(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. Le hAirteagal 10(2) den Rialachán sin déantar foráil maidir le hathmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Rinneadh an tsubstaint tintiúr péine ó Pinus sylvestris L. a údarú gan teorainn ama, i gcomhréir le Treoir 70/524/CEE, mar bhreiseán beathaithe le haghaidh gach speicis ainmhíoch. Cuireadh an tsubstaint sin isteach i gClár na mBreiseán Beathaithe ina dhiaidh sin mar tháirge a bhí ann cheana, i gcomhréir le hAirteagal 10(1), pointe (b), de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas chun athmheastóireacht a dhéanamh ar thintiúr péine ó Pinus sylvestris L. mar bhreiseán beathaithe le haghaidh gach speicis ainmhíoch. D’iarr an t-iarratasóir go n-aicmeofaí an breiseán sin i gcatagóir na mbreiseán ‘breiseáin chéadfacha’ agus san fheidhmghrúpa ‘comhdhúile blaistithe’ agus go n-údarófaí é le húsáid in uisce óil freisin. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 4 Iúil 2023 (3) go bhfuil tintiúr péine ó Pinus sylvestris L. sábháilte do gach cineál ainmhí, do thomhaltóirí agus don chomhshaol, faoi na coinníollacha úsáide atá beartaithe. Ina theannta sin, dúirt an tÚdarás nach bhfuil gá le léiriú breise ar éifeachtúlacht mar go n-úsáidtear craobhóga Pinus sylvestris L. mar bhlastáin bhia, rud a mheastar a bhfuil a g comhshuíomh/ comhdhéanamh comhchosúil leis an ábhar bunaidh chun tintiúr péine a tháirgeadh. Tháinig sé ar an gconclúid gur cheart a mheas gur ghreannaitheoir craicinn agus súl é Pinus sylvestris L. agus gur íogróir deirmeach agus riospráide é. D’fhíoraigh an tÚdarás freisin an tuarascáil ar an modh a úsáidtear chun anailís a dhéanamh ar an mbreiseán beathaithe arna cur isteach ag an Saotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann tintiúr péine ó Pinus sylvestris L. na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Ina theannta sin, chun rialú níos fearr a leagan síos, ba cheart go n-ionchorprófar na blastáin sa bheatha i bhfoirm réamh-mheascáin. Measann an Coimisiún nach gá uasleibhéil a shocrú le haghaidh tintiúr péine ó Pinus sylvestris L. ar chúiseanna sábháilteachta. Chun rialú níos fearr a leagan síos, ba cheart an t-uaschion molta a shonrú ar lipéad an bhreiseáin. I gcás ina sárófar na cionta sin, ba cheart faisnéis áirithe a shonrú ar lipéad na réamh-mheascán lena mbaineann.

(7)

Le Rialachán (CE) Uimh. 1831/2003 ní cheadaítear ‘comhdhúile blaistithe’ a údarú lena n-úsáid in uisce óil. Dá bhrí sin, níor cheart úsáid an bhreiseáin sin in uisce óil a cheadú.

(8)

Ós rud é nach gá na modhnuithe ar na coinníollacha maidir le húdarú tintiúr péine ó Pinus sylvestris L. a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do pháirtithe leasmhara chun iad féin a ullmhú chun na ceanglais nua a eascraíonn as an údarú a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,