(1)

Rialachán Cur Chun Feidhme (AE) 2021/547 ón gCoimisiún an 29 Márta 2021 lena leasaítear Rialachán Cur Chun Feidhme (AE) 2019/1715 a mhéid a bhaineann le nósanna imeachta chun ADIS agus EUROPHYT a bhunú agus a úsáid, deimhnithe leictreonacha sláinte ainmhithe, deimhnithe oifigiúla, deimhnithe sláinte ainmhithe/oifigiúla agus doiciméid tráchtála a eisiúint, sínithe leictreonacha a úsáid, agus feidhmiú TRACES, agus lena n-aisghairtear Cinneadh 97/152/CE (1), tá sé le hionchorprú i gComhaontú LEE.

(2)

Le Rialachán Cur Chun Feidhme (AE) 2021/547 aisghairtear Cinneadh 97/152/CE ón gCoimisiún (2), cinneadh atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(3)

Baineann an Cinneadh seo le reachtaíocht ina bhfuil forálacha maidir le hainmhithe beo cé is moite d’éisc agus ainmhithe dobharshaothraithe. Na forálacha a bhaineann leis na hábhair sin, ní bheidh feidhm acu maidir leis an Íoslainn, mar a shonraítear i mír 2 den Chuid Réamhráiteach de Chaibidil I d’Iarscríbhinn I a ghabhann le Comhaontú LEE. Dá bhrí sin tá feidhm le bheith ag an gCinneadh seo maidir leis an Íoslainn i gcás na limistéar dá dtagraítear i mír 2 den Chuid Réamhráiteach.

(4)

Is le reachtaíocht maidir le cúrsaí tréidliachta, ábhair bheatha agus ábhair bhia a bhaineann an Cinneadh seo. An reachtaíocht a bhaineann le cúrsaí tréidliachta, ábhair bheatha agus ábhair bhia, ní bheidh feidhm aici maidir le Lichtinstéin fad a bheidh cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta leathnaithe chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I agus sa réamhrá ar Chaibidil XII d’Iarscríbhinn II a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin.

(5)

Dá bhrí sin, ba cheart Iarscríbhinní I agus II a ghabhann le Comhaontú LEE a leasú dá réir sin,

1.

Cuirtear an méid seo a leanas isteach i bpointe 11bd (Rialachán Cur Chun Feidhme (AE) 2019/1715 ón gCoimisiún) i gCuid 1.1 de Chaibidil I:

‘, arna leasú le:

Tá feidhm ag an ngníomh seo maidir leis an Íoslainn i gcás na limistéar dá dtagraítear i mír 2 den Chuid Réamhráiteach.’

2.

Cuirtear an méid seo a leanas isteach i bpointe 31qd (Rialachán Cur Chun Feidhme (AE) 2019/1715 ón gCoimisiún) de Chaibidil II:

‘, arna leasú le:

3.

Scriostar téacs phointe 57 (Cinneadh 97/152/CE ón gCoimisiún) i gCuid 1.2 de Chaibidil I.

—

32021 R 0547: Rialachán Cur Chun Feidhme (AE) 2021/547 ón gCoimisiún an 29 Márta 2021 (IO L 109, 30.3.2021, lch. 60).’