(1)

Rialachán (AE) 2021/77 ón gCoimisiún an 27 Eanáir 2021 lena ndiúltaítear údarú a thabhairt do mhaímh ar leith maidir le sláinte, ar maímh iad a bhaineann le bianna, seachas na maímh sin lena dtagraítear do riosca galair a laghdú agus iad siúd lena dtagraítear d’fhorbairt agus do shláinte leanaí (1), tá sé le hionchorprú i gComhaontú LEE.

(2)

Rialachán (AE) 2021/418 ón gCoimisiún an 9 Márta 2021 lena leasaítear Treoir 2002/46/CE ó Pharlaimint na hEorpa agus ón gComhairle a mhéid a bhaineann le clóiríd riobóisíde nicitíonaimíde agus maláit chiotráite mhaignéisiam a úsáidtear i monarú forbhianna agus a mhéid a bhaineann leis na haonaid tomhais a úsáidtear le haghaidh copair (2), tá sé le hionchorprú i gComhaontú LEE.

(3)

Rialachán (AE) 2021/468 ón gCoimisiún an 18 Márta 2021 lena leasaítear Iarscríbhinn III a ghabhann le Rialachán (CE) Uimh. 1925/2006 ó Pharlaimint na hEorpa agus ón gComhairle maidir le speiceas luibheolaíoch ina bhfuil díorthaigh hiodrocsa-antraicéine (3), tá sé le hionchorprú i gComhaontú LEE.

(4)

Is le reachtaíocht maidir le hábhair bhia a bhaineann an Cinneadh seo. An reachtaíocht a bhaineann le hábhair bhia, ní bheidh feidhm aici maidir le Lichtinstéin fad a bheidh cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta leathnaithe chun Lichtinstéin a chumhdach, mar a shonraítear i réamhrá Chaibidil XII d’Iarscríbhinn II a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin.

(5)

Dá bhrí sin, ba cheart Iarscríbhinn II a ghabhann le Comhaontú LEE a leasú dá réir sin,

1.

Cuirtear an fhleasc seo a leanas isteach i bpointe 54zzi (Treoir 2002/46/CE ó Pharlaimint na hEorpa agus ón gComhairle):

2.

Cuirtear an fhleasc seo a leanas isteach i bpointe 54zzzu (Rialachán (CE) Uimh. 1925/2006 ó Pharlaimint na hEorpa agus ón gComhairle):

3.

Cuirtear an pointe seo a leanas isteach i ndiaidh phointe 192 (Rialachán Cur Chun Feidhme (AE) 2021/120 ón gCoimisiún):