(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan.

(2)

Le Rialachán Cur Chun Feidhme (AE) 2015/2305 ón gCoimisiún (2) údaraíodh ullmhóid d’ion–1,4-béite-ghlúcanáis arna táirgeadh ag Trichoderma citrinoviride IMI 360748 (arna shainaithint go tacsanomaíoch roimhe seo mar Trichoderma citrinoviride Bisset (IM SD142)) ar feadh tréimhse 10 mbliana mar bhreiseán beathaithe le haghaidh sicíní lena ramhrú, mionspeicis éanlaithe clóis lena ramhrú agus bainbh scoite.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide d’ion–1,4-béite-ghlúcanáis arna táirgeadh ag Trichoderma citrinoviride IMI 360748 a athnuachan le haghaidh sicíní lena ramhrú, mionspeicis éanlaithe clóis lena ramhrú agus bainbh scoite, iarratas inar iarradh go n-aicmeofaí an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. I gcomhréir le hAirteagal 7 de Rialachán (CE) Uimh. 1831/2003, bhain an t-iarratas sin freisin le húsáidí nua don ullmhóid chéanna a údarú mar bhreiseán beathaithe le haghaidh turcaithe lena ramhrú, gach speicis éanlaithe clóis a thógtar le bheith ina bhéaróg nó le haghaidh pórúcháin, éin ornáideacha agus bainbh dhiúil. Bhí na sonraí agus na doiciméid a cheanglaítear faoi Airteagal 14(2) agus Airteagal 7(3) den Rialachán sin ag gabháil leis an iarratas sin.

(4)

Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 21 Márta 2023 (3), go bhfuil an ullmhóid d’ion–1,4-béite-ghlúcanáis arna táirgeadh ag Trichoderma citrinoviride IMI 360748 sábháilte i gcónaí do shicíní lena ramhrú, mionspeicis éanlaithe clóis lena ramhrú agus bainbh scoite, agus do thomhaltóirí agus don chomhshaol faoi na coinníollacha úsáide atá údaraithe faoi láthair, agus chuir sé in iúl go bhfuil feidhm ag an gconclúid sin a bhaineann le sábháilteacht freisin maidir le turcaithe lena ramhrú, gach speiceas éanlaithe clóis a thógtar le bheith ina bhéaróg nó le haghaidh pórúcháin, éin ornáideacha agus bainbh dhiúil. Thairis sin, chinn an tÚdarás nach meastar an ullmhóid a bheith creimneach don chraiceann ná ina greannaitheoir súl. Luaigh sé gur cheart an ullmhóid a mheas mar íogróir craicinn agus mar íogróir riospráide, cé nach bhféadfaí teacht ar chonclúidí maidir le hacmhainneacht an bhreiseáin a bheith ina ghreannaitheoir craicinn. Chuir an tÚdarás in iúl nach raibh aon ghá measúnú a dhéanamh ar éifeachtúlacht na hullmhóide d’ion–1,4-béite-ghlúcanáis arna táirgeadh ag Trichoderma citrinoviride IMI 360748 i gcomhthéacs athnuachan an údaraithe le haghaidh sicíní lena ramhrú, mionspeicis éanlaithe clóis lena ramhrú agus bainbh scoite, agus maidir leis na conclúidí i ndáil le héifeachtúlacht a baineadh amach i sicíní lena ramhrú agus bainbh scoite, mheas sé gur féidir na conclúidí sin a leathnú chun turcaithe lena ramhrú, gach speiceas éanlaithe clóis a thógtar le bheith ina bhéaróg nó le haghaidh pórúcháin, éin ornáideacha agus bainbh dhiúil a chumhdach. Níor mheas an tÚdarás go bhfuil gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar ar thángthas le linn an mheasúnaithe a rinneadh i ndáil leis an modh a úsáideadh chun anailís a dhéanamh ar ion–1,4-béite-ghlúcanáis mar bhreiseán beathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointí (a) agus (c) de Rialachán (CE) Uimh. 378/2005 ón gCoimisiún (4), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid d’ion–1,4-béite-ghlúcanáis arna táirgeadh ag Trichoderma citrinoviride IMI 360748 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú na hullmhóide sin a athnuachan le haghaidh sicíní lena ramhrú, mionspeicis éanlaithe clóis lena ramhrú agus bainbh scoite, agus ba cheart úsáid na hullmhóide sin a údarú le haghaidh turcaithe lena ramhrú, le haghaidh gach speicis éanlaithe clóis a thógtar le bheith ina bhéaróg nó le haghaidh pórúcháin, éin ornáideacha agus bainbh dhiúil. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Mar thoradh ar údarú na hullmhóide d’ion–1,4-béite-ghlúcanáis arna táirgeadh ag Trichoderma citrinoviride IMI 360748 a athnuachan mar bhreiseán beathaithe le haghaidh sicíní lena ramhrú, mionspeicis éanlaithe clóis lena ramhrú agus bainbh scoite, ba cheart Rialachán Cur Chun Feidhme (AE) 2015/2305 a leasú.

(8)

Ós rud é nach gá na modhnuithe ar na coinníollacha údaraithe maidir leis an ullmhóid d’ion–1,4-béite-ghlúcanáis arna táirgeadh ag Trichoderma citrinoviride IMI 360748 le haghaidh sicíní lena ramhrú, mionspeicis éanlaithe clóis lena ramhrú agus bainbh scoite a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

Scriostar Airteagal 1;

2.

scriostar an Iarscríbhinn.