(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. Le hAirteagal 10(2) den Rialachán sin déantar foráil maidir le hathmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Údaraíodh na substaintí bláthola piobair dhuibh agus oiléaroisín piobair dhuibh ó Piper nigrum L. agus eastóscán forchriticiúil piobair dhubh ó Piper nigrum L. gan teorainn ama i gcomhréir le Treoir 70/524/CEE mar bhreiseáin bheathaithe le haghaidh gach speicis ainmhíoch. Cuireadh na substaintí sin isteach i gClár na mBreiseán Beathaithe ina dhiaidh sin mar tháirge a bhí ann cheana a bhaineann le catagóir na mbreiseán ‘breiseáin chéadfacha’ agus leis an bhfeidhmghrúpa ‘comhdhúile blaistithe’ i gcomhréir le hAirteagal 10(1), pointe (b), de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas maidir le húdarú bláthola piobair dhuibh, oiléaroisín piobair dhuibh agus eastóscáin forchriticiúil piobair dhubh ó Piper nigrum L. mar bhreiseáin bheathaithe le haghaidh gach speicis ainmhíoch, inar iarradh go n-aicmeofaí na breiseáin i gcatagóir na mbreiseán ‘breiseáin chéadfacha’ agus san fheidhmghrúpa ‘comhdhúile blaistithe’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. Ina dhiaidh sin, tharraing an t-iarratasóir siar an t-iarratas ar údarú d’eastóscán forchriticiúil piobair dhuibh ó Piper nigrum L. a mhéid a bhaineann lena úsáid i gcás gach speicis ainmhíoch seachas cait agus madraí.

(4)

D’iarr an t-iarratasóir go n-údarófaí na breiseáin lena n-úsáid in uisce óil freisin. Mar sin féin, le Rialachán (CE) Uimh. 1831/2003 ní cheadaítear ‘comhdhúile blaistithe’ a údarú lena n-úsáid in uisce óil. Dá bhrí sin, níor cheart úsáid na mbreiseán sin in uisce óil a cheadú.

(5)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 27 Meán Fómhair 2022 (3), faoi na coinníollacha úsáide atá beartaithe, go bhfuil bláthola piobair dhuibh, eastóscán forchriticiúil piobair dhuibh agus oiléaroisín piobair dhuibh ó Piper nigrum L. sábháilte don spriocspeiceas, do na tomhaltóirí agus don chomhshaol. Tháinig sé ar an tuairim freisin gur cheart bláthola piobair dhuibh, eastóscán forchriticiúil piobair dhuibh agus oiléaroisín piobair dhuibh a mheas mar ghreannaitheoirí don chraiceann agus do na súile, agus mar íogróirí deirmeacha agus riospráide. Tháinig an tÚdarás ar an gconclúid thairis sin ós rud é go bhfuil na substaintí aitheanta mar bhlastáin bhia agus ós rud é go mbeadh an fheidhm chéanna acu i mbeatha, go bunúsach, is atá acu i mbia, nach bhfuil gá le haon léiriú éifeachtúlachta breise. D’fhíoraigh sé freisin an tuarascáil ar an modh a úsáidtear chun anailís a dhéanamh ar na breiseáin bheathaithe i mbeatha arna chur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(6)

I bhfianaise an mhéid thuas, measann an Coimisiún go gcomhlíonann bláthola piobair dhuibh, oiléaroisín piobair dhuibh agus eastóscán forchriticiúil piobair dhuibh ó Piper nigrum L. na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substaintí sin a údarú. Measann an Coimisiún nach gá uasleibhéil a shocrú le haghaidh na substaintí lena mbaineann ar chúiseanna sábháilteachta. Leis an gcorrlach mór teagmhála agus leis an easpa substaintí ar údar imní iad, is féidir uaschionta molta a leagan síos. Chun rialú níos fearr a leagan síos, ba cheart an t-uaschion molta a shonrú ar lipéad na mbreiseán beathaithe. I gcás ina sárófar na cionta sin, ba cheart faisnéis áirithe a shonrú ar lipéad na réamh-mheascán lena mbaineann. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí na mbreiseán a chosc.

(7)

Ós rud é nach gá na modhnuithe ar na coinníollacha maidir le húdarú na substaintí lena mbaineann a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do pháirtithe leasmhara chun iad féin a ullmhú chun na ceanglais nua a eascraíonn as an údarú a chomhlíonadh.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,