Ainm

Faisnéis aitheantais

Cúiseanna

Dáta an liostaithe

‘353.

Mahmoud al-Dj ar a dtugtar freisin ALDJ

Dáta breithe: 26.7.1983;

Áit bhreithe: Tell Rifaat, Aleppo, an tSiria;

Náisiúntacht: Siriach/Libiach;

Inscne: fireann;

Is duine mór gnó é Mahmoud Al-Dj atá ag feidhmiú sa tSiria, a bhfuil roinnt cuideachtaí aige atá gníomhach in earnálacha éagsúla ar nós lóistíochta agus turasóireachta. Déanann sé idirbhearta aindleathacha idir daoine agus eintitis atá cleamhnaithe leis an réimeas sa tSiria agus in Oirthear na Libia a éascú, idirbhearta a bhaineann le támhshuanaigh, agus lastais arm agus amhais. Tá a stádas aige a bhuí lena dhlúthnaisc le réimeas na Siria, as a mbaineann sé féin agus a chuid gnólachtaí tairbhe. Ar an taobh eile, tacaíonn a chuid gníomhaíochtaí le réimeas na Siria agus cabhraíonn a chuid gníomhaíochtaí leis an réimeas rochtain a fháil ar ioncaim aindleathacha. Dá bhrí sin, tá sé ag baint tairbhe as réimeas na Siria agus ag tabhairt tacaíocht dó.

22.1.2024

354.

Yasser Hussein Ibrahim

Dáta breithe: 9.4.1983;

Áit bhreithe: Damascus, an tSiria;

Náisiúntacht: Siriach;

Inscne: fireann;

Is comhairleoir eacnamaíoch é Yasser Ibrahim do Bashar al-Assad agus feidhmíonn sé sa chomhairle eacnamaíoch atá á reáchtáil ag Asma al-Assad. In éineacht le Ali Najib Ibrahim, oibríonn sé roinnt cuideachtaí caocha, agus cuireann sé cló caoch ar fáil do ghníomhaíochtaí gnó Bashar Al-Assad agus Asma Al-Assad. Dá bhrí sin, tá Yasser Ibrahim ag baint tairbhe as réimeas na Siria agus ag tabhairt tacaíocht dó.

22.1.2024

355.

Bilal al-Naal

(ar a dtugtar freisin al-Na’al)

Dáta breithe: 14.4.1975;

Áit bhreithe: Damascus, an tSiria;

Náisiúntacht: Siriach;

Inscne: fireann;

Is bunaitheoir agus comhpháirtí in iliomad cuideachtaí trádála agus infheistíochta sa tSiria é Bilal al-Naal.

Is ball den Syrian-Russian Business Council é rud a chiallaíonn go bhfuil ról tábhachtach aige dála na nasc eacnamaíoch idir an Rúis agus réimeas na Siria. Is comhalta de pharlaimint na Siria é Al-Naal chomh maith agus iarchomhalta de chomhairle rialaithe na Damaisce. Dá bhrí sin, is duine mór gnó é Bilal al-Naal sa tSiria, atá, sa cháil sin, ag tabhairt tacaíocht do réimeas na Siria agus ag baint tairbhe as. Tá baint aige freisin le Fadi Saqr, Cham Holding agus Bishr Al-Sabban.

22.1.2024

356.

Fahad Darwish

(Ar a dtugtar freisin Fahd/Fahed)

Dáta breithe: 1955;

Áit bhreithe: Damascus, an tSiria;

Náisiúntacht: Siriach/Iaránach;

Inscne: fireann;

Is uachtarán é Fahd Darwish ar an Joint Syrian-Iranian Chamber of Commerce. Ina theannta sin, is le Darwish an iliomad gnólachtaí sa tSiria atá gníomhach in earnálacha éagsúla amhail earnálacha trádála agus cógaisíochta agus ritheann sé na gnólachtaí céanna.

Dá bhrí sin, is duine mór gnó é Darwish atá ag feidhmiú sa tSiria, atá, sa cháil sin, ag tabhairt tacaíocht do réimeas na Siria agus ag baint tairbhe as.

22.1.2024

357.

Mohannad al-Dabbagh

Dáta breithe: 6.3.1967;

Náisiúntacht: Siriach/Iaránach;

Inscne: fireann;

Is col ceathrar le Asma al-Assad é Mohannad al-Dabbagh. Is comh-úinéir Takamol LLC é, cuideachta atá freagrach as an gclár ‘cártaí cliste leictreonacha’ a bhainistiú agus atá á úsáid ó 2014 i leith chun bia fóirdheonaithe agus táirgí eile a dháileadh sa tSiria faoi scáth na hAireachta um Thrádáil Intíre agus um Chosaint Tomhaltóirí. Go háirithe, tuilleann Takamol LLC táille as gach idirbheart a oibrítear tríd an gcárta cliste.

Dá bhrí sin, tá Mohannad al-Dabbagh ag baint tairbhe as réimeas na Siria agus ag tabhairt tacaíocht dó.

22.1.2024

358.

