(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú ullmhóide próitéáise (ar a dtugtar freisin ‘subtilisin’) arna táirgeadh ag Bacillus licheniformis (DSM 33099). Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid próitéáise arna táirgeadh ag Bacillus licheniformis DSM 33099 a údarú mar bhreiseán beathaithe le haghaidh gach speicis éanlaithe clóis atá ag fás, agus iarrtar ann go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 5 Iúil 2023 (2), maidir leis an ullmhóid próitéáise arna táirgeadh ag Bacillus licheniformis DSM 33099, go bhfuil sí sábháilte do gach speiceas éanlaithe clóis lena ramhrú agus a thógtar le bheith ina bhéaróg/le haghaidh pórúcháin, do thomhaltóirí agus don chomhshaol faoi na coinníollacha úsáide atá beartaithe. Tháinig an tÚdarás ar an gconclúid freisin gur cheart a mheas nach greannaitheoir súl ná craicinn í an ullmhóid próitéáise arna táirgeadh ag Bacillus licheniformis DSM 33099, ach gur cheart a mheas gur íogróir riospráide í, agus, in éagmais sonraí, nach bhféadfaí teacht ar aon chonclúid maidir leis an íogrú deirmeach a d’fhéadfadh sí a dhéanamh. Tháinig an tÚdarás ar an gconclúid thairis sin, maidir leis an ullmhóid próitéáise arna táirgeadh ag Bacillus licheniformis DSM 33099, go bhféadfadh sí a bheith éifeachtúil nuair a áirítear i mbeatha í ag leibhéal 30 000 NFP próitéáis/kg de bheatha iomlán le haghaidh gach speicis éanlaithe clóis lena ramhrú agus a thógtar le bheith ina bhéaróg/le haghaidh pórúcháin. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil maidir leis na modhanna a úsáidtear chun anailís a dhéanamh ar an mbreiseán beathaithe i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann an ullmhóid próitéáise arna táirgeadh ag Bacillus licheniformis DSM 33099 na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh gach speicis éanlaithe clóis lena ramhrú, a thógtar le bheith ina bhéaróg agus a thógtar le haghaidh pórúcháin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,