CINNEADH Ó CHOMHCHOISTE LEE Uimh. 347/2021

an 10 Nollaig 2021

lena leasaítear Iarscríbhinn II (Rialacháin Theicniúla, Caighdeáin, Tástáil agus Deimhniú) a ghabhann le Comhaontú LEE [2024/667]

TÁ COMHCHOISTE LEE,

Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Treoir Tarmligthe (AE) 2021/1206 ón gCoimisiún an 30 Aibreán 2021 lena leasaítear Iarscríbhinn III a ghabhann le Treoir 2014/90/AE ó Pharlaimint na hEorpa agus ón gComhairle maidir le trealamh muirí a mhéid a bhaineann leis an gcaighdeán is infheidhme maidir le saotharlanna a úsáideann comhlachtaí um measúnú comhréireachta le haghaidh trealamh muirí (1), tá sí le hionchorprú i gComhaontú LEE.

(2)	Ba cheart, dá bhrí sin, Iarscríbhinn II a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas isteach i bpointe 2 (Treoir 2014/90/AE ó Pharlaimint na hEorpa agus ón gComhairle) de Chaibidil XXXII d’Iarscríbhinn II a ghabhann le Comhaontú LEE:

‘, arna leasú le:

—	32021 L 1206: Treoir Tarmligthe (AE) 2021/1206 ón gCoimisiún an 30 Aibreán 2021 (IO L 261, 22.7.2021, lch. 45).’

Airteagal 2

Is téacs barántúil a bheidh i dtéacs Threoir Tarmligthe (AE) 2021/1206 san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 11 Nollaig 2021, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 10 Nollaig 2021.

Thar ceann Chomhchoiste an LEE

An tUachtarán

Rolf Einar FIFE

(1) IO L 261, 22.7.2021, lch. 45.

(*1) Ní shonraítear aon cheanglas bunreachtúil.