Firas al-Akhras

Dáta breithe: 1.3.1978;

Áit bhreithe: Londain, an Ríocht Aontaithe;

Náisiúntacht: Siriach;

Inscne: fireann;

Is deartháir le Asma al-Assad é Firas al-Akhras. Is comh-úinéir Takamol LLC é, cuideachta atá freagrach as an gclár ‘cártaí cliste leictreonacha’ a bhainistiú agus atá in úsáid ó 2014 i leith chun bia fóirdheonaithe agus táirgí eile a dháileadh sa tSiria faoi scáth na hAireachta um Thrádáil Intíre agus um Chosaint Tomhaltóirí. Go háirithe, tuilleann Takamol LLC táille as gach idirbheart a oibrítear tríd an gcárta cliste.

Dá bhrí sin, tá Mohannad al-Dabbagh ag baint tairbhe as réimeas na Siria agus ag tabhairt tacaíocht dó.

22.1.2024’

Ainm

Faisnéis aitheantais

Cúiseanna

Dáta an liostaithe

‘91.

Al-Dj Group

(ar a dtugtar freisin ALDJ)

Áit chláraithe: Damascus, an tSiria;

Príomhionad gnó: an tSiria

Is eintiteas gnó Siriach é Al-Dj Group atá faoi úinéireacht agus atá á bhainistiú ag Mahmoud al-Dj. Mar chuideachta sealbhaíochta is úinéir é ar Freebird Travel Agency agus tá sé á oibriú aige freisin, ar gníomhaire é do Cham Wings Airlines, a eagraíonn eitiltí go minic idir an tSiria agus an Libia, agus amhais agus támhshuanaigh á smuigleáil acu. Ina theannta sin, tá baint ag al-Dj Group le Al-Tair Company, cuideachta eile ar le Mahmoud al-Dj í.

Tríd an scéim sin de chaidrimh ghnó, ina bhfuil ról lárnach ag Al-Dj Group, úsáidtear loingseoireacht lastais agus eitiltí d’idirbhearta aindleathacha idir daoine agus eintitis sa tSiria agus in Oirthear na Libia atá cleamhnaithe leis an réimeas, lena n-áirítear do lastais támhshuanach.

Baineann réimeas na Siria tairbhe as gníomhaíochtaí Al-Dj Group agus tacaíonn siad leis rochtain a fháil ar ioncaim aindleathacha.

22.1.2024

92.

Cham Wings

Áit chláraithe: Damascus, an tSiria;

Príomhionad gnó: Damascus, an tSiria

Is eintiteas gnó Siriach é Cham Wings Airlines atá faoi úinéireacht Muhammad Issam Shammout.

Baineann Cham Wings úsáid as a cuid eitiltí freisin chun amhais Shiriacha a aistriú, i dtrádáil arm, i ngáinneáil támhshuanach agus chun airgead a sciúradh, rudaí a thacaíonn le gníomhaíochtaí réimeas na Siria. Dá bhri sin, agus é a t-aon aerlíne phríobháideach sa tSiria, tá Cham Wings ag baint tairbhe as réimeas na Siria agus ag tabhairt tacaíocht dó.

22.1.2024

93.

Freebird Travel Agency

Áit chláraithe: an tSiria, Dubai;

Príomhionad gnó: Damascus, an tSiria

Is eintiteas gnó Siriach é an Freebird Travel Agency atá faoi úinéireacht agus á rith ag Al-Dj Group, gnó atá faoi úinéireacht agus á bhainistiú ag Mahmoud al-Dj.

Feidhmíonn Freebird mar phríomhghníomhaire do Cham Wings Airlines, agus dá bhrí sin, baineann sé tairbhe as an réimeas agus tugann sé tacaíocht dó.

22.1.2024

94.

Iloma Investment Private JSC

(Ar a dtugtar freisin Eloma)

Áit chláraithe: Damascus, an tSiria;

Dáta clárúcháin: 2023;

Príomhionad gnó: Damascus, an tSiria

Bunaíodh Iloma Investment Private JSC ag tús 2023 chun úinéireacht a ghlacadh ar gheall le leath d’aerphort na Damaisce.

Is cló caoch é Iloma do mhuintir Assad agus is cuid d’iarrachtaí an réimis é tairbhe a bhaint as ionramháil an gheilleagair. Dá bhrí sin, tá Iloma ag tabhairt tacaíocht do réimeas na Siria agus tá sí ag baint tairbhe as.

22.1.2024

95.

Al-Aqila Company

(ar a dtugtar freisin al-Akila/Al-Aqeela Insurance Company)

Áit chláraithe: Damascus, an tSiria;

Dáta clárúcháin: 2007;

Príomhionad gnó: an tSiria

Chuaigh Al-Aqila Company i mbun comhfhiontar le Alborz Insurance Company ón Iaráin, beart a socraíodh idir an dá réimeas chun seasamh na hIaráine i ngeilleagar na Siria a neartú.

I dtimpeallacht ghnó reatha na Siria, tá tacaíocht ó Chóras na Siria ag teastáil ó chomhfhiontar dá leithéid. Dá bhrí sin, tá Al-Aqila Company ag tabhairt tacaíocht do réimeas na Siria agus tá sí ag baint tairbhe as.

22.1.2024’