteagal 23(4) de Rialachán (CE) Uimh. 1107/2009. An 6 Márta 2023 chuir an tÚdarás tuarascáil theicniúil ar fáil don Choimisiún maidir le hiodrocsaíd mhaignéisiam E528 (2).

(4)

Chuir an Coimisiún an tuarascáil athbhreithniúcháin (3) agus dréacht den Rialachán seo faoi bhráid an Bhuanchoiste um Plandaí, Ainmhithe, Bia agus Beatha an 12 Deireadh Fómhair 2023 agus an 11 Nollaig 2023, faoi seach.

(5)

San fhaisnéis a chuir an t-iarratasóir ar fáil, léirítear go n-úsáidtear hiodrocsaíd mhaignéisiam E528 mar bhreiseán bia agus beatha, mar phurgóid osmóiseach agus frithaigéad le haghaidh an ghoile sa leigheas, mar dhíbholaíoch coirp i réimse na dtáirgí cosmaideacha, mar leasachán sa talmhaíocht agus i roinnt úsáidí tionsclaíocha. Thairis sin, ní úsáidtear í chun críoch cosanta plandaí den chuid is mó ach tá an tsubstaint úsáideach i gcosaint plandaí i dtáirge ina bhfuil an tsubstaint. Ar bhonn na faisnéise a soláthraíodh san iarratas agus sa Tuarascáil Theicniúil ón Údarás, is féidir teacht ar an gconclúid nach substaint ar údar imní í; nach bhfuil sé de chumas intreach aici bheith ina cúis le héifeachtaí suaiteora inchrínigh, éifeachtaí néarthocsaineacha nó éifeachtaí imdhíon-thocsaineacha; agus nach gcuirtear ar an margadh mar tháirge cosanta plandaí í. Dá réir sin, comhlíonann hiodrocsaíd mhaignéisiam E528 na coinníollacha a leagtar amach in Airteagal 23(1) de Rialachán (CE) Uimh. 1107/2009.

(6)

Bhí Rialachán ón gCoimisiún lena leagtar síos na sonraíochtaí le haghaidh hiodrocsaíd mhaignéisiam E528 mar bhreiseán bia formheasta (4) ar fáil. Chuir an tÚdarás agus an Coimisiún araon an fhaisnéis sin san áireamh faoi chuimsiú Airteagal 23(2) de Rialachán (CE) Uimh. 1107/2009.

(7)

D’iarr an Coimisiún ar an iarratasóir a bharúlacha féin a chur isteach i leith Thuarascáil Theicniúil an Údaráis agus i leith dhréacht-tuarascáil athbhreithniúcháin an Choimisiúin. Chuir an t-iarratasóir a bharúlacha isteach, agus rinneadh scrúdú cúramach orthu.

(8)

Tar éis scrúdú a dhéanamh ar an iarratas agus ar na doiciméid ghaolmhara uile, d’fhéadfadh coinne a bheith leis go gcomhlíonann hiodrocsaíd mhaignéisiam E528, go ginearálta, na ceanglais a leagtar síos in Airteagal 23 de Rialachán (CE) Uimh. 1107/2009, go háirithe maidir leis na húsáidí a scrúdaíodh agus a mionsonraíodh i dtuarascáil athbhreithniúcháin an Choimisiúin. Dá bhrí sin, is iomchuí hiodrocsaíd mhaignéisiam E528 a fhormheas mar shubstaint bhunata.

(9)

I gcomhréir le hAirteagal 13(2) de Rialachán (CE) Uimh. 1107/2009 i gcomhar le hAirteagal 6 de agus i bhfianaise an eolais eolaíoch reatha agus an eolais theicniúil reatha, is gá, áfach, coinníollacha áirithe le haghaidh an fhormheasa a chur san áireamh.

(10)

I gcomhréir le hAirteagal 13(4) de Rialachán (CE) Uimh. 1107/2009, ba cheart an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (5) a leasú dá réir.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,