(1)

Léirigh cur chun feidhme praiticiúil Rialachán (AE) Uimh. 952/2013, in éineacht le Rialachán Cur Chun Feidhme (AE) 2015/2447 (2) ón gCoimisiún, go bhfuil gá le roinnt leasuithe ar an Rialachán Cur Chun Feidhme sin chun é a chur in oiriúint níos fearr do riachtanais oibreoirí eacnamaíocha agus údarás custaim agus chun an t-aistriú ó dhoiciméid pháipéarbhunaithe go húsáid malartuithe sonraí leictreonacha a chur san áireamh, maidir leis na modhanna cruthúnais ar stádas custaim earraí de chuid an Aontais agus gnéithe áirithe de nósanna imeachta idirthurais an Aontais.

(2)

Maidir leis na modhanna cruthúnais i ndáil le stádas custaim earraí de chuid an Aontais, is gá na téarmaí a thabhairt cothrom le dáta le haghaidh earraí de chuid an Aontais nach bhfuil stádas custaim earraí de chuid an Aontais ag a bpacáistíocht. Thairis sin, níor cheart eisiúint chúlghabhálach na modhanna cruthúnais sin a cheadú ach amháin i gcásanna ina bhfuil údar cuí leo agus is gá an tréimhse ina bhféadfar na modhanna cruthúnais sin a eisiúint go cúlghabhálach a shonrú.

(3)

Faoi Airteagal 128 de Rialachán Tarmligthe (AE) 2015/2446 (3) ón gCoimisiún, le héascú eisiúint dhoiciméad T2L nó T2LF, ceadaítear formhuiniú an doiciméid T2L nó T2LF sin a tharscaoileadh leis an gcruthúnas ar stádas custaim earraí de chuid an Aontais. Níor cheart feidhm a bheith ag éascú den sórt sin ach amháin sa Bhallstát inar deonaíodh údarú don eisitheoir an doiciméad T2L nó T2LF a eisiúint faoi Airteagal 128 de Rialachán Tarmligthe (AE) 2015/2446. Tá na cruthúnais sin le clárú i gcóras Chruthúnas CCA ar Stádas Aontais (PoUS) dá dtagraítear san Iarscríbhinn a ghabhann le Cinneadh Cur Chun Feidhme (AE) 2019/2151 ón gCoimisiún (4).

(4)

Thairis sin, ba cheart a shonrú nach féidir an doiciméad T2L nó T2LF a úsáid ach aon uair amháin, eadhon chun na hearraí a thíolacadh den chéad uair chun a stádas custaim mar earraí de chuid an Aontais a chinneadh, agus i gcás aon earraí a bheidh fágtha, i gcás páirtúsáid an mhodha cruthúnais maidir le stádas custaim earraí de chuid an Aontais, gur gá modh nua cruthúnais a eisiúint.

(5)

Chun aghaidh níos fearr a thabhairt ar na riachtanais eacnamaíocha atá i réim, ba cheart a cheadú don duine a thíolacfaidh na hearraí ag an oifig custaim imeachta, dála shealbhóir an nós imeachta, a iarraidh ar an oifig custaim imeachta doiciméad tionlacain idirthurais nó doiciméad tionlacain idirthurais/slándála a sholáthar dó.

(6)

Chun cur chuige éascaithe ach comhchuibhithe a áirithiú ar fud an Aontais agus sna tíortha comhchoiteanna idirthurais, ba cheart trasloingsithe coimeádán agus aonad iompair idirmhódúil comhchosúil a tharscaoileadh, faoi choinníollacha áirithe, ó liosta na dteagmhas a éilíonn idirghabháil chustaim.

(7)

Dá bhrí sin, ba cheart Rialachán Cur Chun Feidhme (AE) 2015/2447 a leasú dá réir sin.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

in Airteagal 199, cuirtear an méid seo a leanas in ionad mhíreanna 4 agus 5:

(2)

in Airteagal 200, cuirtear an méid seo a leanas in ionad mhír 3:

(3)

cuirtear isteach an tAirteagal 200a seo a leanas:

(4)

in Airteagal 205, cuirtear an méid seo a leanas in ionad mhír 1:

(5)

in Airteagal 303, cuirtear an méid seo a leanas in ionad mhír 4:

(6)

in Airteagal 305(1), cuirtear an dara agus an tríú fomhír seo a leanas leis:

‘Sna cásanna dá dtagraítear sa chéad fhomhír, pointí (c) agus (f), ina n-iompraítear earraí in aon aonad iompair idirmhódúil amháin, ina n-athraítear an modh iompair gan na hearraí a láimhseáil iad féin agus ina bhfuil uimhir aitheantais uathúil ar an aonad iompair idirmhódúil, ní mheasfar gur teagmhas é an t-athrú sin chun críocha na chéad fhomhíre.

Chun críocha an dara fomhír, is éard atá in aonad iompair idirmhódúil, mar shampla, coimeádán, cabhail shoghluaiste nó leathleantóir. Tá feidhm ag an dara fomhír freisin maidir le feithicil luchtaithe a dhéantar í féin a iompar ar mhodh gníomhach iompair.’.